পঞ্চদশী ১১ – ১

অথ একাদশোঽধ্যাযঃ .
ব্রহ্মানন্দে যোগানন্দঃ .
ব্রহ্মানন্দং প্রবক্ষ্যামি জ্ঞাতে তস্মিন্ অশেষতঃ .
ঐহিক আমুষ্মিক অনর্থ ব্রাতং হিত্বা সুখাযতে .. ১..
ব্রহ্মবিত্ পরম্ আপ্নোতি শোকং তরতি চ আত্মবিত্ .
রসঃ ব্রহ্ম রসং লব্ধ্বা আনন্দী ভবতি ন অন্যথা .. ২..
প্রতিষ্ঠাং বিন্দতে স্বস্মিন্ যদা স্যাত্ অথ সঃ অভযঃ .
কুরুতে অস্মিন্ অন্তরং চেত্ অথ তস্য ভযং ভবেত্ .. ৩..
বাযুঃ সূর্যঃ বহ্নিঃ ইন্দ্রঃ মৃত্যুঃ জন্ম অন্তরে অন্তরম্ .
কৃত্বা ধর্মং বিজানন্তঃ অপি অস্মাত্ ভীত্যা চরন্তি হি .. ৪..
আনন্দং ব্রহ্মণঃ বিদ্বান্ ন বিভেতি কুতশ্চন .
এতম্ এব তপেত্ ন এষা চিন্তা কর্ম অগ্নি সম্ভৃতা .. ৫..
এবং বিদ্বান্ কর্মণি দ্বে হিত্বা আত্মানং স্মরেত্ সদা .
কৃতে চ কর্মণি স্বাত্ম রূপেণ এব এষ পশ্যতি .. ৬..
ভিদ্যতে হৃদয গ্রন্থিঃ ছিদ্যন্তে সর্ব সংশযাঃ .
ক্ষীযন্তে চ অস্য কর্মাণি তস্মিন্ দৃষ্টে পরাবরে .. ৭..
তম্ এব বিদ্বান্ অত্যেতি মৃত্যুং পন্থাঃ ন চ ইতরঃ .
জ্ঞাত্বা দেবং পাশ হানিঃ ক্ষীণৈঃ ক্লেশৈঃ ন জন্মভাক্ ..৮..
দেবং মত্বা হর্ষ শোকৌ জহাতি অত্র এব ধীর্যবান্ .
ন এনং কৃত অকৃতে পুণ্য পাপে তাপযতঃ ক্বচিত্ .. ৯..
ইতি আদি শ্রুতযঃ বহ্ব্যঃ পুরাণৈঃ স্মৃতিভিঃ সহ .
ব্রহ্মজ্ঞানে অনর্থ হানিম্ আনন্দং চ অপি অঘোষযন্ .. ১০..
আনন্দঃ ত্রিবিধঃ ব্রহ্মানন্দঃ বিদ্যাসুখং তথা .
বিষযানন্দঃ ইতি আদৌ ব্রহ্মানন্দঃ বিবিচ্যতে .. ১১..
ভৃগুঃ পুত্রঃ পিতুঃ শ্রুত্বা বরুণাত্ ব্রহ্মলক্ষণম্ .
অন্ন প্রাণ মনঃ বুদ্ধিঃ ত্যক্ত্বা আনন্দং বিজজ্ঞীবান্ .. ১২..
আনন্দাত্ এব ভূতানি জাযন্তে তেন জীবনম্ .
তেষাং লযঃ চ তত্র অতঃ ব্রহ্মানন্দঃ ন সংশযঃ .. ১৩..
ভূত উত্পত্তেঃ পুরা ভূমা ত্রিপুটী দ্বৈত বর্জনাত্ .
জ্ঞাতৃ জ্ঞান জ্ঞেয রূপা ত্রিপুটী প্রলযে হি ন .. ১৪..
বিজ্ঞানময উত্পন্নঃ জ্ঞাতা জ্ঞানং মনোমযঃ .
জ্ঞেযাঃ শব্দ আদযঃ ন এতত্ ত্রযম্ উত্পত্তিতঃ পুরা .. ১৫..
ত্রয অভাবে তু নির্দ্বৈতঃ পূর্ণঃ এব অনুভূযতে .
সমাধি সুপ্তি মূর্চ্ছাসু পূর্ণঃ সৃষ্টেঃ পুরা তথা .. ১৬..
যঃ ভূমা সঃ সুখং ন অল্পে সুখং ত্রেধা বিভেদিনি .
সনত্কুমারঃ প্রাহ এবং নারদায অতিশোকিনে .. ১৭..
সপুরাণান্ পঞ্চবেদান্ শাস্ত্রাণি বিবিধানি চ .
জ্ঞাত্বা অপি অনাত্মবিত্ত্বেন নারদঃ অতিশুশোচ হ .. ১৮..
বেদ অভ্যাসাত্ পুর তাপত্রযমাত্রেণ শোকিতা .
পশ্চাত্ তু অভ্যাস বিস্মার ভঙ্গ গর্বৈঃ চ শোকিতা .. ১৯..
সঃ অহং বিদ্বান্ প্রশোচামি শোকপারং নয অত্র মাম্ .
ইতি উক্তঃ সুখম্ এব পারম্ ইতি অভ্যধাত্ ঋষিঃ .. ২০..
সুখং বৈষযিকং শোক সহস্রেণ আবৃতত্বতঃ .
দুঃখম্ এব ইতি মত্বা অহ ন অল্পে অস্তি সুখম্ ইতি অসৌ ..২১..
ননু দ্বৈতে সুখং মা ভূত্ অদ্বৈতে অপি অস্তি নঃ সুখম্ .
অস্তি চেত্ উপলভ্যেত তথা চ ত্রিপুটী ভবেত্ .. ২২..
মা অস্তু অদ্বৈতে সুখং কিন্তু সুখম্ অদ্বৈতম্ এব হি .
কিং মানম্ ইতি চেত্ ন অস্তি মানাকাঙ্ক্ষা স্বযং প্রভে .. ২৩..
স্বপ্রভত্বে ভবত্ বাক্যং মানং যস্মাত্ ভবান্ ইদম্ .
অদ্বৈতম্ অভ্যুপেতি অস্মিন্ সুখং ন অস্তি ইতি ভাসতে .. ২৪..
ন অভ্যুপৈমি অহম্ অদ্বৈতং ত্বত্ বচঃ অনূদ্য দূষণম্ .
বচ্মি ইতি চেত্ তদা ব্রূহি কিম্ আসীত্ দ্বৈততঃ পুরঃ .. ২৫..
কিম্ অদ্বৈতম্ উত দ্বৈতম্ অন্যঃ বা কোটিঃ অন্তিমঃ .
অপ্রসিদ্ধঃ ন দ্বিতীযঃ অনুত্পত্তেঃ শিষ্যতে অগ্রিমঃ .. ২৬..
অদ্বৈত সিদ্ধিঃ যুক্ত্যা এব ন অনুভূত্য ইতি চেত্ বদ .
নির্দৃষ্টান্তা সদৃষ্টান্তা বা কোটি অন্তরম্ অত্র নো .. ২৭.
ন অনুভূতিঃ ন দৃষ্টান্তঃ ইতি যুক্তিঃ তু শোভতে .
সদৃষ্টান্তত্ব পক্ষে তু দৃষ্টান্তং বদ মে মতম্ .. ২৮..
অদ্বৈতঃ প্রলযঃ দ্বৈত অনুপলম্ভেন সুপ্তিবত্ .
ইতি চেত্ সুপ্তিঃ অদ্বৈতে তত্র দৃষ্টান্তম্ ঈরয .. ২৯..
দৃষ্টান্তঃ পরসুপ্তিঃ চেত্ অহো তে কৌশলং মহত্ .
যঃ স্বসুপ্তিং ন বেত্তি অস্য পরসুপ্তৌ তু কা কথা .. ৩০..
নিশ্চেষ্টত্বাত্ পরঃ সুপ্তঃ যথা অহম্ ইতি চেত্ তদা .
উদাহর্তুঃ সুষুপ্তেঃ তে স্বপ্রভত্বং বলাত্ ভবেত্ .. ৩১..
ন ইন্দ্রিযাণি ন দৃষ্টান্তঃ তথা অপি অঙ্গীকরোষি তাম্ .
ইদম্ এব স্বপ্রভত্বং যত্ ভানং সাধনৈঃ বিনা .. ৩২..
স্তাম্ অদ্বৈত স্বপ্রভত্বে বদ সুপ্তৌ সুখং কথম্ .
শৃণু দুঃখং তদা ন অস্তি ততঃ তে শিষ্যতে সুখম্ .. ৩৩..
অন্ধঃ সন্ অপি অনন্ধঃ স্যাত্ বিদ্ধঃ অবিদ্ধঃ অথ রোগী অপি .
অরোগী ইতি প্রাহ তত্ চ সর্বে জনাঃ বিদুঃ .. ৩৪..
ন দুঃখ অভাব মাত্রেণ সুখং লোষ্ট শিল আদিষু .
দ্বয অভাবস্য দৃষ্টত্বাত্ ইতি চেত্ বিষমং বচঃ .. ৩৫..
মুখ দৈন্য বিকাসাভ্যাং পর দুঃখ সুখ ঊহনম্ .
দৈন্য আদি অভাবতঃ লোষ্টে দুঃখ আদি ঊহঃ ন সম্ভবেত্ .. ৩৬..
স্বকীযে সুখদুঃখে তু ন ঊহনীযে ততঃ তযোঃ .
ভাবঃ বেদ্যঃ অনুভূত্য এব তত্ অভাবঃ অপি ন অন্যতঃ .. ৩৭..
তথা সতি সুষুপ্তৌ চ দুঃখ অভাবঃ অনুভূতিতঃ .
বিরোধি দুঃখ রাহিত্যাত্ সুখং নির্বিঘ্নম্ ইষ্যতাম্ .. ৩৮..
মহত্তর প্রযাসেন মৃদু শয্যা আদি সাধনম্ .
কুতঃ সম্পাদ্যতে সুপ্তৌ সুখং চেত্ তত্র নঃ ভবেত্ .. ৩৯..
দুঃখ নাশার্থম্ এব এতত্ ইতি চেত্ রোগিণঃ তথা .
ভবতু অরোগিণঃ তু এতত্ সুখায এব ইতি নিশ্চিনু .. ৪০..
তর্হি সাধন জন্যত্বাত্ সুখং বৈষযিকং ভবেত্ .
ভবতি এব অত্র নিদ্রাযাঃ পূর্বং শয্যাসনাদিজম্ .. ৪১..
নিদ্রাযাং তু সুখং যত্ তত্ জন্যতে কেন হেতুনা .
সুখ অভিমুখ ধীঃ আদৌ পশ্চাত্ মজ্জেত্ পরে সুখে .. ৪২..
জাগ্রত্ ব্যাবৃত্তিভিঃ শ্রান্তঃ বিশ্রম্যাথ বিরোধিনি .
অপনীতে স্বস্থ চিত্তঃ অনুভবেত্ বিষযে সুখম্ .. ৪৩..
আত্ম অভিমুখ ধীবৃত্তৌ স্বানন্দঃ প্রতিবিম্বতি .
অনুভূয এনম্ অত্র অপি ত্রিপুট্যা শ্রান্তিম্ আপ্নুযাত্ .. ৪৪..
তত্ শ্রমস্য অপনুত্ত্যর্থং জীবঃ ধাবেত্ পরাত্মনি .
তেন ঐক্যং প্রাপ্য তত্রত্যঃ ব্রহ্মানন্দঃ স্বযং ভবেত্ .. ৪৫..
দৃষ্টান্তাঃ শকুনিঃ শ্যেনঃ কুমারঃ চ মহানৃপঃ .
মহাব্রাহ্মণঃ ইতি এতে সুপ্তি আনন্দে শ্রুতি ঈরিতাঃ .. ৪৬..
শকুনিঃ সূত্রবদ্ধঃ সন্ দিক্ষু ব্যাপৃত্য বিশ্রমম্ .
অলব্ধ্বা বন্ধনস্থানং হস্ত স্তম্ভ আদি উপাশ্রযেত্ .. ৪৭..
জীব উপাধি মনঃ তদ্বত্ ধর্ম অধর্ম ফল আপ্তযে .
স্বপ্নে জাগ্রতি চ ভ্রান্ত্বা ক্ষীণে কর্মণি লীযতে .. ৪৮..
শ্যেনঃ বেগেন নীড একলম্পটঃ শযিতুং ব্রজেত্ .
জীবঃ সুপ্ত্যৈ তথা ধাবেত্ ব্রহ্মানন্দ একলম্পটঃ .. ৪৯..
অতিবালঃ স্তনং পীত্বা মৃদু শয্যা গতঃ হসন্ .
রাগ দ্বেষ আদি অনুত্পত্তেঃ আনন্দ এক স্বভাবভাক্ .. ৫০..
মহারাজঃ সার্বভৌমঃ সংতৃপ্তঃ সর্বভোগতঃ .
মানুষানন্দ সীমানং প্রাপ্য আনন্দ এক মূর্তিভাক্ .. ৫১..
মহাবিপ্রঃ ব্রহ্মবেদি কৃতকৃত্যত্বলক্ষণাম্ .
বিদ্যানন্দস্য পরমাং কাষ্ঠাং প্রাপ্য অবতিষ্ঠতে .. ৫২..
মুগ্ধ বুদ্ধ অতিবুদ্ধানাং লোকে সিদ্ধাঃ সুখাত্মতা .
উদাহৃতানাম্ অন্যে তু দুঃখিনঃ ন সুখাত্মকাঃ .. ৫৩..
কুমার আদিবত্ এব অযং ব্রহ্মানন্দ এক তত্পরঃ .
স্ত্রীপরিষ্বক্তবত্ বেদ ন বাহ্যং ন অপি চ অন্তরম্ .. ৫৪..
বাহ্যং রথি আদিকং বৃত্তং গৃহকৃত্যং যথা অন্তরম্ .
তথা জাগরণং বাহ্যং নাডীস্থঃ স্বপ্নঃ আন্তরঃ .. ৫৫..
পিত অপি সুপ্তৌ অপিতেতি আদৌ জীবত্ব বারণাত্ .
সুপ্তৌ ব্রহ্ম এব নঃ জীব সংসারিত্ব অসমীক্ষণাত্ .. ৫৬..
পিতৃত্ব আদি অভিমানঃ যঃ সুখ দুঃখাকরঃ স হি .
তস্মিন্ অপগতে তীর্ণঃ সর্বান্ শোকান্ ভবতি অযম্ .. ৫৭..
সুষুপ্তিকালে সকলে বিলীনে তমসাবৃতঃ .
সুখরূপম্ উপৈতি ইতি ব্রূতে হি আথর্বণী শ্রুতিঃ .. ৫৮..
সুখম্ অস্বাপ্সম্ অত্র অহং ন বৈ কিংচিত্ অবেদিষম্ .
ইতি সুপ্তে সুখ অজ্ঞানে পরামৃশতি চ উত্তিথঃ .. ৫৯..
পরামর্শঃ অনুভূতে অস্তি ইতি আসীত্ অনুভবঃ তদা .
চিদাত্মত্বত্ স্বতঃ ভাতি সুখম্ অজ্ঞান ধীঃ ততঃ .. ৬০..
ব্রহ্ম বিজ্ঞানম্ আনন্দম্ ইতি বাজসনেযিনঃ .
পঠন্তি অতঃ স্বপ্রকাশং সুখং ব্রহ্ম এব ন ইতরত্ .. ৬১..
যত্ অজ্ঞানং তত্র লীনৌ তৌ বিজ্ঞান মনোমযৌ .
তযোঃ হি বিলয অবস্থা নিদ্রা অজ্ঞানং চ স এব হি .. ৬২..
বিলীন ঘৃতবত্ পশ্চাত্ স্যাত্ বিজ্ঞানমযঃ ঘনঃ .
বিলীন অবস্থা আনন্দময শব্দেন কথ্যতে .. ৬৩..
সুপ্তি পূর্বক্ষণে বুদ্ধি বৃত্তিঃ যা সুখবিম্বিতা .
স এব তত্ বিম্বসহিতা লীনা আনন্দমযঃ ততঃ .. ৬৪..
অন্তর্মুখঃ যঃ আনন্দমযঃ ব্রহ্মসুখং তদা .
ভুঙ্ক্তে চিত্ বিম্ব যুক্তাভিঃ অজ্ঞান উত্পন্ন বৃত্তিভিঃ .. ৬৫..
অজ্ঞান বৃত্তযঃ সূক্ষ্মাঃ বিস্পষ্টাঃ বুদ্ধিবৃত্তযঃ .
ইতি বেদান্ত সিদ্ধান্ত পারগাঃ প্রবদন্তি হি .. ৬৬..
মাণ্ডুক্য তাপনীয আদি শ্রুতিষু এতত্ অতিস্ফুটম্ .
আনন্দমযঃ ভোক্তৃত্বং ব্রহ্মানন্দে চ ভোগ্যতা .. ৬৭..
একীভূতঃ সুষুপ্তস্থঃ প্রজ্ঞানঘনতাং গতঃ .
আনন্দমযঃ আনন্দভুক্ চেতোমযঃ বৃত্তিভিঃ .. ৬৮..
বিজ্ঞানময মুখ্যৈঃ যঃ রূপৈঃ যুক্তঃ পুরাধুনা .
স লযেন একতাং প্রাপ্তঃ বহুতণ্ডুলপিষ্টবত্ .. ৬৯..
প্রজ্ঞানানি পুরা বুদ্ধিবৃত্তযঃ অথ ঘনঃ অভবত্ .
ঘনত্বং হিমবিন্দূনাম্ উদক্ দেশে যথা তথা .. ৭০..
তত্ ঘনত্বং সাক্ষিভাবং দুঃখ অভাবং প্রচক্ষতে .
লৌকিকাঃ তার্কিকাঃ যাবত্ দুঃখ বৃত্তি বিলোপনাত্ .. ৭১..
অজ্ঞানবিম্বিতা চিত্ স্যাত্ মুখম্ আনন্দভোজনে .
ভুক্তং ব্রহ্মসুখং ত্যক্ত্বা বহিঃ যাতি অথ কর্মণা .. ৭২..
কর্ম জন্মান্তরে অভূত্ যত্ তত্ যোগাত্ বুদ্ধ্যতে পুনঃ .
ইতি কৈবল্য শাখাযাং কর্মজঃ বোধঃ ঈরিতঃ .. ৭৩..
কংচিত্ কালং প্রবুদ্ধস্য ব্রহ্মানন্দস্য বাসনা .
অনুগচ্ছেত্ যতঃ তূষ্ণীম্ আস্তে নির্বিষযঃ সুখী .. ৭৪..
কর্মভিঃ প্রেরিতঃ পশ্চাত্ নানা দুঃখানি ভাবযন্ .
শনৈঃ বিস্মরতি ব্রহ্মানন্দম্ এষঃ অখিলঃ জনঃ .. ৭৫..
প্রাক্ ঊর্ধ্বম্ অপি নিদ্রাযাঃ পক্ষপাতঃ দিনে দিনে .
ব্রহ্মানন্দে নৃণাং তেন প্রাজ্ঞঃ অস্মিন্ বিবদেত কঃ .. ৭৬..
ননু তূষ্ণীং স্থিতৌ ব্রহ্মানন্দঃ চেত্ ভাতি লৌকিকাঃ .
অলসাঃ চরিতার্থাঃ স্যুঃ শাস্ত্রেণ গুরুণা অত্র কিম্ .. ৭৭..
বাধং ব্রহ্ম ইতি বিদ্যুঃ চেত্ কৃতার্থাঃ তাবত এব তে .
গুরু শাস্ত্রে বিনা অত্যন্ত গম্ভীরং ব্রহ্ম বেত্তি কঃ .. ৭৮..
জানামি অহং ত্বত্ উক্ত্যা অদ্য কুতঃ মে ন কৃতার্থতা .
শৃণু অত্র তু আদৃশঃ বৃত্তং প্রাজ্ঞং মন্যস্য কস্যচিত্ .. ৭৯..
চতুর্বেদবিদে দেযম্ ইতি শৃণ্বন্ অবোচত .
বেদাঃ চত্বারঃ ইতি এবং বেদ্মি মে দীযতাং ধনম্ .. ৮০..
সাঙ্খ্যম্ এব এষঃ জানাতি ন তু বেদান্ অশেষতঃ .
যদি তর্হি ত্বম্ অপি এবং ন অশেষং ব্রহ্ম বেত্সি হি .. ৮১..
অখণ্ড এক রস আনন্দে মাযা তত্ কার্য বর্জিতে .
অশেষত্ব সশেষত্ব বার্তৌ অবসরঃ এব কঃ .. ৮২..
শব্দান্ এব পঠসি আহো তেষাম্ অর্থং চ পশ্যসি .
শব্দপাঠে অর্থবোধঃ তে সম্পাদ্যত্বেন শিষ্যতে .. ৮৩..
অর্থে ব্যাকরণাত্ বুদ্ধে সাক্ষাত্কারঃ অবশিষ্যতে .
স্যাত্ কৃতার্থত্ব ধীঃ যাবত্ তাবত্ গুরুম্ উপাস্ব ভোঃ .. ৮৪..
আস্তাম্ এতত্ যত্র যত্র সুখং স্যাত্ বিষযৈঃ বিনা .
তত্র সর্বত্র বিদ্ধি এতাং ব্রহ্মানন্দস্য বাসনাম্ .. ৮৫..
বিষযেষু অপি লব্ধেষু তত্ ইচ্ছা উপরমে সতি .
অন্তর্মুখ মনোবৃত্তৌ আনন্দঃ প্রতিবিম্বতি .. ৮৬..
ব্রহ্মানন্দঃ বাসনা চ প্রতিবিম্বঃ ইতি ত্রযম্ .
অন্তরেণ জগতি অস্মিন্ আনন্দঃ ন অস্তি কশ্চন .. ৮৭..
তথা চ বিষযানন্দঃ বাসনানন্দঃ ইতি অমূ .
আনন্দৌ জনযন্ আস্তে ব্রহ্মানন্দঃ স্বযংপ্রভঃ .. ৮৮..
শ্রুতি যুক্তি অনুভূতিভ্যঃ স্বপ্রকাশচিদাত্মকে .
ব্রহ্মানন্দে সুপ্তিকালে সিদ্ধে সতি অন্যদা শৃণু .. ৮৯..
যঃ আনন্দমযঃ সুপ্তৌ সঃ বিজ্ঞানমযাত্মতাম্ .
গত্বা স্বপ্নং প্রবোধং বা প্রাপ্নোতি স্থান ভেদতঃ .. ৯০..
নেত্রে জাগরণং কণ্ঠে স্বপ্নঃ সুপ্তিঃ হৃত্ অম্বুজে .
আপাদ মস্তকং দেহং ব্যাপ্য জাগর্তি চেতনঃ .. ৯১..
দেহতাদাত্ম্যম্ আপন্নঃ তপ্তাযঃ পিণ্ডবত্ ততঃ .
অহং মনুষ্যঃ ইতি এবং নিশ্চিত্য এব অবতিষ্ঠতে .. ৯২..
উদাসীনঃ সুখী দুঃখী ইতি অবস্থাত্রযম্ এতি অসৌ .
সুখদুঃখে কর্মকার্যে তু ঔদাসীন্যং স্বভাবতঃ .. ৯৩..
বাহ্য ভোগান্ মনোরাজ্যাত্ সুখদুঃখে দ্বিধা মতে .
সুখদুঃখ অন্তরালেষু ভবেত্ তূষ্ণীম্ অবস্থিতিঃ .. ৯৪..
ন কাপি চিন্তা মে অস্তি অদ্য সুখম্ আসঃ ইতি ব্রুবন্ .
ঔদাসীন্যে নিজানন্দ ভাবং বক্তি অখিলঃ জনঃ .. ৯৫..
অহম্ অস্মি ইতি অহঙ্কার সামান্য আচ্ছাদিতত্বতঃ .
নিজানন্দঃ ন মুখ্যঃ অযং কিন্তু অসৌ তস্য বাসনা .. ৯৬..
নীর পূরিত ভাণ্ডস্য বাহ্যে শৈত্যং ন তত্ জলম্ .
কিন্তু নীর গুণঃ তেন নীর সত্তা অনুমীযতে .. ৯৭..
যাবত্ যাবত্ অহঙ্কারঃ বিস্মৃতঃ অভ্যাসযোগতঃ .
তাবত্ তাবত্ সূক্ষ্ম দৃষ্টেঃ নিজানন্দঃ অনুমীযতে .. ৯৮..
সর্বাত্মনা বিস্মৃতঃ সন্ সূক্ষ্মতাং পরমাং ব্রজেত্ .
অলীনত্বাত্ ন নিদ্রা এষা ততঃ দেহঃ অপি নো পতেত্ .. ৯৯..
ন দ্বৈতং ভাসতে ন অপি নিদ্রা তত্র অস্তি যত্ সুখম্ .
স ব্রহ্মানন্দঃ ইতি আহ ভগবান্ অর্জুনং প্রতি .. ১০০..