পঞ্চদশী ১০

অথ দশমোঽধ্যাযঃ .
নাটক দীপঃ .
পরমাত্মা অদ্বযানন্দ পূর্ণঃ পূর্বং স্বমাযযা .
স্বযম্ এব জগত্ ভূত্বা প্রাবিশত্ জীবরূপতঃ .. ১..
বিষ্ণু আদি উত্তম দেহেষু প্রবিষ্টঃ দেবতা অভবত্ .
মর্ত্য আদি অধম দেহেষু স্থিতঃ ভজতি দেবতাম্ .. ২..
অনেক জন্ম ভজনাত্ স্ববিচারং চিকীর্ষতি .
বিচারেণ বিনষ্টাযাং মাযাযাং শিষ্যতে স্বযম্ .. ৩..
অদ্বযানন্দ রূপস্য সদ্বযত্বং চ দুঃখিতা .
বন্ধঃ প্রোক্তঃ স্বরূপেণ স্থিতিঃ মুক্তিঃ ইতি ঈর্যতে .. ৪..
অবিচারকৃতঃ বন্ধঃ বিচারেণ নিবর্ততে .
তস্মাত্ জীবপরাত্মানৌ সর্বদা এব বিচারযেত্ .. ৫..
অহম্ ইতি অভিমন্তা যঃ কর্তা অসৌ তস্য সাধনম্ .
মনঃ তস্য ক্রিযে অন্তর্বহির্বৃত্তিঃ ক্রম উত্থিতে .. ৬..
অন্তর্মুখা অহম্ ইতি এষা বৃত্তিঃ কর্তারম্ উল্লিখেত্ .
বহির্মুখ ইদম্ ইতি এষা বাহ্যং বস্তু ইঅদম্ উল্লিখেত্ .. ৭..
ইদমঃ যে বিশেষাঃ স্যুঃ গন্ধ রূপ রস আদযঃ .
অসাঙ্কর্যেণ তান্ ভিদ্যাত্ ঘ্রাণ আদি ইন্দ্রিয পঞ্চকম্ .. ৮..
কর্তারং চ ক্রিযাং তদ্বত্ ব্যাবৃত্ত বিষযান্ অপি .
স্ফোরযেত্ একযত্নেন যঃ অসৌ সাক্ষি অত্র চিদ্বপুঃ .. ৯..
ঈক্ষে শৃণোমি জিঘ্রামি স্বাদযামি স্পৃশামি অহম্ .
ইতি ভাসযতে সর্বং নৃত্য শালাস্থ দীপবত্ .. ১০..
নৃত্যশালাস্থিতঃ দীপঃ প্রভুং সভ্যাং চ নর্তকীম্ .
দীপযেত্ অবিশেষেণ তত্ অভাবে অপি দীপ্যতে .. ১১..
অহঙ্কারং ধিযং সাক্ষী বিষযান্ অপি ভাসযেত্ .
অহঙ্কার আদি অভাবে অপি স্বযং ভাতি এব পূর্ববত্ .. ১২..
নিরন্তরং ভাসমানে কূটস্থে জ্ঞপ্তি রূপতঃ .
তত্ ভাসা ভাসমানেযং বুদ্ধিঃ নৃত্যতি অনেকধা .. ১৩..
অহঙ্কারঃ প্রভুঃ সভ্যাঃ বিষযাঃ নর্তকী মতিঃ .
তাল আদি ধারিণী অক্ষাণি দীপঃ সাক্ষি অবভাসকঃ .. ১৪..
স্বস্থান সংস্থিতঃ দীপঃ সর্বতঃ ভাসযেত্ যথা .
স্থিরস্থাযী তথা সাক্ষী বহিঃ অন্তঃ প্রকাশযেত্ .. ১৫..
বহিঃ অন্তঃ বিভাগঃ অযং দেহ অপেক্ষঃ ন সাক্ষিণি .
বিষযাঃ বাহ্য দেশস্থাঃ দেহস্য অন্তঃ অহঙ্কৃতিঃ .. ১৬..
অন্তস্থা ধীঃ সহ এব অক্ষৈঃ বহিঃ যাতি পুনঃ পুনঃ .
ভাস্য বুদ্ধিস্থ চাঞ্চল্যং সাক্ষিণি আরোপ্যতে বৃথা .. ১৭..
গৃহ অন্তর গতঃ স্বল্পঃ গবাক্ষাত্ আতপঃ অচলঃ .
তত্র হস্তে নর্ত্যমানে নৃত্যতি ইব আতপঃ যথা .. ১৮..
নিজস্থানস্থিতঃ সাক্ষী বহিঃ অন্তঃ গম আগমৌ .
অকুর্বন্ বুদ্ধি চাঞ্চল্যাত্ করোতি ইব তথা তথা .. ১৯..
ন বাহ্যঃ ন অন্তরঃ সাক্ষী বুদ্ধেঃ দেশৌ হি তৌ উভৌ .
বুদ্ধি আদি অশেষ সংশান্তৌ যত্র ভাতি অস্তি তত্র সঃ .. ২০..
দেশঃ কঃ অপি ন ভাসেত যদি তর্হি অস্তু অদেশভাক্ .
সর্বদেশ প্রক্লৃপ্ত্য এব সর্বগত্বং ন তু স্বতঃ .. ২১..
অন্তঃ বহিঃ বা সর্বং বা যং দেশং পরিকল্পযেত্ .
বুদ্ধিঃ তত্ দেশগঃ সাক্ষী তথা বস্তুষু যোজযেত্ .. ২২..
যত্ যত্ রূপ আদি কল্প্যেত বুদ্ধ্যা তত্ তত্ প্রকাশযন্ .
তস্য তস্য ভবেত্ সাক্ষী স্বতঃ বাক্ বুদ্ধি অগোচরঃ .. ২৩..
কথং তাদৃত্ মযা গ্রাহ্যঃ ইতি চেত্ মা এব গৃহ্যতাম্ .
সর্বগ্রহ উপসংশান্তৌ স্বযম্ এব অবশিষ্যতে .. ২৪..
ন তত্র মান অপেক্ষা অস্তি স্বপ্রকাশ স্বরূপতঃ .
তাদৃক্ ব্যুত্পত্তি অপেক্ষা চেত্ শ্রুতিং পঠ গুরোঃ মুখাত্ .. ২৫..
যদি সর্বগৃহত্যাগঃ অশক্যঃ তর্হি ধিযং ব্রজ .
শরণং তত্ অধীনঃ অন্তঃ বহিঃ বা এষঃ অনুভূযতাম্ .. ২৬..
ইতি দশমোঽধ্যাযঃ .. ১০..