পঞ্চদশী ০৬ – ২

মহতঃ পরম্ অব্যক্তম্ ইতি প্রকৃতিঃ উচ্যতে .
শ্রুতৌ অসঙ্গতা তদ্বত্ অসঙ্গঃ হি ইতি অতঃ স্ফুটা .. ১০১..
চিত্ সন্নিধৌ প্রবৃত্তাযাঃ প্রকৃতেঃ হি নিযামকম্ .
ঈশ্বরং ব্রুবতে যোগাঃ সঃ জীবেভ্যঃ পরঃ শ্রুতঃ .. ১০২..
প্রধান ক্ষেত্রজ্ঞ পতিঃ গুণেশঃ ইতি হি শ্রুতিঃ .
আরণ্যকে সংভ্রমেণ হি অন্তর্যামি উপপাদিতঃ .. ১০৩..
অত্র অপি কলহাযন্তে বাদিনঃ স্বস্বযুক্তিভিঃ .
বাক্যানি অপি যথা প্রজ্ঞং দার্ঢ্যায উদাহরন্তি হি .. ১০৪..
ক্লেশ কর্ম বিপাকৈঃ তত্ আশযৈঃ অপি অসংযুতঃ .
পুংবিশেষঃ ভবেত্ ঈশো জীববত্ সঃ অপি অসঙ্গচিত্ .. ১০৫..
তথা অপি পুংবিশেষত্বাত্ ঘটতে অস্য নিযংতৃতা .
অব্যবস্থৌ বন্ধমোক্ষৌ আপতেতাম্ ইহান্যথা .. ১০৬..
ভীষা অস্মাত্ ইতি এবম্ আদৌ অসঙ্গস্য পরাত্মনঃ .
শ্রুতং তত্ যুক্তম্ অপি অস্য ক্লেশ কর্ম আদি অসঙ্গমাত্ .. ১০৭..
জীবানাম্ অপি অসঙ্গত্বাত্ ক্লেশাদিঃ ন হি অথ অপি চ .
বিবেক আগ্রহতঃ ক্লেশ কর্ম আদি প্রাগুদীরিতম্ .. ১০৮..
নিত্যজ্ঞান প্রযত্ন ইচ্ছা গুণান্ ঈশস্য মন্বতে .
অসঙ্গস্য নিযন্তৃত্বম্ অযুক্তম্ ইতি তার্কিকাঃ .. ১০৯..
পুংবিশেষত্বম্ অপি অস্য গুণৈঃ এব ন চ অন্যথা .
সত্য কামঃ সত্য সংকল্পঃ ইতি আদি শ্রুতিঃ জগৌ .. ১১০..
নিত্য জ্ঞান আদিমত্ত্বে অস্য সৃষ্টিঃ এব সদা ভবেত্ .
হিরণ্যগর্ভঃ ঈশঃ অতঃ লিঙ্গদেহেন সংযুতঃ .. ১১১..
উদ্গীথ ব্রাহ্মণে তস্য মাহাত্ম্যম্ অতিবিস্তৃতম্ .
লিঙ্গসত্ত্বে অপি জীবত্বং ন অস্য কর্ম আদি অভাবতঃ .. ১১২..
স্থূল দেহং বিনা লিঙ্গদেহঃ ন ক্বাপি দৃশ্যতে .
বৈরাজঃ দেহঃ ঈশঃ অতঃ সর্বতঃ মস্তক আদিমান্ .. ১১৩..
সহস্রশীর্ষ ইতি এবং চ বিশ্বতঃ চক্ষুঃ ইতি অপি .
শ্রুতম্ ইতি আহুঃ অনিশং বিশ্বরূপস্য চিন্তকাঃ .. ১১৪..
সর্বতঃ পাণিপাদত্বে কৃমি আদেঃ অপি চ ঈশতা .
ততঃ চতুরমুখঃ দেবঃ এব ঈশঃ ন ইতরঃ পুমান্ .. ১১৫..
পুত্রার্থং তম্ উপাসীনাঃ এবম্ আহুঃ প্রজাপতিঃ .
প্রজাঃ অসৃজত ইতি আদিশ্রুতিং চ উদাহরন্তি অমী .. ১১৬..
বিষ্ণোঃ নাভেঃ সমুদ্ভূত্তঃ বেধাঃ কমলজঃ ততঃ .
বিষ্ণুঃ এব ঈশঃ ইতি আহুঃ লোকে ভাগবতা জনাঃ .. ১১৭..
শিবস্য পাদৌ অন্বেষ্টুং শার্ঙ্গি অশক্তঃ ততঃ শিবঃ .
ঈশঃ ন বিষ্ণুঃ ইতি আহুঃ শৈবাঃ আগম মানিনঃ .. ১১৮..
পুরত্রযং সাদযিতুং বিঘ্নেশং সঃ অপি অপূজযত্ .
বিনাযকং প্রাহুঃ ঈশং গাণপত্যমতে রতাঃ .. ১১৯..
এবম্ অন্যে স্বস্বপক্ষাভিমানেন অন্যথা অন্যথা .
মন্ত্রার্থবাদ কল্পাদীন্ আশ্রিত্য প্রতিপেদিরে .. ১২০..
অন্তর্যামিণম্ আরভ্য স্থাবরান্তেশ বাদিনঃ .
সন্তি অশ্বত্থ অর্ক বংশাদেঃ কুল দৈবত্ব দর্শনাত্ .. ১২১..
তত্ত্ব নিশ্চয কামেন ন্যাযাগম বিচারিণাম্ .
এক এব প্রতিপত্তিঃ স্যাত্ সা অপি অত্র স্ফুটম্ উচ্যতে .. ১২২..
মাযাং তু প্রকৃতিং বিদ্যান্ মাযিনং তু মহেশ্বরম্ .
অস্য অবযব ভূতৈঃ তু ব্যাপ্তং সর্বম্ ইদং জগত্ .. ১২৩..
ইতি শ্রুতি অনুসারেণ ন্যাযঃ নির্ণযঃ ঈশ্বরে .
তথা সতি অবিরোধঃ স্যাত্ স্থাবরান্তেশ বাদিনাম্ .. ১২৪..
মাযা চ ইযং তমো রূপা তাপনীযে তত্ ঈরণাত্ .
অনুভূতিং তত্র মানং প্রতিজজ্ঞে শ্রুতিঃ স্বযম্ .. ১২৫..
জডং মোহাত্মকং তত্ চ ইতি অনুভাবযতি শ্রুতিঃ .
আ বাল গোপং স্পষ্টত্বাত্ আনন্ত্যং সা অব্রবীত্ .. ১২৬..
অচিত্ আত্মা ঘট আদিনাং যত্ স্বরূপং জডং হি তত্ .
যত্র কুণ্ঠী ভবেত্ বুদ্ধিঃ স মোহঃ ইতি লৌকিকাঃ .. ১২৭..
ইত্থং লৌকিক দৃষ্ট্যা এতত্ সর্বৈঃ অপি অনুভূযতে .
যুক্তি দৃষ্ট্যা তু অনির্বাচ্যং ন অসত্ আসীত্ ইতি শ্রুতেঃ .. ১২৮..
ন অসত্ আসীত্ বিভাতত্বান্ নঃ সত্ আসীত্ চ বাধনাত্ .
বিদ্যা দৃষ্ট্যা শ্রুতং তুচ্ছং তস্য নিত্য নিবৃত্তিতঃ .. ১২৯..
তুচ্ছা অনির্বচনীযা চ বাস্তবী চ ইতি অসৌ ত্রিধা .
জ্ঞেযা মাযা ত্রিভিঃ বোধৈঃ শ্রৌত যৌক্তিক লৌকিকৈঃ .. ১৩০..
অস্য সত্ত্বম্ অসত্ত্বং চ জগতঃ দর্শযতি অসৌ .
প্রসারণাত্ চ সংকোচাত্ যথা চিত্রপটঃ তথা .. ১৩১..
অস্বতন্ত্র হি মাযা স্যাত্ অপ্রতীতেঃ বিনা চিতিম্ .
স্বতন্ত্র অপি তথা এব স্যাত্ অসঙ্গস্য অন্যথা কৃতেঃ .. ১৩২..
কূটস্থ অসঙ্গম্ আত্মানং জগত্ত্বেন করোতি সা .
চিত্ আভাস স্বরূপেণ জীবেশৌ অপি নির্মমে .. ১৩৩..
কূটস্থম্ অনুপদ্রুত্য করোতি জগত্ আদিকম্ .
দুর্ঘট একবিধাযিন্যাং মাযাযাং কা চমত্কৃতিঃ .. ১৩৪..
দ্রবত্বম্ উদকে বহ্নৌ ঔষ্ণ্যং কাঠিন্যম্ অশ্মনি .
মাযাযাং দুর্ঘটত্বং চ স্বতঃ সিদ্ধ্যতি ন অন্যতঃ .. ১৩৫..
ন বেত্তি লোকঃ যাবত্ তং সাক্ষাত্ তাবত্ চমত্কৃতিম্ .
ধত্তে মনসি পশ্চাত্ তু মাযা এষ ইতি উপশাম্যতি .. ১৩৬..
প্রসরন্তি হি চোদ্যানি জগত্ বস্তুত্ব বাদিষু .
ন চোদনীযং মাযাযাং তস্যাঃ চোদ্য একরূপতঃ .. ১৩৭..
চোদ্যে অপি যদি চোদ্যং স্যাত্ ত্বত্ চোদ্যে চোদ্যতে মযা .
পরিহার্যং ততঃ চোদ্যং ন পুনঃ প্রতিচোদ্যতাম্ .. ১৩৮..
বিস্ময এক শরীরাযা মাযাযাঃ চোদ্যরূপতঃ .
অন্বেষ্যঃ পরিহারঃ অস্যাঃ বুদ্ধিঅমদ্ভিঃ প্রযত্নতঃ .. ১৩৯..
মাযাত্বম্ এব নিশ্চেযম্ ইতি চেত্ তর্হি নিশ্চিনু .
লোক প্রসিদ্ধ মাযাযা লক্ষণং যত্ তত্ ঈক্ষতাম্ .. ১৪০..
ন নিরূপযিতুং শক্যা বিস্পষ্টং ভাসতে চ যা .
সা মাযা ইতি ইন্দ্রজাল আদৌ লোকাঃ সংপ্রতিপেদিরে .. ১৪১..
স্পষ্টং ভাতি জগত্ চ ইদম্ অশক্যং তত্ নিরূপণম্ .
মাযামযং জগত্ তস্মাত্ ঈক্ষস্ব অপক্ষপাততঃ .. ১৪২..
নিরূপযিতুম্ আরব্ধে নিখিলৈঃ অপি পণ্ডিতৈঃ .
অজ্ঞানং পুরতঃ তেষাং ভাতি কক্ষাসু কাসুচিত্ .. ১৪৩..
দেহ ইন্দ্রিয আদযোঃ ভাবাঃ বীর্যেণ উত্পাদিতাঃ কথম্ .
কথং বা তত্র চৈতন্যম্ ইতি উক্তে তে কিম্ উত্তরম্ .. ১৪৪..
বীর্যস্য এষঃ স্বভাবঃ চেত্ কথং তত্ বিদিতং ত্বযা .
অন্বয ব্যতিরেকৌ যৌ ভগ্নৌ তৌ বন্ধ্য বীর্যতঃ .. ১৪৫..
ন জানামি কিম্ অপি এতত্ ইতি অন্তে শরণং তব .
অতঃ এব মহন্তঃ অস্য প্রবদন্তি ইন্দ্রজালতাম্ .. ১৪৬..
এতস্মাত্ কিম্ ইব ইন্দ্রজালম্ অপরম্ যত্ গর্ভ বাস স্থিতম্
রেতঃ চেততি হস্ত মস্তক পদ প্রোদ্ভূত নানাঙ্কুরম্ .
পর্যাযেণ শিষুত্ব যৌবন জরা বেশৈঃ অনেকৈঃ বৃতম্
পশ্যতি অত্তি শৃণোতি জিঘ্রতি তথা গচ্ছতি অথ আগচ্ছতি .. ১৪৭..
দেহবত্ বটধান আদৌ সুবিচার্য বিলোক্যতাম্ .
ক্ব ধানা কুত্র বা বৃক্ষঃ তস্মাত্ মাযা ইতি নিশ্চিনু .. ১৪৮..
নিরুক্তৌ অভিমানং যে দধতে তার্কিক আদযঃ .
হর্ষ মিশ্র আদিভিঃ তে তু খণ্ডন আদৌ সুশিক্ষিতাঃ .. ১৪৯..
অচিন্ত্যাঃ খলু যে ভাবাঃ ন তান্ তর্কেষু যোজযেত্ .
অচিন্ত্য রচনা রূপং মনসা অপি জগত্ খলু .. ১৫০..
অচিন্ত্য রচনা শক্তি বীজং মাযা ইতি নিশ্চিনু .
মাযা বীজং তত্ এব একং সুষুপ্তৌ অনুভূযতে .. ১৫১..
জাগ্রত্ স্বপ্ন জগত্ তত্র লীনং বীজ ইব দ্রুমঃ .
তস্মাত্ অশেষ জগতঃ বাসনাঃ তত্র সংস্থিতাঃ .. ১৫২..
যা বুদ্ধি বাসনাঃ তাসু চৈতন্যং প্রতিবিম্বতি .
মেঘাকাশবত্ অস্পষ্ট চিত্ আভাসঃ অনুমীযতাম্ .. ১৫৩..
সাভাসম্ এব তত্ বীজং ধীরূপেণ প্ররোহতি .
অতঃ বুদ্ধৌ চিত্ আভাসঃ বিস্পষ্টং প্রতিভাসতে .. ১৫৪..
মাযাভাসেন জীবেশৌ করোতি ইতি শ্রুতৌ শ্রুতম্ .
মেঘাকাশ জলাকাশৌ ইব তৌ সুব্যবস্থিতৌ .. ১৫৫..
মেঘবত্ বর্ততে মাযা মেঘস্থিততুষারবত্.
ধীবাসনাঃ চিদাভাসঃ তুষারস্থ খবত্স্থিতঃ .. ১৫৬..
মাযাধীনঃ চিদাভাসঃ শ্রুতঃ মাযী মহেশ্বরঃ .
অন্তর্যামী চ সর্বজ্ঞঃ জগত্ যোনিঃ সঃ এব হি .. ১৫৭..
সৌষুপ্তম্ আনন্দমযং প্রক্রম্যৈবং শ্রুতিঃ জগৌ .
এষ সর্বেশ্বরঃ ইতি সঃ অযং বেদোক্তঃ ঈশ্বরঃ .. ১৫৮..
সর্বজ্ঞত্ব আদিকে তস্য ন এব বিপ্রতিপদ্যতাম্ .
শ্রৌতার্থস্য অবিতর্ক্যত্বান্ মাযাযাং সর্বসম্ভবাত্ .. ১৫৯..
অযং যত্ সৃজতে বিশ্বং তত্ অন্যথাযিতুং পুমান্ .
ন কঃ অপি শক্তঃ তেনাযং সর্বেশ্বরঃ ইতি ঈরিতঃ .. ১৬০..
অশেষ প্রাণি বুদ্ধীনাং বাসনাঃ তত্র সংস্থিতাঃ .
তাভিঃ ক্রোডীকৃতং সর্বং তেন সর্বজ্ঞঃ ঈরিতঃ .. ১৬১..
বাসনানাং পরোক্ষত্বাত্ সর্বজ্ঞত্বং ন হি ঈক্ষ্যতে .
সর্ববুদ্ধিষু তত্ দৃষ্ট্বা বাসনাসু অনুমীযতাম্ .. ১৬২..
বিজ্ঞানময মুখ্যেষু কোশেষু অন্যত্র চ এব হি .
অন্তঃ তিষ্ঠন্ যমযতি তেন অন্তর্যামিতাং ব্রজেত্ .. ১৬৩..
বুদ্ধৌ তিষ্ঠন্ অন্তরঃ অস্যাঃ ধিযানীক্ষ্যঃ চ ধীবপুঃ .
ধিযম্ অন্তঃ যমযতি ইতি এবং বেদেন ঘোষিতম্ .. ১৬৪..
তন্তুঃ পটে স্থিতঃ যদ্বত্ উপাদানতযা তথা .
সর্ব উপাদান রূপত্বাত্ সর্বত্র অযম্ অবস্থিতঃ .. ১৬৫..
পটাত্ অপি আন্তরঃ তন্তুঃ তন্তোঃ অপি অংশুঃ আন্তরঃ .
আন্তরতু অস্য বিশ্রান্তিঃ যত্র অসৌ অনুমীযতাম্ .. ১৬৬..
দ্বি ত্রি আন্তরত্ব কক্ষাণাং দর্শনে অপি অযম্ আন্তরঃ .
ন বীক্ষ্যতে ততঃ যুক্তিশ্রুতিভ্যাম্ এব নির্ণযঃ .. ১৬৭..
পটরূপেণ সংস্থানাত্ পটঃ তন্তোঃ বপুঃ যথা .
সর্বরূপেণ সংস্থানাত্ সর্বম্ অস্য বপুঃ তথা .. ১৬৮..
তন্তোঃ সংকোচ বিস্তার চলন আদৌ পটঃ যথা .
অবশ্যম্ এব ভবতি ন স্বাতন্ত্র্যং পটে মনাক্ .. ১৬৯..
তথা অন্তর্যামী অযম্ যত্র যযা বাসনযা যথা .
বিক্রিযতে তথাবশ্যং ভবতি এব ন সংশযঃ .. ১৭০..
ঈশ্বরঃ সর্বভূতানাং হৃদ্দেশে অর্জুন তিষ্ঠতি .
ভ্রামযন্ সর্বভূতানি যন্ত্রারূঢানি মাযযা .. ১৭১..
সর্বভূতানি বিজ্ঞানমযাঃ তে হৃদযে স্থিতাঃ .
তত্ উপাদান ভূতেশঃ তত্র বিক্রিযতে খলু .. ১৭২..
দেহাদি পঞ্জরং যন্ত্রং তত্ আরোহঃ অভিমানিতা .
বিহিত প্রতিসিদ্ধেষু প্রবৃত্তিঃ ভ্রমণং ভবেত্ .. ১৭৩..
বিজ্ঞানময রূপেণ তত্ প্রবৃত্তি স্বরূপতঃ .
স্বশক্ত্যেশঃ বিক্রিযতে মাযযা ভ্রমণং হি তত্ .. ১৭৪..
অন্তর্ যমযতি ইতি উক্ত্যা অযম্ এব অর্থঃ শ্রুতৌ শ্রুতঃ .
পৃথিবী আদিষু সর্বত্র ন্যাযঃ অযং যোজ্যতাং ধিযা .. ১৭৫..
জানামি ধর্মং ন চ মে প্রবৃত্তিঃ
জানামি অধর্মং ন চ মে নিবৃত্তিঃ .
কেন অপি দেবেন হৃদি স্থিতেন
যথা নিযুক্তঃ অস্মি তথা করোমি .. ১৭৬..
ন অর্থঃ পুরুষকারেণ ইতি এবং মা শংক্যতাং যতঃ .
ঈশঃ পুরুষ কারস্য রূপেণ অপি বিবর্ততে .. ১৭৭..
ঈদৃক্ বোধেন ঈশ্বরস্য প্রবৃত্তিঃ মা এব বার্যতাম্ .
তথা অপি ঈশস্য বোধেন স্বাত্ম অসঙ্গত্ব ধী জনিঃ .. ১৭৮..
তাবতা মুক্তিঃ ইতি আহুঃ শ্রুতযঃ স্মৃতযঃ তথা .
শ্রুতি স্মৃতি মম এব অজ্ঞে ইতি অপি ঈশ্বর ভাষিতম্ .. ১৭৯..
আজ্ঞাযা ভীতি হেতুত্বং ভীষা অস্মাত্ ইতি হি শ্রুতম্ .
সর্বেশ্বরত্বম্ এতত্ স্যাত্ অন্তর্যামিত্বতঃ পৃথক্ .. ১৮০..
এতস্য বা অক্ষরস্য প্রশাসন ইতি শ্রুতিঃ .
অন্তঃ প্রবিষ্টঃ শাস্তাযং জনানাম্ ইতি চ শ্রুতিঃ .. ১৮১..
জগত্ যোনিঃ ভবেত্ এষ প্রভবাপ্যয কৃত্ত্বতঃ .
আবির্ভাব তিরোভাবৌ উত্পত্তি প্রলযৌ মতৌ .. ১৮২..
আবির্ভাবযতি স্বস্মিন্ বিলীনং সকলং জগত্ .
প্রাণি কর্ম বশাত্ এষ পটো যদ্বত্প্রসারিতঃ .. ১৮৩..
পুনঃ তিরোভাবযতি স্বাত্মনি এব অখিলং জগত্ .
প্রাণি কর্ম ক্ষয বশাত্ সংকোচিত পটো যথা .. ১৮৪..
রাত্রি ঘস্রৌ সুপ্তি বোধৌ উন্মীলন নিমীলনে .
তূষ্ণীং ভাব মনোরাজ্যে ইব সৃষ্টি লযৌ ইমৌ .. ১৮৫..
আবির্ভাব তিরোভাব শক্তিমত্ত্বেন হেতুনা .
আরম্ভ পরিণামাদি চোদ্যানাং ন অত্র সম্ভবঃ .. ১৮৬..
অচেতনানাং হেতুঃ স্যাত্ জাড্য অংশেন ঈশ্বরঃ তথা .
চিদাভাস অংশতঃ তু এষ জীবানাং কারণং ভবেত্ .. ১৮৭..
তমঃ প্রধানঃ ক্ষেত্রাণাং চিত্ প্রধানাঃ চিদাত্মনাম্ .
পরঃ কারণতাম্ এতি ভাবনা জ্ঞান কর্মভিঃ .. ১৮৮..
ইতি বার্তিক কারেণ জড চেতন হেতুতা .
পরমাত্মনঃ এব উক্তা ন ঈশ্বরস্য ইতি চেত্ শৃণু .. ১৮৯..
অন্যঃ অন্য অধ্যাসম্ অত্র অপি জীব কূটস্থযোঃ ইব .
ঈশ্বর ব্রহ্মণোঃ সিদ্ধং কৃত্বা ব্রূতে সুরেশ্বরঃ .. ১৯০..
সত্যং জ্ঞানম্ অনন্তং যত্ ব্রহ্ম তস্মাত্ সমুত্থিতাঃ .
খং বাযু অগ্নি জলোঃ ব্যোষধি অন্ন দেহাঃ ইতি শ্রুতিঃ .. ১৯১..
আপাত দৃষ্টিতঃ তত্র ব্রহ্মণঃ ভাতি হেতুতা .
হেতোঃ চ সত্যতা তস্মাত্ অন্যঃ অন্য অধ্যাস ইষ্যতে .. ১৯২..
অন্যঃ অন্য অধ্যাস রূপঃ অসৌ অন্ন লিপ্ত পটঃ যথা .
ঘট্টিতেন একতাম্ এতি তত্ বত্ ভ্রান্তি একতাং গতঃ .. ১৯৩..
মেঘাকাশ মহাকাশৌ বিবিচ্যেতে ন পামরৈঃ .
তত্ বত্ ব্রহ্ম ঈশযোঃ ঐক্যং পশ্যন্তি আপাত দর্শিনঃ .. ১৯৪..
উপক্রমাদিভিঃ লিঙ্গৈঃ তাত্পর্যস্য বিচারণাত্ .
অসঙ্গং ব্রহ্ম মাযাবী সৃজতি এষ মহেশ্বরঃ .. ১৯৫..
সত্যং জ্ঞানম্ অনন্তং চ ইতি উপক্রম্য উপসংহৃতম্ .
যতঃ বাচঃ নিবর্তন্তঃ ইতি অসঙ্গত্ব নির্ণযঃ .. ১৯৬..
মাযী সৃজতি বিশ্বং সংনিরুদ্ধঃ তত্র মাযযা .
অন্যঃ ইতি অপরা ব্রূতে শ্রুতিঃ তেন ঈশ্বরঃ সৃজেত্ .. ১৯৭..
আনন্দমযঃ ঈশঃ অযং বহু স্যাম্ ইতি অবৈক্ষত .
হিরণ্যগর্ভরূপঃ অভূত্ সুপ্তিঃ স্বপ্নঃ যথা ভবেত্ .. ১৯৮..
ক্রমেণ যুগপত্ বা এষা সৃষ্টিঃ জ্ঞেযা যথা শ্রুতি .
দ্বিবিধা শ্রুতি সত্ ভাবাত্ দ্বিবিধা স্বপ্ন দর্শনাত্ .. ১৯৯..
সূত্রাত্মা সূক্ষ্ম দেহাঅখ্যঃ সর্ব জীব ঘনাত্মকঃ .
সর্ব অহংমান ধারিত্বাত্ ক্রিযা জ্ঞান আদি শক্তিমান্ .. ২০০..