নাট্যশাস্ত্রম্ অধ্যায় ০৩

.. নাট্যশাস্ত্রম্ অধ্যায় ৩ ..
.. শ্রীরস্তু ..
ভরতমুনিপ্রণীতং নাট্যশাস্ত্রম্

অথ তৃতীয়োধ্যায়ঃ .
সর্বলক্ষণসংপন্নে কৃতে নাট্যগৃহে শুভে .
গাবো বসেয়ুঃ সপ্তাহং সহ জপ্যপরৈর্দ্বিজৈঃ .. ১..
ততোঽধিবাসয়েদ্বেশ্ম রঙ্গপীঠং তথৈব চ .
মন্ত্রপূতেন তোয়েন প্রোক্ষিতাঙ্গো নিশাগমে .. ২..
যথাস্থানান্তরগতো দীক্ষিতঃ প্রয়তঃ শুচিঃ .
ত্রিরাত্রোপোষিতো ভূৎবা নাট্যাচার্যোঽহতাম্বরঃ .. ৩..
নমস্কৃত্য মহাদেবং সর্বলোকোদ্ভবং ভবম্ .
জগৎপিতামহং চৈব বিষ্ণুমিন্দ্রং গুহং তথা .. ৪..
সরস্বতীং চ লক্ষ্মীং চ সিদ্ধিং মেধাং ধৃতিং স্মৃতিম্ .
সোমং সূর্যং চ মরুতো লোকপালাংস্তথাশ্বিনৌ .. ৫..
মিত্রমগ্নিং সুরান্বর্ণান্ রুদ্রান্কালং কলিং তথা .
মৃত্যুং চ নিয়তিং চৈব কালদণ্ডং তথৈব চ .. ৬..
বিষ্ণুপ্রহরণং চৈব নাগরাজং চ বাসুকিম্ .
বজ্রং বিদ্যুৎসমুদ্রাংশ্চ গন্ধর্বাপ্সরসো মুনীন্ .. ৭..
ভূতান্ পিশাচান্ যক্ষাংশ্চ গুহ্যকাংশ্চ মহেশ্বরান্ .
অসুরান্নাট্যবিঘ্নাংশ্চ তথাঽন্যান্দৈত্যরাক্ষসান্ .. ৮..
তথা নাট্যকুমারীশ্চ মহাগ্রামণ্যমেব চ .
যক্ষাংশ্চ গুহ্যকাংশ্চৈব ভূতসঙ্ঘাস্তথৈব চ .. ৯..
এতাংশ্চান্যাংশ্চ দেবর্ষীন্প্রণম্য রচিতাঞ্জলিঃ .
যথাস্থানান্তরগতান্সমাবাহ্য ততো বদেৎ .. ১০..
ভবদ্ভির্নো নিশায়াং তু কর্তব্যঃ সম্পরিগ্রহঃ .
সাহায়্যং চৈব দাতব্যমস্মিন্নাট্যে সহানুগৈঃ .. ১১..
সম্পূজ্য সর্বানেকত্র কুতপং সম্প্রয়ুজ্য চ .
জর্জরায় প্রয়ুঞ্জীত পূজাং নাট্যপ্রসিদ্ধয়ে .. ১২..
ৎবং মহেন্দ্রপ্রহরণং সর্বদানবসূদনম্ .
নির্মিতস্সর্বদেবৈশ্চ সর্ববিঘ্ননিবর্হণ .. ১৩..
নৃপস্য বিজয়ং শংস রিপূণাং চ পরাজয়ম্ .
গোব্রাহ্মণশিবং চৈব নাট্যস্য চ বিবর্ধনম্ .. ১৪..
এবং কৃৎবা যথান্যায়মুপাস্যং নাট্যমণ্ডপে .
নিশায়াং তু প্রভাতায়াং পূজনং প্রক্রমেদিহ .. ১৫..
আর্দ্রায়াং বা মঘায়াং বা যাম্যে পূর্বেষু বা ত্রিষু .
আশ্লেষামূলয়োর্বাপি কর্তব্যং রঙ্গপূজনম্ .. ১৬..
আচার্যেণ তু যুক্তেন শুচিনা দীক্ষিতেন চ .
রঙ্গস্যোদ্যোতনং কার্যং দেবতানাং চ পূজনম্ .. ১৭..
দিনান্তে দারুণে ঘোরে মুহূর্তে যমদৈবতে .
আচম্য তু যথান্যায়ং দেবতা বৈ নিবেশয়ৎ .. ১৮..
রক্তাঃ প্রতিসরাঃ সূত্রং রক্তগন্ধাশ্চ পূজিতাঃ .
রক্তাঃ সুমনসশ্চৈব যচ্চ রক্তং ফলং ভবেৎ .. ১৯..
যবৈস্সিদ্ধার্থকৈর্লাজৈরক্ষতৈঃ শালিতণ্ডুলৈঃ .
নাগপুষ্পস্য চূর্ণেন বিতুষাভিঃ প্রিয়ঙ্গুভিঃ .. ২০..
এতৈর্দ্রব্যৈর্যুতং কুর্যাদ্দেবতানাং নিবেশনম্ .
আলিখেন্মণ্ডলং পূর্বং যথাস্থানং যথাবিধিঃ .. ২১..
সমন্তস্তশ্চ কর্তব্যং হস্তা ষোডশ মণ্ডলম্ .
দ্বারাণি চাত্র কুর্বীত বিধানেন চতুর্দিশম্ .. ২২..
মধ্যে চৈবাত্র কর্তব্যে দ্বে রেখে তির্যগূর্ধ্বগে .
তয়োঃ কক্ষ্যাবিভাগেন দৈবতানি নিবেশয়ৎ .. ২৩..
পদ্মোপবিষ্টং ব্রহ্মাণং তস্য মধ্যে নিবেশয়েৎ .
আদৌ নিবেশ্যো ভগবান্সার্ধং ভূতগণৈঃ শিবঃ .. ২৪..
নারায়ণো মহেন্দ্রশ্চ স্কন্দঃ সূর্যোঽশ্বিনৌ শশী .
সরস্বতী চ লক্ষ্মীশ্চ শ্রদ্ধা মেধা চ পূর্বতঃ .. ২৫..
পূর্বদক্ষিণতো বহ্নির্নিবেশ্যঃ স্বাহয়া সহ .
বিশ্বেদেবাঃ সগন্ধর্বা রুদ্রাঃ সর্পগণাস্তথা .. ২৬..
দক্ষিণেন নিবেশ্যস্তু যমো মিত্রশ্চ সানুগঃ .
পিৎৠন্পিশাচানুরগান্ গুহ্যকাংশ্চ নিবেশয়ৎ .. ২৭..
নৈৠত্যাং রাক্ষসাংশ্চৈব ভূতানি চ নিবেশয়ৎ .
পশ্চিমায়াং সমুদ্রাংশ্চ বরুণং যাদসাং পতিম্ .. ২৮..
বায়ব্যায়াং দিশি তথা সপ্ত বায়ূন্নিবেশয়েৎ .
তত্রৈব বিনিবেশ্যস্তু গরুডঃ পক্ষিভিঃ সহ .. ২৯..
উত্তরস্যাং দিশি তথা ধনদং সংনিবিএশয়েৎ .
নাট্যস্য মাৎৠশ্চ তথা যক্ষানথ সগুহ্যকান্ .. ৩০..
তথৈবোত্তরপূর্বায়াং নন্দ্যাদ্যাংশ্চ গণেশ্বরান্ .
ব্রহ্মর্ষিভূতসংঘাংশ্চ যথাভাগং নিবেশয়ৎ .. ৩১..
স্তম্ভে সনৎকুমারং তু দক্ষিণে দক্ষমেব চ .
গ্রামণ্যমুত্তরে স্তম্ভে পূজার্থং সংনিবিশয়েৎ .. ৩২..
অনেনৈঅব বিধানেন যথাস্থানং যথাবিধি .
সুপ্রসাদানি সর্বাণি দৈবতানি নিবেশয়ৎ .. ৩৩..
স্থানে স্থানে যথান্যায়ং বিনিবেশ্য তু দেবতাঃ .
তাসাং প্রকুর্বীত ততঃ পূজনং তু যথার্হতঃ .. ৩৪..
দেবতাভ্যস্তু দাতব্যং সিতমাল্যানুলেপনম্ .
গন্ধর্ববহ্নিসূর্যোভ্যো রক্তমাল্যানুলেপনম্ .. ৩৫..
গন্ধং মাল্যং চ ধূপং চ যথাবদনুপূর্বশঃ .
দৎবা ততঃ প্রকুর্বীত বলিং পূজাং যথাবিধিঃ .. ৩৬..
ব্রহ্মাণং মদুকর্পেণ পায়সেন সরস্বতীম্ .
শিববিষ্ণুমহেন্দ্রাদ্যাঃ সম্পূজ্যা মোদকৈরথ .. ৩৭..
ঘৃতৌদনেন হুতভুক্সোমর্কৌ তু গুডৌদনৈঃ .
বিশ্বেদেবাঃ সগন্ধর্বা মুনয়ো মধুপায়সৈঃ .. ৩৮..
যমমিত্রৌ চ সম্পূজ্যাবপূপৈর্মোদকৈস্তথা .
পিৎৠন্পিশাচানুরগান্ সর্পিঃক্ষীরেণ তর্পয়েৎ .. ৩৯..
পক্বানেন তু মাংসেন সুরাসীথুফলাসবৈঃ .
অর্চয়েদ্ভূতসংঘাংশ্চ চণকৈঃ পললাপ্লুতৈঃ .. ৪০..
অনেনৈব বিধানেন সম্পূজ্যা মত্তবারণী .
পক্বামেন তু মাংসেন সম্পূজ্যা রক্ষসাং গণাঃ .. ৪১..
সুরামাংসপ্রদানেঅন দানবান্প্রতিপূজয়েৎ .
শেষান্দেবগণাংস্তজ্জ্ঞঃ সাপূপোৎকারিকৌদনৈঃ .. ৪২..
মৎস্যৈশ্চ পিষ্টভক্ষ্যৈশ্চ সাগরান্সরিতস্তথা .
সম্পূজ্য বরুণং চাপি দাতব্যং ঘৃতপায়সম্ .. ৪৩..
নানাফূলফলশ্চাপি মুনীন্সম্প্রতিপূজয়েৎ .
বায়ূংশ্চ পক্ষিণশ্চৈব বিচিত্রৈর্ভক্ষ্যভোজনৈঃ .. ৪৪..
মাৎৠর্নাট্যস্য সর্বাস্তা ধনদং চ সহানুগৈঃ .
অপূপৈর্লাজিকামিশ্রৈর্ভক্ষ্যভোজ্যৈশ্চ পূজয়েৎ .. ৪৫..
এবমেষাং বলিঃ কার্যো নানাভোজনসংশ্রয়ঃ .
পুনর্মন্ত্রবিধানেন বলিকর্ম চ বক্ষ্যতে .. ৪৬..
দেবদেব মহাভাগ সর্বলোকপিতামহ .
মন্ত্রপূতমিমং সর্বং প্রতিগৃহ্ণীষ্ব মে বলিম্ .. ৪৭..
দেবদেব মহাভাগ গণেশ ত্রিপুরান্তক .
প্রগৃহ্যতাং বলির্দেব মন্ত্রপূতো ময়োদ্যতঃ .. ৪৮..
নারায়ণামিতগতে পদ্মনাভ সুরোত্তম .
প্রগৃহ্যতাং বলির্দেব মন্ত্রপূতো ময়ার্পিতঃ .. ৪৯..
পুরন্দরামরপতে বজ্রপাণে শতক্রতো .
প্রগৃহ্যতাং বলির্দেব বিধিমন্ত্রপুরস্কৃতঃ .. ৫০..
দেবসেনাপতে স্কন্দ ভগবন্ শঙ্করপ্রিয় .
বলিঃ প্রীতেন মনসা ষণ্মুখ প্রতিগৃহ্যতাম্ .. ৫১..
( মহাদেব মহায়োগিন্দেবদেব সুরোত্তম .
সংপ্রগৃহ্য বলিং দেব রক্ষ বিঘ্নাৎসদোত্থিতাৎ .. )
দেবি দেবমহাভাগে সরস্বতি হরিপ্রিয়ে .
প্রগৃহ্যতাং বলির্মাতর্ময়া ভক্ত্যা সমর্পিতঃ .. ৫২..
নানানিমিত্তসম্ভূতাঃ পৌলস্ত্যাঃ সর্ব এব তু
রাক্ষসেন্দ্রা মহাসৎবাঃ প্রতিগৃহ্ণীত মে বলিম্ .. ৫৩..
লক্ষ্মীঃ সিদ্ধির্মতির্মেধা সর্বলোকনমস্কৃতাঃ .
মন্ত্রপূতমিমং দেব্যঃ প্রতিগৃহ্ণন্তু মে বলিম্ .. ৫৪..
সর্বভূতানুভাবজ্ঞ লোকজীবন মারুত .
প্রগৃহ্যতাং বলির্দেব মন্ত্রপূতো ময়োদ্যতঃ .. ৫৫..
দেববক্ত্র সুরশ্রেষ্ঠ ধূমকেতো হুতাশন .
ভক্ত্যা সমুদ্যতো দেব বলিঃ সম্প্রতি গৃহ্যতাম্ .. ৫৬..
সর্বগ্রহাণাং প্রবর তেজোরাশে দিবাকর .
ভক্ত্যা ময়োদ্যতো দেব বলিঃ সম্প্রতি গৃহ্যতাম্ .. ৫৭..
সর্বগ্রহপতে সোম দ্বিজরাজ জগৎপ্রিয় .
প্রগৃহ্যতামেষ বলির্মন্ত্রপূতো ময়োদ্যতঃ .. ৫৮..
মহাগণেশ্বরাঃ সর্বে নন্দীশ্বরপুরোগমাঃ .
প্রগৃতাং বলির্ভক্ত্যা ময়া সম্প্রতি চোদিতঃ .. ৫৯..
নমঃ পিতৃভ্যঃ সর্বেভ্যঃ প্রতিগৃহ্ণন্ত্বিমং বলিম্ .
( ভূতেভ্যশ্চ নমো নিত্যং যেষামেষ বলিঃ প্রিয়ঃ .)
কামপাল নমো নিত্যং যস্যায়ং তে বিধিঃ কৃতঃ .. ৬০..
নারদস্তুম্বরুশ্চৈব বিশ্বাবসুপুরোগমাঃ .
পরিগৃহ্ণন্তু মে সর্বে গন্ধর্বা বলিমুদ্যতম্ .. ৬১..
যমো মিত্রশ্চ ভগবানীশ্বরৌ লোকপূজিতৌ .
ইমং মে প্রতিগৃহ্ণীতাং বলিঃ মন্ত্রপুরস্কৃতম্ .. ৬২..
রসাতলগতেভ্যশ্চ পন্নগেভ্যো নমো নমঃ .
দিশন্তু সিদ্ধিং নাট্যস্য পূজিতাঃ পাপনাশনাঃ .. ৬৩..
সর্বাম্ভসাং পতির্দেবো বরুণো হংসবাহনঃ .
পূজিতঃ প্রীতমানস্তু সসমুদ্রনদীনদঃ .. ৬৪..
বৈনতেয় মহাসৎব সর্বপক্ষিপতে বিভো .
প্রগৃহ্যতাং বলির্দেব মন্ত্রপূতো ময়োদ্যতঃ .. ৬৫..
ধনাধ্যক্ষো যক্ষপতির্লোকপালো ধনেশ্বরঃ .
সগুহ্যকস্সয়ক্ষশ্চ প্রতিগৃহ্ণাতু মে বলিম্ .. ৬৬..
নমোঽস্তু নাট্যমাতৃভ্যো ব্রাহ্ম্যাদ্যাভ্যো নমোনমঃ .
সুমুখীভিঃ প্রসন্নাভির্বলিরদ্য প্রগৃহ্যতাম্ .. ৬৭..
রুদ্রপ্রহরণং সর্বং প্রতিগৃহ্ণাতু মে বলিম্ .
বিষ্ণুপ্রহরণং চৈব বিষ্ণুভক্ত্যা ময়োদ্যতম্ .. ৬৮..
তথা কৃতান্তঃ কালশ্চ সর্বপ্রাণিবধেশ্বরৌ .
মৃত্যুশ্চ নিয়তিশ্চৈব প্রতিগৃহ্ণাতু মে বলিম্ .. ৬৯..
যাশ্চাস্যাং মত্তবারণ্যাং সংশ্রিতা বস্তুদেবতাঃ .
মন্ত্রপূতমিমং সম্যক্প্রতিগৃহ্ণন্তু মে বলিম্ .. ৭০..
অন্যে যে দেবগন্ধর্বা দিশো দশ সমাশ্রিতাঃ .
দিব্যান্তরিক্ষাভৌমাশ্চ তেভ্যশ্চায়ং বলিঃ কৃতঃ .. ৭১..
কুম্ভং সলিলসম্পূর্ণং পুষ্পমালাপুরস্কৃতম্ .
স্থাপয়েদ্রঙ্গমধ্যে তু সুবর্ণং চাত্র দাপয়েৎ .. ৭২..
( আতোদ্যানি তু সর্বাণি কৃৎবা বস্ত্রোত্তরাণি তু .
গন্ধৈর্মাল্যৈশ্চ ধূপৈশ্চ ভক্ষ্যৈর্ভোজ্যৈশ্চ পূজয়েৎ ..
পূজয়িৎবা তু সর্বাণি দৈবতানি যথাক্রমম্ .
জর্জরস্ত্বভিসম্পূজ্যঃ স্যাত্ততো বিঘ্নজর্জরঃ .. ৭৩..
শ্বেতং শিরসি বস্ত্রং স্যান্নীলং রৌদ্রে চ পর্বণি .
বিষ্ণুপর্বণি বৈ পীতং রক্তং স্কন্দস্য পর্বণি .. ৭৪..
মৃডপর্বণি চিত্রং তু দেয়ং বস্ত্রং হিতার্থিনা .
সদৃশং চ প্রদাতব্যং ধূপমাল্যানুলেপনম্ .. ৭৫..
আতোদ্যানি তু সর্বাণি বাসোভিরবগুণ্ঠয়েৎ .
গন্ধৈর্মাল্যৈশ্চ ধূপৈশ্চ ভক্ষ্যভোজৈশ্চ পূজয়েৎ .. ৭৬..
সর্বমেবং বিধিং কৃৎবা গন্ধমাল্যানুলেপনৈঃ .
বিঘ্নজর্জরণার্থং তু জর্জরং ৎবভিমন্ত্রয়েৎ .. ৭৭..
অত্র বিঘ্নবিনাশার্থং পিতামহমুখৈস্সুরৈঃ .
নির্মিতস্ত্বং মহাবীর্যো বজ্রসারো মহাতনুঃ .. ৭৮..
শিরস্তে রক্ষতু ব্রম্হা সর্বৈর্দেবগুণৈঅঃ তহ .
দ্বিতীয়ং চ হরঃ পর্ব তৃতীয়ং চ জনার্দনঃ .. ৭৯..
চতুর্থং চ কুমারস্তে পঞ্চমং পন্নগোত্তমঃ .
নিত্যং সর্বেঽপি পান্তু ৎবাং সুরার্থে চ শিবো ভব .. ৮০..
নক্ষত্রেঽভিজিতি ৎবং হি প্রসূতোঽহিতসূদন .
জয়ং চাভ্যুদয়ং চৈব পার্থিবস্য সমাবহ .. ৮১..
জর্জরং পূজয়িৎবৈঅবং বলিং সর্বং নিবিদ্য চ .
অগ্নৌ হোমং ততঃ কুর্যান্মন্ত্রাহুইতিপুরস্কৃতম্ .. ৮২..
হুতাশ এব দীপ্তাভিরুল্কাভিঃ পরিমার্জনম্ .
নৃপতের্নর্তকীনাং চ কুর্যাদ্দীপ্ত্যভিবর্ধনম্ .. ৮৩..
অভিদ্যোত্য সহাতোদ্যৈর্নৃপতিং নর্তকীস্তথা .
মন্ত্রপূতেন তোয়েন পুনরভ্যুক্ষ্য তান্বদেৎ .. ৮৪..
মহাকুলে প্রসূতাঃ স্থ গুণৌঘৈশ্চাপ্যলঙ্কৃতাঃ .
যদ্বো জন্মগুণোপেতং তদ্বো ভবতু নিত্যশঃ .. ৮৫..
এবমুক্ত্বা ততো বাক্যং নৃপতৈর্ভূতয়ে বুধঃ .
নাট্যয়োগপ্রসিদ্ধ্যর্থমাশিষস্সম্প্রয়োজয়েৎ .. ৮৬..
সরস্বতী ধৃতির্মেধা হ্রীঃ শ্রীর্লক্ষ্মীস্স্মৃতির্মতিঃ .
পান্তু বো মাতরঃ সৌম্যাস্সিদ্ধিদাশ্চ ভবন্তু বঃ .. ৮৭..
হোমং কৃৎবা যথান্যায়ং হবির্মন্ত্রপুরস্কৃতম্ .
ভিন্দ্যাৎকুম্ভং ততশ্চৈব নাট্যাচার্যঃ প্রয়ত্নতঃ .. ৮৮..
অভিন্নে তু ভবেৎকুম্ভে স্বামিনঃ শত্রুতো ভয়ম্ .
ভিন্নে চৈব তু বিজ্ঞেয়ঃ স্বামিনঃ শত্রুসংক্ষয়ঃ .. ৮৯..
ভিন্নে কুম্ভে ততশ্চৈব নাট্যচার্যঃ প্রয়ত্নতঃ .
প্রগৃহ্য দীপিকাং দীপ্তাং সর্বং রঙ্গং প্রদীপয়েৎ .. ৯০..
ক্ষ্বেডিতৈঃ স্ফোটিতৈশ্চৈব বল্গিতৈশ্চ প্রধাবিতৈঃ .
রঙ্গমধ্যে তু তাং দীপ্তাং সশব্দাং সম্প্রয়োজয়েৎ .. ৯১..
শঙ্খদুন্দুভিনির্ঘোষৈর্মৃদঙ্গপণবৈস্তথা .
সর্বাতোদ্যৈঃ প্রণদিতৈ রঙ্গে যুদ্ধানি কারয়েৎ .. ৯২..
তত্র চ্ছিন্নং ব ভিন্নং চ দারিতং চ সশোণিতম্ .
ক্ষতং প্রদীপ্তমায়স্তং নিমিত্তং সিদ্ধিলক্ষণম্ .. ৯৩..
সম্যগিষ্টস্তু রঙ্গো বৈ স্বামিনঃ শুভমাবহেৎ .
পুরস্যাবালবৃদ্ধস্য তথা জানপদস্য চ .. ৯৪..
দুরিষ্টস্তু তথা রঙ্গো দৈবতৈর্দুরধিষ্ঠিতঃ .
নাট্যবিধ্বসনং কুর্যান্নৃপস্য চ তথাঽশুভম্ .. ৯৫..
য এবং বিধিমুৎসৃজ্য যথেষ্টং সম্প্রয়োজয়েৎ .
প্রাপ্নোত্যপচয়ং শীঘ্রং তির্যগ্যোনিং চ গচ্ছতি .. ৯৬..
যজ্ঞেন সম্মিতং হ্যেতদ্রঙ্গদৈবতপূজনম্ .
অপূজয়িৎবা রঙ্গং তু নৈব প্রেক্ষাং প্রয়োজয়েৎ .. ৯৭..
পূজিতাঃ পূজয়ন্ত্যেতে মানিতা মানয়ন্তি চ .
তস্মাৎসর্বপ্রয়ত্নেন কর্তব্যং রঙ্গপূজনম্ .. ৯৮..
ন তথা প্রদহত্যগ্নিঃ প্রভঞ্জনসমীরিতঃ .
যথা হ্যপপ্রয়োগস্তু প্রয়ুক্তো দহতি ক্ষণাৎ .. ৯৯..
শাস্ত্রজ্ঞেন বিনীতেন শুচিনা দীক্ষিতেন চ .
নাট্যাচার্যেণ শান্তেন কর্তব্যং রঙ্গপূজনম্ ..১০০..
স্থানভ্রষ্টং তু যো দদ্যাদ্বলিমুদ্বিগ্নমানসঃ .
মন্ত্রহীনো যথা হোতা প্রায়শ্চিত্তী ভবেত্তু সঃ .. ১০১..
ইত্যয়ং যো বিধির্দৃষ্টো রঙ্গদৈবতপূজনে .
নবে নাট্যগৃহে কার্যঃ প্রেক্ষায়াং চ প্রয়োক্তৃভিঃ .. ১০২..

ইতি ভারতীয়ে নাট্যশাস্ত্রে রঙ্গদৈবতপূজনং নাম তৃতীয়োঽধ্যায়ঃ সমাপ্তঃ .