পঞ্চদশী ০৬ – ৩

প্রত্যূষে বা প্রদোষে বা মগ্নঃ মন্দে তমসি অযম্ .
লোকঃ ভাতি যথা তদ্বত্ অস্পষ্টং জগত্ ঈক্ষ্যতে .. ২০১..
সর্বতঃ লাঞ্ছিতঃ মষ্যা যথা স্যাত্ ঘট্টিতঃ পটঃ .
সূক্ষ্মাকারৈঃ তথা ঈশস্য বপুঃ সর্বত্র লাঞ্ছিতম্ .. ২০২..
সস্যং বা শাকজাতং বা সর্বতঃ অঙ্কুরিতং যথা .
কোমলং তদ্বত্ এব এষ পেলবঃ জগত্ অঙ্কুরঃ .. ২০৩..
আতপাভাত লোকঃ বা পটঃ বা বর্ণ পূরিতঃ .
সস্যং বা ফলিতং যদ্বত্ তথা স্পষ্ট বপুঃ বিরাট্ .. ২০৪..
বিশ্বরূপাঅধ্যাযঃ এষঃ উক্তঃ সূক্তে অপি পৌরুষে .
ধাত্রাদি স্তম্ব পর্যন্তান্ এতস্য অবযবান্ বিদুঃ .. ২০৫..
ঈশ সূত্র বিরাট্ বেধঃ বিষ্ণু রুদ্র ইন্দ্র বহ্নযঃ .
বিঘ্ন ভৈরব মৈরাল মারিকা যক্ষ রাক্ষসাঃ .. ২০৬..
বিপ্র ক্ষত্রিয বিট্ শূদ্র গো অশ্ব মৃগ পক্ষিণঃ .
অশ্বত্থ বট চূত আদ্যাঃ যব বৃইহি তৃণাদযঃ .. ২০৭..
জল পাষাণ মৃত্ কাষ্ঠ বাস্যা কুদ্দালক আদযঃ .
ঈশ্বরাঃ সর্ব এব এতে পূজিতাঃ ফল দাযিনঃ .. ২০৮..
যথা যথা উপাসতে তং ফলম্ ঈযুঃ তথা তথা .
ফল উত্কর্ষ অপকর্ষৌ তু পূজ্য পূজা অনুসারতঃ .. ২০৯..
মুক্তিঃ তু ব্রহ্মতত্ত্বস্য জ্ঞানাত্ এব ন চ অন্যথা .
স্বপ্রবোধং বিনা ন এব স্বস্বপ্নঃ হি ইযতে যথা .. ২১০..
অদ্বিতীয ব্রহ্ম তত্ত্বে স্বপ্নঃ অযম্ অখিলং জগত্ .
ঈশ জীব আদি রূপেণ চেতন অচেতন আত্মকম্ .. ২১১..
আনন্দময বিজ্ঞানমযৌ ঈশ্বর জীবকৌ .
মাযযা কল্পিতৌ এতৌ তাভ্যাং সর্বং প্রকল্পিতম্ .. ২১২..
ঈক্ষণা আদি প্রবেষ অন্তা সৃষ্টিঃ ঈশেন কল্পিতা .
জাগ্রত্ আদি বিমোক্ষান্তঃ সংসারঃ জীব কল্পিতঃ .. ২১৩..
অদ্বিতীযং ব্রহ্মতত্ত্বম্ অসঙ্গং তত্ ন জানতে .
জীব ঈশযোঃ মাযিকযোঃ বৃথৈব কলহং যযুঃ .. ২১৪..
জ্ঞাত্বা সদা তত্ত্ব নিষ্ঠান্ অনুমোদামহে বযম্ .
অনুশোচাম এব অন্যান্ ন ভ্রান্তৈঃ বিবদামহে .. ২১৫..
তৃণ অর্চক আদি যোগান্তাঃ ঈশ্বরে ভ্রান্তিম্ আশ্রিতাঃ .
লোকাযতাদি সাংখ্যান্তাঃ জীবে বিভ্রান্তিম্ আশ্রিতাঃ .. ২১৬..
অদ্বিতীয ব্রহ্ম তত্ত্বং ন জানন্তি যদা তদা .
ভ্রান্তাঃ এব অখিলাঃ তেষাং ক্ব মুক্তিঃ ক্ব ইহ বা সুখম্ .. ২১৭..
উত্তম অধম ভাবঃ চেত্ তেষাং স্যাত্ অস্তু তেন কিম্ .
স্বপ্নস্থ রাজ্য ভিক্ষাভ্যাং ন বুদ্ধঃ স্পৃশ্যতে খলু .. ২১৮..
তস্মাত্ মুমুক্ষিভিঃ ন এব মতিঃ জীব ঈশ বাদযোঃ .
কার্যা কিংতু ব্রহ্মতত্ত্বং বিচার্যং বুধ্যতাং চ তত্ .. ২১৯..
পূর্বপক্ষতযা তৌ চেত্ তত্ত্ব নিশ্চয হেতুতাম্ .
প্রাপ্নুতঃ অস্তু নিমজ্জস্ব তযোঃ ন এএতাবতাবশঃ .. ২২০..
অসঙ্গচিত্ বিভুঃ জীবঃ সাংখ্য উক্তঃ তাদৃক্ ঈশ্বরঃ .
যোগ উক্তঃ তত্ ত্বমোঃ অর্থৌ শুদ্ধৌ তৌ ইতি চেত্ শৃণু .. ২২১..
ন তত্ ত্বমোঃ উভৌ অর্থৌ অস্মত্ সিদ্ধান্ততাং গতৌ .
অদ্বৈত বোধনায এব সা কক্ষা কাচিত্ ইষ্যতে .. ২২২..
অনাদি মাযযা ভ্রান্তা জীবেশৌ সুবিক্ষণৌ .
মন্যন্তে তত্ ব্যুদাসায কেবলং শোধনং তযোঃ .. ২২৩..
অত এব অত্র দৃষ্টান্তঃ যোগ্যঃ প্রাক্ সম্যক্ ঈরিতঃ .
ঘটাকাশ মহাকাশ জলাকাশ অভ্র খ আত্মকঃ .. ২২৪..
জল অভ্র উপাধি অধীনে তে জলাকাশ অভ্র খে তযোঃ .
আধারৌ তু ঘটাকাশ মহাকাশৌ সুনির্মলৌ .. ২২৫..
এবম্ আনন্দ বিজ্ঞানমযৌ মাযা ধিযোঃ বশৌ .
তত্ অধিষ্ঠান কূটস্থ ব্রহ্মণি তু সুনির্মলে .. ২২৬..
এতত্ কক্ষোপযোগেন সাংখ্য যোগৌ মতৌ যদি .
দেহঃ অন্নময কক্ষত্বাত্ আত্মত্বেন অভ্যুপেযতাম্ .. ২২৭..
আত্ম ভেদঃ জগত্ সত্যম্ ঈশঃ অন্যঃ ইতি চেত্ ত্রযম্ .
ত্যজ্যতে তৈঃ তদা সাংখ্য যোগ বেদান্ত সংমতিঃ .. ২২৮..
জীবঃ অসঙ্গত্বমাত্রেণ কৃতার্থঃ ইতি চেত্ তদা .
স্রক্ চন্দন আদি নিত্যত্ব মাত্রেণ অপি কৃতার্থতা .. ২২৯..
যথা স্রক্ আদি নিত্যত্বং দুঃসম্পাদ্যং তথা আত্মনঃ .
অসঙ্গত্বং ন সম্ভাব্যং জীবতোঃ জগত্ ঈশযোঃ .. ২৩০..
অবশ্যং প্রকৃতিঃ সঙ্গং পুরেব আপাদযেত্ তথা .
নিযচ্ছতি এতম্ ঈশঃ অপি কঃ অস্য মোক্ষঃ তথা সতি .. ২৩১..
অবিবেক কৃতঃসঙ্গো নিযমঃ চ ইতি চেত্ তদা .
বলাত্ আপতিতঃ মাযাবাদঃ সাংখ্যস্য দুর্মতেঃ .. ২৩২..
বন্ধ মোক্ষ ব্যবস্থার্থম্ আত্ম নানাত্বম্ ইষ্যতাম্ .
ইতি চেত্ ন যতঃ মাযা ব্যবস্থাপযিতুং ক্ষমা .. ২৩৩..
দুর্ঘটং ঘটযাম্ ইতি বিরুদ্ধং কিং ন পশ্যসি .
বাস্তবৌ বন্ধ মোক্ষৌ তু শ্রুতিঃ ন সহতেতরাম্ .. ২৩৪..
ন নিরোধঃ ন চ উত্পত্তিঃ ন বদ্ধঃ ন চ সাধকঃ .
ন মুমুক্ষুঃ ন বৈ মুক্তঃ ইতি এষা পরমার্থতা .. ২৩৫..
মাযাখ্যাযাঃ কামধেনোঃ বত্সৌ জীবেশ্বরৌ উভৌ .
যথেচ্ছং পিবতাং দ্বৈতং তত্ত্বং তু অদ্বৈতম্ এব হি .. ২৩৬..
কূটস্থ ব্রহ্মণোঃ ভেদঃ নামমাত্রাত্ ঋতে ন হি .
ঘটাকাশ মহাকাশৌ বিযুজ্যেতে ন হি ক্বচিত্ .. ২৩৭..
যত্ অদ্বৈতং শ্রুতং সৃষ্টেঃ প্রাক্ তত্ এব অদ্য চ উপরি .
মুক্তৌ অপি বৃথা মাযা ভ্রামযতি অখিলান্ জনান্ .. ২৩৮..
যে বদন্তি ইত্থম্ এতে অপি ভ্রাম্যন্তে বিদ্যযা অত্র কিম্ .
ন যথা পূর্বম্ এতেষাম্ অত্র ভ্রান্তেঃ অদর্শনাত্ .. ২৩৯..
ঐহিক অমুষ্মিকঃ সর্বঃ সংসারঃ বাস্তবঃ ততঃ .
ন ভাতি ন অস্তি চ অদ্বৈতম্ ইতি অজ্ঞানি বিনিশ্চযঃ .. ২৪০..
জ্ঞানীনাং বিপরীতঃ অস্মান্ নিশ্চযঃ সম্যক্ ঈক্ষ্যতে .
স্বস্বনিশ্চযতঃ বদ্ধঃ মুক্তঃ অহং চ ইতি মন্যতে .. ২৪১..
ন অদ্বৈতম্ অপরোক্ষং চেত্ ন চিদ্রূপেণ ভাসনাত্ .
অশেষেণ ন ভাতং চেত্ দ্বৈতং কিং ভাসতে অখিলম্ .. ২৪২..
দিঙ্মাত্রেণ বিভানং তু দ্বযোঃ অপি সমং খলু .
দ্বৈতসিদ্ধিবত্ অদ্বৈতসিদ্ধিঃ তে তাবতা ন কিম্ .. ২৪৩..
দ্বৈতেন হীনম্ অদ্বৈতং দ্বৈতজ্ঞানে কথং তু ইদম্ .
চিত্ ভানং তু অবিরোধ্যস্য দ্বৈতস্য অতঃ অসমে উভে .. ২৪৪..
এবং তর্হি শৃণু দ্বৈতম্ অসন্ মাযামযত্বতঃ .
তেন বাস্তবম্ অদ্বৈতং পরিশেষাত্ বিভাসতে .. ২৪৫..
অচিন্ত্যরচনারূপং মাযা এব সকলং জগত্ .
ইতি নিশ্চিত্য বস্তুত্বম্ অদ্বৈতে পরিশেষ্যতাম্ .. ২৪৬..
পুনঃ দ্বৈতস্য বস্তুত্বং ভাতি চেত্ ত্বম্ তথা পুনঃ .
পরিশীলয কঃ বা অত্র প্রযাসঃ তেন তে বদ .. ২৪৭..
কিযন্তং কালম্ ইতি চেত্ খেদঃ অযং দ্বৈতম্ ইষ্যতাম্ .
অদ্বৈতে তু ন যুক্তঃ অযং সর্বানার্থ নিবারণাত্ .. ২৪৮..
ক্ষুত্ পিপাসা আদযঃ দৃষ্টা যথা পূর্বং মাযীতি চেত্ .
মত্ শব্দ বাচ্যে অহঙ্কারে দৃশ্যতাং নেতি কঃ বদেত্ .. ২৪৯..
চিত্ রূপে অপি প্রসজ্যেরাং তত্ আত্ম অধ্যাসতঃ যদি .
মা অধ্যাসং কুরু কিন্তু ত্বং বিবেকং কুরু সর্বদা .. ২৫০..
ঝটিতি অধ্যাসঃ আযাতি দৃঢ বাসনযা ইতি চেত্ .
আবর্তযেত্ বিবেকং চ দৃঢং বাসযিতুং সদা .. ২৫১..
বিবেকে দ্বৈতমিথ্যাত্বং যুক্ত্যা এব ইতি ন ভণ্যতাম্ .
অচিন্ত্য রচনা তু অস্য অনুভূতিঃ হি স্বসাক্ষিকী .. ২৫২..
চিত্ অপি অচিন্ত্যরচনা যদি তর্হি অস্তু নঃ বযম্ .
চিতিং সুচিন্ত্যরচনাং ব্রূমঃ নিত্যত্বকারণাত্ .. ২৫৩..
প্রাক্ অভাবঃ ন অনুভূতঃ চিতেঃ নিত্যা ততঃ চিতিঃ .
দ্বৈতস্য প্রাক্ অভাবঃ তু চৈতন্যেন অনুভূযতে .. ২৫৪..
প্রাক্ অভাব যুতং দ্বৈতং রচ্যতে হি ঘটাদিবত্ .
তথা অপি রচনা অচিন্ত্যা মিথ্যা তেন ইন্দ্রজালবত্ .. ২৫৫..
চিত্ প্রত্যক্ষা ততঃ অন্যস্য মিথ্যাত্বং চ অনুভূযতে .
ন অদ্বৈতম্ অপরোক্ষং চ ইতি এতত্ ন ব্যাহতং কথম্ .. ২৫৬..
ইত্থং জ্ঞাত্বা অপি অসন্তুষ্টাঃ কেচিত্ কুতঃ ইতি ঈর্যতাম্ .
চার্বাক আদেঃ প্রবুদ্ধস্য অপি আত্মা দেহঃ কুতঃ বদ .. ২৫৭..
সম্যক্ বিচারঃ ন অস্তি অস্য ধী দোষাত্ ইতি চেত্ তথা .
অসন্তুষ্টাঃ তু শাস্ত্রার্থং ন তু ঐক্ষন্ত বিশেষতঃ .. ২৫৮..
যদা সর্বে প্রমুচ্যন্তে কামা যে অস্য হৃদি শ্রিতাঃ .
ইতি শ্রৌতং ফলং দৃষ্টং ন ইতি চেত্ দৃষ্টম্ এব তত্ .. ২৫৯..
যদা সর্বে প্রভিদ্যন্তে হৃদয গ্রন্থযঃ তু ইতি .
কামাঃ গ্রন্থি স্বরূপেণ ব্যাখ্যাতা বাক্যশেষতঃ .. ২৬০..
অহঙ্কার চিদাত্মানৌ একীকৃত্য অবিবেকতঃ .
ইদং মে স্যাত্ ইদং মে স্যাত্ ইতি ইচ্ছাঃ কামশব্দিতাঃ .. ২৬১..
অপ্রবেশ্য চিদাত্মানং পৃথক্ পশ্যন্ অহঙ্কৃতিম্ .
ইচ্ছং তু কোটিবস্তূনি ন বাধঃ গ্রন্থিভেদতঃ .. ২৬২..
গ্রন্থিভেদে অপি সম্ভাব্যাঃ ইচ্ছাঃ প্রারব্ধদোষতঃ .
বুধ্বা অপি পাপবাহুল্যাত্ অসন্তোষঃ যথা তব .. ২৬৩..
অহঙ্কারগত ইচ্ছা আদ্যৈঃ দেহব্যাধি আদিভিঃ তথা .
বৃক্ষ আদি জন্ম নাশৈঃ বা চিদ্রূপাত্মনি কিং ভবেত্ .. ২৬৪..
গ্রন্থিভেদাত্ পুর অপি এবম্ ইতি চেত্ তত্ ন বিস্মর .
অযম্ এব গ্রন্থিভেদঃ তব তেন কৃতী ভবান্ .. ২৬৫..
ন এবং জানন্তি মূঢাঃ চেত্ সঃ অযং গ্রন্থিঃ ন চ অপরঃ .
গ্রন্থি তত্ ভেদ মাত্রেণ বৈশম্যং মূঢবুদ্ধযোঃ .. ২৬৬..
প্রবৃত্তৌ বা নিবৃত্তৌ বা দেহেন্দ্রিয মনঃ ধিযাম্ .
ন কিংচিত্ অপি বৈশম্যম্ অস্তি অজ্ঞানি বিবুদ্ধযোঃ .. ২৬৭..
ব্রাত্য শ্রোত্রিযযোঃ বেদ পাঠ অপাঠ কৃতা ভিদা .
ন আহার আদৌ অস্তি ভেদঃ সঃ অযং ন্যাযঃ অত্র যোজ্যতাম্ .. ২৬৮..
ন দ্বেষ্টি সংপ্রবৃত্তানি ন নিবৃত্তানি কাঙ্ক্ষতি .
উদাসীনবত্ আসীনঃ ইতি গ্রন্থিভিদ উচ্যতে .. ২৬৯..
ঔদাসীন্যং বিধেযং চেত্ বত্ শব্দ ব্যর্থতা তদা .
ন শক্তাঃ অস্য দেহ আদ্যাঃ ইতি চেত্ রোগঃ এব সঃ .. ২৭০..
তত্ত্ববোধং ক্ষযং ব্যাধিং মন্যন্তে যে মহাধিযঃ .
তেষং প্রজ্ঞাতিবিশদা কিং তেষাং দুঃশকং বদ .. ২৭১..
ভরতাদেঃ অপ্রবৃত্তিঃ পুরাণোক্ত ইতি চেত্ তদা .
জক্ষন্ ক্রীডন্ রতিং বিন্দন্ ইতি অশ্রৌষিঃ ন কিং শ্রুতিম্ .. ২৭২..
ন হি আহারাদি সন্ত্যজ্য ভরত আদ্যাঃ স্থিতাঃ ক্বচিত্ .
কাষ্ঠ পাষাণবত্ কিন্তু সঙ্গ ভীতা উদাসতে .. ২৭৩..
সঙ্গী হি বাধ্যতে লোকে নিঃসঙ্গঃ সুখম্ অশ্নুতে .
তেন সঙ্গঃ পরিত্যাজ্যঃ সর্বদা সুখম্ ইচ্ছতা .. ২৭৪..
অজ্ঞাত্বা শাস্ত্র হৃদযং মূঢঃ বক্তি অন্যথা অন্যথা .
মূর্খাণাং নির্ণযঃ তু আস্তাম্ অস্মত্ সিদ্ধান্তঃ উচ্যতে .. ২৭৫..
বৈরাগ্য বোধ উপরমাঃ সহাযাঃ তে পরস্পরম্ .
প্রাযেণ সহ বর্তন্তে বিযুজ্যন্তে ক্বচিত্ ক্বচিত্ .. ২৭৬..
হেতু স্বরূপ কার্যাণি ভিন্নানি এষাম্ অসংকরঃ .
যথাবত্ অবগন্তব্যঃ শাস্ত্রার্থং প্রবিবিচ্যতা .. ২৭৭..
দোষ দৃষ্টিঃ জিহাসা চ পুনঃ ভোগেষু অদীনতা .
অসাধারণ হেতু আদ্যাঃ বৈরাগ্যস্য ত্রযোপি অমী .. ২৭৮..
শ্রবণাদি ত্রযং তদ্বত্ তত্ত্ব মিথ্যা বিবেচনম্ .
পুনঃ গ্রন্থেঃ অনুদযঃ বোধস্য এতে ত্রযঃ মতাঃ .. ২৭৯..
যমাদিঃ ধী নিরোধঃ চ ব্যবহারস্য সংক্ষযঃ .
স্যুঃ হেতু আদ্যাঃ উপরতেঃ ইতি অসংকর ঈরিতঃ .. ২৮০..
তত্ত্ববোধঃ প্রধানং স্যাত্ সাক্ষাত্ মোক্ষ প্রদত্বতঃ .
বোধ উপকারিণৌ এতৌ বৈরাগ্য উপরমৌ উভৌ .. ২৮১..
ত্রযঃ অপি অত্যন্ত পক্বাঃ চেত্ মহতঃ তপসঃ ফলম্ .
দুরিতেন ক্বচিত্ কিংচিত্ কদাচিত্ প্রতিবধ্যতে .. ২৮২..
বৈরাগ্য উপরতী পূর্ণে বোধঃ তু প্রতিবধ্যতে .
যস্য তস্য ন মোক্ষঃ অস্তি পুণ্য লোকঃ তপোবলাত্ .. ২৮৩..
পূর্ণে বোধে তত্ অন্যৌ দ্বৌ প্রতিবদ্ধৌ যদা তদা .
মোক্ষঃ বিনিশ্চিতঃ কিন্তু দৃষ্টদুঃখং ন নশ্যতি .. ২৮৪..
ব্রহ্মলোকতৃণীকারঃ বৈরাগ্যস্য অবধিঃ মতঃ .
দেহাত্মবত্ পরাত্মত্ব দার্ঢ্যে বোধঃ সমাপ্যতে .. ২৮৫..
সুপ্তিবত্ বিস্মৃতিঃ সীমা ভবেত্ উপরমস্য হি .
দিশা অনযা বিনিশ্চেযং তারতম্যম্ অবান্তরম্ .. ২৮৬..
আরব্ধ কর্ম নানাত্বাত্ বুদ্ধানাম্ অন্যথা অন্যথা .
বর্তনং তেন শাস্ত্রার্থে ভ্রমিতব্যং ন পণ্ডিতৈঃ .. ২৮৭..
স্বস্বকর্মানুসারেণ বর্ততাং তে যথা তথা .
অবিশিষ্টঃ সর্ববোধঃ সমা মুক্তিঃ ইতি স্থিতিঃ .. ২৮৮..
জগত্ চিত্রং স্বচৈতন্যে পটে চিত্রম্ ইব অর্পিতম্ .
মাযযা তত্ উপেক্ষ এব চৈতন্যে পরিশেষ্যতাম্ .. ২৮৯..
চিত্রদীপম্ ইমং নিত্যং যে অনুসন্দধতে বুধাঃ .
পশ্যন্তঃ অপি জগত্ চিত্রং তে মুহ্যন্তি ন পূর্ববত্ .. ২৯০..
ইতি ষষ্ঠোঽধ্যাযঃ .. ৬..