নাট্যশাস্ত্রম্ অধ্যায় ২০ বৃত্তিবিকল্পনং

.. নাট্যশাস্ত্রম্ অধ্যায় ২০ বৃত্তিবিকল্পনং..
.. শ্রীরস্তু ..
ভরতমুনিপ্রণীতং নাট্যশাস্ত্রম্
অথ বিংশোঽধ্যায়ঃ .
সমুত্থানং তু বৃত্তীনাং ব্যাখ্যাম্যনুপূর্বশঃ .
যথা বস্তূদ্ভবং চৈব কাব্যানাং চ বিকল্পনম্ .. ১..
একার্ণবং জগৎ কৃৎবা ভগবানচ্যুতো যদা .
শেতে স্ম নাগপর্যঙ্কে লোকান্ সংক্ষিপ্য মায়য়া .. ২..
অথ বীর্যবলোন্মতাবসুরৌ মধুকৈঅটভৌ .
তর্জয়ামাসতুর্দেবং তরসা যুদ্ধকাঙ্ক্ষয়া .. ৩..
নিজবাহূ বিমৃদনন্তৌ ভূতভাবনমক্ষয়ম্ .
জানুভির্মুষ্টিভিশ্চৈব যোধয়ামাসতুঃ প্রভুম্ .. ৪..
বহুভিঃ পরুষৈর্বাক্যৈরন্যোন্যসমভিদ্রবম্ .
নানাধিক্ষেপবচনৈঃ কম্পয়ন্তাবিবোদধিম্ .. ৫..
তয়োর্নানাপ্রকারাণি বচাংসি বদতোস্তদা .
শ্রুৎবা ৎবভিহতমনা দ্রুহিণো বাক্যমব্রবীৎ .. ৬..
কিমিদং ভরতীবৃত্তির্বাগ্ভিরেব প্রবর্ততে .
উত্তরোত্তরসংবদ্ধা নন্বিমৌ নিধনং নয়ঃ .. ৭..
পিতামহবচঃ শ্রুৎবা প্রোবাচ মধুসূদনঃ .
কার্যহেতোর্ময়া ব্রহ্মন্ ভারতীয়ং বিনির্মিতা .. ৮..
বদতাং বাক্যভূয়িষ্ঠা ভারতীয়ং ভবিষ্যতি .
তস্মাদেতৌ নিহন্ম্যদ্যেত্যুবাচ বচনং হরিঃ .. ৯..
শুদ্ধৈরবিকৃতৈরঙ্গৈঃ সাঙ্গহারৈস্তথা ভৃশম্ .
যোধয়ামাসতুর্দৈত্যৌ যুদ্ধমার্গবিশারদৌ .. ১০..
ভূমিসংযোগসংস্থানৈঃ পদন্যাসৈর্হরেস্তদা .
অতিভারোঽভবদ্ ভূমের্ভারতী তত্র নির্মিতা .. ১১..
বল্গিতৈঃ শার্ঙ্গধনুষস্তীব্রৈর্দীপ্ততথৈরথ .
সৎবাধিকৈরসংভ্রান্তৈঃ সাত্ত্বতী তত্র নির্মিতা .. ১২..
বিচিত্রৈরঙ্গহারৈস্তু দেবো লীলাসমন্বিতৈঃ .
ববন্ধ যচ্ছিখাপাশং কৈশিকী তত্র নির্মিতা .. ১৩..
সংরম্ভাবেগবহুলৈর্নানাচারী সমুত্থিতৈঃ .
নিয়ুদ্ধকরণৈশ্চিত্রৈরুৎপন্নারভটী ততঃ .. ১৪..
যাং যাং দেবঃ সমাচষ্টে ক্রিয়াং বৃত্তিষু সংস্থিতাম্ .
তাং তদর্থানুগৈর্জপ্যেঐর্দ্রুহিণঃ প্রত্যপূজয়ৎ ..১৫..
যদা হতৌ তাবসুরৌ হরিণা মধুকৈটভৌ .
ততোঽব্রবীৎ পদ্ময়োনির্নারায়ণমরিন্দমম্ .. ১৬..
অহো বিচিত্রৈর্বিষমৈঃ স্ফুটৈঃ সললিতৈরপি .
অঙ্গহারৈঃ কৃতং দেব ৎবয়া দানবনাশনম্ .. ১৭..
তস্মাদয়ং হি লোকস্য নিয়ুদ্ধসময়ক্রমঃ .
সর্বশস্ত্রবিমোক্ষেষু ন্যায়সংজ্ঞো ভবিষ্যতি .. ১৮..
ন্যায়াশ্রিতৈরঙ্গহারৈর্ন্যায়াচ্চৈব সমুত্থিতৈঃ .
যস্মাদ্যুদ্ধানি বর্তন্তে তস্মান্যায়াঃ প্রকীর্তিতাঃ .. ১৯..
[চারীষু চ সমুৎপন্নো নানাচারীসমাশ্রয়ঃ .
ন্যায়সংজ্ঞঃ কৃতো হ্যেষ দ্রুহিণেন মহাত্মনা.. ২০..
ততো বেদেষু নিক্ষিপ্তা দ্রুহিণেন মহাত্মনা .
পুনরিষ্বস্ত্রজাতে চ নানাচারীসমাকুলে .. ২১..
পুনর্নাট্যপ্রয়োগেষু নানাভাবসম্ন্বিতাঃ .
বৃত্তিসংজ্ঞাঃ কৃতা হ্যেতাঃ কাব্যবন্ধসমাশ্রয়াঃ].. ২২..
চরিতৈর্যস্য দেবস্য জপ্যং যদ্যাদৃশং কৃতম্ .
ঋষিভিস্তাদৃশী বৃত্তিঅঃ কৃতা পাঠ্যাদিসংযুতা .. ২৩..
নাট্যবেদসমুৎপনা বাগঙ্গাভিনয়াত্মিকা .
ময়া কাব্যক্রিঅয়াহেতোঃ প্রক্ষিপ্তা দ্রুহিণাজ্ঞয়া .. ২৪..
ঋগ্বেদাদ্ভারতী ক্ষিপ্তা যজুর্বেদাচ্চ সাত্ত্বতী .
কৈশিকী সামবেদাচ্চ শেষা চাথর্বণাদপি .. ২৫..
যা বাক্প্রধানা পুরুষপ্রয়োজ্যা
স্ত্রীবর্জিতা সংকৃতপাঠ্যয়ুক্তা .
স্বনামধেয়ৈর্ভরতৈঃ প্রয়ুক্তা
সা ভারতী নাম ভবেত্তু বৃত্তিঃ .. ২৬..
ভেদাস্তস্যাস্তু বিজ্ঞেয়াশ্চৎবারোঽঙ্গৎবমাগতাঃ .
প্ররোচনামুখং চৈব বীথী প্রহসনং তথা .. ২৭..
জয়াভ্যুদয়িনী চৈব মঙ্গল্যা বিজয়াবহা .
সর্বপাপপ্রশমনী পূর্বরঙ্গে প্ররোচনা .. ২৮..
[উপক্ষেপেণ কাব্যস্য হেতুয়ুক্তিসমাশ্রয়া .
সিদ্ধেনামন্ত্রণা যা তু বিজ্ঞেয়া সা প্ররোচনা].. ২৯..
নটী বিদূষকো বাপি পারিপার্শ্বিক এব বা .
সূত্রধারেণ সহিতাঃ সংলাপং যত্তু কুর্বতে .. ৩০..
চিত্রৈর্বাক্যৈঃ স্বকার্যারোত্থৈর্বীত্থ্যঙ্গেরন্যথাপি বা .
আমুখং তত্তু বিজ্ঞেয়ং বুধৈঃ প্রস্তাবনাপি বা .. ৩১..
[লক্ষণং পূর্বমুক্তং তু বীত্থ্যাঃ প্রহসনস্য চ .
আমুখাঙ্গান্যতো বক্ষ্যে যথাবদনুপূর্বশঃ].. ৩২..
উদ্ধাত্যকঃ কথোদ্ধাতঃ প্রয়োগাতিশয়স্তথা .
প্রবৃত্তকাবলগিতে পঞ্চাঙ্গান্যামুখস্য তু .. ৩৩..
উদ্ধাত্যকাবলগিতলক্ষণং কথিতং ময়া .
শেষাণাং লক্ষণং বিপ্রা ব্যাখ্যাস্যাম্যানুপূর্বশঃ .. ৩৪..
সুত্রধারস্য বাক্যং বা যত্র বাক্যার্থমেব বা .
গৃহীতাং প্রবিশেৎপাত্রং কথোদ্ধাতঃ স কীর্তিতঃ .. ৩৫..
প্রয়োগে তু প্রয়োগং তু সূত্রধারঃ প্রয়োজয়েৎ .
ততশ্চ প্রবিশেৎপাত্রং প্রয়োগাতিশয়ো হি সঃ .. ৩৬..
কালপ্রবৃত্তিমাশ্রিত্য বর্ণনা যা প্রয়ুজ্যতে .
তদাশ্রয়াচ্চ পাত্রস্য প্রবেশস্তৎপ্রবৃত্তকম্ .. ৩৭..
এষামন্যতমং শ্লিষ্টং যোজয়িৎবার্থয়ুক্তিভিঃ .
[তস্মাদঙ্গদ্বয়স্যাপি সম্ভবো ন নিবার্যতে .. ৩৮..
পাত্রগ্রন্থৈরসংবাধ প্রকুর্যাদামুখং ততঃ .
এবমেতদ্বুধৈর্জ্ঞেয়মামুখং বিবিধাশ্রয়ম্ .. ৩৯..
লক্ষণং পূর্বমুক্তং তু বীথ্যাঃ প্রহসনস্য চ .
[ইত্যষ্টার্ধবিকল্পা বৃত্তিরিয়ং ভারতী ময়াভিহিতা .
সাত্ত্বত্যাস্তু বিধানং লক্ষণয়ুক্ত্যা প্রবক্ষ্যামি ].. ৪০..
যা সাত্ত্বতেনেহ গুণেন যুক্তা ন্যায়েন বৃত্তেন সমন্বিতা চ .
হর্ষোৎকটা সংহৃতশোকভাবা সা সাত্ত্বতী নাম ভবেত্তু বৃত্তিঃ
.. ৪১..
বাগঙ্গাভিনয়বতী সত্ত্বোত্থানবচনপ্রকরণেষু .
সত্ত্বাধিকারয়ুক্তা বিজ্ঞেয়া সাত্ত্বতী বৃত্তিঃ .. ৪২..
বীরাদ্ভুতরৌদ্ররসা নিরস্তশৃঙ্গারকরুণনির্বেদা .
উদ্ধতপুরুষপ্রায়া পরস্পরাধর্ষণকৃতা চ .. ৪৩..
উত্থাপকশ্চ পরিবর্তকশ্চ সল্লাপকশ্চ সংঘাত্যঃ .
চৎবারোঽস্যা ভেদা বিজ্ঞেয়া নাট্যকোবিদৈঅঃ .. ৪৪..
অহমপ্যুত্থাস্যামি ৎবং তাবদ্দর্শয়াত্মনঃ শক্তিম্ .
ইতি সংঘর্ষসমুত্থস্তজ্জ্ঞৈরুত্থাপকো জ্ঞেয়ঃ .. ৪৫..
উত্থানসমারব্ধানর্থানুৎসৃজ্য যোঽর্থয়োগবশাৎ .
অন্যানর্থান্ ভজতে স চাপি পরিবর্তকো জ্ঞেয়ঃ .. ৪৬..
[নির্দিষ্টবস্তুবিষয়ঃ প্রপঞ্চবদ্ধস্ত্রিহাস্যসংযুক্তঃ .
সংঘর্ষবিশেষকৃতস্ত্রিবিধঃ পরিবর্তকো জ্ঞেয়ঃ].. ৪৭..
সাধর্ষজো নিরাধর্ষজোঽপি বা রাগবচসংযুক্তঃ .
সাধিক্ষেপালাপো জ্ঞেয়ঃ সল্লাপকঃ সোঽপি .. ৪৮..
[ধর্মাধর্মসমুত্থং যত্র ভবেদ্রাগদোষসংযুক্তম্ .
সাধিক্ষেপং চ বচো জ্ঞেয়ঃ সংলাপকো নাম].. ৪৯..
মন্ত্রর্থবাক্যশক্ত্যা দৈববশাদাত্মদোষয়োগাদ্বা .
সংঘাতভেদজননস্তজ্জ্ঞৈঃ সংঘাত্যকো জ্ঞেয়ঃ .. ৫০..
[বহুকপটসংশ্রয়াণাং পরোপঘাতাশয়প্রয়ুক্তানাম্ .
কূটানাং সংঘাতো বিজ্ঞেয়ঃ কূটসংঘাত্যঃ ].. ৫১..
ইত্যষ্টার্ধবিকল্পা বৃত্তিরিয়ং সাত্ত্বতী ময়াভিহিতা .
কৈশিক্যাস্ত্বথ লক্ষণমতঃপরং সংপ্রবক্ষ্যামি .. ৫২..
যা শ্লক্ষ্ণনৈপথ্যবিশেষচিত্রা স্ত্রীসংযুতা যা বহুনৃত্তগীতা .
কামোপভোগপ্রভবোপচারা তাং কৈশিকীং বৃত্তিমুদাহরন্তি .. ৫৩..
[বহুবদ্যনৃত্তগীতা শৃঙ্গারাভিনয়চিত্রনৈপথ্যা .
মাল্যালঙ্কারয়ুক্তা প্রশস্তবেষা চ কান্তা চ .. ৫৪..
চিত্রপদবাক্যবন্ধৈরলঙ্কৃতা হসিতরুদিতরোষাদৈঃ .
স্ত্রীপুরুষকাময়ুক্তা বিজ্ঞেয়া কৈশিকীবৃত্তিঃ].. ৫৫..
নর্ম চ নর্মস্ফুঞ্জো নর্মস্ফোটোঽথ নর্মগর্ভশ্চ .
কৈশিক্যাশ্চৎবারো ভেদা হ্যেতে সমাখ্যাতাঃ .. ৫৬..
আস্থাপিতশৃঙ্গারং বিশুদ্ধকরণং নিবৃত্তবীররসম্ .
হাস্যপ্রবচনবহুলং নর্ম ত্রিবিধং বিজানীয়াৎ .. ৫৭..
ঈর্ষ্যাক্রোধপ্রায়ং সোপালম্ভকরণানুবিদ্ধং চ .
আত্মোপক্ষেপকৃতং সবিপ্রলম্ভং স্মৃতং নর্ম .. ৫৮..
নবসঙ্গমসম্ভোগো রতিসমুদয়বেষবাক্যসংযুক্তঃ .
জ্ঞেয়ো নর্মস্ফুঞ্জো হ্যবসানভয়াত্মকশ্চৈব .. ৫৯..
বিবিধানাং ভবানাং লবৈর্লবৈর্ভূষিতো বহুবিশেষৈঃ .
অসমগ্রাক্ষিপ্তরসো নর্মস্ফোটস্তু বিজ্ঞেয়ঃ .. ৬০..
বিজ্ঞানরূপশোভা ধনাদিভির্নায়কো গণৈর্যত্র .
প্রচ্ছনাং ব্যবহর্তে কর্যবষান্নর্মগর্ভোঽসৌ .. ৬১..
[পূর্বস্থিতৌ বিপদ্যেত নায়কো যত্র চাপরস্তিষ্ঠেৎ .
তমপীহ নর্মগর্ভং বিদ্যান্নাট্যপ্রয়োগেষু ].. ৬২..
ইত্যষ্টার্শবিকল্পা বৃত্তিরিয়ং কৈশিকী ময়াভিহিতা .
অত ঊর্ধ্বমুদ্ধতরসামরভটিং সম্প্রবক্ষ্য্যমি .. ৬৩..
আরভটপ্রায়গুণা তথৈব বহুকপটবঞ্চনোপেতা .
দম্ভানৃতবচনবতী ৎবারভটী নাম বিজ্ঞেয়া .. ৬৪..
[আবপাতাপ্লুলঙ্গিতানি চ্ছেদ্যানি মায়াকৃতমিন্দ্রজালম্ .
চিত্রাণী যুদ্ধানি চ যত্র নিত্যং তাং তাদৃশীমারভটীং বদন্তি
.. ৬৫..
শাড্গুণ্যসমার্ব্ধা হঠাতিসন্ধানবিদ্রবোপেতা .
লাভালাভার্থকৃতা বিজ্ঞেয়া বৃত্তিরারভটী .. ৬৬..
সংক্ষিপ্তকাবপতৌ বস্তূত্থাপনমথাপি সংফেটঃ .
এতে হ্যস্যা ভেদা লক্ষণমেষং প্রবক্ষ্যামি .. ৬৭..
অন্বর্থশিল্পয়ুক্তো বহুপুস্তোত্থানচিত্রনেপথ্যঃ .
সংক্ষিপ্তবস্তু বিষয়ো জ্ঞেয়ঃ সংক্ষিপ্তকও নাম .. ৬৮..
ভয়হর্ষসমুত্থানং বিদ্রববিনিপাতসম্ভ্রমাচরণম্ .
ক্ষিপ্রপ্রবেশনির্গমমবপাতমিমং বিজানীয়াৎ .. ৬৯..
সর্বরসসমাসকৃতং সবিদ্রব্ব্বিদ্রবাশ্রয়ং ব্বপি .
নাট্যং বিভাব্যতে যত্তদ্বস্তূত্থাপনং জ্ঞেয়ম্ .. ৭০..
সংরম্ভসংপ্রয়ুক্তো বহুয়ুদ্ধকপটনির্ভেদঃ .
শস্ত্রপ্রহরবহুলঃ সম্ফেটো নাম বিজ্ঞেয়ঃ .. ৭১..
এবমেতা বুধৈর্জ্ঞেয়া বৃত্তয়ো নাট্যসংশ্রয়া .
রসপ্রয়োগমাসাং চ কীর্ত্যমানং নিবোধত .. ৭২..
হাস্যশৃঙ্গরবহুলা কৈশিকী পরিচক্ষিতা .
সত্ত্বতী চাপি বিজ্ঞেয়া বীরাদ্ভুতশমাশ্রয়াঃ .. ৭৩..
রৌদ্রে ভয়ানকে চৈব বিজ্ঞেয়ারভটী বুধৈঃ .
বীভৎসে করুণে চৈব ভারতী সংপ্রকীর্তিতা .. ৭৪..
[ন হ্যেকরসজং কব্যং কিঞ্চিদস্তি প্রয়োগতঃ .
ভাবো বাপি রসো বাপি প্রবৃত্তির্বৃত্তিরেব বা .. ৭৫..
সর্বেষাং সমবেতানাং যস্য রূপং ভবেদ্বহু .
স মন্তব্যো রস স্থায়ি শেষাঃ সঞ্চারিণঃ স্মৃতাঃ].. ৭৬..
বৃত্যন্ত এশোঽভিনয়ো ময়োক্তো বাগঙ্গসত্ত্বপ্রভবো যথাবদ্ .
আহার্যমেবাভিনয়ং প্রয়োগে বক্ষ্যামি নেপথ্যকৃতং তু ভূয়ঃ .. ৭৭..

ইতি ভারতীয়ে নাট্যশাস্ত্রে বৃত্তিবিকল্পনং নাম বিংশোঽধ্যায়ঃ