চাণক্যানি বা কৌটিলীয়ানি নীতিসূত্রাণি – ৩য় অধ্যায়

চাণক্যানি বা কৌটিলীয়ানি নীতিসূত্রাণি – ৩য় অধ্যায়

অথ তৃতীয়োঽধ্যায়ঃ ||
বালাদপি যুক্তমর্থ শৃণুয়াৎ || ১||
সত্যমপ্যশ্রদ্ধেয়ং ন বদেৎ || ২||
নাল্পদোষাদ্বহুগুণাস্ত্যজ্যন্তে || ৩||
বিপশ্চিৎস্বপি সুলভা দোষাঃ || ৪||
নাস্তি রত্নমখণ্ডিতম্ || ৫||
মর্যাদাতীতং ন কদাচিদপি বিশ্বসেৎ || ৬||
অপ্রিয়ে কৃতে প্রিয়মপি দ্বেষ্যং ভবতি || ৭||
নমন্ত্যপি হি তুলাকোটিঃ কৃপোদকক্ষয়ং করোতি || ৮||
সতাং মতং নাতিক্রামেৎ || ৯||
গুণবদাশ্রয়ান্ নির্গুণোঽপি গুণী ভবতি || ১০||
ক্ষীরাশ্রিতং জলং ক্ষীরমিব ভবতি || ১১||
মৃৎপিণ্ডেঽপি পাটলিপুষ্পং স্বগন্ধমুৎপাদয়তি || ১২||
রজতং কনকসঙ্গাৎ কনকং ভবতি || ১৩||
উপকর্তর্যপকর্তুমিচ্ছত্যবুধঃ || ১৪||
ন পাপ কর্মণামাক্রোশভয়ম্ || ১৫||
উৎসাহবতাং শত্রবোঽপি বশীভবন্তি || ১৬||
বিক্রমধনা হি রাজানঃ || ১৭||
নাস্ত্যালস্যৈহিকমামুষ্মিকং বা || ১৮||
নিরুৎসাহাদ্দৈবং পততি || ১৯||
মৎস্যার্থীব জালমুপয়ুজ্যার্থং গৃহ্ণীয়াৎ || ২০||
অবিশ্বস্তেষু বিশ্বসো ন কর্তব্যঃ || ২১||
বিষং বিষমেব সার্বকালম্ || ২২||
অর্থসমাদানে বৈরিণাং সঙ্গ এব ন কর্তব্যঃ || ২৩||
অর্থসিদ্ধৌ বৈরিণং ন বিশ্বসেৎ || ২৪||
অর্থাধীন এব নিয়তসম্বন্ধঃ || ২৫||
শত্রোরপি সুতঃ সখা রক্ষিতব্যঃ || ২৬||
যাবচ্ছত্রোশ্চ্ছিদ্রং পশ্যতি তাবদ্ধস্তেন বা স্কন্ধেন বা সংবাহ্যঃ ছিদ্রে তু প্রহরেৎ || ২৭||
আত্মছিদ্রং ন প্রকাশয়েৎ || ২৮||
ছিদ্রপ্রহারিণঃ শত্রবোঽপি || ২৯||
হস্তগতমপি শত্রুং ন বিশ্বসেৎ. ৩০||
স্বজনস্য দুর্বৃতং নিবারয়েৎ || ৩১||
স্বজনাবমানোঽপি মনস্বিনাং দুঃখমাবহতি || ৩২||
একাঙ্গদোষঃ পুরুষমবসাদয়তি || ৩৩||
শত্রুং জয়তি সুবৃত্ততা || ৩৪||
নিকৃতিপ্রিয়া নীচাঃ || ৩৫||
নীচস্য মতির্ন দাতব্যা || ৩৬||
নীচেষু বিশ্বাসো ন কর্তব্যঃ || ৩৭||
সুপূজিতোঽপি দুর্জনঃ পীডয়ত্যেব || ৩৮||
চন্দনদীনপি দাবোঽগ্নির্দহত্যেব || ৩৯||
কদাঽপি কমপি পুরুষং নাবমন্যেত || ৪০||
ক্ষন্তব্যমিতি পুরুষং ন বাধেত || ৪১||
ভর্ত্রাঽধিকং রহস্যুক্তং বক্তুমচ্ছিন্ত্যবুধঃ || ৪২||
অনুরাগ্স্তু ফলেন (হিতেন)সূচ্যতে || ৪৩||
আজ্ঞাফলমৈশ্বর্যম্ || ৪৪||
দাতব্যমপি বালিশঃ পরিক্লেশেন দাস্যতি || ৪৫||
মহদৈশ্বর্যং প্রাপ্যাপি অধৃতিমান্ বিনশ্যতি || ৪৬||
নাস্ত্যধৃতেরৈহিকমামুষ্মিকং বা || ৪৭||
ন দুর্জনৈঃ সহ সংসর্গঃ কর্তব্যঃ || ৪৮||
শৌণ্ডহস্তগতং পয়োঽপ্যবমন্যতে জনঃ || ৪৯||
কার্যসঙ্কটেষ্বর্থব্যবসায়িনী বুদ্ধিঃ || ৫০||
মিতভোজনং স্বাস্থ্যম্ || ৫১||
পথ্যমপ্যপথ্যাজীর্ণে নাশ্নীয়াৎ || ৫২||
জীর্ণভোজিনং ব্যাধির্নোপসর্পতি || ৫৩||
জীর্ণশরীরে বর্ধমানং ব্যাধিং নোপেক্ষেত || ৫৪||
অজীর্ণে ভোজনং দুঃখম্ || ৫৫||
শত্রোরপি বিশিষ্যতে ব্যাধিঃ || ৫৬||
দানং নিধানমনুগামি || ৫৭||
পটুতরেঽপি তৃষ্ণাপরে সুলভমতিসন্ধানম্ || ৫৮||
তৃষ্ণয়া মতিশ্ছাদ্যতে || ৫৯||
কার্যবহুৎবে বহুফলমায়তিকং কুর্যাৎ || ৬০||
স্বয়মেবাবস্কন্নং কার্যং নিরীক্ষেত || ৬১||
মূর্খেষু সাহসং নিয়তম্ || ৬২||
মূর্খেষু বিবাদো ন কর্তব্যঃ || ৬৩||
মূর্খেষু মূর্খবদেব কথয়েৎ || ৬৪||
আয়সৈরায়সং ছেদ্যম্ || ৬৫||
নাস্ত্যধীমতস্সখা || ৬৬||
ইতি তৃতীয়োঽধ্যায়ঃ ||