পঞ্চদশী ০৯ – ২

বর্ণ আশ্রম আদযঃ দেহে মাযযা পরিকল্পিতাঃ .
ন আত্মনঃ বোধ রূপস্য ইতি এবং তস্য বিনিশ্চযঃ .. ১০১..
সমাধিম্ অথ কর্মাণি মা করোতু করোতু বা .
হৃদযেন অস্ত সর্বাস্থঃ মুক্ত এব উত্তম আশযঃ .. ১০২..
নৈষ্কর্ম্যেণ ন তস্য অর্থঃ তস্য অর্থঃ অস্তি ন কর্মভিঃ .
ন সমাধান জপ্যাভ্যাং যস্য নির্বাসনং মনঃ .. ১০৩..
আত্মা অসঙ্গঃ ততঃ অন্যত্ স্যাত্ ইন্দ্রজালং হি মাযিকম্ .
ইতি অচঞ্চল নির্ণিতে কুতঃ মনসি বাসনা .. ১০৪..
এবং ন অস্তি প্রসঙ্গঃ অপি কুতঃ অস্য অতিপ্রসঞ্জনম্ .
প্রসঙ্গঃ যস্য তস্য এব শঙ্ক্যেত অতিপ্রসঞ্জনম্ .. ১০৫..
বিধি অভাবাত্ ন বালস্য দৃশ্যতে অতিপ্রসঞ্জনম্ .
স্যাত্ কুতঃ অতিপ্রসঙ্গঃ অস্য বিধি অভাবে সমে সতি .. ১০৬..
ন কিংচিত্ বেত্তি বালঃ চেত্ সর্বং বেত্তি এব তত্ত্ববিত্ .
অল্পজ্ঞস্য এব বিধযঃ সর্বে স্যুঃ ন অন্যযোঃ দ্বযোঃ .. ১০৭..
শাপ অনুগ্রহ সামর্থ্যং যস্য অসৌ তত্ত্ববিত্ যদি .
তত্ ন শাপ আদি সামর্থ্যং ফলং স্যাত্ তপসঃ যতঃ .. ১০৮..
ব্যাস আদেঃ অপি সামর্থ্যং দৃশ্যতে তপসঃ বলাত্ .
শাপ আদি কারণাত্ অন্যত্ তপঃ জ্ঞানস্য কারণম্ … ১০৯..
দ্বযম্ অস্য অস্তি তস্য এব সামর্থ্য জ্ঞানযোঃ জনিঃ .
এক একং তু ততঃ কুর্বন্ এক একং লভতে ফলম্ .. ১১০..
সামর্থ্যহীনঃ নিন্দ্যঃ চেত্ যতিঃ বিধিবিবর্জিতঃ .
নিন্দ্যতে তত্ তপঃ অপি অন্যৈঃ অনিশং ভোগলংপটৈঃ .. ১১১..
ভিক্ষা বস্ত্র আদি রক্ষেযুঃ যদি এতে ভোগতুষ্টযে .
অহো যতিত্বম্ এতেষাং বৈরাগ্য ভর মন্থরম্ .. ১১২..
বর্ণাশ্রম পরান্ মূঢাঃ নিন্দন্তু ইতি উচ্যতে যদি .
দেহাত্ম মতযঃ বুদ্ধং নিন্দন্তু আশ্রম মানিনঃ .. ১১৩..
তত্ ইত্থং তত্ত্ববিজ্ঞানে সাধনানুপমর্দনাত্ .
জ্ঞানিনা আচরিতুং শক্যং সম্যক্ রাজ্যাদি লৌকিকম্ .. ১১৪..
মিথ্যাত্ববুদ্ধ্যা তত্র ইচ্ছা ন অস্তি চেত্ তর্হি মা অস্তু তত্ .
ধ্যাযন্ বা অথ ব্যবহরন্ যথা আরব্ধং বসতু অযম্ .. ১১৫..
উপাসকঃ তু সততং ধ্যাযন্ এব বসেত্ যথঃ .
ধ্যানেন এব কৃতং তস্য ব্রহ্মত্বং বিষ্ণুতাদিবত্ .. ১১৬..
ধ্যান উপাদানকং যত্ তত্ ধ্যান অভাবে বিলীযতে .
বাস্তবী ব্রহ্মতা ন এব জ্ঞান অভাবে বিলীযতে .. ১১৭..
ততঃ অভিজ্ঞাপকং জ্ঞানং ন নিত্যং জনযতি অদঃ .
জ্ঞাপক অভাব মাত্রেণ ন হি সত্যং বিলীযতে .. ১১৮..
অস্তি এব উপাসকস্য অপি বাস্তবী ব্রহ্মতা ইতি চেত্ .
পামরাণাং তিরশ্চাং চ বাস্তবী ব্রহ্মতা ন কিম্ .. ১১৯..
অজ্ঞানাত্ অপুমর্থত্বম্ উভযত্র অপি তত্ সমম্ .
উপবাসাত্ যথা ভিক্ষা বরং ধ্যানং তথা অন্যথঃ .. ১২০..
পামরাণাং ব্যবহৃতেঃ বরং কর্ম আদি অনুষ্ঠিতিঃ .
ততঃ অপি সগুণ উপাস্তিঃ নির্গুণ উপাসনা ততঃ .. ১২১..
যাবত্ বিজ্ঞান সামীপ্যং তাবত্ শ্রৈষ্ঠ্যং বিবর্ধতে .
ব্রহ্মজ্ঞানাযতে সাক্ষাত্ নির্গুণ উপাসনং শনৈঃ .. ১২২..
যথা সংবাদিবিভ্রান্তিঃ ফলকালে প্রমাযতে .
বিদ্যাযতে তথা উপাস্তিঃ মুক্তিকালে অতি পাকতঃ .. ১২৩..
সংবাদিভ্রমতঃ পুংসঃ প্রবৃত্তস্য মানতঃ .
প্রমা ইতি চেত্ তথা উপাস্তিঃ মা অন্তরে কারণাযতাম্ .. ১২৪..
মূর্তিধ্যানস্য মন্ত্র আদেঃ অপি কারণতা যদি .
অস্তু নাম তথা অপি অত্র প্রত্যাসত্তিঃ বিশিষ্যতে .. ১২৫..
নির্গুণ উপাসনং পক্বং সমাধিঃ স্যাত্ শনৈঃ ততঃ .
যঃ সমাধিঃ নিরোধ আখ্যঃ সঃ অনাযাসেন লভ্যতে .. ১২৬..
নিরোধ লাভে পুংসঃ অন্তঃ অসঙ্গং বস্তু শিষ্যতে .
পুনঃ পুনঃ বাসিতে অস্মিন্ বাক্যাত্ জাযেত তত্ত্বধীঃ .. ১২৭..
নির্বিকার অসঙ্গ নিত্য স্বপ্রকাশ এক পূর্ণতাঃ .
বুদ্ধৌ ঝটিতি শাস্ত্র উক্তাঃ আরোহন্তি অবিবাদতঃ .. ১২৮..
যোগ অভ্যাসঃ তু এতত্ অর্থঃ অমৃতবিন্দু আদিষু শ্রুতঃ .
এবং চ দৃষ্ট দ্বার অপি হেতুত্বাত্ অন্যতঃ বরম্ .. ১২৯..
উপেক্ষ্য তত্ তীর্থ যাত্রা জপ আদীন্ এব কুর্বতাম্ .
পিণ্ডং সমুত্সৃজ্য করং লেঢিতি ন্যায আপতেত্ .. ১৩০..
উপাসকানাম্ অপি এবং বিচার ত্যাগতঃ যদি .
বাধং তস্মাত্ বিচারস্য অসম্ভবে যোগঃ ঈরিতঃ .. ১৩১..
বহু ব্যাকুল চিত্তানাং বিচারাত্ তত্ত্ব ধীঃ ন হি .
যোগঃ মুখ্যঃ ততঃ তেষাং ধীদর্পঃ তেন নশ্যতি .. ১৩২..
অব্যাকুলধিযাং মোহমাত্রেণ আচ্ছাদিত আত্মনাম্ .
সাঙ্খ্যনামাঃ বিচারাঃ স্যাত্ মুখ্যঃ ঝটিতি সিদ্ধিদঃ .. ১৩৩..
যত্ সাঙ্খ্যৈঃ প্রাপ্যতে স্থানং তত্ যোগৈঃ অপি গম্যতে .
একং সাঙ্খ্যং চ যোগং চ যঃ পশ্যতি সঃ পশ্যতি .. ১৩৪..
তত্ কারণং সাঙ্খ্য যোগ অভিপন্নঃ ইতি হি শ্রুতিঃ .
যঃ তু শ্রুতেঃ বিরুদ্ধঃ সঃ আভাসঃ সাঙ্খ্যযোগযোঃ .. ১৩৫..
উপাসনং ন অতিপক্বম্ ইহ যস্য পরত্র সঃ .
মরণে ব্রহ্মলোকে বা তত্ত্বং বিজ্ঞায মুচ্যতে .. ১৩৬..
যং যং বা অপি স্মরন্ ভাবং ত্যজতি অন্তে কলেবরম্ .
তং তম্ এব এতি যত্ চিত্তঃ তেন যাতি ইতি শাস্ত্রতঃ .. ১৩৭..
অন্ত্য প্রত্যযতঃ নূনং ভাবি জন্ম তথা সতি .
নির্গুণ প্রত্যযঃ অপি স্যাত্ সগুণ উপাসনে যথা .. ১৩৮..
নিত্য নির্গুণ রূপং তত্ নাম মাত্রেণ গীযতাম্ .
অর্থতঃ মোক্ষ এব এশ সংবাদিভ্রমবত্ মতঃ .. ১৩৯..
তত্ সামর্থ্যাত্ জাযতে ধীঃ মূল অবিদ্যা নিবর্তিকা .
অবিমুক্ত উপাসনেন তারক ব্রহ্ম বুদ্ধিবত্ .. ১৪০..
সঃ অকামঃ নিষ্কামঃ ইতি হি অশরীরঃ নিরিন্দ্রিযঃ .
অভযং হি ইতি মুক্তত্বং তাপনীযে ফলং শ্রুতম্ .. ১৪১..
উপাসনস্য সামর্থ্যাত্ বিদ্যা উত্পত্তিঃ ভবেত্ ততঃ .
ন অন্যঃ পন্থাঃ ইতি হি এতত্ শাস্ত্রং ন এব বিরুধ্যতে .. ১৪২..
নিষ্কাম উপাসনাত্ মুক্তিঃ তাপনীযে সমীরিতা .
ব্রহ্মলোকঃ সকামস্য শৈব্যপ্রশ্নে সমীরিতঃ .. ১৪৩..
যঃ উপাসতে ত্রিমাত্রেণ ব্রহ্মলোকে সঃ নীযতে .
সঃ এতস্মাত্ জীবঘনাত্ পরং পুরুষম্ ঈক্ষতে .. ১৪৪..
অপ্রতীক অধিকরণে তত্ ক্রতুঃ ন্যাযঃ ঈরিতঃ .
ব্রহ্মলোকফলং তস্মাত্ সকামস্য ইতি বর্ণিতম্ .. ১৪৫..
নির্গুণ উপাস্তি সামর্থ্যাত্ তত্র তত্ত্বম্ অবেক্ষতে .
পুনঃ আবর্ততে ন অযং কল্পান্তে চ বিমুচ্যতে .. ১৪৬..
প্রণব উপাস্তযঃ প্রাযঃ নির্গুণাঃ এব বেদগাঃ .
ক্বচিত্ সগুণতা অপি উক্তা প্রণব উপাসনস্য হি .. ১৪৭..
পর অপর ব্রহ্ম রূপঃ ওঙ্কারঃ উপবর্ণিতঃ .
পিপ্পলাদেন মুনিনা সত্যকামায পৃচ্ছতে .. ১৪৮..
এতত্ আলম্বনং জ্ঞাত্বা যঃ যত্ ইচ্ছতি তস্য তত্ .
ইতি প্রোক্তং যমেন অপি পৃচ্ছতে নচিকেতসে .. ১৪৯..
ইহ বা মরণে চ অস্য ব্রহ্মলোকে অথবা ভবেত্ .
ব্রহ্ম সাক্ষাত্ কৃতিঃ সম্যক্ উপাসীনস্য নির্গুণম্ .. ১৫০..
অর্থঃ অযম্ আত্মগীতাযাম্ অপি স্পষ্টম্ উদীরিতঃ .
বিচারাক্ষমঃ আত্মানম্ উপাসীত ইতি সন্ততম্ .. ১৫১..
সাক্ষাত্ কর্তুম্ অসক্তঃ অপি চিন্তযেত্ মাম্ অশঙ্কিতঃ .
কালেন অনুভব আরূঢঃ ভবেত্ আফলিতঃ ধ্রুবম্ .. ১৫২..
যথা অগাধ নিধেঃ লব্ধৌ ন উপাযঃ খননং বিনা .
মত্ লভে অপি তথা স্বাত্মচিন্তাং মুক্ত্বা ন চ অপরঃ .. ১৫৩..
দেহ উপলম্ অপাকৃত্য বুদ্ধিকুদ্দলকাত্ পুনঃ .
খাত্বা মনোভুবং ভূযঃ গৃহ্ণীযাত্ মাং নিধিং পুমান্ .. ১৫৪..
অনুভূতেঃ অভাবে অপি ব্রহ্ম অস্মি ইতি এব চিন্ত্যতাম্ .
অপি অসত্ প্রাপ্যতে ধ্যানাত্ নিত্য আপ্তং ব্রহ্ম কিং পুনঃ .. ১৫৫..
অনাত্ম বুদ্ধি শৈথিল্যং ফলং ধ্যানাত্ দিনে দিনে .
পশ্যন্ অপি ন চেত্ ধ্যাযেত্ কঃ অপরঃ অস্মাত্ পশুঃ বদ .. ১৫৬..
দেহ অভিমানং বিধ্বস্য ধ্যানাত্ আত্মানম্ অদ্বযম্ .
পশ্যন্ মর্ত্যঃ অমৃতঃ ভূত্বা হি অত্র ব্রহ্ম সমশ্নুতে .. ১৫৭..
ধ্যানদীপম্ ইমং সম্যক্ পরামৃশতি যঃ নরঃ .
মুক্তসংশযঃ এব অযং ধ্যাযতি ব্রহ্ম সন্ততম্ .. ১৫৮..
ইতি নবমোঽধ্যাযঃ .. ৯..