পঞ্চদশী ০৭ – ৩

ভোক্তা স্বস্য এব ভোগায পতি জাযাদিম্ ইচ্ছতি .
এষ লৌকিক বৃত্তান্তঃ শ্রুত্যা সম্যক্ অনূদিতঃ .. ২০১..
ভোগ্যানাং ভোক্তৃশেষত্বাত্ মা ভোগ্যেষু অনুরজ্যতাম্ .
ভোক্তরি এব প্রধানে অতঃ অনুরাগে তং বিধিত্সতি .. ২০২..
যা প্রীতিঃ অবিবেকানাং বিষযেষু অনপাযিনী .
ত্বাম্ অনুস্মরতঃ সা মে হৃদযাত্ মা অপসর্পতু .. ২০৩..
ইতি ন্যাযেন সর্বস্মাত্ ভোগ্যজাতাত্ বিরক্তধীঃ .
উপসংহৃত্য তাং প্রীতিম্ ভোক্তরি এব বুভুত্সতে .. ২০৪..
স্রক্ চন্দন বধূ বস্ত্র সুবর্ণাদিষু পামরঃ .
অপ্রমত্তঃ যথা তদ্বত্ ন প্রমাদ্যতি ভোক্তরি .. ২০৫..
কাব্য নাটক তর্কাদিম্ অভ্যস্যতি নিরন্তরম্ .
বিজিগীষুঃ যথা তদ্বত্ মুমুক্ষুঃ স্বং বিচারযেত্ .. ২০৬..
জপ যাগ উপাসনা আদি কুরুতে শ্রদ্ধযা যথা .
স্বর্গ আদি বাঞ্ছযা তদ্বত্ শ্রদ্দদ্ধ্যাত্ স্বে মুমুক্ষযা .. ২০৭..
চিত্ত একাগ্র্যং যথা যোগী মহাযাসেন সাধযেত্ .
অণিমাদি প্রেপ্সযা এবং বিবিচ্যাত্ স্বং মুমুক্ষযা .. ২০৮..
কৌশলানি বিবর্ধন্তে তেষাম্ অভ্যাস পাটবাত্ .
যথা তদ্বত্ বিবেকঃ অস্য অপি অভ্যাসাত্ বিশদাযতে .. ২০৯..
বিবিঞ্চতা ভোক্তৃতত্ত্বং জাগ্রদাদিষু অসঙ্গতা .
অন্বয ব্যতিরেকাভ্যাং সাক্ষিণি অধ্যবসীযতে .. ২১০..
যত্র যত্ দৃশ্যতে দ্রষ্টা জাগ্রত্ স্বপ্ন সুষুপ্তিষু .
তত্র এব তত্ ন ইতরত্র ইতি অনুভূতিঃ হি সংমতা .. ২১১..
স যত্ তত্র ঈক্ষতে কিংচিত্ তেন অনন্বাগতঃ ভবেত্ .
দৃষ্ট্বা এব পুণ্যং পাপং চ ইতি এবং শ্রুতিষু ডিণ্ডিমঃ .. ২১২..
জাগ্রত্ স্বপ্ন সুষুপ্তি আদি প্রপঞ্চং যত্ প্রকাশতে .
তত্ ব্রহ্ম অহম্ ইতি জ্ঞাত্বা সর্ব বন্ধৈঃ প্রমুচ্যতে .. ২১৩..
একঃ এব আত্মা মন্তব্যঃ জাগ্রত্ স্বপ্ন সুষুপ্তিষু .
স্থান ত্রয ব্যতীতস্য পুনঃ জন্ম ন বিদ্যতে .. ২১৪..
ত্রিষু ধামসু যত্ ভোগ্যং ভোক্তা ভোগঃ চ যত্ ভবেত্ .
তেভ্যঃ বিলক্ষণঃ সাক্ষী চিত্ মাত্রঃ অহং সদাশিবঃ .. ২১৫..
এবং বিবেচিতে তত্ত্বে বিজ্ঞাময শব্দিতঃ .
চিদাভাসঃ বিকারী যঃ ভোক্তৃত্বং তস্য শিষ্যতে .. ২১৬..
মাযিকঃ অযং চিদাভাসঃ শ্রুতেঃ অনুভবাত্ অপি .
ইন্দ্রজালং জগত্ প্রোক্তং তত্ অন্তঃপাতি অযং যতঃ .. ২১৭..
বিলযঃ অপি অস্য সুপ্তি আদৌ সাক্ষিণা হি অনুভূযতে .
এতত্ দৃশং স্বস্বভাবং বিবিনক্তি পুনঃ পুনঃ .. ২১৮..
বিবিচ্য নাশং নিশ্চিত্য পুনঃ ভোগং ন বাঞ্ছতি .
মুমুর্ষুঃ শাযিতঃ ভূমৌ বিবাহং কঃ অভিবাঞ্ছতি .. ২১৯..
জিহ্রেতি ব্যবহর্তুং চ ভোক্তা অহম্ ইতি পূর্ববত্ .
ছিন্ন নাসঃ ইব হ্রিতঃ ক্লিশ্যন্ আরব্ধম্ অশ্নুতে .. ২২০..
যদা স্বস্য অপি ভোক্তৃত্বং মন্তুং জিহ্রেতি অযং তদা .
সাক্ষিণি আরোপযেত্ এতত্ ইতি কা এব কথা বৃথা .. ২২১..
ইতি অভিপ্রেত্য ভোক্তারম্ আক্ষিপতি অবিশঙ্কযা .
কস্য কামায ইতি ততঃ শরীর অনুজ্বরঃ ন হি .. ২২২..
স্থূলং সূক্ষ্মং কারণং চ শরীরং ত্রিবিধং স্মৃতম্ .
অবশ্যং ত্রিবিধঃ অস্তি এব তত্র তত্র উচিতঃ জ্বরঃ .. ২২৩..
বাত পিত্ত শ্লেষ্ম জন্য ব্যাধযঃ কোটিশঃ তনৌ .
দুর্গন্ধিত্ব কুরূপত্ব দাহ ভঙ্গ আদযঃ তথা .. ২২৪..
কাম ক্রোধ আদযঃ শান্তি দান্তি আদ্যাঃ লিঙ্গদেহগাঃ .
জ্বরা দ্বযে অপি বাধন্তে প্রাপ্ত্যা অপ্রাপ্ত্যাঃ নরং ক্রমাত্ .. ২২৫..
স্বং পরং চ ন বেত্তি আত্মা বিনষ্টঃ ইব কারণে .
আগামি দুঃখ বীজং চ ইতি এতত্ ইন্দ্রেণ দর্শিতম্ .. ২২৬..
এতে জ্বরাঃ শরীরেষু ত্রিষু স্বাভাবিকাঃ মতাঃ .
বিযোগে তু জ্বরৈঃ তানি শরীরাণি এব নাসতে .. ২২৭..
তন্তোঃ বিযুজ্যেত পটঃ বালেভ্যঃ কম্বলঃ যথা .
মৃদঃ ঘটঃ তথা দেহঃ জ্বরেভ্যঃ অপি ইতি দৃশ্যতাম্ .. ২২৮..
চিদাভাসে স্বতঃ কঃ অপি জ্বরঃ ন অস্তি যতঃ চিতঃ .
প্রকাশ এক স্বভাবত্বম্ এব দৃষ্টং ন চ ইতরত্ .. ২২৯..
চিদাভাসে অপি অসম্ভাব্যাঃ জ্বরাঃ সাক্ষিণি কা কথা .
এবম্ অপি একতাং মেনে চিদাভাসঃ হি অবিদ্যযা .. ২৩০..
সাক্ষিসত্যত্বম্ অধ্যস্য স্বেন উপেতে বপুঃ ত্রযে .
তত্ সর্বং বাস্তবং স্বস্য স্বরূপম্ ইতি মন্যতে .. ২৩১..
এতস্মিন্ ভ্রান্তিকালে অযং শরীরেষু জ্বরত্সু অথ .
স্বযম্ এব জ্বরাম্ ইতি মন্যতে হি কুটুম্বিবত্ .. ২৩২..
পুত্রদারেষু তপ্যত্সু তপাম্ ইতি বৃথা যথা .
মন্যতে পুরুষঃ তদ্বত্ আভাসঃ অপি অভিমন্যতে .. ২৩৩..
বিবিচ্য ভ্রান্তিম্ উজ্ঝিত্বা স্বম্ অপি অগণযন্ সদা .
চিন্তযন্ সক্ষিণং কস্মাত্ শরীরম্ অনুসংজ্বরেত্ .. ২৩৪..
অযথা বস্তু সর্প আদি জ্ঞানং হেতুঃ পলাযনে .
রজ্জু জ্ঞানে অহিধীধ্বস্তৌ কৃতম্ অপি অনুশোচতি .. ২৩৫..
মিথ্যা অভিযোগ দোষস্য প্রাযশ্চিত্তত্ব সিদ্ধযে .
ক্ষমাপযন্ ইব অত্মানং সাক্ষিণং শরণং গতঃ .. ২৩৬..
আবৃত্ত পাপ নুত্তি অর্থং স্নান আদি আবর্ত্যতে যথা .
আবর্তযন্ ইব ধ্যানং সদা সাক্ষি পরাযণঃ .. ২৩৭..
উপস্থ কুষ্ঠিনী বেশ্যা বিলাসেষু বিলজ্জতে .
জানতঃ অগ্রে তথা আভাসঃ স্বপ্রখ্যাতৌ বিলজ্জতে .. ২৩৮..
গৃহীতঃ ব্রাহ্মণঃ ম্লেচ্ছৈঃ প্রাযশ্চিত্তং চরন্ পুনঃ .
ম্লেচ্ছৈঃ সংকীর্যতে ন এব তথা আভাসঃ শরীরকৈঃ .. ২৩৯..
যৌবরাজ্যে স্থিতঃ রাজপুত্রঃ সাম্রাজ্যবংছযা .
রাজানুকারী ভবতি তথা সাক্ষি অনুকারি অযম্ .. ২৪০..
যঃ ব্রহ্ম বেদ ব্রহ্ম এব ভবতি এব ইতি শ্রুতিম্ .
শ্রুত্বা তত্ একচিত্তঃ সন্ ব্রহ্ম বেত্তি ন চ ইতরত্ .. ২৪১..
দেবত্ব কামা হি অগ্নি আদৌ প্রবিশন্তি যথা তথা .
সাক্ষিত্বেন অবশেষায স্ববিনাশং স বাঞ্ছতি .. ২৪২..
যাবত্ স্বদেহদাহং স নরত্বং ন এব মুঞ্চতি .
তাবত্ আরব্ধদেহং স্যাত্ ন আভাসত্ব বিমোচনম্ .. ২৪৩..
রজ্জুজ্ঞানে অপি কম্প আদিঃ শনৈঃ এব উপশাম্যতি .
পুনঃ মন্দ অন্ধকারে সা রজ্জুঃ ক্ষিপ্ত উরগী ভবেত্ .. ২৪৪..
এবম্ আরব্ধভোগঃ অপি শনৈঃ শাম্যতি নঃ হঠাত্ .
ভোগকালে কদাচিত্ তু মর্ত্যঃ অহম্ ইতি ভাসতে .. ২৪৫..
ন এতাবতা অপরাধেন তত্ত্বজ্ঞানং বিনশ্যতি .
জীবন্মুক্তিব্রতং ন ইদং কিন্তু বস্তুস্থিতিঃ খলু .. ২৪৬..
দশমঃ অপি শিরঃ তাডং রুদন্ বুধ্বা ন রোদিতি .
শিরোব্রণঃ তু মাসেন শনৈঃ শাম্যতি নঃ তদা .. ২৪৭..
দশম অমৃতিলাভেন জাতঃ হর্ষঃ ব্রণব্যথাম্ .
তিরোধত্তে মুক্তিলাভঃ তথা প্রারব্ধদুঃখিতাম্ .. ২৪৮..
ব্রতাভাবাত্ যদা অধ্যাসঃ তদা ভূযঃ বিবিচ্যতাম্ .
রসসেবী দিনে ভুঙ্ক্তে ভূযঃ ভূযঃ যথা তথা .. ২৪৯..
শমযতি ঔষধেন অযং দশমঃ স্বং ব্রণং যথা .
ভোগেন শমযিত্বা এতত্ প্রারব্ধং মুচ্যতে তথা .. ২৫০..
কিম্ ইচ্ছন্ ইতি বাক্য উক্তঃ শোক মোক্ষ উদীরিতঃ .
আভাসস্য হি অবস্থা এষা ষষ্ঠী তৃপ্তিঃ তু সপ্তামি .. ২৫১..
সাঙ্কুশা বিষযৈঃ তৃপ্তিঃ ইযং তৃপ্তিঃ নিরঙ্কুশা .
কৃতং কৃত্যং প্রাপণীযং প্রাপ্তম্ ইতি এব তৃপ্যতি .. ২৫২..
ঐহিক অমুষ্মিক ব্রাত সিদ্ধৈ মুক্তেঃ চ সিদ্ধযে .
বহু কৃত্যং পুরাস্য অভূত্ তত্ সর্বম্ অধুনা কৃতম্ .. ২৫৩..
তত্ এতত্ কৃত কৃত্যত্বং প্রতিযোগিপুরঃসরম্ .
অনুসন্দধাত্ এব অযম্ এবং তৃপ্যতি নিত্যশঃ .. ২৫৪..
দুঃখিনঃ অজ্ঞাঃ সংসরন্তু কামং পুত্র আদি অপেক্ষযা .
পরমানন্দ পূর্ণঃ অহং সংসরামি কিম্ ইচ্ছযা .. ২৫৫..
অনুতিষ্ঠন্তু কর্মাণি পরলোকাযিযাসবঃ .
সর্বলোকাত্মকঃ কস্মাত্ অনুতিষ্ঠামি কিং কথম্ .. ২৫৬..
ব্যাচক্ষতাং তে শাস্ত্রাণি বেদান্ অধ্যাপযন্তু বা .
যে অত্র অধিকারিণঃ মে তু ন অধিকারঃ অক্রিযত্বতঃ .. ২৫৭..
নিদ্রা ভিক্ষে স্নান শৌচে ন ইচ্ছামি ন করোমি চ .
দ্রষ্টারঃ চেত্ কল্পযন্তি কিম্ মে স্যাত্ অন্যকল্পনাত্ .. ২৫৮..
গুঞ্জাপুঞ্জাদি দহ্যেত ন অন্য আরোপিত বহ্নিনা .
ন অন্য আরোপিত সংসারধর্মান্ এবম্ অহং ভজে .. ২৫৯..
শৃণ্বন্তু অজ্ঞাততত্ত্বাঃ তে জানং কস্মাত্ শৃণোমি অহম্ .
মন্যন্তাং সংশয আপন্না ন মন্যে অহম্ অসংশযঃ .. ২৬০..
বিপর্যস্তঃ নিদিধ্যাসেত্ কিং ধ্যানম্ অবিপর্যযাত্ .
দেহাত্মত্ব বিপর্যাসং ন কদাচিত্ ভজামি অহম্ .. ২৬১..
অহং মনুষ্যঃ ইতি আদি ব্যবহারঃ বিনা অপি অমুম্ .
বিপর্যাসং চিরাভ্যস্ত বাসনাতঃ অবকল্পতে .. ২৬২..
প্রারব্ধকর্মাণি ক্ষীণে ব্যবহারঃ নিবর্ততে .
কর্মাক্ষযে তু অসৌ ন এব শাম্যেত্ ধ্যানসহস্রতঃ .. ২৬৩..
বিরলত্বং ব্যবহৃতেঃ ইষ্টং চেত্ ধ্যানম্ অস্তু তে .
অবাধিকাং ব্যবহৃতিং পশ্যন্ ধ্যাযামি অহং কুতঃ .. ২৬৪..
বিক্ষেপঃ ন অস্তি যস্মাত্ মে ন সমাধিঃ ততঃ মম .
বিক্ষেপঃ বা সমাধিঃ বা মনসঃ স্যাত্ বিকারিণঃ .. ২৬৫..
নিত্য অনুভব রূপস্য কঃ মে বা অনুভবঃ পৃথক্ .
কৃতং কৃত্যং প্রাপণীযং প্রাপ্তম্ ইতি এব নিশ্চযঃ .. ২৬৬..
ব্যবহারঃ লৌকিকঃ বা শাস্ত্রীযঃ বা অন্যথা অপি বা .
মম অকর্তুঃ অলেপস্য যথা আরব্ধং প্রবর্ততাম্ .. ২৬৭..
অথবা কৃতকৃত্যঃ অপি লোকানুগ্রহকাম্যযা .
শাস্ত্রীযেণ এব মার্গেণ বর্তে অহং কা মম ক্ষতিঃ .. ২৬৮..
দেব অর্চন স্নান শৌচ ভিক্ষা আদৌ বর্ততাং বপুঃ .
তারং জপতু বাক্ তদ্বত্ পঠতু আম্নায মস্তকম্ .. ২৬৯..
বিষ্ণুং ধ্যাযতু ধীঃ যত্ বা ব্রহ্মানন্দে বিলীযতাম্ .
সাক্ষি অহং কিংচিত্ অপি অত্র ন কুর্বে ন অপি কারযে .. ২৭০..
এবং চ কলহঃ কুত্র সম্ভবেত্ কর্মিণঃ মম .
বিভিন্ন বিষযত্বেন পূর্বাপর সমুদ্রবত্ .. ২৭১..
বপুঃ বাক্ ধীষু নির্বন্ধঃ কর্মিণঃ ন তু সাক্ষিণি .
জ্ঞানিনঃ সাক্ষি অলেপত্বে নির্বন্ধঃ ন ইতরত্র হি .. ২৭২..
এবং চ অন্যঃ অন্যবৃত্তান্তান্ অভিজ্ঞৌ বধিরৌ ইব .
বিবদেতাং বুদ্ধিমন্তঃ হসন্তি এব বিলোক্য তৌ .. ২৭৩..
যং কর্মী ন বিজানাতি সাক্ষিণং তস্য তত্ত্ববিত্ .
ব্রহ্মত্বং বুদ্ধ্যতাং তত্র কর্মিণঃ কিং বিহীযতে .. ২৭৪..
দেহ বাক্ বুদ্ধযঃ ত্যক্তা জ্ঞানিনা অনৃতবুদ্ধিতঃ .
কর্মী প্রবর্তযৌ আভিঃ জ্ঞানিনঃ হীযতে অত্র কিম্ .. ২৭৫..
প্রবৃত্তিঃ ন উপযুক্তা চেত্ নিবৃত্তিঃ ক্ব উপযুজ্যতে .
বোধহেতুঃ নিবৃত্তিঃ চেত্ বুভুত্সাযাং তথা ইতরা .. ২৭৬..
বুদ্ধঃ চেত্ ন বুভুত্সেত ন অপি অসৌ বুদ্ধ্যতে পুনঃ .
অবাধাত্ অনুবর্তেত বোধঃ ন তু অন্যসাধনাত্ .. ২৭৭..
ন অবিদ্যা ন অপি তত্ কার্যং বোধং বাধিতুম্ অর্হতি .
পুরৈব তত্ত্ববোধেন বাধিতে তে উভে যতঃ .. ২৭৮..
বাধিতং দৃশ্যতাম্ অক্ষৈঃ তেন বাধঃ ন দৃশ্যতে .
জীবন্ আখুঃ ন মার্জারং হন্তি হন্যাত্ কথং মৃতঃ .. ২৭৯..
অপি পাশুপত অস্ত্রেণ বিদ্ধঃ চেত্ ন মমার যঃ .
নিষ্ফলেষু বিনুন্নাঙ্গঃ নংক্ষ্যতি ইতি অত্র কা প্রমা .. ২৮০..
আদৌ অবিদ্যযা চিত্রৈঃ স্বকার্যৈঃ জৃম্ভমাণযা .
যুধ্বা বোধঃ অজযত্ সঃ অদ্য সুদৃঢঃ বাধ্যতাং কথম্ .. ২৮১..
তিষ্ঠন্তু অজ্ঞান তত্ কার্য শবা বোধেন মারিতাঃ .
ন ভীতিঃ বোধসম্রাজঃ কীর্তিঃ প্রত্যুত তস্য তৈঃ .. ২৮২..
যঃ এবম্ অতিশূরেণ বোধেন ন বিযুজ্যতে .
প্রবৃত্ত্যা বা নিবৃত্ত্যা বা দেঅহ আদি গতযা অস্য কিম্ .. ২৮৩..
প্রবৃত্তৌ আগ্রহঃ ন্যায্যঃ বোধহীনস্য সর্বথা .
স্বর্গায বা অপবর্গায যতিতব্যং যতঃ নৃভিঃ .. ২৮৪..
বিদ্বান্ চেত্ তদৃশাং মধ্যে তিষ্ঠেত্ তত্ অনুরোধতঃ .
কাযেন মনসা বাচা করোতি এব অখিলাঃ ক্রিযাঃ .. ২৮৫..
এষ মধ্যে বুভুত্সূনাং যদা তিষ্ঠেত্ তদা পুনঃ .
বোধায এষং ক্রিযাঃ সর্বাঃ দূষযন্ ত্যজতু স্বযম্ .. ২৮৬..
অবিদ্বত্ অনুসারেণ বৃত্তিঃ বুদ্ধস্য যুজ্যতে .
স্তনংধয অনুসারেণ বর্ততে তত্ পিতা যতঃ .. ২৮৭..
অধিক্ষিপ্তঃ তাডিতঃ বা বালেন স্বপিতা তদা .
ন ক্লিশ্নাতি ন কুপ্যেত বালং প্রত্যুত লালযেত্ .. ২৮৮..
নিন্দিতঃ স্তূযমানঃ বা বিদ্বান্ অজ্ঞৈঃ ন নিন্দতি .
ন স্তৌতি কিন্তু তেষাং স্যাত্ যথা বোধঃ তথা চরেত্ .. ২৮৯..
যেন অযং নটনেন অত্র বুদ্ধ্যতে কার্যম্ এব তত্ .
অজ্ঞপ্রবোধান্ ন এব অন্যত্ কার্যম্ অস্তি অত্র তত্ বিদঃ .. ২৯০..
কৃতকৃত্যতযা তৃপ্তঃ প্রাপ্তপ্রাপ্যতযা পুনঃ .
তৃপ্যন্ এবং স্বমনসা মন্যতে অসৌ নিরন্তরম্ .. ২৯১..
ধন্যঃ অহং ধন্যঃ অহং নিত্যং স্বাত্মানম্ অঞ্জসা বেদ্মি .
ধন্যঃ অহং ধন্যঃ অহং ব্রহ্মানন্দঃ বিভাতি মে স্পষ্টম্ .. ২৯২..
ধন্যঃ অহং ধন্যঃ অহং দুঃখং সংসারিকং ন বীক্ষে অদ্য .
ধন্যঃ অহং ধন্যঃ অহং স্বস্য অজ্ঞানং পলাযিতং ক্ব অপি .. ২৯৩..
ধন্যঃ অহং ধন্যঃ অহং কর্তব্যং মে ন বিদ্যতে কিঞ্চিত্ .
ধন্যঃ অহং ধন্যঃ অহং প্রাপ্তব্যং সর্বম্ অদ্য সংপন্নম্ .. ২৯৪..
ধন্যঃ অহং ধন্যঃ অহং তৃপ্তেঃ মে কা উপমা ভবেত্ লোকে .
ধন্যঃ অহং ধন্যঃ অহং ধন্যঃ ধন্যঃ পুনঃ পুনঃ ধন্যঃ .. ২৯৫..
অহো পুণ্যম্ অহো পুণ্যং ফলিতং ফলিতং দৃঢম্ .
অস্য পুণ্যস্য সম্পত্তেঃ অহো বযম্ অহো বযম্ .. ২৯৬..
অহো শাস্ত্রম্ অহো শাস্ত্রম্ অহো গুরুঃ অহো গুরুঃ .
অহো জ্ঞানম্ অহো জ্ঞানম্ অহো সুখম্ অহো সুখম্ .. ২৯৭..
তৃপ্তিদীপম্ ইমং নিত্যং যে অনুসন্দধতে বুধাঃ .
ব্রহ্মানন্দে নিমজ্জন্তঃ তে তৃপ্যন্তি নিরন্তরম্ .. ২৯৮..
ইতি সপ্তমোঽধ্যাযঃ .. ৭..