পঞ্চদশী ০৬ – ১

অথ ষষ্ঠোঽধ্যাযঃ .
চিত্র দীপঃ .
যথা চিত্র পটে দৃষ্টম্ অবস্থানাং চতুষ্টযম্ .
পরমাত্মনি বিজ্ঞেযং তথা অবস্থা চতুষ্টযম্ .. ১..
যথা ধৌতঃ ঘট্টিতঃ চ লাঞ্ছিতঃ রঞ্জিতঃ পটঃ .
চিত্ অন্তর্যামী সূত্রাত্মা বিরাট্ আত্মা তথা ঈর্যতে .. ২..
স্বতঃ শুভ্রঃ অত্র ধৌতঃ স্যাত্ ঘট্টিতঃ অন্ন বিলেপনাত্ .
মষ্যাকারৈঃ লাঞ্ছিতঃ স্যাত্ রঞ্জিতঃ বর্ণ পূরণাত্ .. ৩..
শ্বেতঃ চিত্ অন্তর্যামী তু মাযাবী সূক্ষ্ম সৃষ্টিতঃ .
সূত্রাত্মা স্থূল সৃষ্ট্যা ইব বিরাট্ ইতি উচ্যতে পরঃ .. ৪..
ব্রহ্ম আদ্যাঃ স্তম্ব পর্যন্তাঃ প্রাণিনঃ অত্র জডা অপি .
উত্তম অধম ভাবেন বর্তন্তে পট চিত্রবত্ .. ৫..
চিত্র অর্পিত মনুষ্যাণাং বস্ত্র আভাসাঃ পৃথক্ পৃথক্ .
চিত্র আধারেণ বস্ত্রেণ সদৃশা ইব কল্পিতাঃ .. ৬..
পৃথক্ পৃথক্ চিদাভাসাঃ চৈতন্য অধ্যস্ত দেহিনাম্ .
কল্প্যন্তে জীব নামানঃ বহুধা সংসরন্তি অমী .. ৭..
বস্ত্রাভাস স্থিতাবর্ণান্ যদ্বত্ আধার বস্ত্রগান্ .
বদন্তি অজ্ঞাঃ তথা জীব সংসারং চিত্ গতং বিদুঃ .. ৮..
চিত্র স্থ পর্বত আদীনাং বস্ত্রাভাসঃ ন লিখ্যতে .
সৃষ্টি স্থ মৃত্তিকাদীনাং চিদাভাসঃ তথা ন হি .. ৯..
সংসারঃ পরমার্থঃ অযং সংলগ্নঃ স্বাত্ম বস্তুনি .
ইতি ভ্রান্তিঃ অবিদ্যা স্যাত্ বিদ্যযা এষা নিবর্ততে .. ১০..
আত্মাভাসস্য জীবস্য সংসারঃ ন আত্ম বস্তুনঃ .
ইতি বোধঃ ভবেত্ বিদ্যা লভ্যতে অসৌ বিচারণাত্ .. ১১..
সদা বিচারযেত্ তস্মাত্ জগত্ জীব পরাত্মনঃ .
জীব ভাব জগত্ ভাব বাধে স্বাত্মা এব শিষ্যতে .. ১২..
ন অপ্রতীতিঃ তযোঃ বাধঃ কিন্তু মিথ্যাত্ব নিশ্চযঃ .
নঃ চেত্ সুষুপ্তি মূর্চ্ছাদৌ মুচ্যেত অযত্নতঃ জনঃ .. ১৩..
পরমাত্মা অবশেষঃ অপি তত্ সত্যত্ব বিনিশ্চযঃ .
ন জগত্ বিস্মৃতিঃ নঃ চেত্ জীবন্ মুক্তিঃ ন সম্ভবেত্ .. ১৪..
পরোক্ষা চ অপরোক্ষ ইতি বিদ্যা দ্বেধা বিচার জা .
তত্র অপরোক্ষ বিদ্যাপ্তৌ বিচারঃ অযং সমাপ্যতে .. ১৫..
অস্তি ব্রহ্ম ইতি চেত্ বেদ পরোক্ষ জ্ঞানম্ এব তত্ .
অহং ব্রহ্ম ইতি চেত্ বেদ সাক্ষাত্কারঃ স উচ্যতে .. ১৬..
তত্ সাক্ষাত্কার সিদ্ধ্যর্থম্ আত্ম তত্ত্বং বিবিচ্যতে .
যেন অযং সর্ব সংসারাত্ সদ্য এব বিমুচ্যতে .. ১৭..
কূটস্থঃ ব্রহ্ম জীবেষু ইতি এবং চিত্ চতুর্বিধা .
ঘটাকাশ মহাকাশৌ জলাকাশ অভ্র খে যথা .. ১৮..
ঘটাবত্ ছিন্ন খে নীরং যত্ তত্র প্রতিবিম্বিতঃ .
সাভ্র নক্ষত্র আকাশঃ জলাকাশঃ উদীর্যতে .. ১৯..
মহাকাশস্য মধ্যে যত্ মেঘ মণ্ডলম্ ঈক্ষ্যতে .
প্রতিবিম্বতযা তত্র মেঘাকাশঃ জলে স্থিতঃ .. ২০..
মেঘাংশ রূপম্ উদকং তুষারাকার সংস্থিতম্ .
তত্র খ প্রতিবিম্বো অযং নিরত্বাত্ অনুমীযতে .. ২১..
অধিষ্ঠানতযা দেহ দ্বয অবচ্ছিন্ন চেতনঃ .
কূটবান্ নির্বিকারেণ স্থিতঃ কূটস্থঃ উচ্যতে .. ২২..
কূটস্থে কল্পিতা বুদ্ধিঃ তত্র চিত্ প্রতিবিম্বকঃ .
প্রাণানাং ধারণাত্ জীবঃ সংসারেণ সঃ যুজ্যতে .. ২৩..
জল ব্যোম্না ঘটাকাশঃ যথা সর্বঃ তিরোহিতঃ .
তথা জীবেন কূটস্থঃ সঃ অন্যঃ অন্য অধ্যাসঃ উচ্যতে .. ২৪..
অযং জীবঃ ন কূটস্থং বিবিনক্তি কদাচন .
অনাদিঃ অবিবেকঃ অযং মূল অবিদ্যা ইতি গম্যতাম্ .. ২৫..
বিক্ষেপ আবৃতি রূপাভ্যাং দ্বিধা অবিদ্যা ব্যবস্থিতা .
ন ভাতি ন অস্তি কূটস্থঃ ইতি আপাদনম্ আবৃতিঃ .. ২৬..
অজ্ঞানী বিদুষা পৃষ্টঃ কূটস্থং ন প্রবুধ্যতে .
ন ভাতি ন অস্তি কূটস্থঃ ইতি বুদ্ধ্বা বদতি অপি .. ২৭..
স্বপ্রকাশে কুতঃ অবিদ্যা তাং বিনা কথম্ আবৃতিঃ .
ইতি আদি তর্কজালানি স্বানুভূতিঃ গ্রসতি অসৌ .. ২৮..
স্বানুভূতৌ অবিশ্বাসে তর্কস্য অপি অনবস্থিতেঃ .
কথং বা তার্কিকং মন্যঃ তত্ত্ব নিশ্চযম্ আপ্নুযাত্ .. ২৯..
বুদ্ধি আরোহায তর্কঃ চেত্ অপেক্ষত তথা সতি .
স্বানুভূতি অনুসারেণ তর্ক্যতাং মা কুতর্ক্যতাম্ .. ৩০..
স্বানুভূতিঃ অবিদ্যাযাম্ আবৃতৌ চ প্রদর্শিতা .
অতঃ কূটস্থ চৈতন্যম্ অবিরোধি ইতি তর্ক্যতাম্ .. ৩১..
তত্ চেত্ বিরোধি কেন ইযম্ আবৃতিঃ হি অনুভূযতাম্ .
বিবেকঃ তু বিরোধি অস্যাঃ তত্ত্ব জ্ঞানিনি দৃশ্যতাম্ .. ৩২..
অবিদ্যা আবৃত কূটস্থে দেহ দ্বয যুতা চিতিঃ .
শুক্তৌ রূপ্যবত্ অধ্যস্ত বিক্ষেপ অধ্যাসঃ এব হি .. ৩৩..
ইদম্ অংশঃ চ সত্যত্বং শুক্তিগং রূপ্য ঈক্ষ্যতে .
স্বযংত্বং বস্তুতা চ এবং বিক্ষেপে বীক্ষ্যতে অন্যগম্ .. ৩৪..
নীল পৃষ্ঠ ত্রিকোণত্বং যথা শুক্তৌ তিরোহিতম্ .
অসঙ্গ আনন্দতা আদি এবং কূটস্থে অপি তিরোহিতম্ .. ৩৫..
আরোপিতস্য দৃষ্টান্তে রূপ্যং নাম যথা তথা .
কূটস্থ অধ্যস্ত বিক্ষেপ নাম অহম্ ইতি নিশ্চ্যঃ .. ৩৬..
ইদম্ অংশং স্বতঃ পশ্যন্ রূপ্যম্ ইতি অভিমন্যতে .
তথা স্বং চ স্বতঃ পশ্যন্ অহম্ ইতি অভিমন্যতে .. ৩৭..
ইদংত্ব রূপ্যতে ভিন্নে স্বত্ব অহংতে তথা ঈষ্যতাম্ .
সামান্যং চ বিশেষঃ চ উভযত্র অপি গম্যতে .. ৩৮..
দেবদত্তঃ স্বযং গচ্ছেত্ ত্বং বীক্ষস্ব স্বযং তথা .
অহং স্বযং ন শক্নোমি ইতি এবং লোকে প্রযুজ্যতে .. ৩৯..
ইদং রূপ্যম্ ইদং বস্ত্রম্ ইতি যদ্বত্ ইদং তথা .
অসৌ ত্বম্ অহম্ ইতি এষু স্বযম্ ইতি অভিমন্যতে .. ৪০..
অহংত্বাত্ ভিদ্যতাং স্বত্বং কূটস্থে তেন কিং তব .
স্বযং শব্দার্থঃ এব এষ কূটস্থঃ ইতি মে ভবেত্ .. ৪১..
অন্যত্ব বারকং স্বত্বং ইতি চেত্ অন্য বারণম্ .
কূটস্থস্য আত্মতাং বক্তুঃ ইষ্টম্ এব হি তত্ ভবেত্ .. ৪২..
স্বযম্ আত্মেতি পর্যাযৌ তেন লোকে তযোঃ সহ .
প্রযোগঃ ন অস্তি অতঃ স্বত্বম্ আত্মত্বং চ অন্য বারকম্ .. ৪৩..
ঘটঃ স্বযং ন জানাতি ইতি এবং স্বত্বং ঘট আদিষু .
অচেতনেষু দৃষ্টং চেত্ দৃশ্যতাম্ আত্ম সত্ত্বতঃ .. ৪৪..
চেতন অচেতন ভিদা কূটস্থ আত্মা কৃতা ন হি .
কিন্তু বুদ্ধিকৃতা আভাস কৃতা এব ইতি অবগম্যতাম্ .. ৪৫..
যথা চেতনঃ আভাসঃ কূটস্থে ভ্রান্তিকল্পিতঃ .
অচেতনঃ ঘটাদিঃ চ তথা তত্র এব কল্পিতঃ .. ৪৬..
তত্তেএদংতে অপি স্বত্বম্ ইব ত্বম্ অহম্ আদিষু .
সর্বত্র অনুগতে তেন তযোঃ অপি আত্মত ইতি চেত্ .. ৪৭..
তে আত্মত্বে অপি অনুগতে তত্তেদংতে ততঃ তযোঃ .
আত্মত্বং ন এব সম্ভাব্যং সম্যক্ তু আদেঃ যথা তথা .. ৪৮..
তত্তেদংতে স্বতান্যত্বে ত্বং তাঅহংতে পরস্পরম্ .
প্রতিদ্বন্দ্বিতযা লোকে প্রসিদ্ধে ন অস্তি সংশযঃ .. ৪৯..
অন্যতাযাঃ প্রতিদ্বন্দ্বী স্বযং কূটস্থঃ ইষ্যতাম্ .
ত্বংতাযাঃ প্রতিযোগি এষঃ অহম্ ইতি আত্মনি কল্পিতঃ .. ৫০..
অহংতা স্বত্বযোঃ ভেদে রূপ্যতেদংতযোঃ ইব .
স্পষ্টে অপি মোহম্ আপন্নাঃ একত্বং প্রতিপেদিরে .. ৫১..
তাদাত্ম্য অধ্যাসঃ এব অত্র পূর্বোক্ত অবিদ্যযা কৃতঃ .
অবিদ্যাযাং নিবৃত্তাযাং তত্ কার্যং বিনিবর্ততে .. ৫২..
অবিদ্যা আবৃত্তি তাদাত্ম্যে বিদ্যযা এব বিনাশ্যতঃ .
বিক্ষেপস্য স্বরূপং তু প্রারব্ধক্ষযম্ ঈক্ষতে .. ৫৩..
উপাদানে বিনষ্টে অপি ক্ষণং কার্যং প্রতীক্ষতে .
ইতি আহুঃ তার্কিকাঃ তদ্বত্ অস্মাকং কিং ন সম্ভবেত্ .. ৫৪..
তন্তূনাং দিনসংখ্যানাং তৈঃ তাদৃক্ ক্ষণঃ ঈরিতঃ .
ভ্রমস্য অসংখ্য কল্পস্য যোগ্যঃ ক্ষণঃ ইহ ইষ্যতাম্ .. ৫৫..
বিনা ক্ষোদ ক্ষমং মানং তৈঃ বৃথা পরিকল্প্যতে .
শ্রুতি যুক্তি অনুভূতিভ্যঃ বদতাং কিং নু দুঃশকম্ .. ৫৬..
আস্তাং দুস্তার্কিকৈঃ সাকং বিবাদঃ প্রকৃতং ব্রুবে .
স্বাহমোঃ সিদ্ধম্ একত্বং কূটস্থ পরিণামিনোঃ .. ৫৭..
ভ্রাম্যন্তে পণ্ডিতং মন্যাঃ সর্বে লৌকিক তৈর্থিকাঃ .
অনাদৃত্য শ্রুতিং মৌর্খ্যাত্ কেবলাং যুক্তিম্ আশ্রিতাঃ .. ৫৮..
পূর্বাপর পরামর্শ বিকলাঃ তত্র কেচন .
বাক্য আভাসান্ স্বস্বপক্ষে যোজযন্তি অপি অলজ্জযা .. ৫৯..
কূটস্থাদি শরীরান্ত সংঘাতসি আত্মতাং জগুঃ .
লোকাযতাঃ পামরাঃ চ প্রত্যক্ষ আভাসম্ আশ্রিতাঃ .. ৬০..
শ্রৌতীকর্তুং স্বপক্ষং তে কোশম্ অন্নমযং তথা .
বিরোচনস্য সিদ্ধান্তং প্রমাণং প্রতিজজ্ঞিরে .. ৬১..
জীবাত্ম নির্গমে দেহ মরণস্য অত্র দর্শনাত্ .
দেহ অতিরিক্ত এব আত্মা ইতি আহুঃ লোকাযতাঃ পরে .. ৬২..
প্রত্যক্ষত্বেন অভিমতা অহং ধীঃ দেহ অতিরেকিণম্ .
গমযেত্ ইন্দ্রিয আত্মানং বচ্মি ইতি আদি প্রযোগতঃ .. ৬৩..
বাক্ আদিনাম্ ইন্দ্রিযাণাং কলহঃ শ্রুতিষু শ্রুতঃ .
তেন চৈতন্যম্ এতেষাম্ আত্মত্বং ততঃ এব হি .. ৬৪..
হৈরণ্যগর্ভাঃ প্রাণাত্মবাদিনঃ তু এবম্ ঊচিরে .
চক্ষুরাদি অক্ষ লোপে অপি প্রাণসত্ত্বে তু জীবতি .. ৬৫..
প্রাণঃ জাগর্তি সুপ্তে অপি প্রাণ শ্রৈষ্ঠ্য আদিকং শ্রুতম্ .
কোশঃ প্রাণমযঃ সম্যক্ বিস্তরেণ প্রপঞ্চিতঃ .. ৬৬..
মনঃ আত্মা ইতি মন্যন্তঃ উপাসন পরা জনাঃ .
প্রাণস্য অভোক্তৃতা স্পষ্টা ভোক্তৃত্বং মনসঃ ততঃ .. ৬৭..
মনঃ এব মনুষ্যাণাং কারণং বন্ধ মোক্ষযোঃ .
শ্রুতঃ মনোমযঃ কোশঃ আত্মা ইতি ঈরিতং মনঃ .. ৬৮..
বিজ্ঞানম্ আত্মা ইতি পরহ্ আহুঃ ক্ষণিক বাদিনঃ .
যতঃ বিজ্ঞান মূলত্বং মনসঃ গম্যতে স্ফুটম্ .. ৬৯..
অহং বৃত্তিঃ ইঅদং বৃত্তিঃ ইতি অন্তঃকরণং দ্বিধা .
বিজ্ঞানং স্যাত্ অহং বৃত্তিঃ ইদং বৃত্তিঃ মনঃ ভবেত্ .. ৭০..
অহং প্রত্যয বীজত্বম্ ইদং বৃত্তেঃ ইতি স্ফুটম্ .
অবিদিত্বা স্বম্ আত্মানং বাহ্যং বেত্তি ন তু ক্বচিত্ .. ৭১..
ক্ষণে ক্ষণে জন্ম নাশৌ অহং বৃত্তেঃ মিতৌ যতঃ .
বিজ্ঞানং ক্ষণিকং তেন স্বপ্রকাশং স্বতঃ মিতেঃ .. ৭২..
বিজ্ঞানমযকোশঃ অযং জীবঃ ইতি আগমাঃ জগুঃ .
সর্ব সংসারঃ এতস্য জন্ম নাশ সুখ আদিকঃ .. ৭৩..
বিজ্ঞানং ক্ষণিকং ন আত্মা বিদ্যুত্ অভ্র নিমেষবত্ .
অন্যস্য অনুপলব্ধত্বাত্ শূন্যং মাধ্যমিকাঃ জগুঃ .. ৭৪..
অসত্ এব ইদম্ ইতি আদৌ ইদম্ এব শ্রুতং ততঃ .
জ্ঞান জ্ঞেযাত্মকং সর্বং জগত্ ভ্রান্তি প্রকল্পিতম্ .. ৭৫..
নিরধিষ্ঠান বিভ্রান্তেঃ অভাবাত্ আত্মনঃ অস্তিতা .
শূন্যস্য অপি সসাক্ষিত্বাত্ অন্যথা ন উক্তিঃ অস্য তে .. ৭৬..
অন্যঃ বিজ্ঞানমযতঃ আনন্দমযঃ আন্তরঃ .
অস্তি ইতি এব উপলব্ধব্যঃ ইতি বৈদিক দর্শনম্ .. ৭৭..
অণুঃ মহান্ মধ্যমঃ বা ইতি এবং তত্র অপি বাদিনঃ .
বহুধা বিবদন্তে হি শ্রুতি যুক্তি সমাশ্রযাত্ .. ৭৮..
অণুং বদন্তি আন্তরালাঃ সূক্ষ্ম নাডী প্রচারতঃ .
রোম্ণঃ সহস্রভাগেন তুল্যাসু প্রচরতি অযম্ .. ৭৯..
অণোঃ অণীযান্ এষঃ অণুঃ সূক্ষ্মাত্ সূক্ষ্মতরং তু ইতি ..
অণুত্বম্ আহুঃ শ্রুতযঃ শতশঃ অথ সহস্রশঃ .. ৮০..
বালাগ্র শত ভাগস্য শতধা কল্পিতস্য চ .
ভাগঃ জীবঃ সঃ বিজ্ঞেযঃ ইতি চ আহ অপরা শ্রুতিঃ .. ৮১..
দিক্ অম্বরাঃ মধ্যমত্বম্ আহুঃ আপাদমস্তকম্ .
চৈতন্য ব্যাপ্তি সংদৃষ্টেঃ আনখাগ্র শ্রুতেঃ অপি .. ৮২..
সূক্ষ্ম নাডী প্রচারঃ তু সূক্ষ্মৈঃ অবযবৈঃ ভবেত্ .
স্থূল দেহস্য হস্তাভ্যাং কঞ্চুকপ্রতিমোকবত্ .. ৮৩..
ন্যূন অধিক শরীরেষু প্রবেশো অপি গম আগমৈঃ .
আত্মাংসানাং ভবেত্ তেন মধ্যমত্বং বিনিশ্চিতম্ .. ৮৪..
সংশযস্য ঘটবন্ নাশঃ ভবতি এব তথা সতি .
কৃত নাশ অকৃত অভ্যাগমযোঃ কঃ বারকঃ ভবেত্ .. ৮৫..
তস্মাত্ আত্মা মহান্ এব ন এব অণুঃ ন অপি মধ্যমঃ .
আকাশবত্ সর্বগতঃ নিরংশঃ শ্রুতি সংমতঃ .. ৮৬..
ইতি উক্ত্বা তত্ বিশেষে তু বহুধা কলহং যযুঃ .
অচিত্ রূপঃ অথ চিত্ রূপঃ চিত্ অচিত্ রূপ ইতি অপি .. ৮৭..
প্রভাকরাঃ তার্কিকাঃ চ প্রাহুঃ অস্য অচিত্ আত্মতাম্ .
আকাশবত্ দ্রব্যম্ আত্মা শব্দবত্ তত্ গুণঃ চিতিঃ .. ৮৮..
ইচ্ছা দ্বেষ প্রযত্নাঃ চ ধর্ম অধর্মৌ সুখ অসুখে .
তত্ সংস্কারাঃ চ তস্য এতে গুণাঃ চিতিবত্ ঈরিতাঃ .. ৮৯..
আত্মনঃ মনসা যোগে স্ব অদৃষ্ট বসতঃ গুণাঃ .
জাযন্তে অথ প্রলীযন্তে সুষুপ্তে অদৃষ্ট সংক্ষযাত্ .. ৯০..
চিতি মত্ত্বাত্ চেতনঃ অযম্ ইচ্ছা দ্বেষ প্রযত্নবান্ .
স্যাত্ ধর্ম অধর্মযোঃ কর্তা ভোক্তা দুঃখ আদিমত্ত্বতঃ .. ৯১..
যথা অত্র কর্মবশতঃ কাদাচিত্ কং সুখ আদিকম্ .
তথা লোকান্তরে দেহে কর্মণা ইচ্ছা আদি জন্যতে .. ৯২..
এবং চ সর্বগস্য অপি সম্ভবেতাং গম আগমৌ .
কর্মকাণ্ডঃ সমগ্রঃ অত্র প্রমাণম্ ইতি তে অবদন্ .. ৯৩..
আনন্দময কোশঃ যঃ সুষুপ্তৌ পরিশিষ্যতে .
অস্পষ্ট চিত্ সঃ আত্মৈষাং পূর্বকোশঃ অস্য তে গুণাঃ .. ৯৪..
গূঢং চৈতন্যম্ উত্প্রেক্ষ্য জড বোধ স্বরূপতাম্ .
আত্মনঃ ব্রূবতে ভাট্টাঃ চিত্ উত্প্রেক্ষ্য উত্থিত স্মৃতেঃ .. ৯৫..
জডঃ ভূত্বা তদা অস্বাপ্সম্ ইতি জাড্য স্মৃতিঃ তদা .
বিনা জাড্য অনুভূতিং ন কথংচিত্ উপপদ্যতে .. ৯৬..
দ্রষ্টুঃ দৃষ্টেঃ অলোপঃ চ শ্রুতঃ সুপ্তৌ ততঃ তু অযম্ .
অপ্রকাশ প্রকাশাভ্যাম্ আত্মা খদ্যোতবত্ যুতঃ .. ৯৭..
নিরংশস্য উভয আত্মত্বং ন কথংচিত্ ঘটিষ্যতে .
তেন চিদ্রূপঃ এব আত্মা ইতি আহুঃ সাংখ্যাঃ বিবেকিনঃ .. ৯৮..
জাড্য অংশঃ প্রকৃতেঃ রূপং বিকারী ত্রিগুণং চ তত্ .
চিতঃ ভোগ অপবর্গার্থং প্রকৃতিঃ সা প্রবর্ততে .. ৯৯..
অসঙ্গাযাঃ চিতেঃ বন্ধ মোক্ষৌ ভেদাগ্রহান্ মতৌ .
বন্ধ মুক্তি ব্যবস্থার্থং পূর্বেষাম্ ইব চিত্ ভিদা .. ১০০..