পঞ্চদশী ০৯ – ১

অথ নবমোঽধ্যাযঃ .
ধ্যানদীপঃ .
সংবাদি ভ্রমবত্ ব্রহ্মতত্ত্ব উপাস্ত্যা অপি মুচ্যতে .
উত্তরে তাপনিযে অতঃ শ্রুতোপাতিঃ অনেকধা .. ১..
মণি প্রদীপ প্রভযোঃ মণি বুদ্ধ্যা অভিধাবতোঃ .
মিথ্যাজ্ঞান অবিশেষে অপি বিশেষঃ অর্থক্রিযাং প্রতি .. ২..
দীপঃ অপবকস্যান্তর্ বর্ততে তত্ প্রভা বহিঃ .
দৃশ্যতে দ্বারি অথ অন্যত্র তদ্বত্ দৃষ্টা মণেঃ প্রভা .. ৩..
দূরে প্রভাদ্বযং দৃষ্ট্বা মণিবুদ্ধ্যা অভিধাবতোঃ .
প্রভাযাং মণিবুদ্ধিঃ তু মিথ্যাজ্ঞানং দ্বযোঃ অপি .. ৪..
ন লভ্যতে মণিঃ দীপপ্রভাং প্রতি অভিধাবতা .
প্রভাযাং ধাবতা অবশ্যং লভ্যতৈব মণিঃ মণেঃ .. ৫..
দীপপ্রভামণিভ্রান্তিঃ বিসংবাদিভ্রমঃ স্মৃতঃ .
মণিপ্রভামণিভ্রান্তিঃ সংবাদিভ্রম উচ্যতে .. ৬..
বাষ্পং ধূমতযা বুধ্বা তত্র অঙ্গার অনুমানতঃ .
বহ্নিঃ যত্ ঋচ্ছযা সঃ সংবাদিভ্রমঃ মতঃ .. ৭..
গোদাবরি উদকং গঙ্গোদকং মত্বা বিশুদ্ধযে .
সম্প্রোক্ষ্য শুদ্ধিম্ আপ্নোতি সঃ সংবাদিভ্রমঃ মতঃ .. ৮..
জ্বরেণ আপ্তঃ সন্নিপাতং ভ্রান্ত্যা নারাযণং স্মরন্ .
মৃতঃ স্বর্গম্ অবাপ্নোতি সঃ সংবাদিভ্রমঃ মতঃ .. ৯..
প্রত্যক্ষস্য অনুমানস্য তথা শাস্ত্রস্য গোচরে .
উক্তন্যাযেন সংবাদিভ্রমঃ সন্তি হি কোটিশঃ .. ১০..
অন্যথা মৃত্তিকা দারু শিলাঃ স্যুঃ দেবতাঃ কথম্ .
অগ্নিত্ব আদি ধিয উপাস্যাঃ কথং বা যোষিত্ আদযঃ .. ১১..
অযথা বস্তু বিজ্ঞানাত্ ফলং লভ্যতঃ ঈপ্সিতম্ .
কাকতালীযতঃ সঃ অযং সংবাদিভ্রমঃ উচ্যতে .. ১২..
স্বযং ভ্রমঃ অপি সংবাদী যথা সম্যক্ ফলপ্রদঃ .
ব্রহ্মতত্ত্ব উপাসনা অপি তথা মুক্তিফলপ্রদা .. ১৩..
বেদান্তেভ্যঃ ব্রহ্মতত্ত্বম্ অখণ্ড একরসাত্মকম্ .
পরোক্ষম্ অবগম্য এতত্ অহম্ অস্মি ইতি উপাসতে .. ১৪..
প্রত্যক্ ব্যক্তিম্ অনুল্লিখ্য শাস্ত্রাত্ বিষ্ণু আদি মূর্তিবত্ .
অস্তি ব্রহ্ম ইতি সামান্য জ্ঞানম্ অত্র পরোক্ষধীঃ .. ১৫..
চতুর্ভুজ আদি অবগতৌ অপি মূর্তিম্ অনুল্লিখন্ .
অক্ষৈঃ পরোক্ষজ্ঞানী এব ন তদা বিষ্ণুম্ ঈক্ষতে .. ১৬..
পরোক্ষত্ব অপরাধেন ভবেত্ ন অতত্ত্ববেদনম্ .
প্রমাণেন এব শাস্ত্রেণ সত্যমূর্তেঃ বিভাসনাত্ .. ১৭..
সচ্চিদানন্দরূপস্য শাস্ত্রাত্ ভানে অপি অনুল্লিখম্ .
প্রত্যংচং সাক্ষিণং তত্ তু ব্রহ্ম সাক্ষাত্ ন বীক্ষতে .. ১৮..
শাস্ত্রোক্তেন এব মার্গেণ সচ্চিদানন্দনিশ্চযাত্ .
পরোক্ষম্ অপি তত্ জ্ঞানং তত্ত্বজ্ঞানং ন তু ভ্রমঃ .. ১৯..
ব্রহ্ম যদি অপি শাস্ত্রেষু প্রত্যক্ত্বেন এব বর্ণিতম্ .
মহাবাক্যৈঃ তথাপি এতত্ দুর্বোধম্ অবিচারিণঃ .. ২০..
দেহ আদি আত্মত্ব বিভ্রান্তৌ জাগৃত্যাং ন হঠাত্ পুমান্ .
ব্রহ্মাত্মত্বেন বিজ্ঞাতুং ক্ষমতে মন্দ ধীত্বতঃ .. ২১..
ব্রহ্মমাত্রং সুবিজ্ঞেযং শ্রদ্ধালোঃ শাস্ত্রদর্শিনঃ .
অপরোক্ষ দ্বৈত বুদ্ধিঃ পরোক্ষ অদ্বৈত বুদ্ধি অনুত্ .. ২২..
অপরোক্ষ শিলা বুদ্ধিঃ ন পরোক্ষেশতাং নুদেত্ .
প্রতিমা আদিষু বিষ্ণুত্বে কঃ বা বিপ্রতিপদ্যতে .. ২৩..
অশ্রদ্ধালোঃ অবিশ্বাসোঃ ন উদাহরণম্ অর্হতি .
শ্রদ্ধালোঃ এব সর্বত্র বৈদিকেষু অধিকারতঃ .. ২৪..
সকৃত্ আপ্ত উপদেশেন পরোক্ষজ্ঞানম্ উদ্ভবেত্ .
বিষ্ণুমূর্তি উপদেশঃ হি ন মীমাংসাম্ অপেক্ষতে .. ২৫..
কর্ম উপাস্তী বিচার্যেতে অনুষ্ঠেয অবিনির্ণযাত্ .
বহু শাখা বিপ্রকীর্ণং নির্ণেতুং কঃ প্রভুঃ নরঃ .. ২৬..
নির্ণিতঃ অর্থঃ কল্পসূত্রৈঃ গ্রথিতঃ তাবতা আস্তিকঃ .
বিচারম্ অন্তরেণ অপি শক্তঃ অনুষ্ঠাতুং অঞ্জসা .. ২৭..
উপাস্তীনাম্ অনুষ্ঠানম্ আর্ষগ্রন্থেষু বর্ণিতম্ .
বিচারাক্ষম মর্ত্যাঃ চ তত্ শ্রুত্বা উপাসতে গুরোঃ .. ২৮..
বেদবাক্যানি নির্ণেতুম্ ইচ্ছন্ মীমাংসতাং জনঃ .
আপ্ত উপদেশ মন্ত্রেণ হি অনুষ্ঠানং হি সম্ভবেত্ .. ২৯..
ব্রহ্মসাক্ষাত্কৃতিঃ তু এবং বিচারেণ বিনা নৃণাম্ .
আপ্ত উপদেশ মাত্রেণ ন সম্ভবতি কুত্রচিত্ .. ৩০..
পরোক্ষ জ্ঞানম্ অশ্রদ্ধা প্রতিবধ্নাতি ন ইতরত্ .
অবিচারঃ অপরোক্ষস্য জ্ঞানস্য প্রতিবন্ধকঃ .. ৩১..
বিচার অপি অপরোক্ষেণ ব্রহ্মাত্মানং ন বেত্তি চেত্ .
আপরোক্ষ্য অবসানত্বাত্ ভূযঃ ভূযঃ বিচারযেত্ .. ৩২..
বিচারযন্ আমরণং ন এব আত্মানং লভেত চেত্ .
জন্মান্তরে লভেত এব প্রতিবন্ধক্ষযে সতি .. ৩৩..
ইহ বা অমুত্র বা বিদ্যেতি এবং সূত্রকৃত উদিতম্ .
শৃণ্বন্তঃ অপি অত্র বহবঃ যত্ ন বিদ্যুঃ ইতি শ্রুতিঃ .. ৩৪..
গর্ভঃ এব শযানঃ সন্ বামদেবঃ অববুদ্ধবান্ .
পূর্ব অভ্যস্ত বিচারেণ যদ্বত্ অধ্যযন্ আদিষু .. ৩৫..
বহু বারম্ অধীতে অপি যদা ন আযাতি চেত্ পুনঃ .
দিনান্তরে অনধীত্য এব পূর্বাধীতং স্মরেত্ পুমান্ .. ৩৬..
কালেন পরিপচ্যন্তে কৃষি দর্ভ আদযঃ যথা .
তদ্বত্ আত্মবিচারঃ অপি শনৈঃ কালেন পচ্যতে .. ৩৭..
পুনঃ পুনঃ বিচারে অপি ত্রিবিধা প্রতিবন্ধতঃ .
ন বেত্তি তত্ত্বম্ ইতি এতত্ বার্তিকে সম্যক্ ঈরিতম্ .. ৩৮..
কুতঃ তত্ জ্ঞানম্ ইতি চেত্ তত্ হি বন্ধ পরিক্ষযাত্ .
অসৌ অপি চ ভূতঃ বা ভাবী ব বর্ততে অথবা .. ৩৯..
অধীত বেদ বেদার্থঃ অপি অতঃ এব ন মুচ্যতে .
হিরণ্য নিধি দৃষ্টান্তাত্ ইদম্ এব হি দর্শিতম্ .. ৪০..
অতীতেন অপি মহিষীস্নেহেন প্রতিবন্ধতঃ .
ভিক্ষুঃ তত্ত্বং ন বেদ ইতি গাথা লোকে প্রগীযতে .. ৪১..
অনিসৃত্য গুরুঃ স্নেহং মহিষ্যাং তত্ত্বম্ উক্তবান্ .
ততঃ যথাবত্ বেদ এষ প্রতিবন্ধস্য সংক্ষযাত্ .. ৪২..
প্রতিবন্ধঃ বর্তমানঃ বিষয আসক্তি লক্ষণঃ .
প্রজ্ঞামান্দ্যং কুতর্কঃ চ বিপর্যয দুরাগ্রহঃ .. ৪৩..
শম আদ্যৈঃ শ্রবণ আদ্যৈঃ চ তত্র তত্র উচিতৈঃ ক্ষযম্ .
নীতে অস্মিন্ প্রতিবন্ধে অতঃ স্বস্য ব্রহ্মত্বম্ অশ্নুতে .. ৪৪..
আগামি প্রতিবন্ধঃ চ বামদেবে সমীরিতঃ .
একেন জন্মনা ক্ষীণঃ ভরতস্য ত্রি জন্মভিঃ .. ৪৫..
যোগভ্রষ্টস্য গীতাযাম্ অতীতে বহুজন্মনি .
প্রতিবন্ধক্ষযঃ প্রোক্তঃ ন বিচারঃ অপি অনর্থকঃ .. ৪৬..
প্রাপ্য পুণ্যকৃতাং লোকান্ আত্মতত্ত্ব বিচারতঃ .
শুচীনাং শ্রীমতাং গেহে সাভিলাষঃ অভিজাযতে .. ৪৭..
অথবা যোগিনামেব কুলে ভবতি ধীমতাম্ .
নিস্পৃহঃ ব্রহ্মতত্ত্বস্য বিচারাত্ তত্ হি দুর্লভম্ .. ৪৮..
তত্র তং বুদ্ধিসংযোগং লভতে পূর্বদেহিকম্ .
যততে চ ততঃ ভূযঃ তস্মাত্ এতত্ হি দুর্লভম্ .. ৪৯..
পূর্ব অভ্যাসেন তেন এব হ্রিযতে হি অবশঃ অপি সঃ .
অনেক জন্ম সংসিদ্ধঃ ততঃ যাতি পরাং গতিম্ .. ৫০..
ব্রহ্মলোক অভিবাঞ্ছাযাং সম্যক্ সত্যাং নিরুধ্য তাম্ .
বিচারযেত্ যঃ আত্মানং ন তু সাক্ষাত্ করোতি অযম্ .. ৫১..
বেদান্ত বিজ্ঞান সুনিশ্চিত অর্থাঃ ইতি শাস্ত্রতঃ .
ব্রহ্মলোকে স কল্পান্তে ব্রহ্মণা সহ মুচ্যতে .. ৫২..
কেষাংচিত্ স বিচারঃ অপি কর্মণা প্রতিবদ্ধ্যতে .
শ্রবণায অপি বহুভিঃ যঃ ন লভ্যঃ ইতি শ্রুতেঃ .. ৫৩..
অত্যন্ত বুদ্ধিমান্দ্যাত্ বা সামগ্র্যা বা অপি অসত্ ভবাম্ .
যঃ বিচারং ন লভতে ব্রহ্ম উপাসীতঃ সঃ অনিশম্ .. ৫৪..
নির্গুণ ব্রহ্ম তত্ত্বস্য ন হি উপাস্তেঃ অসম্ভবঃ .
সগুণ ব্রহ্মণি ইব অত্র প্রত্যয আবৃত্তি সম্ভবাত্ .. ৫৫..
অবাঙ্মনসগম্যং তত্ ন উপাস্যম্ ইতি চেত্ তদা .
অবাঙ্মনসগম্যস্য বেদনং ন চ সম্ভবেত্ .. ৫৬..
বাক্ আদি অগোচর আকারম্ ইতি এবং যদি বেত্তি অসৌ .
বাক্ আদি অগোচরাকারম্ ইতি উপাসিত নঃ কুতঃ .. ৫৭..
সগুণত্বম্ উপাস্যত্বাত্ যদি বেদ্যত্বতঃ অপি তত্ .
বেদ্যং চেত্ লক্ষণ আবৃত্ত্যা লক্ষণং সমুপাস্যতাম্ .. ৫৮..
ব্রহ্ম বিদ্ধি তত্ এব ত্বং ন তু ইদং যত্ উপাসতে .
ইতি শ্রুতেঃ উপাস্যত্বং নিষিদ্ধং ব্রহ্মণঃ যদি .. ৫৯..
বিদিতাত্ অন্যত্ এব ইতি শ্রুতেঃ বেদ্যত্বম্ অস্য ন .
যথা শ্রুত্যা এব বেদ্যং চেত্ তথা শ্রুত্যা অপি উপাস্যতাম্ .. ৬০..
অবাস্তবী বেদ্যতা চেত্ উপাস্যত্বং তথা ন কিম্ .
বৃত্তি ব্যাপ্তিঃ বেদ্যতা চেত্ উপাস্যত্বে অপি তত্ সমম্ .. ৬১..
কা তে ভক্তিঃ উপাস্তৌ চেত্ কঃ তে দ্বেষঃ তত্ ঈরয .
মান অভাবঃ ন বাচ্যঃ অস্যাং বহুশ্রুতিষু দর্শনাত্ .. ৬২..
উত্তরস্মিন্ তাপনীযে শৈব্যপ্রশ্নে অথ কাঠকে .
মাণ্ডুক্যাদৌ চ সর্বত্র নির্গুণ উপাস্তিঃ ঈরিতা .. ৬৩..
অনুষ্ঠান প্রকারঃ অস্যাঃ পঞ্চীকরণঃ ঈরিতঃ .
জ্ঞানসাধনম্ এতত্ চেত্ ন ইতি কেন অত্র বারিতম্ .. ৬৪..
ন অনুতিষ্ঠতি কঃ অপি এতত্ ইতি চেত্ মানুতিষ্ঠতু .
পুরুষস্য অপরাধেন কিম্ উপাস্তিঃ প্রদুষ্যতি .. ৬৫..
ইতঃ অপি অতিশযং মত্বা মন্ত্রান্ বশ্য আদি কারিণঃ .
মূঢাঃ জপন্তু তেভ্যঃ অতিমূঢাঃ কৃষিম্ উপাসতাম্ .. ৬৬..
তিষ্ঠন্তু মূঢাঃ প্রকৃতা নির্গুণ উপাস্তিঃ ঈর্যতে .
বিদ্যা এক্যাত্ সর্বশাখাস্থান্ গুণান্ অত্র উপসংহরেত্ .. ৬৭..
আনন্দ আদেঃ বিধেযস্য গুণসঙ্ঘস্য সংহৃতিঃ .
আনন্দ আদযঃ ইতি অস্মিন্ সূত্রে ব্যাসেন বর্ণিতা .. ৬৮..
অস্থূল আদেঃ নিষেধ্যস্য গুণসঙ্ঘস্য সংহৃতিঃ .
তথা ব্যাসেন সূত্রে অস্মিন্ উক্ত অক্ষরধিযাং তু ইতি .. ৬৯..
নির্গুণ ব্রহ্মতত্ত্বস্য বিদ্যাযাং গুণসংহৃতিঃ .
ন যুজ্যেত ইতি উপালম্ভঃ ব্যাসং প্রতি এব মাং ন তু .. ৭০..
হিরণ্য স্মশ্রু সূর্য আদি মূর্তীনাম্ অনুদাহৃতেঃ .
অবিরুদ্ধং নির্গুণত্বমিতি চেত্ তুষ্যতাং ত্বযা .. ৭১..
গুণানাং লক্ষকত্বেন ন তত্ত্বে অন্তঃপ্রবেশনম্ .
ইতি চেত্ অস্তু এবম্ এব ব্রহ্ম তত্ত্বম্ উপাস্যতাম্ .. ৭২..
আনন্দ আদিভিঃ অস্থূল আদিভিঃ চ আত্মা অত্র লক্ষিতঃ .
অখণ্ড একরসঃ স অহম্ অস্মি ইতি এবম্ উপাতে ..৭৩..
বোধ উপাস্ত্যোঃ বিশেষঃ কঃ ইতি চেত্ উচ্যতে শৃণু .
বস্তুতত্ন্ত্রঃ ভবেত্ বোধঃ কর্তৃ তন্ত্রম্ উপাসনম্ .. ৭৪..
বিচারাত্ জাযতে বোধঃ অনিচ্ছা যং ন নিবর্তযেত্ .
স্ব উত্পত্তি মাত্রাত্ সংসারে দহতি অখিল সত্যতাম্ .. ৭৫..
তাবতা কৃতকৃত্যঃ সন্ ইতি অতৃপ্তিম্ উপাগতঃ .
জীবন্মুক্তিম্ অনুপ্রাপ্য প্রারব্ধক্ষযম্ ঈক্ষতে .. ৭৬..
আপ্ত উপদেশং বিশ্বস্য শ্রদ্ধালুঃ অবিচারযন্ .
চিন্তযেত্ প্রত্যযৈঃ অন্যৈঃ অনন্তরিতবৃত্তিভিঃ .. ৭৭..
যাবত্ চিন্ত্য স্বরূপত্ব অভিমানঃ স্বস্য জাযতে .
তাবত্ বিচিন্ত্য পশ্চাত্ চ তথা এব অমৃতি ধারযেত্ .. ৭৮..
ব্রহ্মচারী ভিক্ষমাণঃ যুতঃ সংবর্গবিদ্যযা .
সংবর্গরূপতাং চিত্তে ধারযিত্বা হি অভিক্ষতা .. ৭৯..
পুরুষস্য ইচ্ছযা কর্তুম্ অকর্তুং কর্তুম্ অন্যথা .
শক্য উপাস্তিঃ অতঃ নিত্যং কুর্যাত্ প্রত্যয সন্ততিম্ .. ৮০..
বেদাধ্যাযী হি অপ্রমত্তঃ অধীতে স্বপ্নে অভিবাসিতঃ .
জপিতা তু জপতি এব তথা ধ্যাতা অপি বাসযেত্ .. ৮১..
বিরোধিপ্রত্যযং ত্যক্ত্বা নৈরন্তর্যেণ ভাবযন্ .
লভতে বাসনা আবেশাত্ স্বপ্নাদৌ অপি ভাবনাম্ .. ৮২..
ভুঞ্জানঃ অপি নিজ আরব্ধম্ আস্থা অতিশযতঃ অনিশম্ .
ধ্যাতুং শক্তঃ ন সন্দেহঃ বিষযব্যসনী যথা .. ৮৩..
পরব্যসনিনী নারী ব্যগ্রা অপি গৃহকর্মণি .
তত্ এব আস্বাদযতি অন্তঃ পরসঙ্গরসাযনম্ .. ৮৪..
পরসঙ্গং স্বাদযন্ত্যাঃ অপি নঃ গৃহকর্ম তত্ .
কুণ্ঠীভবেত্ অপি তু এতত্ আপাতেন এব বর্ততে .. ৮৫..
গৃহকৃত্যব্যসনিনী যথা সম্যক্ করোতি তত্ .
পরব্যসনিনী তদ্বত্ ন করোতি এব সর্বথা .. ৮৬..
এবং ধ্যান একনিষ্ঠঃ অপি লেশাত্ লৌকিকম্ আচরেত্ .
তত্ত্ববিত্ তু অবিরোধিত্বাত্ লৌকিকং সম্যক্ আচরেত্ .. ৮৭..
মাযামযঃ প্রপঞ্চঃ অযম্ আত্মা চৈতন্যরূপধৃক্ .
ইতি বোধে বিরোধঃ কঃ লৌকিক ব্যবহারিণঃ .. ৮৮..
অপেক্ষতে ব্যবহৃতিঃ ন প্রপঞ্চস্য বস্তুতাম্ .
ন অপি আত্মজাড্যং কিং তু এষা সাধনানি এব কাঙ্ক্ষতি .. ৮৯..
মনো বাক্ কায তত্ বাহ্য পদার্থাঃ সাধনানি তান্ .
তত্ত্ববিত্ ন উপমৃদ্নাতি ব্যবহারঃ অস্য নঃ কুতঃ .. ৯০..
উপমৃদ্নাতি চিত্তং চেত্ ধ্যাতা অসৌ ন তু তত্ত্ববিত্ .
ন বুদ্ধিম্ অর্দযন্ দৃষ্টঃ ঘটতত্ত্বস্য বেদিতা .. ৯১..
সকৃত্ প্রত্যয মাত্রেণ ঘটঃ চেত্ ভাসতে সদা .
স্বপ্রকাশঃ অযম্ আত্মা কিং ঘটবত্ চ ন ভাসতে .. ৯২..
স্বপ্রকাশতযা কিং তে তত্ বুদ্ধিঃ তত্ত্ববেদনম্ .
বুদ্ধিঃ চ ক্ষণনাশ্য ইতি চ উদ্যং তুল্যং ঘট আদিষু .. ৯৩..
ঘট আদৌ নিশ্চিতে বুদ্ধিঃ নশ্যতি এব যদা ঘটঃ .
ইষ্টঃ নেতুং তদা শক্য ইতি চেত্ সমম্ আত্মনি .. ৯৪..
নিশ্চিত্য সকৃত্ আত্মানং যদা অপেক্ষা তদা এব তম্ .
বক্তুং মন্তুং তথা ধ্যাতুং শক্নোতি এব হি তত্ত্ববিত্ .. ৯৫..
উপাসক ইব ধ্যাযং লৌকিকং বিস্মরেত্ যদি .
বিস্মরতি এব সা ধ্যানাত্ বিস্মৃতিঃ ন তু বেদনাত্ .. ৯৬..
ধ্যানং তু ঐচ্ছিকম্ একস্য বেদনাত্ মুক্তি সিদ্ধিতঃ .
জ্ঞানাত্ এব তু কৈবল্যম্ ইতি শাস্ত্রেষু ডিণ্ডিমঃ .. ৯৭..
তত্ত্ববিত্ যদি ন ধ্যাযেত্ প্রবর্তেত তদা বহিঃ .
প্রবর্ততাং সুখেন অযং কঃ বাধঃ অস্য প্রবর্তনে .. ৯৮..
অতিপ্রসঙ্গঃ ইতি চেত্ প্রসঙ্গং তাবত্ ঈরয .
প্রসঙ্গঃ বিধিশাস্ত্রং চেত্ ন তত্ তত্ত্ব বিদং প্রতি .. ৯৯..
বর্ণাশ্রম বযঃ অবস্থা অভিমানঃ যস্য বিদ্যতে .
তস্য এব চ নিষেধাঃ চ বিধযঃ সকলাঃ অপি .. ১০০..