পঞ্চদশী ০৫

অথ পঞ্চমোঽধ্যাযঃ .
মহা বাক্য বিবেকঃ .
যেন ঈক্ষতে শৃণোতি ইদং জিঘ্রতি ব্যাকরোতি চ .
স্বাদু আস্বাদূ বিজানাতি তত্ প্রজ্ঞানম্ উদীরিতম্ .. ১..
চতুঃ মুখেন্দ্র দেবেষু মনুষ্যাসু অশ্ব গো আদিষু .
চৈতন্যম্ একং ব্রহ্মাতঃ প্রজ্ঞানং ব্রহ্মমযী অপি .. ২..
পরিপূর্ণঃ পরাত্মা অস্মিন্ দেহে বিদ্যা অধিকারিণি .
বুদ্ধেঃ সাক্ষিতযা স্থিত্বা স্ফুরন্ অহম্ ইতি ঈর্যতে .. ৩..
স্বতঃ পূর্ণঃ পরাত্মা অত্র ব্রহ্ম শব্দেন বর্ণিতঃ .
অস্মি ইতি ঐক্য পরামর্শঃ তেন ব্রহ্ম ভবামি অহম্ .. ৪..
একম্ এব অদ্বিতীযং সন্ নাম রূপ বিবর্জিতম্ .
সৃষ্টেঃ পুরা অধুনা অপি অস্য তাদৃক্ত্বং তত্ ইতি ঈর্যতে .. ৫..
শ্রোতুঃ দেহেন্দ্রিয অতীতং বস্তু অত্র ত্বং পদ ঈরিতম্ .
একতা গ্রাহ্যতে অসি ইতি তত্ ঐক্যম্ অনুভূযতাম্ .. ৬..
স্ব প্রকাশ অপরোক্ষত্বম্ অযম্ ইতি উক্তিতঃ মতম্ .
অহঙ্কার আদি দেহান্তাত্ প্রত্যক্ আত্মা ইতি গীযতে .. ৭..
দৃশ্যমানস্য সর্বস্য জগতঃ তত্ত্বম্ ঈর্যতে .
ব্রহ্ম শব্দেন তত্ ব্রহ্ম স্বপ্রকাশ আত্ম রূপকম্ .. ৮..
ইতি পঞ্চমোঽধ্যাযঃ .. ৫..