পঞ্চদশী ০৮

অথ অষ্টমোঽধ্যাযঃ .
কূটস্থদীপঃ .
খাদিত্যদীপিতে কুড্যে দর্পণ আদিত্য দীপ্তিবত্ .
কূটস্থ ভাসিতঃ দেহঃ ধীস্থ জীবেন ভাস্যতে .. ১..
অনেক দর্পণাদিত্য দীপ্তিনাং বহুসন্ধিষু .
ইতরাঃ ব্যজ্যতে তাসাম্ অভাবে অপি প্রকাশতে .. ২..
চিদাভাস বিশিষ্টানাং তথা অনেক ধিযাম্ অসৌ .
সন্ধিং ধিযাম্ অভাবং চ ভাসযন্ প্রবিবিচ্যতাম্ .. ৩..
ঘট একাকার ধীস্থা চিত্ ঘটম্ এব অবভাসযেত্ .
ঘটস্য জ্ঞাততা ব্রহ্ম চৈতন্যেন অবভাসতে .. ৪..
অজ্ঞাতত্বেন জ্ঞাতঃ অযং ঘটঃ বুদ্ধি উদযাত্ পুরা .
ব্রহ্মণা এব উপরিষ্টাত্ তু জ্ঞাতত্বেন ইতি অসৌ ভিদা .. ৫..
চিদাভাস অন্ত ধী বৃত্তিঃ জ্ঞানং লোহান্ত কুন্তবত্ .
জাড্যম্ অজ্ঞানম্ এতাভ্যাং ব্যাপ্তঃ কুম্ভঃ দ্বিধা উচ্যতে .. ৬..
অজ্ঞাতঃ ব্রহ্মণা ভাস্যঃ জ্ঞাতঃ কুম্ভঃ তথা ন কিম্ .
জ্ঞাতত্ব জননেন এব চিদাভাস পরিক্ষযঃ .. ৭..
আভাস হীনযা বুদ্ধ্যা জ্ঞাতত্বং ন এব জন্যতে .
তাদৃক্ বুদ্ধেঃ বিশেষঃ কঃ মৃদাদেঃ স্যাত্ বিকারিণঃ .. ৮..
জ্ঞাতঃ ইতি উচ্যতে কুম্ভঃ মৃদা লিপ্তঃ ন কুত্রচিত্ .
ধীমাত্র ব্যাপ্তকুম্ভস্য জ্ঞাতত্বং ন ইষ্যতে তথা .. ৯..
জ্ঞাতত্বং নাম কুম্ভে তত্ চিদাভাস ফলোদযঃ .
ন ফলং ব্রহ্ম চৈতন্যং মনাত্ প্রাক্ অপি সত্বতঃ .. ১০..
পরাক্ অর্থ প্রমেযেষু যা ফলত্বেন সংমতা .
সংবিত্ সা এব ইহ মেযঃ অর্থঃ বেদান্ত উক্তি প্রমাণতঃ .. ১১
ইতি বার্তিককারেণ চিত্ সদৃশ্যং বিবক্ষিতম্ .
ব্রহ্ম চিত্ ফলযোঃ ভেদঃ সহস্র্যাং বিশ্রুতঃ যতঃ .. ১২..
আভাসঃ উদিতঃ তস্মাত্ জ্ঞাতত্বং জনযেত্ ঘটে .
তত্ পুনঃ ব্রহ্মণা ভাস্যম্ অজ্ঞাতত্ববত্ এব হি .. ১৩..
ধী বৃত্তি আভাস কুম্ভানাং সমূহঃ ভাস্যতে চিতা .
কুম্ভ মাত্র ফলত্বাত্ সঃ একঃ আভাসতঃ স্ফুরেত্ .. ১৪..
চৈতন্যং দ্বিগুণং কুম্ভে জ্ঞাতত্বেন স্ফুরতি অতঃ .
অন্যে অনুব্যবসাযা আখ্যম্ আহুঃ এতত্ যথা উদিতম্ .. ১৫..
ঘটঃ অযম্ ইতি অসৌ উক্তিঃ আভাসস্য প্রসাদতঃ .
বিজ্ঞাতঃ ঘটঃ ইতি উক্তিঃ ব্রহ্ম অনুগ্রহতঃ ভবেত্ .. ১৬..
আভাস ব্রহ্মণি দেহাত্ বহিঃ যদ্বত্ বিবেচিতে .
তদ্বত্ আভাস কূটস্থৌ বিবিচ্য এতাং বপুষি অপি .. ১৭..
অহং বৃত্তৌ চিদাভাসঃ কাম ক্রোধ আদিএষু চ .
সংব্যাপ্য বর্ততে তপ্তে লোহে বহ্নিঃ যথা তথা .. ১৮..
স্বমাত্রং ভাসযেত্ তপ্তং লোহং ন অন্যত্ কদাচন .
এবম্ আভাসসহিতাঃ বৃত্তযঃ স্বস্বভাসিকাঃ .. ১৯..
ক্রমাত্ বিচ্ছিদ্য বিচ্ছিদ্য জাযন্তে বৃত্তযঃ অখিলাঃ .
সর্বাঃ অপি বিলীযন্তে সুপ্তি মূর্চ্ছা সমাধিষু .. ২০..
সন্ধযঃ অখিল বৃত্তীনাম্ অভাবাঃ চ অবভাসিতাঃ .
নির্বিকারেণ যেন অসৌ কূটস্থঃ ইতি চ উচ্যতে .. ২১..
ঘটে দ্বিগুণ চৈতন্যং যথা বাহ্যে তথান্তরে .
বৃত্তিষু অপি ততঃ তত্র বৈশদ্যং সন্ধিতঃ অধিকম্ .. ২২..
জ্ঞাততা অজ্ঞাততে ন স্তঃ ঘটবত্ বৃত্তিষু ক্বচিত্ .
স্বস্য স্বেন অগ্রহীতত্বাত্ তাভিঃ চ অজ্ঞান নাশনাত্ .. ২৩..
দ্বিগুণী কৃত চৈতন্যে জন্ম নাশ অনুভূতিতঃ .
অকূটস্থং তত্ অন্যত্ তু কূটস্থম্ অবিকারিতঃ .. ২৪..
অন্তঃকরণ তত্ বৃত্তি সাক্ষি ইতি আদৌ অনেকধা .
কূটস্থঃ এব সর্বত্র পূর্ব আচার্যৈঃ বিনিশ্চিতঃ .. ২৫..
আত্মা আভাস আশ্রযঃ চ এবং মুখ আভাস আশ্রযাঃ যথা .
গম্যন্তে শাস্ত্র যুক্তিভ্যাম্ ইতি আভাসঃ চ বর্ণিতঃ ..২৬..
বুদ্ধি অবচ্ছিন্ন কূটস্থঃ লোকান্তরগম আগমৌ .
কর্তুং শক্তঃ ঘটাকাশঃ ইব আভাসেন কিং বদ .. ২৭..
শৃণু অসঙ্গঃ পরিচ্ছেদ মাত্রাত্ জীবঃ ভবেত্ ন হি .
অন্যথা ঘট কুডি আদ্যৈঃ অবচ্ছিন্নস্য জীবতা .. ২৮..
ন কুড্য সাদৃশী বুদ্ধিঃ স্বচ্ছত্বাত্ ইতি চেত্ তথা .
অস্তু নাম পরিচ্ছেদে কিং স্বাচ্ছ্যেন ভবেত্ তব .. ২৯..
প্রস্থেন দারুজন্যেন কাংস্যজন্যেন বা ন হি .
বিক্রেতুঃ তণ্ডুল আদিনাং পরিমাণং বিশিষ্যতে .. ৩০..
পরিমাণবিশেষে অপি প্রতিবিম্বঃ বিশিষ্যতে .
কাংস্যে যদি তদা বুদ্ধৌ অপি আভাসঃ ভবেত্ বলাত্ .. ৩১..
ঈষদ্ ভাসনম্ আভাসঃ প্রতিবিম্বঃ তথাবিধঃ .
বিম্ব লক্ষণ হীনঃ সন্ বিম্ববত্ ভাসতে সঃ হি .. ৩২..
সসঙ্গত্ববিকারাভ্যাং বিম্বলক্ষণহীনতা .
স্ফূর্তি রূপত্বম্ এতস্য বিম্ববত্ ভাসনং বিদুঃ .. ৩৩..
ন হি ধীভাবভাবিত্বাত্ আভাসঃ অস্তি ধিযঃ পৃথক্ .
যথা মৃত্ অল্পম্ এব উক্তং ধীঃ অপি এবং স্বদেহতঃ .. ৩৪..
দেহে মৃতে অপি বুদ্ধিঃ চেত্ শাস্ত্রাত্ অস্তি তথা সতি .
বুদ্ধেঃ অন্যঃ চিদাভাসঃ প্রবেশ শ্রুতিষু শ্রুতঃ .. ৩৫..
ধীযুক্তস্য প্রবেশঃ চেত্ ন ইতরেযে ধিযঃ পৃথক্ .
আত্মা প্রবেশন্ সংকল্প্য প্রবিষ্টঃ ইতি গীযতে .. ৩৬..
কথং নু ইদং সাক্ষদেহং মত্ দৃতে স্যাত্ ইতি ঈরণাত্ .
বিদার্য মূর্ধসীমানং প্রবিষ্টঃ সংসরতি অযম্ .. ৩৭..
কথং প্রবিষ্টঃ অসঙ্গঃ চেত্ সৃষ্টিঃ বাস্য কথং বদ .
মাযিকত্বং তযোঃ তুল্যং বিনাশঃ চ সমস্তযোঃ .. ৩৮..
সমুত্থায এষঃ ভূতেভ্যঃ তানি এব অনুবিনশ্যতি .
বিনষ্টম্ ইতি মৈত্রেয্যৈ যাজ্ঞবল্ক্যঃ উবাচ হি .. ৩৯..
অবিনাশি অযম্ আত্মা ইতি কূটস্থঃ প্রবিবেচিতঃ .
মাত্রাসংসর্গঃ ইতি এবম্ অসঙ্গত্বস্য কীর্তনাত্ .. ৪০..
জীব অপেতং বাব কিল শরীরং ম্রিযতে ন সঃ .
ইতি অত্র ন বিমোক্ষঃ অর্থঃ কিন্তু লোকান্তরে গতিঃ .. ৪১..
ন অহং ব্রহ্ম ইতি বুধ্যেত সঃ বিনাশি ইতি চেত্ ন তত্ .
সামানাধিকরণ্যস্য বাধাযাম্ অপি সম্ভবাত্ .. ৪২..
যঃ অযং স্থাণুঃ পুমান্ এষ পুং ধিযা স্থাণু ধীঃ ইব .
ব্রহ্ম অস্মি ইতি ধিযাঅ অপি এষা হি অহং বুদ্ধিঃ নিবর্ত্যতে .. ৪৩..
নৈষ্কর্ম্য সিদ্ধৌ অপি এবম্ আচার্যৈঃ স্পষ্টম্ ঈরিতম্ .
সামানাধিকরণ্যস্য বাধার্থত্বম্ অতঃ অস্তু তত্ .. ৪৪..
সর্বং ব্রহ্ম ইতি জগতা সামানাধিকরণ্যবত্ .
অহং ব্রহ্ম ইতি জীবেন সামানাধিকৃতিঃ ভবেত্ .. ৪৫..
সামানাধিকরণ্যস্য বাধার্থত্বং নিরাকৃতম্ .
প্রযত্নতঃ বিবরণে কূটস্থত্ব বিবক্ষযা .. ৪৬..
শোধিতঃ ত্বং পদার্থঃ যঃ কূটস্থঃ ব্রহ্ম রূপতাম্ .
তস্য বক্তুং বিবরণে তথা উক্তম্ ইতরত্র চ .. ৪৭..
দেহ ইন্দ্রিয আদি যুক্তস্য জীব আভাস ভ্রমস্য যা .
অধিষ্ঠান চিতিঃ সা এষা কূটস্থ অত্র বিবক্ষিতা .. ৪৮..
জগত্ ভ্রমস্য সর্বস্য যত্ অধিষ্ঠানম্ ঈরিতম্ .
ত্রযি অন্তেষু তত্ অত্র স্যাত্ ব্রহ্ম শব্দ বিবক্ষিতম্ .. ৪৯..
এতস্মিন্ এব চৈতন্যে জগত্ আরোপ্যতে যদা .
তদা তত্ একদেশস্য জীব অভাসস্য কা কথা .. ৫০..
জগত্ তত্ একদেশাখ্য সমারোপ্যস্য ভেদতঃ .
তত্ ত্বং পদার্থৌ ভিন্নৌ স্তঃ বস্তুতঃ তু একতা চিতেঃ .. ৫১..
কর্তৃত্বাদীন্ বুদ্ধিধর্মান্ স্ফূর্তি আখ্যাং চ আত্মরূপতাম্ .
দধত্ বিভাতি পুরতঃ আভাসঃ অতঃ ভ্রমঃ ভবেত্ .. ৫২..
কা বুদ্ধিঃ কঃ অযম্ আভাসঃ কঃ বা আত্মা অত্র জগত্ কথম্ .
ইতি অনির্ণযতঃ মোহঃ সঃ অযং সংসারঃ ইষ্যতে .. ৫৩..
বুদ্ধি আদীনাং স্বরূপং যঃ বিবিনক্তি সঃ তত্ত্ববিত্ .
সঃ এব মুক্তঃ ইতি এবং বেদান্তেষু বিনিশ্চযঃ .. ৫৪..
এবং চ সতি বন্ধঃ স্যাত্ কস্য ইতি আদি কুতর্কজাঃ .
বিডম্বনা দৃঢং খণ্ড্যাঃ খণ্ডন উক্তি প্রকারতঃ .. ৫৫..
বৃত্তেঃ সাক্ষিতযা বৃত্তি প্রাক্ অভাবস্য চ স্থিতঃ .
বুভুত্সাযাং তথা অজ্ঞঃ অস্মি ইতি আভাস অজ্ঞান বস্তুনঃ .. ৫৬..
অসত্য আলম্বনত্বেন সত্যঃ সর্ব জডস্য তু .
সাধকত্বেন চিদ্রূপঃ সদা প্রেমাস্পদত্বতঃ .. ৫৭..
আনন্দরূপঃ সর্বার্থসাধকত্বেন হেতুনা .
সর্ব সম্বন্ধবত্ত্বেন সম্পূর্ণঃ শিব সংজ্ঞিতঃ .. ৫৮..
ইতি শৈব পুরাণেষু কূটস্থঃ প্রবিবেচিতঃ .
জীবেশত্ব আদি রহিতঃ কেবলঃ স্বপ্রভঃ শিবঃ .. ৫৯..
মাযাভাসেন জীবেশৌ করোতি ইতি শ্রুতত্বতঃ .
মাযিকৌ এব জীবেশৌ স্বচ্ছৌ তৌ কাচকুম্ভবত্ ৬০..
অন্নজন্যং মনঃ দেহাত্ স্বচ্ছং যদ্বত্ তথা এব তৌ .
মাযিকৌ অপি সর্বস্মাত্ অন্যস্মাত্ স্বচ্ছতাং গতৌ .. ৬১..
চিদ্রূপত্বং চ সম্ভাব্যং চিত্ত্বেন এব প্রকাশনাত্ .
সর্বকল্পনশক্তাযা মাযাযা দুষ্করং ন হি .. ৬২..
অস্মত্ নিদ্রা অপি জীবেশৌ চেতনৌ স্বপ্নগৌ সৃজেত্ .
মহামাযা সৃজতি এতৌ ইতি আশ্চর্যং কিম্ অত্র তে .. ৬৩..
সর্বজ্ঞত্ব আদিকং চ ঈশে কল্পযিত্বা প্রদর্শযেত্ .
ধর্মিণং কল্পযেত্ যা অস্যাঃ কঃ ভারঃ ধর্মকল্পনে .. ৬৪..
কূটস্থে অপি অতিশঙ্কা স্যাত্ ইতি চেত্ মা অতিশংক্যতাম্ .
কূটাস্থমাযিকত্বে তু প্রমাণং ন হি বিদ্যতে .. ৬৫..
বস্তুত্বং ঘোষযন্তি অস্য বেদান্তাঃ সকলাঃ অপি .
সপত্ন রূপং বস্তু অন্যত্ ন সহন্তে অত্র কিংচন .. ৬৬..
শ্রুতি অর্থং বিশদীকুর্মঃ ন তর্কাত্ বচ্মি কিংচন .
তেন তার্কিক শংকানাম্ অত্র কঃ অবসরঃ বদ .. ৬৭..
তস্মাত্ কুতর্কং সন্ত্যজ্য মুমুক্ষুঃ শ্রুতিম্ আশ্রযেত্ .
শ্রুতৌ তু মাযা জীবেশৌ করোতি ইতি প্রদর্শিতম্ .. ৬৮..
ঈক্ষণাদি প্রবেশান্তা সৃষ্টিঃ ঈশকৃতা ভবেত্ .
জাগ্রত্ আদি বিমোক্ষন্তঃ সংসারঃ জীবকর্তৃকঃ .. ৬৯..
অসঙ্গঃ এব কূটস্থঃ সর্বদা ন অস্য কিংচন .
ভবতি অতিশযঃ তেন মনসি এবং বিচার্যতাম্ .. ৭০..
ন নিরোধো ন চ উত্পত্তিঃ ন বদ্ধঃ ন চ সাধকঃ .
ন মুমুক্ষুঃ ন বৈ মুক্তঃ ইতি এষা পরমার্থতা .. ৭১..
অবাঙ্মনসগম্যং তং শ্রুতিঃ বোধযিতুং সদা .
জীবম্ ঈশং জগত্ বাপি সমাশ্রিত্য প্রবোধযেত্ .. ৭২..
যযা যযা ভবেত্ পুংসাং ব্যুত্পত্তিঃ প্রত্যক্ আত্মনি .
সা সা এব প্রক্রিয ইহ স্যাত্ সাধু ইতি আচার্যভাষিতম্ .. ৭৩..
শ্রুতিতাত্পর্যম্ অখিলম্ অবুধ্বা ভ্রাম্যতে জডঃ .
বিবেকী তু অখিলং বুধ্বা তিষ্ঠতি আনন্দবারিধৌ .. ৭৪..
মাযামেঘঃ জগত্ নীরং বর্ষতু এষ যথা তথা .
চিদাকাশস্য নঃ হানিঃ ন বা লাভ ইতি স্থিতিঃ .. ৭৫..
ইমং কূটস্থদীপং যঃ অনুসন্ধত্তে নিরন্তরম্ .
স্বযং কূটস্থরূপেণ দীপ্যতে অসৌ নিরন্তরম্ .. ৭৬..
ইতি অষ্টমোঽধ্যাযঃ .. ৮..