পঞ্চদশী ০৭ – ১

অথ সপ্তমোঽধ্যাযঃ .
তৃপ্তিদীপঃ .
আত্মানং চেত্ বিজানীযাত্ অযম্ অস্মি ইতি পূরুষঃ .
কিম্ ইচ্ছন্ কস্য কামায শরীরম্ অনুসংজ্বরেত্ .. ১..
অস্যাঃ শ্রুতেঃ অভিপ্রাযঃ সম্যক্ অত্র বিচার্যতে .
জীবন্মুক্তস্য যা তৃপ্তিঃ সা তেন বিশদাযতে .. ২..
মাযাভাসেন জীবেশৌ করোতি ইতি শ্রুতত্বতঃ .
কল্পিতৌ এব জীবেশৌ তাভ্যাং সর্বং প্রকল্পিতম্ .. ৩..
ঈক্ষণ আদি প্রবেশান্তা সৃষ্টিঃ ঈশেন কল্পিতা .
জাগ্রত্ আদি বিমোক্ষান্তঃ সংসারঃ জীবকল্পিতঃ .. ৪..
ভ্রম অধিষ্ঠান ভূতাত্মা কূটস্থ অসঙ্গ চিত্ বপুঃ .
অন্যঃ অন্যাত্ অধ্যাসতঃ অসঙ্গ ধী স্থ জীবঃ অত্র পূরুষঃ .. ৫..
সাধিষ্ঠানঃ বিমোক্ষাদৌ জীবঃ অধিক্রিযতে ন তু .
কেবলঃ নিরধিষ্ঠান বিভ্রান্তেঃ ক্বাপি অসিদ্ধিতঃ .. ৬..
অধিষ্ঠান অংশ সংযুক্তং ভ্রম অংশম্ অবলম্বতে .
যদা তদা অহং সংসারী ইতি এবং জীবঃ অভিমন্যতে .. ৭..
ভ্রম অংশস্য তিরস্কারাত্ অধিষ্ঠান প্রধানতা .
যদা তদা চিত্ আত্মা অহম্ অসঙ্গঃ অস্মি ইতি বুদ্ধ্যতে .. ৮..
ন অসঙ্গে অহংকৃতিঃ যুক্তা কথম্ অস্মি ইতি চেত্ শৃণু .
একঃ মুখ্যঃ দ্বৌ অমুখ্যৌ ইতি অর্থঃ ত্রিবিধঃ অহমঃ .. ৯..
অন্যঃ অন্য অধ্যাস রূপেণ কূটস্থ আভাসযোঃ বপুঃ .
একীভূয ভবেত্ মুখ্যঃ তত্র মূঢৈঃ প্রযুজ্যতে .. ১০..
পৃথক্ আভাস কূটস্থৌ অমুখ্যৌ তত্র তত্ত্ববিত্ .
পর্যাযেণ প্রযুঙ্ক্তে অহং শব্দং লোকে চ বৈদিকে .. ১১..
লৌকিক ব্যবহারে অহং গচ্ছামি ইতি আদিকে বুধঃ .
বিবিচ্য এব চিত্ আভাসং কূটস্থাত্ তং বিবক্ষতি .. ১২..
অসঙ্গঃ অহং চিদাত্মা অহম্ ইতি শাস্ত্রীয দৃষ্টিতঃ .
অহং শব্দং প্রযুঙ্ক্তে অযং কূটস্থে কেবলে বুধঃ .. ১৩..
জ্ঞানিতা অজ্ঞানিতে তু আত্ম আভাসস্য এব ন চ আত্মনঃ .
তথা চ কথম্ আভাসঃ কূটস্থঃ অস্মি ইতি বুদ্ধ্যতাম্ .. ১৪..
ন অযং দোষঃ চিদাভাসঃ কূটস্থ এক স্বভাববান্ .
আভাসত্বস্য মিথ্যাত্বাত্ কূটস্থত্ব অবশেষণাত্ .. ১৫..
কূটস্থঃ অস্মি ইতি বোধঃ অপি মিথ্যা চেত্ ন ইতি কঃ বদেত্ .
ন হি সত্যতযা অভীষ্টং রজ্জু সর্প বিসর্পণম্ .. ১৬..
তাদৃশেন অপি বোধেন সংসারঃ হি নিবর্ততে .
যক্ষ অনুরূপঃ হি বলিঃ ইতি আহুঃ লৌকিকাঃ জনাঃ .. ১৭..
তস্মাত্ আভাস পুরুষঃ স কূটস্থঃ বিবিচ্য তম্ .
কূটস্থঃ অস্মি ইতি বিজ্ঞাতুম্ অর্হতি ইতি অভ্যধাত্ শ্রুতিঃ .. ১৮..
অসংদিগ্ধ অবিপর্যস্ত বোধঃ দেহ আত্মনি ঈক্ষ্যতে .
তদ্বত্ অত্র ইতি নির্ণেতুম্ অযম্ ইতি অভিধীযতে .. ১৯..
দেহাত্ম জ্ঞানবত্ জ্ঞানং দেহাত্ম জ্ঞান বাধকম্ .
আত্মনি এব ভবেত্ যস্য স ন ইচ্ছন্ অপি মুচ্যতে .. ২০..
অযম্ ইতি অপরোক্ষত্বম্ উচ্যতে চেত্ তত্ উচ্যতাম্ .
স্বযংপ্রকাশচৈতন্যম্ অপরোক্ষং সদা যতঃ .. ২১..
পরোক্ষম্ অপরোক্ষং চ জ্ঞানম্ অজ্ঞানম্ ইতি অদঃ .
নিত্য অপরোক্ষরূপে অপি দ্বযং স্যাত্ দশমে যথা .. ২২..
নবসংখ্যাহৃতজ্ঞানঃ দশমঃ বিভ্রমাত্ তদা .
ন বেত্তি দশমঃ অস্মি ইতি বীক্ষ্যমাণঃ অপি তান্ নব .. ২৩..
ন ভাতি ন অস্তি দশমঃ ইতি স্বং দহমং তদা .
মত্বা বক্তি তত্ অজ্ঞানকৃতম্ আবরণং বিদুঃ .. ২৪..
নদ্যাং মমার দশমঃ ইতি শোচন্ প্ররোদিতি .
অজ্ঞানকৃতবিক্ষেপং রোদনাদিং বিদুঃ বুধঃ .. ২৫..
ন মৃতঃ দশমঃ অস্তি ইতি শ্রুত্বা আপ্তবচনং তদা .
পরোক্ষত্বেন দশমং বেত্তি স্বর্গ আদি লোকবত্ .. ২৬..
ত্বম্ এব দশমঃ অসি ইতি গণযিত্বা প্রদর্শিতঃ .
অপরোক্ষতযা জ্ঞাত্বা হৃষ্যতি এব ন রোদিতি .. ২৭..
অজ্ঞান অবৃতিবিক্ষেপ দ্বিবিধা জ্ঞান তৃপ্তযঃ .
শোক অপগমঃ ইতি এতে যোজনীযাঃ চিদাত্মনি .. ২৮..
সংসার আসক্ত চিত্তঃ সন্ চিদাভাসঃ কদাচন .
স্বযংপ্রকাশকূটস্থং স্বতত্ত্বং ন এব বেত্তি অযম্ .. ২৯..
ন ভাতি ন অস্তি কূটস্থঃ ইতি বক্তি প্রসংগতঃ .
কর্তা ভোক্তা অহম্ অস্মি ইতি বিক্ষেপং প্রতিপদ্যতে .. ৩০..
অস্তি কূটস্থঃ ইতি আদৌ পরোক্ষং বেত্তি বার্ত্তযা .
পশ্চাত্ কূটস্থঃ এব অস্মি ইতি এবং বেত্তি বিচারতঃ .. ৩১..
কর্তা ভোক্তা ইতি এবম্ আদি শোক জাতং প্রমুঞ্চতি .
কৃতং কৃত্যং প্রাপণীযং প্রাপ্তম্ ইতি এব তুষ্যতি .. ৩২..
অজ্ঞানম্ আবৃতিঃ তদ্বত্ বিক্ষেপঃ চ পরোক্ষ ধীঃ .
অপরোক্ষ মতিঃ শোক মোক্ষঃ তৃপ্তিঃ নিরঙ্কুশা .. ৩৩..
সপ্তাবস্থাঃ ইমাঃ সন্তি চিদাভাসস্য তাসু ইমৌ .
বন্ধমোক্ষৌ স্থিতৌ তত্র তিস্রঃ বন্ধকৃতঃ স্মৃতাঃ .. ৩৪..
ন জানামি ইতি উদাসীন ব্যবহারস্য কারণম্ .
বিচার প্রাক্ অভাবেন যুক্তম্ অজ্ঞানম্ ঈরিতম্ .. ৩৫..
অমার্গেণ বিচার্য অথ ন অস্তি ন ভাতি চ ইতি অসৌ .
বিপরীত ব্যবহৃতিঃ আবৃতেঃ কার্যম্ ইষ্যতে .. ৩৬..
দেহ দ্বয চিদাভাস রূপঃ বিক্ষেপঃ ঈরিতঃ .
কর্তৃত্ব আদি অখিলঃ শোকঃ সংসার আখ্যঃ অস্য বন্ধকঃ .. ৩৭..
অজ্ঞানম্ আবৃতিঃ চ এতে বিক্ষেপাত্ প্রাক্ প্রসিদ্ধ্যতঃ .
যদি অপি অথ অপি অবস্থে তে বিক্ষেপস্য এব ন আত্মনঃ .. ৩৮..
বিক্ষেপ উত্পত্তিতঃ পূর্বম্ অপি বিক্ষেপ সংস্কৃতিঃ .
অস্তি এব তত্ অবস্থাত্বম্ অবিরুদ্ধং ততঃ তযোঃ .. ৩৯..
ব্রহ্মণি আরোপিতত্বেন ব্রহ্মাবস্থে ইমে ইতি .
ন শংকনীযং সর্বাসাং ব্রহ্মণি এব অধিরোপণাত্ .. ৪০..
সংসারি অহং বিবুদ্ধঃ অহং নিঃশোকঃ তুষ্টঃ ইতি অপি .
জীবগাঃ উত্তরাবস্থাঃ ভান্তি ন ব্রহ্মগাঃ যদি .. ৪১..
তর্হি অজ্ঞঃ অহং ব্রহ্মসত্ত্বভানে মত্ দৃষ্টিতঃ ন হি .
ইতি পূর্বে অবস্থে চ ভাসেতে জীবগে খলু .. ৪২..
অজ্ঞানস্য আশ্রযঃ ব্রহ্ম ইতি অধিষ্ঠানতযা জগুঃ .
জীবাবস্থাত্বম্ অজ্ঞান অভিমানিত্বাত্ অবাদিষম্ .. ৪৩..
জ্ঞানদ্বযেন নষ্টে অস্মিন্ অজ্ঞানে তত্ কৃতাবৃতিঃ .
ন ভাতি ন অস্তি চ ইতি এষা দ্বিবিধা অপি বিনশ্যতি .. ৪৪..
পরোক্ষজ্ঞানতঃ নশ্যেত্ অসত্ত্বাবৃত্তি হেতুতা .
অপরোক্ষজ্ঞান নাশ্যা হি অভান আবৃত্তিহেতুতা .. ৪৫..
অভান আবরণে নষ্টে জীবত্ব আরোপ সংক্ষযাত্ .
কর্তৃত্ব আদি অখিলঃ শোকঃ সংসার আখ্যঃ নিবর্ততে .. ৪৬..
নিবৃত্তে সর্বসংসারে নিত্যমুক্তত্বভাসনাত্ .
নিরঙ্কুশা ভবেত্ তৃপ্তিঃ পুনঃ শোকাসমুদ্ভবাত্ .. ৪৭..
অপরোক্ষ জ্ঞান শোক নিবৃত্তি আখ্যে উভে ইমে .
অবস্থে জীবগে ব্রূতা আত্মানং চেত্ ইতি শ্রুতিঃ .. ৪৮..
অযম্ ইতি অপরোক্ষত্বম্ উক্তং তত্ দ্বিবিধং ভবেত্ .
বিষয স্বপ্রকাশত্বাত্ ধিয অপি এবং তত্ ঈক্ষণাত্ .. ৪৯..
পরোক্ষজ্ঞানকালে অপি বিষয স্বপ্রকাশতা .
সমা ব্রহ্ম স্বপ্রকাশম্ অস্তি ইতি এবং বিবোধনাত্ .. ৫০..
অহং ব্রহ্ম ইতি অনুল্লিখ্য ব্রহ্ম অস্তি ইতি এবম্ উল্লিখন্ .
পরোক্ষজ্ঞানম্ এতং ন ভ্রান্তং বাধ অনিরূপণাত্ .. ৫১..
ব্রহ্ম ন অস্তি ইতি মানং চেত্ স্যাত্ বাধ্যেত তদা ধ্রুবম্ .
ন চ এবং প্রবলং মনং পশ্যামঃ অতঃ ন বাধ্যতে .. ৫২..
ব্যক্তি অনুল্লেখ মাত্রেণ ভ্রমত্বে স্বর্গধীঃ অপি .
ভ্রান্তিঃ স্যাত্ ব্যক্তি অনুল্লেখাত্ সামান্য উল্লেখ দর্শনাত্ .. ৫৩..
অপরোক্ষত্ব যোগ্যস্য ন পরোক্ষমতিঃ ভ্রমঃ .
পরোক্ষম্ ইতি অনুল্লেখাত্ অর্থাত্ পরোক্ষ্য সম্ভবাত্ .. ৫৪..
অংশাগ্রহীতেঃ ভ্রান্তিঃ চেত্ ঘটজ্ঞাং ভ্রমঃ ভবেত্ .
নিরংশস্য অপি সংসত্বং ব্যাবর্ত্যাংশ বিভেদতঃ .. ৫৫..
অসত্বাংশঃ নিবর্তেত পরোক্ষজ্ঞানতঃ তথা .
অভানাংশ নিবৃত্তিঃ স্যাত্ অপরোক্ষধিযা কৃতা .. ৫৬..
দশমঃ অস্তি ইতি অবিভ্রান্তং পরোক্ষ জ্ঞানম্ ঈক্ষ্যতে .
ব্রহ্ম অস্তি ইতি অপি তদ্বত্ স্যাত্ অজ্ঞান আবরণং সমম্ .. ৫৭..
আত্মা ব্রহ্ম ইতি বাক্যার্থে নিঃশেষেণ বিচারিতে .
ব্যক্তিঃ উল্লিখ্যতে যদ্বত্ দশমঃ ত্বম্ অসি ইতি অতঃ .. ৫৮..
দশমঃ কঃ ইতি প্রশ্নে ত্বম্ এব ইতি নিরাকৃতে .
গণযিত্বা স্বেন সহ স্বম্ এব দশমং স্মরেত্ .. ৫৯..
দশমঃ অস্মি ইতি বাক্যোত্থা ন ধীরস্য বিহন্যতে .
আদি মধ্য অবসানেষু ন নবত্বস্য সংশযঃ .. ৬০..
সত্ এব ইতি আদিবাক্যেন ব্রহ্মসত্ত্বং পরোক্ষতঃ .
গৃহীত্বা তত্ ত্বম্ অসি আদিবাক্যাত্ ব্যক্তিং সমুল্লিখেত্ .. ৬১..
আদি মধ্য অবসানেষু স্বস্য ব্রহ্মত্বধীঃ ইযম্ .
ন এব ব্যভিচরেত্ তস্মাত্ আপরোক্ষ্যং প্রতিষ্ঠিতম্ .. ৬২..
জন্ম আদি কারণত্বাখ্য লক্ষণেন ভৃগুঃ পুরা .
পরোক্ষ্যেণ গৃহীত্বা অথ বিচারাত্ ব্যক্তিম্ ঐক্ষত .. ৬৩..
যদি অপি ত্বম্ অসি ইতি অত্র বাক্যং ন উচে ভৃগোঃ পিতা .
তথা অপি অন্নং প্রাণম্ ইতি বিচার্যস্থলম্ উক্তবান্ .. ৬৪..
অন্ন প্রাণ আদি কোশেষু সুবিচার্য পুনঃ পুনঃ .
আনন্দ ব্যক্তিম্ ঈক্ষিত্বা ব্রহ্মলক্ষ্ম অপি অযূযুজত্ .. ৬৫..
সত্যং জ্ঞানম্ অনন্তং চ ইতি এবং ব্রহ্ম স্বলক্ষণম্ .
উক্ত্বা গুহাহিতত্বেন কোশেষু এতত্ প্রদর্শিতম্ .. ৬৬..
পারোক্ষ্যেণ বিবুধ্য ইন্দ্রঃ যঃ আত্মা ইতি আদি লক্ষণাত্ .
অপরোক্ষীকর্তুম্ ইচ্ছন্ চতুর্বারং গুরুং যযৌ .. ৬৭..
আত্মা বা ইঅদম্ ইতি আদৌ পরোক্ষং ব্রহ্ম লক্ষিতম্ .
অধ্যারোপ অপবাদাভ্যাং প্রজ্ঞানং ব্রহ্ম দর্শিতম্ .. ৬৮..
অবান্তরেণ বাক্যেন পরোক্ষা ব্রহ্মধীঃ ভবেত্ .
সর্বত্র এব মহাবাক্যবিচারাত্ অপরোক্ষধীঃ .. ৬৯..
ব্রহ্ম অপরোক্ষ সিদ্ধ্যর্থং মহাবাক্যম্ ইতি ঈরিতম্ .
বাক্যবৃত্তৌ অতঃ ব্রহ্ম অপরোক্ষে বিমতিঃ ন হি .. ৭০..
আলম্বনতযা ভাতি যঃ অস্মাত্ প্রত্যয শব্দযোঃ .
অন্তঃকরণ সম্ভিন্ন বোধঃ স ত্বং পদাভিধঃ .. ৭১..
মাযা উপাধিঃ জগত্ যোনিঃ সর্বজ্ঞত্বা আদি লক্ষণঃ .
পরোক্ষ্য শবলঃ সত্য আদি আত্মকঃ তত্ পদাভিধঃ .. ৭২..
প্রত্যক্ পরোক্ষতা একস্য সদ্বিতীযত্ব পূর্ণতা .
বিরুদ্ধ্যেতে যতঃ তস্মাত্ লক্ষণা সম্প্রবর্ততে .. ৭৩..
তত্ ত্বম্ অসি আদি বাক্যেষু লক্ষণা ভাগলক্ষণা .
সঃ অযম্ ইতি আদি বাক্যস্থপদযোঃ ইব ন অপরা .. ৭৪..
সংসর্গঃ বা বিশিষ্টঃ বা বাক্যার্থঃ ন অত্র সংমতঃ .
অখণ্ড এক রসত্বেন বাক্যার্থঃ বিদুষাং মতঃ .. ৭৫..
প্রত্যক্ বোধঃ যঃ আভাতি সঃ অদ্বয আনন্দ লক্ষণঃ .
অদ্বয আনন্দ রূপঃ চ প্রত্যক্ বোধ এক লক্ষণঃ .. ৭৬..
ইত্থম্ অন্যঃ অন্য তাদাত্ম্য প্রতিপত্তিঃ যদা ভবেত্ .
অব্রহ্মত্বং ত্বম্ অর্থস্য ব্যবর্ত্যেত তদা এব হি .. ৭৭..
তদর্থস্য চ পারোক্ষ্যং যদি এবং কিং ততঃ শৃণু .
পূর্ণানন্দ একরূপেণ প্রত্যক্ বোধঃ অবতিষ্ঠতে .. ৭৮..
এবং সতি মহাবাক্যাত্ পরোক্ষজ্ঞানম্ ঈর্যতে .
যৈঃ তেষাং শাস্ত্র সিদ্ধান্ত বিজ্ঞানং শোভতেতরাম্ .. ৭৯..
আস্তাং শাস্ত্রস্য সিদ্ধান্তঃ যুক্ত্যা বাক্যাত্ পরোক্ষধীঃ .
স্বর্গ আদি বাক্যবন্ ন এবং দশমে ব্যভিচারতঃ .. ৮০..
স্বতঃ অপরোক্ষজীবস্য ব্রহ্মত্বম্ অভিবাঞ্ছতঃ .
নশ্যেত্ সিদ্ধ অপরোক্ষত্বম্ ইতি যুক্তিঃ মহতি অহো .. ৮১..
বৃদ্ধিম্ ইষ্টবতঃ মূলম্ অপি নষ্টম্ ইতি ঈদৃশম্ .
লৌকিকং বচনং সার্থং সম্পন্নং ত্বত্ প্রসাদতঃ .. ৮২..
অন্তঃকরণ সংভিন্ন বোধঃ জীবঃ অপরোক্ষতাম্ .
অর্হতি উপাধি সদ্ভাবান্ ন তু ব্রহ্ম অনুপাধিতঃ .. ৮৩..
ন এবং ব্রহ্মত্ব বোধস্য সোপাধি বিষযত্বতঃ .
যাবত্ বিদেহ কৈবল্যম্ উপাধেঃ অনিবারণাত্ .. ৮৪..
অন্তঃকরণ সাহিত্য রাহিত্যাভ্যাং বিশিষ্যতে .
উপাধিঃ জীবভাবস্য ব্রহ্মতাযাঃ চ ন অন্যথা .. ৮৫..
যথাবিধিঃ উপাধিঃ স্যাত্ প্রতিষেধঃ তথা ন কিম্ .
সুবর্ণলোহ ভেদেন শৃঙ্খলাত্বং ন ভিদ্যতে .. ৮৬..
অতত্ ব্যাবৃত্তি রূপেণ সাক্ষাত্ বিধিমুখেন চ .
বেদান্তানাং প্রবৃত্তিঃ স্যাত্ দ্বিধা ইতি আচার্যভাষিতম্ .. ৮৭..
অহম্ অর্থ পরিত্যাগাত্ অহং ব্রহ্ম ইতি ধীঃ কুতঃ .
ন এবং অংশস্য হি ত্যাগঃ ভাগলক্ষণযা উদিতঃ .. ৮৮..
অন্তঃকরণ সংত্যাগাত্ অবশিষ্টে চিদাত্মনি .
অহং ব্রহ্ম ইতি বাক্যেন ব্রহ্মত্বং সাক্ষিণী ঈক্ষ্যতে .. ৮৯..
স্বপ্রকাশঃ অপি সাক্ষি এব ধী বৃত্ত্যা ব্যাপ্যতে অন্যবত্ .
ফলব্যাপ্যত্বম্ এবাস্য শাস্ত্রকৃদ্ভিঃ নিবারিতম্ .. ৯০..
বুদ্ধি তত্স্থ চিদাভাসৌ দ্বৌ অপি ব্যাপ্নুতঃ ঘটম্ .
তত্র অজ্ঞানং ধিযা নশ্যেত্ আভাসেন ঘটঃ স্ফুরেত্ .. ৯১..
ব্রহ্মণি অজ্ঞাননাশায বৃত্তি ব্যাপ্তিঃ অপেক্ষিতা .
স্বযং স্ফুরণ রূপত্বাত্ ন আভাস উপযুজ্যতে .. ৯২..
চক্ষুঃ দীপৌ অপেক্ষ্যেতে ঘট আদি দর্শনে যথা .
ন দীপদর্শনে কিন্তু চক্ষুঃ একম্ অপেক্ষ্যতে .. ৯৩..
স্থিতঃ অপি অসৌ চিদাভাসঃ ব্রহ্মণি একী ভবেত্ পরম্ .
ন তু ব্রহ্মণি অতীশযং ফলং কুর্যাত্ ঘট আদিবত্ .. ৯৪..
অপ্রমেযম্ অনাদিং চ ইতি অত্র শ্রুত্যা ইদম্ ঈরিতম্ .
মনসা এব ইদম্ আপ্তব্যম্ ইতি ধীব্যাপ্যতা শ্রুতা .. ৯৫..
আত্মানং চেত্ বিজানীযাত্ অযম্ অস্মি ইতি বাক্যতঃ .
ব্রহ্ম আত্ম ব্যক্তিম্ উল্লিখ্য যঃ বোধঃ সঃ অভিধীযতে .. ৯৬..
অস্তু বোধঃ অপরোক্ষঃ অত্র মহাবাক্যাত্ তথা অপি অসৌ .
ন দৃঢঃ শ্রবণ আদীনাম্ আচার্যৈঃ পুনঃ ঈরণাত্ .. ৯৭..
অহং ব্রহ্ম ইতি বাক্যার্থবোধঃ যাবত্ দৃঢী ভবেত্ .
শম আদি সহিতঃ তাবত্ অভ্যসেত্ শ্রবণ আদিকম্ .. ৯৮..
বাধং সন্তি হি অদার্ঢ্যস্য হেতবঃ শ্রুতি অনেকতা .
অসম্ভাব্যত্বম্ অর্থস্য বিপরীত চ ভাবনা .. ৯৯..
শাখাভেদাত্ কামভেদাত্ শ্রুতং কর্মাণি অথ অন্যথা .
এবম্ অত্র অপি মা আশঙ্কী ইতি অতঃ শ্রবণম্ আচরেত্ .. ১০০..