পঞ্চদশী ১৫

অথ পঞ্চমদশোঽধ্যাযঃ .
ব্রহ্মানন্দে বিষযানন্দঃ .
অথ অত্র বিষযানন্দঃ ব্রহ্মানন্দ অংশ রূপভাক্ .
নিরূপ্যতে দ্বার ভূতঃ তত্ অংশত্বং শ্রুতিঃ জগৌ .. ১..
এষঃ অস্য পরমানন্দঃ যঃ অখণ্ড এক রসাত্মকঃ .
অন্যানি ভূতানি এতস্য মাত্রাম্ এব উপভুঞ্জতে .. ২..
শান্তাঃ ঘোরাঃ তথা মূঢাঃ মনসঃ বৃত্তযঃ ত্রিধা .
বৈরাগ্যং ক্ষান্তিঃ ঔদার্যম্ ইতি আদ্যাঃ শান্ত বৃত্তযঃ .. ৩..
তৃষ্ণা স্নেহঃ রাগ লোভৌ ইতি আদ্যাঃ ঘোর বৃত্তযঃ .
সংমোহঃ ভযম্ ইতি আদ্যাঃ কথিতাঃ মূঢ বৃত্তযঃ .. ৪..
বৃত্তিষু এতাসু সর্বাসু ব্রহ্মণঃ চিত্স্বভাবতা .
প্রতিবিম্বতি শান্তাসু সুখং চ প্রতিবিম্বতি .. ৫..
রূপং রূপং বভূব অসৌ প্রতিরূপ ইতি শ্রুতিঃ .
উপমা সূর্যকেতু আদি সূত্রযামাস সূত্রকৃত্ .. ৬..
একঃ এব হি ভূতাত্মা ভূতে ভূতে ব্যবস্থিতঃ .
একধা বহুধা চ এব দৃশ্যতে জল চন্দ্রবত্ .. ৭..
জলে প্রবিষ্টঃ চন্দ্রঃ অযম্ অস্পষ্টঃ কলুষে জলে .
বিস্পষ্টঃ নির্মলে তদ্বত্ দ্বেধা ব্রহ্মা অপি বৃত্তিষু .. ৮..
ঘোর মূঢাসু মালিন্যাত্ সুখাংশঃ চ তিরোহিতঃ .
ঈষন্ নৈর্মল্যতঃ তত্র চিত্ অংশ প্রতিবিম্বনম্ .. ৯..
যদ্বা অপি নির্মলে নীরে বহ্নেঃ ঔষ্ণ্যস্য সংক্রমঃ .
ন প্রকাশস্য তদ্বত্ স্যাত্ চিন্মাত্র উদ্ভূতিঃ এব চ .. ১০..
কাষ্ঠে তু ঔষ্ণ্য প্রকাশৌ দ্বৌ উদ্ভবং গচ্ছতঃ যথা .
শান্তাসু সুখ চিতন্যে তথা এব উদ্ভূতিম্ আপ্নুতঃ .. ১১..
বস্তু স্বভাবম্ আশ্রিত্য ব্যবস্থা ভূতযোঃ সমা .
অনুভূতি অনুসারেণ কল্প্যতে হি নিযামকম্ .. ১২..
ন ঘোরাসু ন মূঢাসু সুখ অনুভব ঈক্ষ্যতে .
শান্তাসু অপি ক্বৈত্ কশ্চিত্ সুখ অতিশয ঈক্ষ্যতাম্ .. ১৩..
গৃহ ক্ষেত্র আদি বিষযে যদা কামঃ ভবেত্ তদা .
রাজসস্য অস্য কামস্য ঘোরত্বাত্ তত্র নো সুখম্ .. ১৪..
সিদ্ধ্যেত্ ন বা ইতি অস্তি দুঃখম্ অসিদ্ধৌ তত্ বিবর্ধতে .
প্রতিবন্ধে ভবেত্ ক্রোধঃ দ্বেষঃ বা প্রতিকূলতঃ .. ১৫..
অশক্যঃ চেত্ প্রতীকারঃ বিষদঃ স্যাত্ সঃ তানসঃ .
ক্রোধ আদিষু মহত্ দুঃখং সুখ শঙ্কা অপি দূরতঃ .. ১৬..
কাম্য লাভে হর্ষ বৃত্তিঃ শান্তা তত্র মহত্ সুখম্ .
ভোগে মত্তরং লাভ প্রসক্তৌ ঈষত্ এব হি .. ১৭..
মহত্তমং বিরক্তৌ তু বিদ্যানন্দে তত্ ঈরিতম্ .
এবং ক্ষান্তৌ তথা উদার্যে ক্রোধ লোভ নিবারণাত্ .. ১৮..
যত্ যত্ সুখং ভবেত্ তত্ তত্ ব্রহ্ম এব প্রতিবিম্বনাত্ .
বৃত্তিষু অন্তর্মুখাসু অস্য নির্বিঘ্নং প্রতিবিম্বনম্ .. ১৯..
সত্তা চিতিঃ সুখং চ ইতি স্বভাবাঃ ব্রহ্মণঃ ত্রযঃ .
মৃত্ শিলা আদিষু সত্তা এব ব্যজ্যতে ন ইতরত্ দ্বযম্ .. ২০..
সত্তা চিতিঃ দ্বযং ব্যক্তং ধী বৃত্ত্যোঃ ঘোর মূঢযোঃ .
শান্ত বৃত্তৌ ত্রযং ব্যক্তং মিশ্রং ব্রহ্ম ইত্থম্ ঈরিতম্ .. ২১..
অমিশ্রং জ্ঞান যোগাভ্যাং তৌ চ পূর্বম্ উদীরিতৌ .
আদ্যে অধ্যাযে যোগ চিন্তা জ্ঞানম্ অধ্যাযোঃ দ্বযোঃ .. ২২..
অসত্তা জাড্য দুঃখে দ্বে মাযা রূপং ত্রযং তু ইদম্ .
অসত্তা নর শৃঙ্গ আদৌ জাড্যং কাষ্ঠ শিলা আদিষু .. ২৩..
ঘোর মূঢ ধিযোঃ দুঃখম্ এবং মাযা বিজৃম্ভিতা .
শান্ত আদি বুদ্ধি বৃত্তি ঐক্যান্ মিশ্রং ব্রহ্ম ইতি কীর্তিতম্ .. ২৪..
এবং স্থিতে অত্র যঃ ব্রহ্ম ধ্যাতুম্ ইচ্ছেত্ পুমান্ অসৌ .
নৃ শৃঙ্গ আদিম্ উপেক্ষেত শিষ্টং ধ্যাযেত্ যথাযথম্ .. ২৫..
শিলা আদৌ নাম রূপে দ্বে ত্যক্ত্বা অত্ মাত্র চিন্তনম্ .
ত্যক্ত্বা দুঃখং ঘোর মূঢ ধিযোঃ সত্ চিত্ বিচিন্তনম্ .. ২৬..
শান্তাসু সচ্চিদানন্দাং ত্রীন্ অপি এবং বিচিন্তযেত্ .
কনিষ্ঠ মধ্যম উত্কৃষ্টাঃ তিস্রঃ চিন্তাঃ ক্রমাত্ ইমাঃ .. ২৭..
মন্দস্য ব্যবহারে অপি মিশ্র ব্রহ্মণি চিন্তনম্ .
উত্কৃষ্টং ব্যক্তুম্ এব অত্র বিষযানন্দঃ ঈরিতঃ .. ২৮..
ঔদাসীন্যে তু ধী বৃত্তেঃ শৈথিল্যাত্ উত্তমোত্তমম্ .
চিন্তনং বাসনানন্দে ধ্যানম্ উক্তং চতুর্বিধম্ .. ২৯..
ন ধ্যানং জ্ঞান যোগাভ্যাং ব্রহ্ম বিদ্যা এব সা খলু .
ধ্যানেন একাগ্র্যম্ আপন্নে চিত্তে বিদ্যা স্থিরী ভবেত্ .. ৩০..
বিদ্যাযাং সচ্চিদানন্দাঃ অখণ্ড এক রসাত্মতাম্ .
প্রাপ্য ভান্তি ন ভেদেন ভদক উপাধি বর্জনাত্ .. ৩১..
শান্তাঃ ঘোরাঃ শিলা আদ্যা চ ভেদক উপাধযঃ মতাঃ .
যোগাত্ বিবেকতঃ বৈষম্ উপাধীনাম্ অপাকৃতিঃ .. ৩২..
নিরুপাধি ব্রহ্ম তত্ত্বে ভাসমানে স্বযং প্রভে .
অদ্বৈতে ত্রিপুটী ন অস্তি ভূমানন্দঃ অতঃ উচ্যতে .. ৩৩..
ব্রহ্মানন্দ অভিধে গ্রন্থে পঞ্চমঃ অধ্যাযঃ ঈরিতঃ .
বিষযানন্দঃ এতেন দ্বারেণ অন্তঃ প্রবেশ্যতাম্ .. ৩৪..
প্রীযাত্ হরিহরঃ অনেন ব্রহ্মানন্দেন সর্বদা .
পাযাত্ চ প্রাণিনঃ সর্বান্ স্বাশ্রিতান্ শুদ্ধ মানসান্ ..৩৫..
ইতি শ্রীমত্পরমহংসপরিব্রাজকাচার্যশ্রী
বিদ্যারণ্যমুনি বিরচিতঃ পঞ্চদশী গ্রন্থঃ সমাপ্তঃ .