চাণক্যনীতি – অধ্যায় ১৫

চাণক্যনীতি – অধ্যায় ১৫

যস্য চিত্তং দ্রবীভূতং কৃপয়া সর্বজন্তুষু |
তস্য জ্ঞানেন মোক্ষেণ কিং জটাভস্মলেপনৈঃ || ১৫-০১
একমপ্যক্ষরং যস্তু গুরুঃ শিষ্যং প্রবোধয়েৎ |
পৃথিব্যাং নাস্তি তদ্দ্রব্যং যদ্দত্ত্বা সোঽনৃণী ভবেৎ || ১৫-০২
খলানাং কণ্টকানাং চ দ্বিবিধৈব প্রতিক্রিয়া |
উপানন্মুখভঙ্গো বা দূরতো বা বিসর্জনম্ || ১৫-০২
কুচৈলিনং দন্তমলোপধারিণং
বহ্বাশিনং নিষ্ঠুরভাষিণং চ |
সূর্যোদয়ে চাস্তমিতে শয়ানং
বিমুঞ্চতি শ্রীর্যদি চক্রপাণিঃ || ১৫-০৪
ত্যজন্তি মিত্রাণি ধনৈর্বিহীনং
পুত্রাশ্চ দারাশ্চ সুহৃজ্জনাশ্চ |
তমর্থবন্তং পুনরাশ্রয়ন্তি
অর্থো হি লোকে মনুষ্যস্য বন্ধুঃ || ১৫-০৫
অন্যায়োপার্জিতং দ্রব্যং দশ বর্ষাণি তিষ্ঠতি |
প্রাপ্তে চৈকাদশে বর্ষে সমূলং তদ্বিনশ্যতি || ১৫-০৬
অয়ুক্তং স্বামিনো যুক্তং যুক্তং নীচস্য দূষণম্ |
অমৃতং রাহবে মৃত্যুর্বিষং শঙ্করভূষণম্ || ১৫-০৭
তদ্ভোজনং যদ্দ্বিজভুক্তশেষং
তৎসৌহৃদং যৎক্রিয়তে পরস্মিন্ |
সা প্রাজ্ঞতা যা ন করোতি পাপং
দম্ভং বিনা যঃ ক্রিয়তে স ধর্মঃ || ১৫-০৮
মণির্লুণ্ঠতি পাদাগ্রে কাচঃ শিরসি ধার্যতে |
ক্রয়বিক্রয়বেলায়াং কাচঃ কাচো মণির্মণিঃ || ১৫-০৯
অনন্তশাস্ত্রং বহুলাশ্চ বিদ্যাঃ
স্বল্পশ্চ কালো বহুবিঘ্নতা চ |
যৎসারভূতং তদুপাসনীয়াং
হংসো যথা ক্ষীরমিবাম্বুমধ্যাৎ || ১৫-১০
দূরাগতং পথি শ্রান্তং বৃথা চ গৃহমাগতম্ |
অনর্চয়িৎবা যো ভুঙ্ক্তে স বৈ চাণ্ডাল উচ্যতে || ১৫-১১
পঠন্তি চতুরো বেদান্ধর্মশাস্ত্রাণ্যনেকশঃ |
আত্মানং নৈব জানন্তি দর্বী পাকরসং যথা || ১৫-১২
ধন্যা দ্বিজময়ী নৌকা বিপরীতা ভবার্ণবে |
তরন্ত্যধোগতাঃ সর্বে উপরিষ্ঠাঃ পতন্ত্যধঃ || ১৫-১৩
অয়মমৃতনিধানং নায়কোঽপ্যোষধীনাম্
অমৃতময়শরীরঃ কান্তিয়ুক্তোঽপি চন্দ্রঃ |
ভবতিবিগতরশ্মির্মণ্ডলং প্রাপ্য ভানোঃ
পরসদননিবিষ্টঃ কো লঘুৎবং ন যাতি || ১৫-১৪
অলিরয়ং নলিনীদলমধ্যগঃ
কমলিনীমকরন্দমদালসঃ |
বিধিবশাৎপরদেশমুপাগতঃ
কুটজপুষ্পরসং বহু মন্যতে || ১৫-১৫
পীতঃ ক্রুদ্ধেন তাতশ্চরণতলহতো বল্লভো যেন রোষা
দাবাল্যাদ্বিপ্রবর্যৈঃ স্ববদনবিবরে ধার্যতে বৈরিণী মে |
গেহং মে ছেদয়ন্তি প্রতিদিবসমুমাকান্তপূজানিমিত্তং
তস্মাৎখিন্না সদাহং দ্বিজকুলনিলয়ং নাথ যুক্তং ত্যজামি || ১৫-১৬
বন্ধনানি খলু সন্তি বহূনি
প্রেমরজ্জুকৃতবন্ধনমন্যৎ |
দারুভেদনিপুণোঽপি ষডংঘ্রি-
র্নিষ্ক্রিয়ো ভবতি পংকজকোশেঃ || ১৫-১৭
পতির্নজহাতিলীলাম্ উঅন্ত্রার্পিতোমঘুগ্তনিজহাতিচেক্ষুঃ
ক্ষীণো পিনত্যজিতশীলগুণান্কুলীনঃ || ১৫-১৮
উর্ব্যাং কোঽপি মহীধরো লঘুতরো দোর্ভ্যাং ধৃতো
লীলয়া তেন ৎবং দিবি ভূতলে চ সততং গোবর্ধনো গীয়সে |
ৎবাং ত্রৈলোক্যধরং বহামি কুচয়োরগ্রে ন তদ্গণ্যতে
কিং বা কেশব ভাষণেন বহুনা পুণ্যৈর্যশো লভ্যতে || ১৫-১৯