পঞ্চদশী ১২

অথ দ্বাদশোঽধ্যাযঃ .
ব্রহ্মানন্দে আত্মানন্দঃ .
ননু এবং বাসনানন্দাত্ ব্রহ্মানন্দাত্ অপি ইতরম্ .
বেত্তু যোগী নিজানন্দং মূঢস্য অত্র অস্তি কা গতিঃ .. ১..
ধর্ম অধর্মবশাত্ এষঃ জাযতাং ম্রিযতাম্ অপি .
পুনঃ পুনঃ দেহলক্ষৈঃ কিং নঃ দাক্ষিণ্যতঃ বদ .. ২..
অস্তি বঃ অনুজিঘৃক্ষুবাত্ দাক্ষিণ্যেন প্রযোজনম্ .
তর্হি ব্রূহি স মূঢঃ কিং জিজ্ঞাসুঃ বা পরাঙ্মুখঃ .. ৩..
উপাস্তিং কর্ম বা ব্রূযাত্ বিমুখায যথা উচিতম্ .
মন্দ প্রজ্ঞং তু জিজ্ঞাসুম্ আত্মানন্দেন বোধযেত্ .. ৪..
বোধযামাস মৈত্রেযীং যাজ্ঞবল্ক্যঃ নিজপ্রিযাম্ .
ন বা অরে পত্যুঃ অর্থে পতিঃ প্রিয ইতি ঈরযন্ ..৫..
পতিঃ জাযা পুত্রবিত্তে পশু ব্রাহ্মণ বাহুজাঃ .
লোকাঃ দেবাঃ বেদভূতে সর্বং চ আত্মার্থতঃ প্রিযম্ .. ৬..
পত্যৌ ইচ্ছা যদা পত্ন্যাঃ তদা প্রীতিং করোতি সা .
ক্ষুত্ অনুষ্ঠান রোগ আদ্যৈঃ তদা ন ইচ্ছতি তত্ পতিঃ .. ৭..
ন পত্যুঃ অর্থে সা প্রীতিঃ স্বার্থঃ এব করোতি তাম্ .
পতিঃ চ আত্মনঃ এব অর্থে ন জাযার্থে কদাচন .. ৮..
অন্যোন্য প্রেরণে অপি এবং স্বেচ্ছযা এব প্রবর্তনম্ .. ৯..
শ্মশ্রু কণ্টক বেধেন বালঃ রুদতি তত্ পিতা .
চুম্বতি এব ন সা প্রীতিঃ বালার্থে স্বার্থঃ এব সা .. ১০..
নিরিচ্ছম্ অপি রত্ন আদি বিত্তং যত্নেন পালযন্ .
প্রীতিং করোতি সা স্বার্থে বিত্তার্থত্বং ন শঙ্কিতম্ .. ১১..
অনিচ্ছতি বলীবর্দে বিবাহযিষতে বলাত্ .
প্রীতিঃ সা বণিক্ অর্থ এব বলীবর্দার্থতা কুতঃ .. ১২..
ব্রাহ্মণ্যং মে অস্তি পূজ্যঃ অহম্ ইতি তুষ্যতি পূজযা .
অচেতনাযা জাতেঃ নঃ সন্তুষ্টিঃ পুংসঃ এব সা .. ১৩..
ক্ষত্রিযঃ অহং তেন রাজ্যং করোমি ইতি অত্র রাজতা .
ন জাতেঃ বৈশ্য জাতি আদৌ যোজনায ইদম্ ঈরিতম্ .. ১৪..
স্বর্গলোক ব্রহ্মলোকৌ স্তাং মম ইতি অভিবাঞ্চনম্ .
লোকযোঃ ন উপকারায স্বভোগায এব কেবলম্ .. ১৫..
ঈশ বিষ্ণু আদযঃ দেবাঃ পূজ্যন্তে পাপনষ্টযে .
ন তত্ নিষ্পাপ দেবার্থং তত্ তু স্বার্থং প্রযুজ্যতে .. ১৬..
ঋক্ আদযঃ হি অধীযন্তে দুর্ব্রাহ্মণ্য অনবাপ্তযে .
ন তত্ প্রসক্তং বেদেষু মনুষ্যেষু প্রসজ্যতে .. ১৭..
ভূমি আদি পঞ্চ ভূতানি স্থান তৃত্ পাক শোষণৈঃ .
হেতুভিঃ চ অবকাশেন বাঞ্ছন্তি এষাং ন হেতবে .. ১৮..
স্বামিভৃতি আদিকং সর্বং স্ব উপকারাযা বাঞ্ছতি .
তত্ তত্ কৃত উপকারঃ তু তস্য তস্য ন বিদ্যতে .. ১৯..
সর্ব ব্যবহৃষু এবম্ অনুসন্ধাতুম্ ঈদৃশম্ .
উদাহরণ বাহুল্যং তেন স্বাং বাসযেত্ মতিম্ .. ২০..
অথ কেযং ভবেত্ প্রীতিঃ শ্রূযতে যা নিজাত্মনি .
রাগঃ বধু আদি বিষযে শ্রদ্ধা যাগ আদি কর্মণি .. ২১..
ভক্তিঃ স্যাত্ গুরু দেব আদৌ ইচ্ছা তু অপ্রাপ্ত বস্তুনি .
তর্হি অস্তু সাত্বিকী বৃত্তিঃ সুখমাত্র অনুবর্তিনী .. ২২..
প্রাপ্তে নষ্টে অপি সদ্ভাবাত্ ইচ্ছতঃ ব্যতিরিচ্যতে .
সুখসাধনতা উপাধেঃ অন্নপান আদযঃ প্রিযঃ .. ২৩..
আত্ম অনুকুল্যাত্ আন আদি সমঃ চেত্ অমুনা অত্র কঃ .
অনুকুলযিতব্যঃ স্যাত্ ন একস্মিন্ কর্ম কর্তৃতা .. ২৪..
সুখে বৈষযিকে প্রীতিমাত্রম্ আত্মা তু অতিপ্রিযঃ .
সুখে ব্যভিচরতি এষা ন আত্মনি ব্যভিচারিণী .. ২৫..
একং ত্যক্ত্বা অন্যত্ আদত্তে সুখং বৈষযিকং সদা .
ন আত্মা ত্যাজ্যঃ ন চ অদেযঃ তস্মিন্ ব্যভিচরেত্ কথম্ .. ২৬..
হানাদান বিহীনে অস্মিন্ উপেক্ষা চেত্ তৃণাদিবত্ .
উপেক্ষিতুঃ স্বরূপত্বাত্ ন উপেক্ষ্যত্বং নিজাত্মনঃ .. ২৭..
রোগ ক্রোধ অভিভূতানাং মুমুর্ষা বীক্ষ্যতে ক্বচিত্ .
ততঃ দ্বেষাত্ ভবেত্ ত্যাজ্যঃ আত্মা ইতি যদি তত্ ন হি .. ২৮..
ত্যক্তুং যোগ্যস্য দেহস্য ন আত্মতা ত্যক্তুঃ এব সা .
ন ত্যক্তরি অস্তি স দ্বেষঃ ত্যাজ্যে দ্বেষে তু কা ক্ষতিঃ .. ২৯..
আত্মার্থত্বেন সর্বস্য প্রীতেঃ চ আত্মা হি অতিপ্রিযঃ .
সিদ্ধঃ যথা পুত্র মিত্রাত্ পুত্রঃ প্রিযতরঃ তথা .. ৩০..
মা ন ভূবম্ অহং কিন্তু ভূযাসং সর্বদেতি অসৌ .
আশীঃ সর্বস্য দৃস্ত ইতি প্রত্যক্ষা প্রীতিঃ আত্মনি .. ৩১..
ইতি আদিভিঃ ত্রিভিঃ প্রীতৌ সিদ্ধাযাম্ এবম্ আত্মনি .
পুত্র ভার্যা আদি শেষত্বম্ আত্মনঃ কৈশ্চিত্ ইর্রিতম্ .. ৩২..
এতত্ বিবক্ষযা পুত্রে মুখ্য আত্মত্বং শ্রুতি ঈরিতম্ .
আত্মা বৈ পুত্রনাম ইতি তত্ চ উপনিষদি স্ফুটম্ .. ৩৩..
সঃ অস্য অযম্ আত্মা পুণ্যেভ্যঃ কর্মেভ্যঃ প্রতিধীযতে .
অথ অস্য ইতরঃ আত্মা অযং কৃতকৃত্যঃ প্রমীযতে .. ৩৪..
সতি অপি আত্মনি লোকঃ অস্তি ন অপুত্রস্য অতঃ এব হি .
অনুশিষ্টং পুত্রম্ এব লোক্যম্ আহুঃ মনীষিণঃ .. ৩৫..
মনুষ্য লোকঃ জয্যঃ স্যাত্ পুত্রেণ এব ইতরেণ নো .
মুমুর্ষুঃ মন্ত্রযেত্ পুত্রং ত্বং ব্রহ্ম ইতি আদি মন্ত্রকৈঃ .. ৩৬..
ইতি আদি শ্রুতযঃ প্রাহুঃ পুত্র ভার্যা আদি শেষতাম্ .
লৌকিকাঃ অপি পুত্রস্য প্রাধান্যম্ অনুমন্বতে .. ৩৭..
স্বস্মিন্ মৃতে অপি পুত্র আদিঃ জীবেত্ বিত্ত আদিনা যথা .
তথা এব যত্নং কুরুতে মুখ্যাঃ পুত্র আদযঃ ততঃ .. ৩৮..
বাধম্ এতাবতা ন আত্মা শেষঃ ভবতি কস্যচিত্ .
গৌণ মিথ্যা মুখ্য ভেদৈঃ আত্মা অযং ভবতি ত্রিধা .. ৩৯..
দেবদত্তঃ তু সিংহঃ অযম্ ইতি ঐক্যং গৌণম্ এতযোঃ .
ভেদস্য ভাসমানত্বাত্ পুত্র আদেঃ আত্মতা তথা .. ৪০..
ভেদঃ অস্তি পঞ্চ কোশেষু সাক্ষিণঃ ন তু ভাতি অসৌ .
মিথ্যাত্মতা অতঃ কোশানাং স্থাণোঃ চোরাত্মতা যথা .. ৪১..
ন ভাতি ভেদঃ ন অপি অস্তি সাক্ষিণঃ অপ্রতিযোগিনঃ .
সর্ব অন্তরত্বাত্ তস্য এব মুখ্যম্ আত্মত্বম্ ইষ্যতে .. ৪২..
সতি এবং ব্যবহারেষু যেষু যস্য আত্মত উচিতা .
তেষু তস্য এব শেষিত্বং সর্বস্য অন্যস্য শেষতা .. ৪৩..
মুমুর্ষোঃ গৃহ রক্ষাদৌ গুণাত্ম এব উপযুজ্যতে .
ন মুখ্যাত্মা ন মিথ্যাত্মা পুত্রঃ শেষী ভবতি অতঃ .. ৪৪..
অধ্যেতা বহ্নিঃ ইতি অত্র সন্ অপি অগ্নিঃ ন গৃহ্যতে .
অযোগ্যত্বেন যোগ্যত্বাত্ বটুঃ এব অত্র গৃহ্যতে .. ৪৫..
কৃশঃ অহং পুষ্টিম্ আপ্স্যাম্ ইতি আদৌ দেহাত্মতোচিতা .
ন পুত্রং বিনিযুঙ্ক্তে অত্র পুষ্টি হেতু অন্ন ভক্ষণে .. ৪৬..
তপসা স্বর্গম্ এষ্যাম্ ইতি আদৌ কর্ত্রাত্মতোচিতা .
অনপেক্ষ্য বপিঃ ভোগং চরেত্ কৃচ্ছ্রাদিকং ততঃ .. ৪৭..
মোক্ষ্যে অহম্ ইতি অত্র যুক্তং চিদাত্মত্বং তদা পুমান্ .
তত্ বেত্তি গুরু শাস্ত্রাভ্যাং ন তু কিংচিত্ চিকীর্ষতি .. ৪৮..
বিপ্র ক্ষত্রিয আদযোঃ যদ্বত্ বৃহস্পতি সবাদিষু .
ব্যবস্থিতাঃ তথা গৌণ মিথ্যা মুখ্যা যথা উচিতম্ .. ৪৯..
তত্র তত্র উচিতে প্রীতিঃ আত্মনি এব অতিশাযিনী .
অনাত্মনি তু তত্ শেষে প্রীতিঃ অন্যত্র ন উভযম্ .. ৫০..
উপেক্ষ্যং দ্বেষ্যম্ ইতি অন্যত্ দ্বেধা মার্গ তৃণাদিকম্ .
উপেক্ষ্যং ব্যাঘ্র সর্পাদি দ্বেষ্যম্ এবং চতুর্বিধম্ .. ৫১..
আত্মা শেষঃ উপেক্ষ্যং চ দ্বেষ্যং চ ইতি চতুর্ষু অপি .
ন ব্যক্তিনিযমঃ কিন্তু তত্ তত্ কার্যাত্ তথা তথা .. ৫২..
স্যাত্ ব্যাঘ্রঃ সংমুখঃ দ্বেষ্যঃ হি উপেক্ষ্যঃ তু পরাঙ্মুখঃ .
লালনাত্ অনুকূলঃ চেত্ বিনোদায ইতি শেষতাম্ .. ৫৩..
ব্যক্তীনাং নিযমঃ মা ভূত্ লক্ষণাত্ তু ব্যবস্থিতিঃ .
আনুকূল্যং প্রাতিকূল্যং দ্বযাভাবঃ চ লক্ষণম্ .. ৫৪..
আত্মা প্রেযান্ প্রিযঃ শেষঃ দ্বেষ্য উপেক্ষ্যে তত্ অন্যযোঃ .
ইতি ব্যবস্থিতঃ লোকঃ যাজ্ঞবল্ক্য মতং চ তত্ .. ৫৫..
অন্যত্র অপি শ্রুতিঃ প্রাহ পুত্রাত্ বিত্তাত্ তথা অন্যতঃ .
সর্বস্মাত্ আন্তরং তত্ত্বং তত্ এতত্ প্রেযঃ ঈক্ষতাম্ .. ৫৬..
শ্রৌত্যা বিচারদৃষ্ট্যা অযং সাক্ষি এব আত্মা ন চ ইতরঃ .
কোশান্ পঞ্চ বিবিচ্য অন্তর্ বস্তু দৃষ্টিঃ বিচারণা .. ৫৭..
জাগর স্বপ্ন সুপ্তীনাম্ আগমাপায ভাসনম্ .
যতঃ ভবতি অসৌ আত্মা স্বপ্রকাশ চিদাত্মকঃ .. ৫৮..
শেষাঃ প্রাণাদি বিত্তান্তাঃ আসন্নাঃ তারতম্যতঃ .
প্রীতিঃ তথা তারতম্যাত্ তেষু সর্বেষু বীক্ষ্যতে .. ৫৯..
বিত্তাত্ পুত্রঃ প্রিযঃ পুত্রাত্ পিণ্ডঃ তথা ইন্দ্রিযম্ .
ইন্দ্রিযাত্ চ প্রিযঃ প্রাণঃ প্রাণাত্ আত্মা প্রিযঃ পরঃ .. ৬০..
এবং স্থিতে বিবাদঃ অত্র প্রতিবুদ্ধ বিমূঢযোঃ .
শ্রুত্যোদাহারি তত্র আত্মা প্রেযান্ ইতি এব নির্ণযঃ .. ৬১..
সাক্ষি এব দৃশ্যাত্ অন্যস্মাত্ প্রেযান্ ইতি আহ তত্ত্ববিত্ .
প্রেযান্ পুত্রাদিঃ এব ইমং ভোক্তুং সাক্ষি ইতি মূঢধীঃ .. ৬২..
আত্মনঃ অন্যং প্রিযং ব্রূতে শিষ্যঃ চ প্রতিবাদি অপি .
তস্য উত্তরং বাচঃ বোধশাপৌ কুর্যাত্ তযোঃ ক্রমাত্ .. ৬৩..
প্রিযং ত্বাং রোত্স্যতি ইতি এবম্ উত্তরং বক্তি তত্ত্ববিত্ .
স্ব উক্ত প্রিযস্য দুষ্টত্বং শিষ্যঃ বেত্তি বিবেকতঃ .. ৬৪..
অলভ্যমানঃ তনযঃ পিতরৌ ক্লেশযেত্ চিরম্ .
লব্ধঃ অপি গর্ভপাতেন প্রসবেন চ বাধতে .. ৬৫..
জাতস্য গ্রহরোগ আদিঃ কুমারস্য চ মূর্খতা .
উপনীতে অপি অবিদ্যত্বম্ অনুদ্বাহঃ চ পণ্ডিতে .. ৬৬..
পুনঃ চ পরদারাদি দারিদ্র্যং চ কুটুম্বিনঃ .
পিত্রোঃ দুঃখস্য ন অস্তি অনতঃ ধনী চেত্ ম্রিযতে তদা .. ৬৭..
এবং বিবিচ্য পুত্রাদৌ প্রীতিং ত্যক্ত্বা নিজাত্মনি .
নিশ্চিত্য পরমাং প্রীতিং বীক্ষতে তম্ অহর্নিশম্ .. ৬৮..
আগ্রহাত্ ব্রহ্মবিদ্বেষাত্ অপি পকশম্ অমুঞ্চতঃ .
বাদিনঃ নরকঃ প্রোক্তঃ দোষঃ চ বহু যোনিষু .. ৬৯..
ব্রহ্মবিত্ ব্রহ্মরূপত্বাত্ ঈশ্বরঃ তেন বর্ণিতম্ .
যত্ যত্ তত্ তত্ তথা এব স্যাত্ তত্ শিষ্যঃ প্রতিবাদিনোঃ .. ৭০..
যঃ তু সাক্ষিণম্ আত্মানং সেবতে প্রিযম্ উত্তমম্ .
তস্য প্রেযান্ অসৌ আত্মা ন নশ্যতেই কদাচন .. ৭১..
পরপ্রেমাস্পদত্বেন পরমানন্দ ইষ্যতাম্ .
সুখবৃদ্ধিঃ প্রীতিবৃদ্ধৌ সার্বভৌমাদিষু শ্রুতা .. ৭২..
চৈতন্যবত্ সুখং চ অস্য স্বভাবঃ চেত্ চিদাত্মনঃ .
ধীবৃত্তিষু অনুবর্তেত সর্বাসু অপি চিতিঃ যথা .. ৭৩..
মা এবম্ উষ্ণ প্রকাশাত্মা দীপঃ তস্য প্রভা গৃহে .
ব্যাপ্নোতি ন উষ্ণতা তদ্বত্ চিতেঃ এব অনুবর্তনম্ .. ৭৪..
গন্ধ রূপ রস স্পর্শেষু অপি সত্সু যথা পৃথক্ .
একাক্ষেণ এক এব অর্থঃ গৃহ্যতে ন ইতরঃ তথা .. ৭৫..
চিত্ আনন্দৌ ন এব ভিন্নৌ গন্ধ আদ্যাঃ তু বিলক্ষণাঃ .
ইতি চেত্ তত্ অভেদঃ অপি সাক্ষিণি অন্যত্র বা বদ .. ৭৬..
আদ্যে গন্ধ আদযঃ অপি এবম্ অভিন্নাঃ পুষ্পবর্তিনঃ .
অক্ষভেদেন তত্ ভেদে বৃত্তিভেদাত্ তযোঃ ভিদা .. ৭৭..
সত্ববৃত্তৌ চিত্সুখৈক্যং তত্ বৃত্তেঃ নির্মলত্বতঃ .
রজোবৃত্তেঃ তু মালিন্যাত্ সুখাংশঃ অত্র তিরস্কৃতঃ ..৭৮..
তিন্তিণী ফলম্ অতি অম্লং লবণেন যুতং যদা .
তদা আম্লস্য তিরস্কারাত্ ঈষত্ আম্লং যথা তথা .. ৭৯..
ননু প্রিযতমত্বেন পরমানন্দতা আত্মনি .
বিবেক্তুং শক্যতাম্ এবং বিনা যোগেন কিং ভবেত্ .. ৮০..
যত্ যোগেন তত্ এব ইতি বদামঃ জ্ঞানসিদ্ধযে .
যোগঃ প্রোক্তঃ বিবেকেন জ্ঞানং কিং ন উপজাযতে .. ৮১..
যত্ সাঙ্খ্যৈঃ প্রাপ্যতে স্থানং তত্ যোগৈঃ অপি গম্যতে .
ইতি স্মৃতং ফল একত্বং যোগিনাং চ বিবেকিনাম্ .. ৮২..
অসাধ্যঃ কস্যচিত্ যোগঃ কস্যচিত্ জ্ঞান নিশ্চযঃ .
ইত্থং বিচার্য মার্গৌ দ্বৌ জগাদ পরমেশ্বরঃ .. ৮৩..
যোগে কঃ অতিশযঃ তত্র জ্ঞানম্ উক্তং সমং দ্বযোঃ .
রাগ দ্বেষ আদি অভাবঃ চ তুল্যঃ যোগী বিবেকিনোঃ .. ৮৪..
ন প্রীতিঃ বিষযেষু অস্তি প্রেযান্ আত্মেতি জানতঃ .
কুতঃ রাগঃ কুতঃ দ্বেষঃ প্রাতিকূল্যম্ অপশ্যতঃ .. ৮৫..
দেহ আদেঃ প্রতিকূলেষু দ্বেষঃ তুল্যঃ দ্বযোঃ অপি .
দ্বেষং কুর্বন্ ন যোগী চেত্ অবিবেকি অপি তাদৃশঃ .. ৮৬..
দ্বৈতস্য প্রতিভানং তু ব্যবহারে দ্বযোঃ সমম্ .
সমাধৌ ন ইতি চেত্ তদ্বত্ ন অদ্বৈতত্বং বিবেকিনঃ .. ৮৭..
বিবক্ষ্যতে তত্ অস্মাভিঃ অদ্বৈতানন্দ নামকে .
অধ্যাযে হি তৃতীযে অতঃ সর্বম্ অপি অতিমঙ্গলম্ .. ৮৮..
সদা পশ্যন্ নিজ আনন্দম্ অপশ্যন্ নিখিলং জগত্ .
অর্থাত্ যোগী ইতি চেত্ তর্হি সন্তুষ্টঃ বর্ধতাং ভবান্ .. ৮৯..
ব্রহ্মানন্দ অভিধে গ্রন্থে মন্দ অনুগ্রহে সিদ্ধযে .
দ্বিতীয অধ্যাযঃ এতস্মিন্ আত্মানন্দঃ বিবেচিতঃ .. ৯০..
ইতি দ্বাদশোঽধ্যাযঃ .. ১২..