চাণক্যনীতি – অধ্যায় ০৬

চাণক্যনীতি – অধ্যায় ০৬

শ্রুৎবা ধর্মং বিজানাতি শ্রুৎবা ত্যজতি দুর্মতিম্ |
শ্রুৎবা জ্ঞানমবাপ্নোতি শ্রুৎবা মোক্ষমবাপ্নুয়াৎ || ০৬-০১
পক্ষিণঃ কাকশ্চণ্ডালঃ পশূনাং চৈব কুক্কুরঃ |
মুনীনাং পাপশ্চণ্ডালঃ সর্বচাণ্ডালনিন্দকঃ || ০৬-০২
ভস্মনা শুদ্ধ্যতে কাস্যং তাম্রমম্লেন শুদ্ধ্যতি |
রজসা শুদ্ধ্যতে নারী নদী বেগেন শুদ্ধ্যতি || ০৬-০৩
ভ্রমন্সম্পূজ্যতে রাজা ভ্রমন্সম্পূজ্যতে দ্বিজঃ |
ভ্রমন্সম্পূজ্যতে যোগী স্ত্রী ভ্রমন্তী বিনশ্যতি || ০৬-০৪
যস্যার্থাস্তস্য মিত্রাণি যস্যার্থাস্তস্য বান্ধবাঃ |
যস্যার্থাঃ স পুমাঁল্লোকে যস্যার্থাঃ স চ পণ্ডিতঃ || ০৬-০৫
তাদৃশী জায়তে বুদ্ধির্ব্যবসায়োঽপি তাদৃশঃ |
সহায়াস্তাদৃশা এব যাদৃশী ভবিতব্যতা || ০৬-০৬
কালঃ পচতি ভূতানি কালঃ সংহরতে প্রজাঃ |
কালঃ সুপ্তেষু জাগর্তি কালো হি দুরতিক্রমঃ || ০৬-০৭
ন পশ্যতি চ জন্মান্ধঃ কামান্ধো নৈব পশ্যতি |
মদোন্মত্তা ন পশ্যন্তি অর্থী দোষং ন পশ্যতি || ০৬-০৮
স্বয়ং কর্ম করোত্যাত্মা স্বয়ং তৎফলমশ্নুতে |
স্বয়ং ভ্রমতি সংসারে স্বয়ং তস্মাদ্বিমুচ্যতে|| ০৬-০৯
রাজা রাষ্ট্রকৃতং পাপং রাজ্ঞঃ পাপং পুরোহিতঃ |
ভর্তা চ স্ত্রীকৃতং পাপং শিষ্যপাপং গুরুস্তথা || ০৬-১০
ঋণকর্তা পিতা শত্রুর্মাতা চ ব্যভিচারিণী |
ভার্যা রূপবতী শত্রুঃ পুত্রঃ শত্রুরপণ্ডিতঃ || ০৬-১১
লুব্ধমর্থেন গৃহ্ণীয়াৎ স্তব্ধমঞ্জলিকর্মণা |
মূর্খং ছন্দোঽনুবৃত্ত্যা চ যথার্থৎবেন পণ্ডিতম্ || ০৬-১২
বরং ন রাজ্যং ন কুরাজরাজ্যং
বরং ন মিত্রং ন কুমিত্রমিত্রম্ |
বরং ন শিষ্যো ন কুশিষ্যশিষ্যো
বরং ন দার ন কুদরদারঃ || ০৬-১৩
কুরাজরাজ্যেন কুতঃ প্রজাসুখং
কুমিত্রমিত্রেণ কুতোঽভিনির্বৃতিঃ |
কুদারদারৈশ্চ কুতো গৃহে রতিঃ
কুশিষ্যশিষ্যমধ্যাপয়তঃ কুতো যশঃ || ০৬-১৪
সিংহাদেকং বকাদেকং শিক্ষেচ্চৎবারি কুক্কুটাৎ |
বায়সাৎপঞ্চ শিক্ষেচ্চ ষট্শুনস্ত্রীণি গর্দভাৎ || ০৬-১৫
প্রভূতং কার্যমল্পং বা যন্নরঃ কর্তুমিচ্ছতি |
সর্বারম্ভেণ তৎকার্যং সিংহাদেকং প্রচক্ষতে || ০৬-১৬
ইন্দ্রিয়াণি চ সংযম্য রাগদ্বেষবিবর্জিতঃ |
সমদুঃখসুখঃ শান্তঃ তত্ত্বজ্ঞঃ সাধুরুচ্যতে || ০৬-১৭
প্রত্যুত্থানং চ যুদ্ধং চ সংবিভাগং চ বন্ধুষু |
স্বয়মাক্রম্য ভুক্তং চ শিক্ষেচ্চৎবারি কুক্কুটাৎ || ০৬-১৮
গূঢমৈথুনচারিৎবং কালে কালে চ সঙ্গ্রহম্ |
অপ্রমত্তমবিশ্বাসং পঞ্চ শিক্ষেচ্চ বায়সাৎ || ০৬-১৯
বহ্বাশী স্বল্পসন্তুষ্টঃ সনিদ্রো লঘুচেতনঃ |
স্বামিভক্তশ্চ শূরশ্চ ষডেতে শ্বানতো গুণাঃ || ০৬-২০
সুশ্রান্তোঽপি বহেদ্ভারং শীতোষ্ণং ন চ পশ্যতি |
সন্তুষ্টশ্চরতে নিত্যং ত্রীণি শিক্ষেচ্চ গর্দভাৎ || ০৬-২১
য এতান্বিংশতিগুণানাচরিষ্যতি মানবঃ |
কার্যাবস্থাসু সর্বাসু অজেয়ঃ স ভবিষ্যতি || ০৬-২২