চাণক্যানি বা কৌটিলীয়ানি নীতিসূত্রাণি – ২য় অধ্যায়

চাণক্যানি বা কৌটিলীয়ানি নীতিসূত্রাণি – ২য় অধ্যায়

অথ দ্বিতীয়োঽধ্যায়ঃ ||
অর্থমূলং সর্বকার্যং যদল্পপ্রয়ত্নাৎ কার্যসিদ্ধির্ভবতি || ১||
উপায়পূর্বং কার্যং ন দুষ্করং স্যাৎ || ২||
অনুপায়পূর্বকার্যং কৃতমপি বিনশ্যতি || ৩||
কার্যার্থিনামুপায় এব সহায়ঃ || ৪||
কার্যং পুরুষকারেণ লক্ষ্যং সম্পদ্যতে || ৫||
পুরুষকারমনুবর্ততে দৈবম্ || ৬||
দৈবং বিনাঽতিপ্রয়ত্নং যৎকরোতি তদ্বিফলম্ || ৭||
অসমাহিতস্য কার্যং ন বিদ্যতে || ৮||
পূর্বং নিশ্চিত্য পশ্চাৎকার্যমারভেত || ৯||
কার্যান্তরে দীর্ঘসূত্রতা ন কর্তব্যা || ১০||
ন চলচিত্তস্য কার্যাবাপ্তিঃ || ১১||
হস্তগতাবমাননাৎ কার্যব্যতিক্রমো ভবতি || ১২||
দোষবর্জিতানি কার্যাণি দুর্লভানি || ১৩||
দুরনিবন্ধং কার্যং ন আরভেত || ১৪||
কালবিৎ কার্যং সাধয়েৎ || ১৫||
কালাতিক্রমাৎ কাল এব ফলং পিবতি || ১৬||
ক্ষণং প্রতি কালবিক্ষেপং ন কুর্যাৎ সর্বকৃতেষু || ১৭||
দেশকালবিভাগৌ জ্ঞাৎবা কার্যমারভেত || ১৮||
দৈবহীনং কার্যং সুসাধমপি দুস্সাধং ভবতি || ১৯||
নীতিজ্ঞো দেশকালৌ পরীক্ষেত || ২০||
পরীক্ষ্যকারিণি শ্রীশ্চিরং তিষ্ঠতি || ২১||
সর্বাশ্চ সম্পদঃ সর্বোপায়েন পরিগৃহ্ণীয়াৎ || ২২||
ভাগ্যবন্তমপ্যপরীক্ষ্যকারিণং শ্রীঃ পরিত্যজতি || ২৩||
জ্ঞাৎবাঽনুমানৈশ্চ পরীক্ষা কর্তব্যা || ২৪||
যো যস্মিন্কর্মণি কুশলস্তং তস্মিন্নেব যোজয়েৎ || ২৫||
দুস্সাধমপি সুসাধং করোত্যুপায়জ্ঞঃ || ২৬||
অজ্ঞানিনা কৃতমপি ন বহুমন্তব্যং যাদৃচ্ছিকৎবাৎ || ২৭||
কৃময়োঽপো হি কদাচিৎ রূপান্তরাণি কুর্বন্তি || ২৮||
সিদ্ধস্যৈব কার্যস্য প্রকাশনং কর্তব্যম্ || ২৯||
জ্ঞানবতামপি দৈবমানুষদোষাৎ কার্যাণি দুষ্যন্তি || ৩০||
দৈবং দোষং শান্তিকর্মণা প্রতিষেধয়েৎ || ৩১||
মানুষীং কার্যবিপত্তিং কৌশলেন বিনিবারয়েৎ || ৩২||
কার্যবিপত্তৌ দোষান্ বর্ণয়ন্তি বালিশাঃ || ৩৩||
কার্যার্থিনা দাক্ষিণ্যং ন কর্তব্যম্ || ৩৪||
ক্ষীরার্থি বৎসো মাতুরূধঃ প্রতিহন্তি || ৩৫||
অপ্রয়ত্নাৎ কার্যবিপত্তির্ভবেৎ || ৩৬||
ন দৈবমাত্রপ্রমাণানাং কার্যসিদ্ধিঃ || ৩৭||
কার্যবাহ্যো ন পোষয়ত্যাশ্রিতান্ || ৩৮||
যঃ কার্যং ন পশ্যতি সোঽন্ধঃ || ৩৯||
প্রত্যক্ষপরোক্ষনুমানৈঃ কার্যাণি পরীক্ষেত || ৪০||
অপরীক্ষকারিণং শ্রীঃ পরিত্যজতি || ৪১||
পরীক্ষ্য তার্যা বিপত্তিঃ || ৪২||
স্বশক্তিং জ্ঞাৎবা কার্যমারভেত || ৪৩||
স্বজনং তর্পয়য়িৎবা যশ্শেষভোজী সোঽমৃতভোজী || ৪৪||
সম্যগনুষ্ঠানাদায়মুখানি বর্ধন্তে || ৪৫||
নাস্তি ভীরোঃ কার্যচিন্তা || ৪৬||
স্বামিনঃ শীলং জ্ঞাৎবা কার্যার্থী কার্যং সাধয়েৎ || ৪৭||
ধেনোশ্শীলজ্ঞো হি ক্ষীরং ভুঙ্ক্তে || ৪৮||
ক্ষুদ্রে গুহ্যপ্রকাশনমাত্মবান্ ন কুর্যাৎ || ৪৯||
আশ্রিতৈরপ্যবমন্যতে মৃদুস্বভাবঃ || ৫০||
তীক্ষ্ণদণ্ডঃ সর্বেষামুদ্বেজনীয়ো ভবতি || ৫১||
যথার্হদণ্ডকারী স্যাৎ || ৫২||
অল্পসারং শ্রুতবন্তমপি ন বহুমন্যতে লোকঃ || ৫৩||
অতিভারঃ পুরুষমবসাদয়তি || ৫৪||
যঃ সংসদি পরদোষং শংসতি স স্বদোষবহুৎবমেব প্রখ্যাপয়তি || ৫৫||
আত্মানমেব নাশয়ত্যনাত্মবতাং কোপঃ || ৫৬||
নাস্ত্যপ্রাপ্যং সত্যবতাম্ || ৫৭||
ন কেবলেন সাহসেন কার্যসিদ্ধির্ভবতি || ৫৮
ব্যসনার্তো বিস্মরত্যবশ্যকর্তব্যান্ || ৫৯||
নাস্ত্যনন্তরায়ঃ কালবিক্ষেপে || ৬০||
অসংশয়বিনাশাৎ সংশয়বিনাশঃ শ্রেয়া || ৬১||
কেবলং ধনানি নিক্ষেপ্তুং ন স্বার্থং ন দানং ন ধর্মঃ || ৬২||
নার্যা আগতোঽর্থঃ তদ্বিপরীতমনর্থভাবং ভজতে || ৬৩||
যো ধর্মার্থৌ ন ব্যর্থয়তি স কামঃ তদ্বিপরীতোঽনর্থসেবী || ৬৪||
ঋজুস্বভাবপ্রো জনো দুর্লভঃ || ৬৫||
অবমানেনাগতমৈশ্বর্যমবমন্যত এব সাধুঃ || ৬৬||
বহূনপি হি গুণানেকদোষো গ্রসতি || ৬৭||
মহাত্মনা পরং সাহসং ন কর্তব্যম্ || ৬৮||
কদাচিদপি চারিত্রং ন লঙ্ঘয়েৎ || ৬৯||
ক্ষুধাঽঽর্তো ন তৃণং চরতি সিংহঃ || ৭০||
প্রাণাদপি প্রত্যয়ো রক্ষিতব্যঃ || ৭১||
পিশুনো নেতা পুত্রদারৈরপি ত্যজ্যতে || ৭২||
ইতি দ্বিতীয়োঽধ্যায়ঃ ||