পঞ্চদশী ১৪

অথ চতুর্দশোঽধ্যাযঃ .
যোগেন আত্ম বিবেকেন দ্বৈত মিথ্যাত্ব চিন্তযা .
ব্রহ্মানন্দং পশ্যতঃ অথ বিদ্যানন্দঃ নিরূপ্যতে .. ১..
বিষযানন্দবত্ বিদ্যানন্দঃ ধী বৃত্তি রূপ্কঃ .
দুঃখ অভাব আদি রূপেণ প্রোক্তঃ এষ চতুর্বিধঃ .. ২..
দুঃখ অভাবঃ চ কাম আপ্তিঃ কৃতকৃত্যঃ অহম্ ইতি অসৌ .
প্রাপ্ত প্রাপ্যঃ অহম্ ইতি এব চাতুর্বিধ্যম্ উদাহৃতম্ .. ৩..
ঐহিকং চ আমুষ্মিকং চ ইতি এবং দুঃখং দ্বিধা ঈরিতম্ .
নিবৃত্তিম্ ঐহিকস্য আহ বৃহদারণ্যকং বচঃ .. ৪..
আত্মানং চেত্ বিজানীযাত্ অযম্ অস্মি ইতি পূরুষঃ .
কিম্ ইচ্ছন্ কস্য কামায শরীরম্ অনিসংজ্বরেত্ .. ৫..
জীবাত্মা পরমাত্মা চ ইতি আত্মা দ্বিবিধা ঈরিতঃ .
চিত্ তাদাত্ম্যাত্ ত্রিভিঃ দেহৈঃ জীবঃ সম্ভোক্তৃতাং ব্রজেত্ .. ৬..
পরাত্মা সচ্চিদানন্দঃ তাদাত্ম্যং নামরূপযোঃ .
গত্বা ভোগ্যত্বম্ আপন্নঃ তত্ বিবেকে তু ন উভযম্ .. ৭..
ভোগ্যম্ ইচ্ছন্ ভোক্তুঃ অর্থে শরীরম্ অনুসংজ্বরেত্ .
জ্বরাঃ ত্রিষু শরীরেষু স্থিতা ন তু আত্মনঃ জ্বরাঃ .. ৮..
ব্যাধযঃ ধাতু বৈষম্যে স্থূল দেহে স্থিতা জ্বরাঃ .
কাম ক্রোধ আদযঃ সূক্ষ্মে দ্বযোঃ বীজং তু কারণে .. ৯..
অদ্বৈত আনন্দ মার্গেণ পরাত্মনি বিবেচিতে .
অপশ্যন্ বাতবং ভোগ্যং কিং নাম ইচ্ছেত্ পরাত্মবিত্ .. ১০..
আত্মানন্দ উক্ত রীত্যা অস্মিন্ জীবাত্মনি অবধারিতে .
ভোক্তা ন এব অস্তি কঃ অপি শরীরে তু জ্বরঃ কুতঃ .. ১১..
পুণ্য পাপ দ্বযে চিন্তা দুঃখম্ আমুষ্মিকং ভবেত্ .
প্রথম অধ্যাযঃ এব উক্তং চিন্তা ন এনং তপেত্ ইতি .. ১২..
যথা পুষ্কর পর্ণে অস্মিন্ অপাম্ অশ্লেষণং তথা .
বেদনাত্ ঊর্ধ্বম্ আগামি কর্মণঃ অশ্লেষণং বুধে .. ১৩..
ইষীকা তৃণ তূলস্য বহ্নি দাহঃ ক্ষণাত্ যথা .
তথা সঞ্চিত কর্ম অস্য দগ্ধং ভবতি বেদনাত্ .. ১৪..
যথা এধাংসি সমিদ্ধঃ অগ্নিঃ ভস্মসাত্ কুরুতে অর্জুন .
জ্ঞানাগ্নিঃ সর্ব কর্মাণি ভস্মসাত্ কুরুতে তথা .. ১৫..
যস্য ন অহংকৃতঃ ভাবঃ বুদ্ধিঃ যস্য ন লিপ্যতে .
হত্বা অপি সঃ ইমাং লোকান্ ন হন্তি ন নিবধ্যতে .. ১৬..
মাতা পিত্রোঃ বধঃ স্তেযং ভ্রূণ হত্যা অন্যত্ ঈদৃশম্ .
ন মুক্তিং নাশযেত্ পাপং মুখ কান্তিঃ ন নশ্যতি .. ১৭..
দুঃখ অভাববত্ এব অস্য সর্ব কাম আপ্তিঃ ঈরিতা .
সর্বান্ কামান্ অসৌ আপ্ত্বা হি অমৃতঃ অভবত্ ইতি অতঃ .. ১৮..
জক্ষন্ ক্রীডন্ রতিং প্রাপ্তঃ স্ত্রীভিঃ যানৈঃ তথা ইতরৈঃ .
শরীরং ন স্মরেত্ প্রাণঃ কর্মণা জীবযেত্ অমুম্ .. ১৯..
সর্বান্ কামান্ সহ আপ্নোতি ন অন্যবত্ জন্মকর্মভিঃ .
বর্তন্তে শ্রোত্রিযে ভোগাঃ যুগপত্ ক্রম বর্জিতাঃ .. ২০..
যুবা রূপী চ বিদ্যাবান্ নীরোগঃ দৃঢচিত্তবান্ .
সৈন্য উপেতঃ সর্ব পৃথ্বীং বিত্ত পূর্ণাং প্রপালযন্ .. ২১..
সর্বৈঃ মানুষ্যকৈঃ ভোগৈঃ সম্পন্নঃ তৃপ্ত ভূমিপঃ .
যম্ আনন্দম্ অবাপ্নোতি ব্রহ্মবিত্ চ তম্ অশ্নুতে .. ২২..
মর্ত্য ভোগে দ্বযোঃ ন অস্তি কামঃ তৃপ্তিঃ অতঃ সমা .
ভোগান্ নিষ্কামতা একস্য পরস্য অপি বিবেকতঃ .. ২৩..
শ্রোত্রিযত্বাত্ বদ শাস্ত্রৈঃ ভোগ দোষান্ অবেক্ষতে .
রাজা বৃহদ্রথঃ দোষান্ তান্ গাথাভিঃ উদাহরত্ .. ২৪..
দেহ দোষান্ চিত্ত দোষান্ ভোগ্য দোষান্ অনেকশঃ .
শুনাং বান্তে পাযসে নো কামঃ তদ্বত্ বিবেকিনঃ .. ২৫..
নিষ্কামত্বে সমে অপি অত্র রাজ্ঞঃ সাধন সঞ্চযে .
দুঃখম্ আসীত্ ভাবি নাশাত্ ইতি ভীঃ অনুবর্ততে .. ২৬..
ন উভযং শ্রোত্রিযস্য অতঃ তত্ আনন্দঃ অধিকঃ অন্যতঃ .
গন্ধর্ব আনন্দঃ আশা অস্তি রাজ্ঞঃ ন অস্তি বিবেকিনঃ .. ২৭..
অস্মিন্ কল্পে মনুষ্যঃ সন্ পুণ্যপাক বিশেষতঃ .
গন্ধর্বত্বং সমাপন্নঃ মর্ত্য গন্ধর্বঃ উচ্যতে .. ২৮..
পূর্ব কল্পে কৃতাত্ পুণ্যাত্ কল্প আদৌ এব চেত্ ভবেত্ .
গন্ধর্বত্বং তাদৃষঃ অত্র দেব গন্ধর্ব উচ্যতে .. ২৯..
অগ্নিষ্বাত্তাদযঃ লোকে পিতরঃ চিরবাসিনঃ .
কল্পাদৌ এব দেবত্বং গতাঃ আজান দেবতাঃ .. ৩০..
অস্মিন্ কল্পে অশ্বমেধ আদি কর্ম কৃত্বা মহত্ পদম্ .
অবাপ্য অজানদেবৈঃ যাঃ পূজ্যাঃ তাঃ কর্ম দেবতাঃ .. ৩১..
যমাগ্নি মুখ্যাঃ দেবাঃ স্যুঃ জ্ঞতৌ ইন্দ্র বৃহস্পতী .
প্রজাপতিঃ বিরাট্ প্রোক্তঃ ব্রহ্মা সূত্রাত্ম নামকঃ .. ৩২..
সার্বভৌম আদি সূত্রান্তাঃ উত্তরোত্তর কামিনঃ .
অবাঙ্মনসগম্যঃ অযম্ আত্মানন্দঃ ততঃ পরঃ .. ৩৩..
তৈঃ তৈঃ কাম্যেষু সর্বেষু সুখেষু শ্রোত্রিযঃ যতঃ .
নিস্পৃহঃ তেন সর্বেষাম্ আনন্দাঃ সন্তি তস্য তে .. ৩৪..
সর্ব কাম আপ্তিঃ এষ উক্তা যদ্বা সাক্ষি চিদাত্মনা .
স্বদেহবত্ সর্ব দেহেষু অপি ভোগান্ অবেক্ষতে .. ৩৫..
অজ্ঞস্য অপি এতত্ অস্তি এব ন তু তৃপ্তিঃ অবোধতঃ .
যঃ বেদ সঃ অশ্নুতে সর্বান্ কামান্ ইতি অব্রবীত্ শ্রুতিঃ .. ৩৬..
যদ্বা সর্বাত্মতাং স্বস্য সাম্না গাযতি সর্বদা .
অহম্ অন্নং তথা অন্নাদঃ চ ইতি সাম হি অধীযতে .. ৩৭..
দুঃখ অভাবঃ চ কাম আপ্তিঃ উভে হি এবং নিরূপিতে .
কৃত কৃত্যত্বম্ অন্যত্ চ প্রাপ্ত প্রাপ্যত্বম্ ঈক্ষতাম্ .. ৩৮..
উভযং তৃপ্তি দীপে হি সম্যক্ অস্মাভিঃ ঈরিতম্ .
তঃ এব অত্র অনুসন্ধেযাঃ শ্লোকাঃ বুদ্ধি বিশুদ্ধযে .. ৩৯..
ঐহিক আমুষ্মিক ব্রাত সিদ্ধ্যৈ মুক্তেঃ চ সিদ্ধযে .
বহু কৃত্যং পুরাস্য অভূত্ তত্ সর্বম্ অধুনা কৃতম্ .. ৪০..
তত্ এতত্ কৃত কৃত্যত্বং প্রতিযোগি পুরঃসরম্ .
অনুসন্দধত্ এব অযম্ এবং তৃপ্যতি নিত্যশঃ .. ৪১..
দুঃখিনঃ অজ্ঞাঃ সংসরন্তু কামং পুত্র আদি অপেক্ষযা .
পরমানন্দ পূর্ণঃ অহং সংসরামি কিম্ ইচ্ছযা .. ৪২..
অনুতিষ্ঠন্তু কর্মাণি পরলোক যিযাসবঃ .
সর্ব লোকাত্মকঃ কস্মাত্ অনুতিষ্ঠামি কিং কথম্ .. ৪৩..
ব্যাচক্ষতাং তে শাস্ত্রাণি বেদান্ অধ্যাপযন্তু বা .
যে অত্র অধিকারিণঃ মে তু ন অধিকারঃ অক্রিযত্বতঃ .. ৪৪..
নিদ্রা ভিক্ষে স্নান শৌচে ন ইচ্ছামি ন করোমি চ .
দ্রষ্টারঃ চেত্ কল্পযন্তি কিং মে স্যাত্ অন্য কল্পনাত্ .. ৪৫..
গুঞ্জ পুঞ্জ আদি দহ্যেত ন অন্য আরোপিত বহ্নিনা .
ন অন্য আরোপিত সংসার ধর্মান্ এবম্ অহং ভজে .. ৪৬..
শৃণ্বন্তু অজ্ঞাত তত্ত্বাঃ তে জানন্ কস্মাত্ শৃণোমি অহম্ .
মন্যন্তাং সংশয আপন্নাঅ ন মন্যে অহম্ অসংশযঃ .. ৪৭..
বিপর্যস্তঃ নিদিধ্যাসেত্ কিং ধ্যানম্ অবিপর্যযাত্ .
দেহ আত্মত্ব বিপর্যাসং ন কদাচিত্ ভজামি অহম্ .. ৪৮..
অহং মনুষ্যঃ ইতি আদি ব্যবহারঃ বিনা অপি অমুম্ .
বিপর্যাসং চির অভ্যস্ত বাসনা অতঃ অবকল্পতে .. ৪৯..
প্রারব্ধ কর্মণি ক্ষীণে ব্যবহারঃ নিবর্ততে .
কর্ম অক্ষযে তু অসৌ ন এব শাম্যেত্ ধ্যান সহস্রতঃ .. ৫০..
বিরলত্বং ব্যবহৃতেঃ ইষ্টং চেত্ ধ্যানম্ অস্তু তে .
অবাধিকাং ব্যবহৃতিং পশ্যন্ ধ্যাযামি অহং কুতঃ .. ৫১..
বিক্ষেপঃ ন অস্তি যস্মান্ মে ন সমাধিঃ ততঃ মম .
বিক্ষেপঃ বা মনসঃ স্যাত্ বিকারিণঃ .. ৫২..
নিত্য অনুভব রূপস্য কঃ মে বা অনুভবঃ পৃথক্ .
কৃতং কৃত্যং প্রাপণীযং প্রাপ্তম্ ইতি এব নিশ্চযঃ .. ৫৩..
ব্যবহারঃ লৌকিকঃ বা শাস্ত্রীযঃ বা অন্যথা অপি বা .
মম অকর্তুঃ অলেপস্য যথা আরব্ধং প্রবর্ততাম্ .. ৫৪..
অথবা কৃত কৃত্যঃ অপি লোকানুগ্রহ কামযা .
শাস্ত্রীযেণ এব মার্গেণ বর্তে অহং কা মম ক্ষতিঃ .. ৫৫..
দেব অর্চন স্না শৌচ ভিক্ষা আদৌ বর্ততাং বপুঃ .
তারং জপতু বাক্ তদ্বত্ পঠতু আম্নায মস্তকম্ .. ৫৬..
বিষ্ণুং ধ্যাযতু ধীঃ যদ্বা ব্রহ্মানন্দে বিলীযতাম্ .
সাক্ষি অহং কিঞ্চিত্ অপি অত্র ন কুর্বে ন অপি কারযে .. ৫৭..
কৃত কৃত্যতযা তৃপ্তঃ প্রাপ্ত প্রাপ্যতযা পুনঃ .
তৃপ্যন্ এবং স্বমনসা মন্যতে অসৌ নিরন্তরম্ .. ৫৮..
ধন্যঃ অহং ধন্যঃ অহং নিত্যং স্বাত্মানম্ অঞ্জসা বেদ্মি .
ধন্যঃ অহং ধন্যঃ অহং ব্রহ্মানন্দঃ বিভাতি মে স্পষ্টম্ .. ৫৯..
ধন্যঃ অহং ধন্যঃ অহং দুঃখং সংসারিকং ন বিক্ষে অদ্য .
ধন্যঃ অহং ধন্যঃ অহং স্বস্য অজ্ঞানং পলাযিতং ক্ব অপি .. ৬০..
ধন্যঃ অহং ধন্যঃ অহং কর্তব্যং মে ন বিদ্যতে কিঞ্চিত্ .
ধন্যঃ অহং ধন্যঃ অহং প্রাপ্তব্যং সর্বম্ অদ্য সম্পন্নম্ .. ৬১..
ধন্যঃ অহং ধন্যঃ অহং তৃপ্তেঃ মে কোপমা ভবেত্ লোকে .
ধন্যঃ অহং ধন্যঃ অহং ধন্যঃ ধন্যঃ পুনঃ পুনঃ ধন্যঃ .. ৬২..
অহো পুণ্যম্ অহো পুণ্যং ফলিতং ফলিতং দৃঢম্ .
অস্য পুণ্যস্য সম্পত্তেঃ অহো বযম্ অহো বযম্ .. ৬৩..
অহো শাস্ত্রম্ অহো শাস্ত্রম্ অহো গুরুঃ অহো গুরুঃ .
অহো জ্ঞানম্ অহো জ্ঞান্ম্ অহো সুখম্ অহো সুখম্ .. ৬৪..
ব্রহ্মানন্দ অভিধে গ্রন্থে চতুর্থঃ অধ্যাযঃ ঈরিতঃ .
বিদ্যানন্দঃ তত্ উত্পত্তি পর্যন্তঃ অভ্যাস ইষ্যতাম্ .. ৬৫..
ইতি চতুর্দশোঽধ্যাযঃ .. ১৪..