পঞ্চদশী ০১

.. পঞ্চদশী ..
পঞ্চদশী শ্লোক সঙ্খ্যা ১৫৭০
১ প্রত্যক্ তত্ত্ব বিবেকঃ . ৬৫
২ পঞ্চ মহা ভূত বিবেকঃ . ১০৯
৩ পঞ্চ কোশ বিবেকঃ . ৪৩
৪ দ্বৈত বিবেকঃ . ৬৯
৫ মহা বাক্য বিবেকঃ . ৮
৬ চিত্র দীপঃ . ২৮৯
৭ তৃপ্তি দীপঃ . ২৯৮
৮ কূটস্থ দীপঃ . ৭৬
৯ ধ্যান দীপঃ . ১৫৮
১০ নাটক দীপঃ . ২৬
১১ ব্রহ্মানন্দে যোগানন্দঃ . ১৩৪
১২ ব্রহ্মানন্দে আত্মানন্দঃ . ৯০
১৩ ব্রহ্মানন্দে অদ্বৈতানন্দঃ . ১০৫
১৪ ব্রহ্মানন্দে বিদ্যানন্দঃ . ৬৫
১৫ ব্রহ্মানন্দে বিষযানন্দঃ . ৩৫

অথ প্রথমোঽধ্যাযঃ
..
প্রত্যক্ তত্ত্ব বিবেকঃ .
নমঃ শ্রী শঙ্করানন্দ গুরু পাদ অম্বু জন্মনে .
সবিলাস মহা মোহ গ্রাহ গ্রাস্ ঐক কর্মণে .. ১..
তত্ পাদ অম্বুরুহ দ্বন্দ্ব সেবা নির্মল চেতসাম্ .
সুখ বোধায তত্ত্বস্য বিবেকো ঽযং বিধীযতে .. ২..
শব্দ স্পর্শ আদযো বেদ্যা বৈচিত্র্যাজ্ জাগরে পৃথক্ .
ততো বিভক্তা তত্ সংবিদ্ ঐক্য রূপ্যান্ ন ভিদ্যতে .. ৩..
তথা স্বপ্নে ঽত্র বেদ্যং তু ন স্থিরং জাগরে স্থিরম্ .
তদ্ ভেদো ঽতস্ তযোঃ সংবিদ্ এক রূপা ন ভিদ্যতে .. ৪..
সুপ্ত্ ওত্ত্থিতস্য সৌষুপ্ত তমো বোধো ভবেত্ স্মৃতিঃ .
স চ অববুদ্ধ বিষযা ঽববুদ্ধং তত্ তদা তমঃ .. ৫..
স বোধো বিষযাদ্ ভিন্নো ন বোধাত্ স্বপ্ন বোধবত্ .
এবং স্থান ত্রযে ঽপ্য্ একা সংবিত্ তদ্বদ্ দিনান্তরে .. ৬..
মাস অব্দা যুগ কল্পেষু গত্ আগম্যেষ্ বনেকধা .
নোদেতি ন অস্তমেত্য্ একা সংবিদ্ এষা স্বযং প্রভা .. ৭..
ইযম্ আত্মা পরানন্দঃ পর প্রেমাস্পদং যতঃ .
মা ন ভুবং হি ভূযাসম্ ইতি প্রেম্ আত্মন্ ঈক্ষ্যতে .. ৮..
তত্ প্রেম্ আত্মার্থম্ অন্যত্র নৈবম্ অন্যার্থম্ আত্মনি .
অতস্ তত্ পরমং তেন পরম্ আনন্দত্ আত্মনঃ .. ৯..
ইত্থং সচ্চিত্ পরানন্দাত্মা যুক্ত্যা তথাবিধম্ .
পরং ব্রহ্ম তযোশ্ চ্ ঐক্যং শ্রুত্য্ অন্তেষু উপদিশ্যতে .. ১০..
অভানে ন পরং প্রেম ভানে ন বিষযে স্পৃহা .
অতো ভানেঽপ্য্ অভাতা ঽসৌ পরমানন্দত্ আত্মনঃ .. ১১..
অধ্যেতৃ বর্গ মধ্যস্থ পুত্র অধ্যযন শব্দবত্ .
ভানে ঽপ্য্ অভানং ভানস্য প্রতিবন্ধেন যুজ্যতে .. ১২..
প্রতিবন্ধো ঽস্তি ভাতি ইতি ব্যবহার অর্হ বস্তুনি .
তন্ নিরস্য বিরুদ্ধস্য তস্য্ ওত্পাদনম্ উচ্যতে .. ১৩..
তস্য হেতুঃ সমান অভিহারঃ পুত্র ধ্বনি শ্রুতৌ .
ইহ অনাদির্ অবিদ্য্ ঐব ব্যামোহ্ ঐক নিবন্ধনম্ .. ১৪..
চিদ্ আনন্দময ব্রহ্ম প্রতিবিম্ব সমন্বিতা .
তমো রজঃ সত্ত্ব গুণা প্রকৃতির্ দ্বিবিধা চ সা .. ১৫..
সত্ত্ব শুদ্ধ্য্ অবিশুদ্ধিভ্যাং মায্ আবিদ্যে চ তে মতে .
মাযা বিম্বো বশী কৃত্য তাং স্যাত্ সর্বজ্ঞ ঈশ্বরঃ .. ১৬..
অবিদ্যা বশগস্ত্ বন্যস্ তদ্ বৈচিত্র্যাদ্ অনেকধা .
সা কারণ শরীরং স্যাত্ প্রাজ্ঞস্ তত্র অভিমানবান্ .. ১৭..
তমঃ প্রধান প্রকৃতেস্ তদ্ ভোগায্ এশ্বর্ আজ্ঞযা .
বিযত্ পবনতেজো ঽম্বু ভুবো ভূতানি জজ্ঞিরে .. ১৮..
সত্ত্ব অংশৈঃ পঞ্চভিস্ তেষাং ক্রমাদ্ধ্ ইন্দ্রিয পঞ্চকম্ .
শ্রোত্র ত্বগ্ অক্ষি রসন ঘ্রাণ্ আখ্যাম্ উপজাযতে .. ১৯..
তৈর্ অন্তঃ করণং সর্বৈর্ বৃত্তি ভেদেন তদ্ দ্বিধা .
মনো বিমর্শ রূপং স্যাদ্ বুদ্ধিঃ স্যান্ নিশ্চয্ আত্মিকা .. ২০..
রজো ঽংশৈঃ পঞ্চভিস্ তেষাং ক্রমাত্ কর্মেন্দ্রিযাণি তু .
বাক্ পাণি পাদ পাযু উপস্থ অভিধানানি জজ্ঞিরে .. ২১..
তৈঃ সর্বৈঃ সহিতৈঃ প্রাণো বৃত্তি ভেদাত্ স পঞ্চধা .
প্রাণো ঽপানঃ সমানশ্ চ্ ওদান ব্যানৌ চ তে পুনঃ .. ২২..
বুদ্ধি কর্মেন্দ্রিয প্রাণ পঞ্চকৈর্ মনসা ধিযা .
শরীরং সপ্ত দশভিঃ সূক্ষ্মং তল্ লিঙ্গম্ উচ্যতে .. ২৩..
প্রাজ্ঞস্ তত্র অভিমানেন তৈজসত্বং প্রপদ্যতে .
হিরণ্যগর্ভ তাম্ ঈশস্ তযোর্ ব্যষ্টি সমষ্টিতা .. ২৪..
সমষ্টির্ ঈশঃ সর্বেষাং স্বাত্ম তাদাত্ম্য বেদনাত্ .
তদ্ অভাবাত্ ততো ঽন্যে তু কথ্যন্তে ব্যষ্টি সংজ্ঞযা .. ২৫..
তদ্ ভোগায পুনর্ ভোগ্য ভোগ্ আযতন জন্মনে .
পঞ্চী করোতি ভগবান্ প্রত্যেকং বিযদ্ আদিকম্ .. ২৬..
দ্বিধা বিধায চ্ ঐক্ ঐকং চতুর্ধা প্রথমং পুনঃ .
স্ব স্বেতর দ্বিতীয অংশৈর্ যোজনাত্ পঞ্চ পঞ্চ তে .. ২৭..
তৈর্ অণ্ডস্ তত্র ভুবন ভোগ্য ভোগাশ্রয্ ওদ্ভবঃ .
হিরণ্যগর্ভঃ স্থূলে ঽস্মিন্ দেহে বৈশ্বানরো ভবেত্ .. ২৮..
তৈজসা বিশ্বতাং যাতা দেব তির্যঙ্ নরাদযঃ .
তে পরাগ্ দর্শিনঃ প্রত্যক্ তত্ত্ব বোধ বিবর্জিতাঃ .. ২৯..
কুর্বতে কর্ম ভোগায কর্ম কর্তুং চ ভুঞ্জতে .
নদ্যাং কীটা ইব্ আবর্তাদ্ আবর্ত অন্তরম্ আশু তে .
ব্রজন্তো জন্মনো জন্ম লভন্তে নৈব নির্বৃতিম্ .. ৩০..
সত্ কর্ম পরিপাকাত্ তে করুণা নিধিন্ ওদ্ধৃতঃ .
প্রাপ্য তীর তরু চ্ছাযাং বিশ্রাম্যন্তি যথা সুখম্ .. ৩১..
উপদেশম্ অবাপ্য্ ঐবম্ আচার্যাত্ তত্ত্ব দর্শিনঃ .
পঞ্চ কোশ বিবেকেন লভন্তে নির্বৃতিং পরাম্ .. ৩২..
অন্নং প্রাণো মনো বুদ্ধির্ আনন্দশ্ চেতি পঞ্চ তে .
কোশাস্ তৈর্ আবৃতাঃ স্বাত্মা বিস্মৃত্যা সংসৃতিং ব্রজেত্ .. ৩৩..
স্যাত্ পঞ্চীকৃত ভূত্ ওত্থো দেহঃ স্থূলো ঽন্ন সংজ্ঞকঃ .
লিঙ্গে তু রাজসৈঃ প্রাণৈঃ প্রাণঃ কর্মেন্দ্রিযৈঃ সহ .. ৩৪..
সাত্ত্বিকৈর্ ধীইন্দ্রিযৈঃ সাকং বিমর্শাত্মা মনোমযঃ .
তৈর্ এব সাকং বিজ্ঞানমযো ধীর্ নিশ্চযাত্মিকা .. ৩৫..
কারণে সত্ত্বম্ আনন্দমযো মোদাদি বৃত্তিভিঃ .
তত্ তত্ কোশৈস্ তু তাদাত্ম্যাদ্ আত্মা তত্ তন্মযো ভবেত্ .. ৩৬..
অন্বয ব্যতিরেকাভ্যাং পঞ্চ কোশ বিবেকতঃ .
স্বাত্মানং তত উদ্ধৃত্য পরং ব্রহ্ম প্রপদ্যতে .. ৩৭..
অভানে স্থূল দেহস্য স্বপ্নে যদ্ ভানম্ আত্মনঃ .
সো ঽন্বযো ব্যতিরেকস্ তদ্ ভানে ঽন্যান্ অবভাসনম্ .. ৩৮..
লিঙ্গভানে সুষুপ্তৌ স্যাদ্ আত্মনো ভানম্ অন্বযঃ .
ব্যতিরেকস্ তু তদ্ ভানে লিঙ্গস্য আভানম্ উচ্যতে .. ৩৯..
তদ্ বিবেকাদ্ বিবিক্তাঃ স্যুঃ কোশাঃ প্রাণ মনো ধিযঃ .
তে হি তত্র গুণাবস্থা ভেদ মাত্রাত্ পৃথক্ কৃতাঃ .. ৪০..
সুষুপ্ত্য্ অভানে ভানং তু সমাধাব্ আত্মনো ঽন্বযঃ .
ব্যতিরেকস্ তু আত্ম ভানে সুষুপ্ত্য্ অনবভাসনম্ .. ৪১..
যথা মুঞ্জাদ্ ইষীকৈবম্ আত্মা যুক্ত্যা সমুদ্ধৃতঃ .
শরীর ত্রিতযাদ্ ধীরৈঃ পরং ব্রহ্মৈব জাযতে .. ৪২..
পরাপরাত্মনোর্ এবং যুক্ত্যা সম্ভাবিতৈকতা .
তত্ ত্বম্ অসি আদি বাক্যৈঃ সা ভাগ ত্যাগেন লক্ষ্যতে .. ৪৩..
জগতো যদ্ উপাদানং মাযাম্ আদায তামসীম্ .
নিমিত্তং শুদ্ধ সত্ত্বাং তাম্ উচ্যতে ব্রহ্ম তদ্ গিরা .. ৪৪..
যদা মলিন সত্ত্বাং তাং কাম কর্মাদি দূষিতম্ .
আদত্তে তত্ পরং ব্রহ্ম ত্বং পদেন তদোচ্যতে .. ৪৫..
ত্রিতযীম্ অপি তাং মুক্ত্বা পরস্পর বিরোধিনীম্ .
অখণ্ডং সচ্চিদানন্দং মহা বাক্যেন লক্ষ্যতে .. ৪৬..
সো ঽযম্ ইত্য্ আদি বাক্যেষু বিরোধাত্ তদ্ ইদন্তযোঃ .
ত্যাগেন ভাগযোর্ এক আশ্রযো লক্ষ্যতে যথা .. ৪৭..
মাযাবিদ্যে বিহাযৈবম্ উপাধী পর জীবযোঃ .
অখণ্ডং সচ্চিদানন্দং পরং ব্রহ্মৈব লক্ষ্যতে .. ৪৮..
সবিকল্পস্য লক্ষ্যত্বে লক্ষ্যস্য স্যাদ্ অবস্তুতা .
নির্বিকল্পস্য লক্ষ্যত্বং ন দৃষ্টং ন চ সম্ভবী .. ৪৯..
বিকল্পো নির্বিকল্পস্য সবিকল্পস্য বা ভবেত্ .
আদ্যে ব্যাহতির্ অন্যত্র অনবস্থ্ আত্ম্ আশ্রয্ আদযঃ .. ৫০..
ইদং গুণ ক্রিযা জাতি দ্রব্য সম্বন্ধ বস্তুষু .
সমং তেন স্বরূপস্য সর্বম্ এতদ্ ইতীষ্যতাম্ .. ৫১..
বিকল্প তদ্ অভাবাভ্যাম্ অসংস্পৃষ্টাত্মা বস্তুনি .
বিকল্পিতত্ব লক্ষ্যত্ব সম্বন্ধাদ্যাস্ তু কল্পিতাঃ .. ৫২..
ইত্থং বাক্যৈস্ তদ্ অর্থানুসন্ধানং শ্রবণং ভবেত্ .
যুক্ত্যা সম্ভাবিতত্বানুসন্ধানং মননং তু তত্ .. ৫৩..
তাভ্যাং নির্বিচিকিত্সে ঽর্থে চেতসঃ স্থাপিতস্য যত্ .
একতানত্বম্ এতদ্দ্ হি নিদিধ্যাসনম্ উচ্যতে .. ৫৪..
ধ্যাতৃ ধ্যানে পরিত্যজ্য ক্রমাদ্ ধ্যেযৈক গোচরম্ .
নিবাত দীপবচ্ চিত্তং সমাধির্ অভিধীযতে .. ৫৫..
বৃত্তযস্ তু তদানীম্ অজ্ঞাতা অপ্য্ আত্ম গোচরাঃ .
স্মরণাদ্ অনুমীযন্তে ব্যুত্থিতস্য সমুত্থিতাত্ .. ৫৬..
বৃত্তীনাম্ অনুবৃত্তিস্ তু প্রযত্নাত্ প্রথমাদ্ অপি .
অদৃষ্টাসকৃদ্ অভ্যাস সংস্কার সচিবাদ্ ভবেত্ .. ৫৭..
যথা দীপো নিবাতস্থ ইত্য্ আদিভির্ অনেকধা .
ভগবান্ ইমম্ এবার্থম্ অর্জুনায ন্যারূপযত্ .. ৫৮..
অনাদাব্ ইহ সংসারে সংচিতাঃ কর্ম কোটযঃ .
অনেন বিলযং যান্তি শুদ্ধো ধর্মো বিবর্ধতে .. ৫৯..
ধর্ম মেঘম্ ইমং প্রাহুঃ সমাধিং যোগবিত্তমাঃ .
বর্ষত্য্ এষ যতো ধর্মামৃত ধারাঃ সহস্রশঃ .. ৬০..
অমুনা বাসনা জালে নিঃশেষং প্রবিলাপিতে .
সমূলোন্মূলিতে পুণ্য পাপাখ্যে কর্ম সংচযে .. ৬১..
বাক্যম্ অপ্রতিবদ্ধং সত্ প্রাক্ পরোক্ষাবভাসিতে .
করামলকবদ্ বোধম্ অপরোক্ষং প্রসূযতে .. ৬২..
পরোক্ষং ব্রহ্ম বিজ্ঞানং শাব্দং দেশিক পূর্বকম্ .
বুদ্ধি পূর্ব কৃতং পাপং কৃত্স্নং দহতি বহ্নিবত্ .. ৬৩..
অপরোক্ষাত্মা বিজ্ঞানং শাব্দং দেশিক পূর্বকম্ .
সংসার কারণাজ্ঞান তমসশ্ চণ্ড ভাস্করঃ .. ৬৪..
ইত্থং তত্ত্ব বিবেকং বিধায বিধিবন্ মনঃ সমাধায .
বিগলিত সংসৃতি বন্ধঃ প্রাপ্নোতি পারং পদং নরো নচিরাত্ .. ৬৫..
ইতি প্রথমোঽধ্যাযঃ .. ১..