চাণক্যনীতি – অধ্যায় ০৮

চাণক্যনীতি – অধ্যায় ০৮

অধমা ধনমিচ্ছন্তি ধনমানৌ চ মধ্যমাঃ |
উত্তমা মানমিচ্ছন্তি মানো হি মহতাং ধনম্ || ০৮-০১
ইক্ষুরাপঃ পয়ো মূলং তাম্বূলং ফলমৌষধম্ |
ভক্ষয়িৎবাপি কর্তব্যাঃ স্নানদানাদিকাঃ ক্রিয়াঃ || ০৮-০২
দীপো ভক্ষয়তে ধ্বান্তং কজ্জলং চ প্রসূয়তে |
যদন্নং ভক্ষয়তে নিত্যং জায়তে তাদৃশী প্রজা || ০৮-০৩
বিত্তং দেহি গুণান্বিতেষু মতিমন্নান্যত্র দেহি ক্বচিৎ
প্রাপ্তং বারিনিধের্জলং ঘনমুখে মাধুর্যয়ুক্তং সদা |
জীবান্স্থাবরজংগমাংশ্চ সকলান্সংজীব্য ভূমণ্ডলং
ভূয়ঃ পশ্য তদেব কোটিগুণিতং গচ্ছন্তমম্ভোনিধিম্ || ০৮-০৪
চাণ্ডালানাং সহস্রৈশ্চ সূরিভিস্তত্ত্বদর্শিভিঃ |
একো হি যবনঃ প্রোক্তো ন নীচো যবনাৎপরঃ || ০৮-০৫
তৈলাভ্যঙ্গে চিতাধূমে মৈথুনে ক্ষৌরকর্মণি |
তাবদ্ভবতি চাণ্ডালো যাবৎস্নানং ন চাচরেৎ || ০৮-০৬
অজীর্ণে ভেষজং বারি জীর্ণে বারি বলপ্রদম্ |
ভোজনে চামৃতং বারি ভোজনান্তে বিষাপহম্ || ০৮-০৭
হতং জ্ঞানং ক্রিয়াহীনং হতশ্চাজ্ঞানতো নরঃ |
হতং নির্ণায়কং সৈন্যং স্ত্রিয়ো নষ্টা হ্যভর্তৃকাঃ || ০৮-০৮
বৃদ্ধকালে মৃতা ভার্যা বন্ধুহস্তগতং ধনম্ |
ভোজনং চ পরাধীনং তিস্রঃ পুংসাং বিডম্বনাঃ || ০৮-০৯
নাগ্নিহোত্রং বিনা বেদা ন চ দানং বিনা ক্রিয়া |
ন ভাবেন বিনা সিদ্ধিস্তস্মাদ্ভাবো হি কারণম্ || ০৮-১০
ন দেবো বিদ্যতে কাষ্ঠে ন পাষাণে ন মৃণ্ময়ে |
ভাবে হি বিদ্যতে দেবস্তস্মাদ্ভাবো হি কারণম্ || ০৮-১১
কাষ্ঠপাষাণধাতূনাং কৃৎবা ভাবেন সেবনম্ |
শ্রদ্ধয়া চ তথা সিদ্ধিস্তস্য বিষ্ণুপ্রসাদতঃ || ০৮-১২
শান্তিতুল্যং তপো নাস্তি ন সন্তোষাৎপরং সুখম্ |
অপত্যং চ কলত্রং চ সতাং সঙ্গতিরেব চ || ০৮-১৪
গুণো ভূষয়তে রূপং শীলং ভূষয়তে কুলম্ |
প্রাসাদশিখরস্থোঽপি কাকঃ কিং গরুডায়তে || ০৮-১৫
নির্গুণস্য হতং রূপং দুঃশীলস্য হতং কুলম্ |
অসিদ্ধস্য হতা বিদ্যা হ্যভোগেন হতং ধনম্ || ০৮-১৬
শুদ্ধং ভূমিগতং তোয়ং শুদ্ধা নারী পতিব্রতা |
শুচিঃ ক্ষেমকরো রাজা সন্তোষো ব্রাহ্মণঃ শুচিঃ || ০৮-১৭
অসন্তুষ্টা দ্বিজা নষ্টাঃ সন্তুষ্টাশ্চ মহীভৃতঃ |
সলজ্জা গণিকা নষ্টা নির্লজ্জাশ্চ কুলাঙ্গনা || ০৮-১৮
কিং কুলেন বিশালেন বিদ্যাহীনেন দেহিনাম্ |
দুষ্কুলং চাপি বিদুষো দেবৈরপি স পূজ্যতে || ০৮-১৯
বিদ্বান্প্রশস্যতে লোকে বিদ্বান্ সর্বত্র পূজ্যতে |
বিদ্যয়া লভতে সর্বং বিদ্যা সর্বত্র পূজ্যতে || ০৮-২০
ঋণকর্তা পিতা শত্রুর্মাতা চ ব্যভিচারিণী |
ভার্যা রূপবতী শত্রুঃ পুত্রঃ শত্রুরপণ্ডিতঃ || ০৮-২১
মাংসভক্ষ্যৈঃ সুরাপানৈর্মুখৈশ্চাক্ষরবর্জিতৈঃ |
পশুভিঃ পুরুষাকারৈর্ভারাক্রান্তা হি মেদিনী || ০৮-২২
অন্নহীনো দহেদ্রাষ্ট্রং মন্ত্রহীনশ্চ ঋৎবিজঃ |
যজমানং দানহীনো নাস্তি যজ্ঞসমো রিপুঃ || ০৮-২৩