অমরকোষ কাণ্ড ৩

.. অমরকোষ এবং নামলিঙ্গাঽনুশাসনং কাণ্ড ৩ ..

তৃতীযং সামান্যকাণ্ডম্ | অথ বিশেষ্যনিঘ্নবর্গঃ |
( ৩. ০. ১) বিশেষ্য নিঘ্নৈঃ সংকীর্ণৈর্ নানাঽর্থৈরব্যযৈরপি
( ৩. ০. ২) লিঙ্গাঽঽদি সংগ্রহৈর্ বর্গাঃ সামান্যে বর্গসংশ্রযাঃ
পরিভাষা |
( ৩. ০. ৩) স্ত্রীদারাঽঽদ্যৈর্ যদ্ বিশেষ্যং যাদৃশৈঃ প্রস্তুতং পদৈঃ
( ৩. ০. ৪) গুণদ্রব্যক্রিযাশব্দাস্ তথা স্যুস্ তস্য ভেদকাঃ
( ৩. ১. ৫) বিশেষ্যনিঘ্নবর্গঃ
( ৩. ১. ৬) ক্ষেমঙ্করোঽরিষ্টতাতিশ্শিবতাতিশ্শিবঙ্করঃ
( ৩. ১. ৭) সুকৃতী পুণ্যবান্ ধন্যো মহেচ্ছস্ তু মহাশযঃ
( ৩. ১. ৮) হৃদযালুঃ সুহৃদযো মহোত্সাহো মহোদ্যমঃ
( ৩. ১. ৯) প্রবীণে নিপুণাঽভিজ্ঞবিজ্ঞনিষ্ণাতশিক্ষিতাঃ
( ৩. ১. ১০) বৈজ্ঞানিকঃ কৃতমুখঃ কৃতী কুশল ইত্যপি
( ৩. ১. ১১) পূজ্যঃ প্রতীক্ষ্যঃ সাংশযিকঃ সংশযাপন্নমানসঃ
( ৩. ১. ১২) দক্ষিণীযো দক্ষিণার্হস্ তত্র দক্ষিণ্য ইত্যপি
( ৩. ১. ১৩) স্যুর্ বদান্যস্থূললক্ষ্যদানশৌণ্ডা বহুপ্রদে
( ৩. ১. ১৪) জৈবাতৃকঃ স্যাদাযুষ্মানন্তর্বাণিস্ তু শাস্ত্রবিত্
( ৩. ১. ১৫) পরীক্ষকঃ কারণিকো বরদস্ তু সমর্দ্ধকঃ
( ৩. ১. ১৬) হর্ষমাণো বিকুর্বাণঃ প্রমনা হৃষ্টমানসঃ
( ৩. ১. ১৭) দুর্মনা বিমনা অন্তর্মনাঃ স্যাদুত্ক উন্মনাঃ
( ৩. ১. ১৮) দক্ষিণে সরলোদারৌ সুকলো দাতৃভোক্তরি
( ৩. ১. ১৯) তত্পরে প্রসিতাঽঽসক্তাবিষ্টার্থোদ্যুক্ত উত্সুকঃ
( ৩. ১. ২০) প্রতীতে প্রথিতখ্যাতবিত্ত বিজ্ঞাতবিশ্রুতাঃ
( ৩. ১. ২১) গুণৈঃ প্রতীতে তু কৃতলক্ষণাঽঽহতলক্ষণৌ
( ৩. ১. ২২) ইভ্য আঢ্যো ধনী স্বামী ত্বীশ্বরঃ পতিরীশিতা
( ৩. ১. ২৩) অধিভূর্ নাযকো নেতা প্রভুঃ পরিবৃঢোঽধিপঃ
( ৩. ১. ২৪) অধিকর্ধিঃ সমৃদ্ধঃ স্যাত্ কুটুম্বব্যাপৃতস্ তু যঃ
( ৩. ১. ২৫) স্যাদভ্যাগারিকস্ তস্মিন্নুপাধিশ্ চ পুমানযম্
( ৩. ১. ২৬) বরাঙ্গরূপোপেতো যস্সিংহসংহননো হি সঃ
( ৩. ১. ২৭) নির্বার্যঃ কার্যকর্তা যঃ সংপন্নঃ সত্বসংপদা
( ৩. ১. ২৮) অবাচি মূকোঽথ মনোজবসঃ পিতৃসংনিভঃ
( ৩. ১. ২৯) সত্কৃত্যাঽলঙ্কৃতাং কন্যাং যো দদাতি স কূকুদঃ
( ৩. ১. ৩০) লক্ষ্মীবান্ লক্ষ্মণঃ শ্রীলঃ শ্রীমান্ স্নিগ্ধস্তু বত্সলঃ
( ৩. ১. ৩১) স্যাদ্ দযালুঃ কারুণিকঃ কৃপালুঃ সূরতস্সমাঃ
( ৩. ১. ৩২) স্বতন্ত্রোঽপাবৃতঃ স্বৈরী স্বচ্ছন্দো নিরবগ্রহঃ
( ৩. ১. ৩৩) পরতন্ত্রঃ পরাধীনঃ পরবান্ নাথবানপি
( ৩. ১. ৩৪) অধীনো নিঘ্ন আযত্তোঽস্বচ্ছন্দো গৃহ্যকোঽপ্যসৌ
( ৩. ১. ৩৫) খলপূঃ স্যাদ্ বহুকরো দীর্ঘসূত্রশ্ চিরক্রিযঃ
( ৩. ১. ৩৬) জাল্মোঽসমীক্ষ্যকারী স্যাত্ কুণ্ঠো মন্দঃ ক্রিযাসু যঃ
( ৩. ১. ৩৭) কর্মক্ষমোঽলঙ্কর্মাণঃ ক্রিযাবান্ কর্মসূদ্যতঃ
( ৩. ১. ৩৮) স কার্মঃ কর্মশীলো যঃ কর্মশূরস্ তু কর্মঠঃ
( ৩. ১. ৩৯) ভরণ্যভুক্ কর্মকরঃ কর্মকারস্ তু তত্ ক্রিযঃ
( ৩. ১. ৪০) অপস্নাতো মৃতস্নাত আমিষশী তু শৌষ্কুলঃ
( ৩. ১. ৪১) বুভুক্ষিতঃ স্যাত্ ক্ষুধিতো জিঘত্সুরশনাযিতঃ
( ৩. ১. ৪২) পরান্নঃ পরপিণ্ডাদো ভক্ষকো ঘস্মরোঽদ্ভরঃ
( ৩. ১. ৪৩) আদ্যূনঃ স্যাদৌদরিকো বিজিগীষাবিবর্জিতে
( ৩. ১. ৪৪) উভৌ ত্বাত্মম্ভরিঃ কুক্ষিম্ভরিঃ স্বোদরপূরকে
( ৩. ১. ৪৫) সর্বান্নীনস্ তু সর্বান্নভোজী গৃধ্নুস্তু গর্ধনঃ
( ৩. ১. ৪৬) লুব্ধোঽভিলাপুকস্ তৃষ্ণক্ সমৌ লোলুপলোলুভৌ
( ৩. ১. ৪৭) সোন্মাদস্ তূন্মদিষ্ণুঃ স্যাদবিনীতঃ সমুদ্ধতঃ
( ৩. ১. ৪৮) মত্তে শৌণ্ডোত্কটক্ষীবাঃ কামুকে কমিতাঽনুকঃ
( ৩. ১. ৪৯) কম্রঃ কামযিতাঽভীকঃ কমনঃ কামনোঽভিকঃ
( ৩. ১. ৫০) বিধেযো বিনযগ্রাহী বচনেস্থিত আশ্রবঃ
( ৩. ১. ৫১) বশ্যঃ প্রণেযো নিভৃতবিনীতপ্রশ্রিতাঃ সমাঃ
( ৩. ১. ৫২) ধৃষ্টে ধৃষ্ণগ্ বিযাতশ্ চ প্রগল্ভঃ প্রতিভান্বিতে
( ৩. ১. ৫৩) স্যাদধৃষ্টে তু শালীনো বিলক্ষো বিস্মযান্বিতে
( ৩. ১. ৫৪) অধীরে কাতরস্ ত্রস্তে ভীরুভীরুকভীলুকাঃ
( ৩. ১. ৫৫) আশংসুরাশংসিতরি গৃহযালুর্ গ্রহীতরি
( ৩. ১. ৫৬) শ্রদ্ধালুঃ শ্রদ্ধযা যুক্তে পতযালুস্ তু পাতুকে
( ৩. ১. ৫৭) লজ্জাশীলেঽপত্রপিষ্ণুর্ বন্দারুরভিবাদকে
( ৩. ১. ৫৮) শরারুর্ ঘাতুকো হিংস্রঃ স্যাদ্ বর্দ্ধিষ্ণুস্ তু বর্দ্ধনঃ
( ৩. ১. ৫৯) উত্পতিষ্ণুস্ তূত্পতিতাঽলঙ্করিষ্ণুস্ তু মণ্ডনঃ
( ৩. ১. ৬০) ভূষ্ণুর্ শ্ববিষ্ণুর্ ভবিতা বর্তিষ্ণুর্ বর্তনঃ সমৌ
( ৩. ১. ৬১) নিরাকরিষ্ণুঃ ক্ষিপ্নুঃ স্যাত্ সান্দ্রস্নিগ্ধস্ তু মেদুরঃ
( ৩. ১. ৬২) জ্ঞাতা তু বিদুরো বিন্দুর্ বিকাসী তু বিকস্বরঃ
( ৩. ১. ৬৩) বিসৃত্বরো বিসৃমরঃ প্রসারী চ বিসারিণি
( ৩. ১. ৬৪) সহিষ্ণুঃ সহনঃ ক্ষন্তা তিতিক্ষুঃ ক্ষমিতা ক্ষমী
( ৩. ১. ৬৫) ক্রোধনোঽমর্ষণঃ কোপী চণ্ডস্ ত্বত্যন্তকোপনঃ
( ৩. ১. ৬৬) জাগরূকো জাগরিতা ঘূর্ণিতঃ প্রচলাযিতঃ
( ৩. ১. ৬৭) স্বপ্নক্ শযালুর্ নিদ্রালুর্ নিদ্রাণশযিতৌ সমৌ
( ৩. ১. ৬৮) পরাঙ্মুখঃ পরাচীনঃ স্যাদবাঙ্প্যধোমুখঃ
( ৩. ১. ৬৯) দেবানঞ্চতি দেবদ্র্যঙ্ বিশ্বদ্র্যঙ্ বিশ্বগঞ্চতি
( ৩. ১. ৭০) যস্সহাঞ্চতি সধ্র্যঙ্ স স তির্যঙ্ যস্তিরোঽঞ্চতি
( ৩. ১. ৭১) বদো বদাবদো বক্তা বাগীশো বাক্পতিস্সমৌ
( ৩. ১. ৭২) বাচোযুক্তিপটুর্বাগ্মী বাবদূকোঽতিবক্তরি
( ৩. ১. ৭৩) স্যাজ্ জল্পাকস্ তু বাচালো বাচাটো বহুগর্হ্যবাক্
( ৩. ১. ৭৪) দুর্মুখে মুখরাঽবদ্ধমুখৌ শক্লঃ প্রিযম্বদে
( ৩. ১. ৭৫) লোহলঃ স্যাদস্ফুটবাগ্ গর্হ্যবাদী তু কদ্বদঃ
( ৩. ১. ৭৬) সমৌ কুবাদকুচরৌ স্যাদসৌম্যস্বরোঽস্বরঃ
( ৩. ১. ৭৭) রবণঃ শব্দনো নান্দীবাদী নান্দীকরঃ সমৌ
( ৩. ১. ৭৮) জডোঽজ্ঞ এডমূকস্তু বক্তুং শ্রোতুমশিক্ষিতে
( ৩. ১. ৭৯) তূষ্ণীংশীলস্ তু তূষ্ণীকো নগ্নোঽবাসা দিগম্বরে
( ৩. ১. ৮০) নিষ্কাসিতোঽবকৃষ্টঃ স্যাদপধ্বস্তস্ তু ধিক্কৃতঃ
( ৩. ১. ৮১) আত্তগর্বোঽভিভূতঃ স্যাদ্ দাপিতঃ সাধিতঃ সমৌ
( ৩. ১. ৮২) প্রত্যাদিষ্টো নিরস্তঃ স্যাত্ প্রত্যাখ্যাতো নিরাকৃতঃ
( ৩. ১. ৮৩) নিকৃতঃ স্যাদ্ বিপ্রকৃতো বিপ্রলব্ধস্ তু বঞ্চিতঃ
( ৩. ১. ৮৪) মনোহতঃ প্রতিহতঃ প্রতিবদ্ধো হতশ্ চ সঃ
( ৩. ১. ৮৫) অধিক্ষিপ্তঃ প্রতিক্ষিপ্তো বদ্ধে কীলিতসংযতৌ
( ৩. ১. ৮৬) আপন্ন আপত্প্রাপ্তঃ স্যাত্ কান্দিশীকো ভযদ্রুতঃ
( ৩. ১. ৮৭) আক্ষারিতঃ ক্ষারিতোঽভিশস্তে সংকসুকোঽস্থিরে
( ৩. ১. ৮৮) ব্যসনার্তোপরক্তৌ দ্বৌ বিহস্তব্যাকুলৌ সমৌ
( ৩. ১. ৮৯) বিক্লবো বিহ্বলঃ স্যাত্ তু বিবশোঽরিষ্টদুষ্টধীঃ
( ৩. ১. ৯০) কশ্যঃ কশ্যার্হে সন্নদ্ধে ত্বাততাযী বধোদ্যতে
( ৩. ১. ৯১) দ্বেষ্যে ত্বক্ষিগতো বধ্যঃ শীর্ষচ্ছেদ্য ইমৌ সমৌ
( ৩. ১. ৯২) বিষ্যো বিষেণ যো বধ্যো মুসল্যো মুসলেন যঃ
( ৩. ১. ৯৩) শিশ্বিদানোঽকৃষ্ণকর্মা চপলশ্ চিকুরঃ সমৌ
( ৩. ১. ৯৪) দোষৈকদৃক্ পুরোভাগী নিকৃতস্ ত্বনৃজুঃ শঠঃ
( ৩. ১. ৯৫) কর্ণেজপঃ সূচকঃ স্যাত্ পিশুনো দুর্জনঃ খলঃ
( ৩. ১. ৯৬) নৃশংসো ঘাতুকঃ ক্রূরঃ পাপো ধূর্তস্ তু বঞ্চকঃ
( ৩. ১. ৯৭) অজ্ঞে মূঢযথাজাতমূর্খবৈধেযবালিশাঃ
( ৩. ১. ৯৮) কদর্যে কৃপণক্ষুদ্রকিম্পচানমিতম্পচাঃ
( ৩. ১. ৯৯) নিঃস্বস্ তু দুর্বিধো দীনো দরিদ্রো দুর্গতোঽপি সঃ
( ৩. ১. ১০০) বনীযকো যাচনকো মার্গণো যাচকাঽর্থিনৌ
( ৩. ১. ১০১) অহঙ্কারবানহংযুঃ শুভংযুস্ তু শুভান্বিতঃ
( ৩. ১. ১০২) দিব্যোপপাদুকা দেবা নৃগবাঽঽদ্যা জরাযুজাঃ
( ৩. ১. ১০৩) স্বেদজাঃ কৃমিদংশাঽঽদ্যাঃ পক্ষিসর্পাঽঽদযোঽণ্ডজাঃ |
ইতি প্রাণিবর্গঃ অত্র মূলশ্লোকাঃ ৫০ ||
( ৩. ১. ১০৪) উদ্ভিদস্ তরুগুল্মাঽঽদ্যা উদ্ভিদুদ্ভিজ্জমুদ্ভিদম্
( ৩. ১. ১০৫) সুন্দরং রুচিরং চারু সুষমং সাধু শোভনম্
( ৩. ১. ১০৬) কান্তং মনোরমং রুচ্যং মনোজ্ঞং মঞ্জু মঞ্জুলম্
( ৩. ১. ১০৭) রম্যং মনোহরং সৌম্যং ভদ্রকং রমণীযকম্
( ৩. ১. ১০৮) তদাসেচনকং তৃপ্তের্ নাস্ত্যন্তো যস্য দর্শনাত্
( ৩. ১. ১০৯) অভীষ্টেঽভীপ্সিতং হৃদ্যং দযিতং বল্লভং প্রিযম্
( ৩. ১. ১১০) নিকৃষ্টপ্রতিকৃষ্টাঽর্বরেফযাপ্যাঽবমাঽধমাঃ
( ৩. ১. ১১১) কুপূযকুত্সিতাঽবদ্যখেটগর্হ্যাঽণকাঃ সমাঃ
( ৩. ১. ১১২) মলীমসং তু মলিনং কচ্চরং মলদূষিতম্
( ৩. ১. ১১৩) পূতং পবিত্রং মেধ্যং চ বীধ্রং তু বিমলাঽর্থকম্
( ৩. ১. ১১৪) নির্ণিক্তং শোধিতং মৃষ্টং নিঃশোধ্যমনবস্করম্
( ৩. ১. ১১৫) অসারং ফল্গু শূন্যং তু বশিকং তুচ্ছরিক্তকে
( ৩. ১. ১১৬) ক্লীবে প্রধানং প্রমুখপ্রবেকাঽনুত্তমোত্তমাঃ
( ৩. ১. ১১৭) মুখ্যবর্যবরেণ্যাশ্ চ প্রবর্হোঽনবরার্ধ্যবত্
( ৩. ১. ১১৮) পরার্ধ্যাঽগ্রপ্রাগ্রহরপ্রাগ্রযাঽগ্রযাঽগ্রীযমগ্রিযম্
( ৩. ১. ১১৯) শ্রেযান্ শ্রেষ্ঠঃ পুষ্কলঃ স্যাত্ সত্তমশ্ চাঽতিশোভনে
( ৩. ১. ১২০) স্যুরুত্তরপদে ব্যাঘ্রপুঙ্গবর্ষভকুঞ্জরাঃ
( ৩. ১. ১২১) সিংহশার্দূলনাগাঽঽদ্যাঃ পুংসি শ্রেষ্ঠাঽর্থগোচরাঃ
( ৩. ১. ১২২) অপ্রাগ্রযং দ্বযহীনে দ্বে অপ্রধানোপসর্জনে
( ৩. ১. ১২৩) বিশংকটং পৃথু বৃহদ্ বিশালং পৃথুলং মহত্
( ৩. ১. ১২৪) বড্রোরুবিপুলং পীনপীব্নী তু স্থূলপীবরে
( ৩. ১. ১২৫) স্তোকাঽল্পক্ষুল্লকাঃ সূক্ষ্মং শ্লক্ষ্ণং দভ্রং কৃশং তনু
( ৩. ১. ১২৬) স্ত্রিযাং মাত্রা ত্রুটিঃ পুংসি লবলেশকণাঽণবঃ
( ৩. ১. ১২৭) অত্যল্পেঽল্পিষ্ঠমল্পীযঃ কনীযোঽণীয ইত্যপি
( ৩. ১. ১২৮) প্রভূতং প্রচুরং প্রাজ্যমদভ্রং বহুলং বহু
( ৩. ১. ১২৯) পুরুহূঃ পুরু ভূযিষ্ঠং স্ফারং ভূযশ চ ভূরি চ
( ৩. ১. ১৩০) পরঃ শতাঽঽদ্যাস্ তে যেষাং পরা সংখ্যা শতাঽঽদিকাত্
( ৩. ১. ১৩১) গণনীযে তু গণেযং সংখ্যাতে গণিতমথ সমং সর্বম্
( ৩. ১. ১৩২) বিশ্বমশেষং কৃত্স্নং সমস্তনিখিলাঽখিলানি নিঃশেষম্
( ৩. ১. ১৩৩) সমগ্রং সকলং পূর্ণমখণ্ডং স্যাদনূনকে
( ৩. ১. ১৩৪) ঘনং নিরন্তরং সান্দ্রং পেলবং বিরলং তনু
( ৩. ১. ১৩৫) সমীপে নিকটাঽঽসন্নসংনিকৃষ্টসনীডবত্
( ৩. ১. ১৩৬) সদেশাঽভ্যাশসবিধসমর্যাদসবেশবত্
( ৩. ১. ১৩৭) উপকণ্ঠাঽন্তিকাঽভ্যর্ণাঽভ্যগ্রা অপ্যভিতোঽব্যযম্
( ৩. ১. ১৩৮) সংসক্তে ত্বব্যবহিতমপদান্তরমিত্যপি
( ৩. ১. ১৩৯) নেদিষ্ঠমন্তিকতমং স্যাদ্ দূরং বিপ্রকৃষ্টকম্
( ৩. ১. ১৪০) দবীযশ্ চ দবিষ্ঠং চ সুদূরং দীর্ঘমাযতম্
( ৩. ১. ১৪১) বর্তুলং নিস্তলং বৃত্তং বন্ধুরং তূন্নতানতম্
( ৩. ১. ১৪২) উচ্চপ্রাংশূন্নতোদগ্রোচ্ছ্রিতাস্তুঙ্গেঽথ বামনে
( ৩. ১. ১৪৩) ন্যঙ্নীচখর্বহ্রস্বাঃ স্যুরবাগ্রেঽবনতাঽঽনতম্
( ৩. ১. ১৪৪) অরালং বৃজিনং জিহ্মমূর্মিমত্ কুঞ্চিতং নতম্
( ৩. ১. ১৪৫) আবিদ্ধং কুটিলং ভুগ্নং বেল্লিতং বক্রমিত্যপি
( ৩. ১. ১৪৬) ঋজাবজিহ্মপ্রগুণৌ ব্যস্তে ত্বপ্রগুণাঽঽকুলৌ
( ৩. ১. ১৪৭) শাশ্বতস্ তু ধ্রুবো নিত্যসদাতনসনাতনাঃ
( ৩. ১. ১৪৮) স্থাস্নুঃ স্থিরতরঃ স্থেযানেকরূপতযা তু যঃ
( ৩. ১. ১৪৯) কালব্যাপী স কূটস্থঃ স্থাবরো জঙ্গমেতরঃ
( ৩. ১. ১৫০) চরিষ্ণু জঙ্গমচরং ত্রসমিঙ্গং চরাচরম্
( ৩. ১. ১৫১) চলনং কম্পনং কম্প্রং চলম্ লোলং চলাচলম্
( ৩. ১. ১৫২) চঞ্চলং তরলং চৈব পারিপ্লবপরিপ্লবে
( ৩. ১. ১৫৩) অতিরিক্তঃ সমধিকো ধৃঢসংধিস্ তু সংহতঃ
( ৩. ১. ১৫৪) খক্খটং কঠিনং ক্রূরং কঠোরং নিষ্ঠুরং ধৃঢম্
( ৩. ১. ১৫৫) জরঠং মূর্তিমন্ মূর্তং প্রবৃদ্ধং প্রৌঢমেধিতম্
( ৩. ১. ১৫৬) পুরাণে প্রতনপ্রত্নপুরাতনচিরন্তনাঃ
( ৩. ১. ১৫৭) প্রত্যগ্রোঽভিনবো নব্যো নবীনো নূতনো নবঃ
( ৩. ১. ১৫৮) নূত্নশ্ চ সুকুমারং তু কোমলং মৃদুলম্ মৃদু
( ৩. ১. ১৫৯) অন্বগন্বক্ষমনুগেঽনুপদং ক্লীবমব্যযম্
( ৩. ১. ১৬০) প্রত্যক্ষং স্যাদৈন্দ্রিযকমপ্রত্যক্ষমতীন্দ্রিযম্
( ৩. ১. ১৬১) একতানোঽনন্যবৃত্তিরৈকাগ্রৈকাযনাবপি
( ৩. ১. ১৬২) অপ্যেকসর্গ একাগ্র্যোঽপ্যেকাযনগতোঽপি সঃ
( ৩. ১. ১৬৩) পুংস্যাদিঃ পূর্বপৌরস্ত্যপ্রথমাঽঽদ্যা অথাঽস্ত্রিযাম্
( ৩. ১. ১৬৪) অন্তো জঘন্যং চরমমন্ত্যপাশ্চাত্যপশ্চিমাঃ
( ৩. ১. ১৬৫) মোঘং নিরর্থকং স্পষ্টং স্ফুটং প্রব্যক্তমুল্বণম্
( ৩. ১. ১৬৬) সাধারণং তু সামান্যমেকাকী ত্বেক এককঃ
( ৩. ১. ১৬৭) ভিন্নাঽর্থকা অন্যতর একং ত্বোঽন্যেতরাবপি
( ৩. ১. ১৬৮) উচ্চাবচং নৈকভেদমুচ্চণ্ডমবিলম্বিতম্
( ৩. ১. ১৬৯) অরুন্তুদস্ তু মর্মস্পৃগবাধং তু নিরর্গলম্
( ৩. ১. ১৭০) প্রসব্যং প্রতিকূলং স্যাদপসব্যমপষ্ঠু চ
( ৩. ১. ১৭১) বামং শরীরে সব্যং স্যাদপসব্যং তু দক্ষিণম্
( ৩. ১. ১৭২) সঙ্কটম্ না তু সংবাধঃ কলিলং গহনং সমে
( ৩. ১. ১৭৩) সংকীর্ণে সংকুলাঽঽকীর্ণে মুণ্ডিতং পরিবাপিতম্
( ৩. ১. ১৭৪) গ্রন্থিতং সংদিতং দৃব্ধং বিসৃতং বিস্তৃতং ততম্
( ৩. ১. ১৭৫) অন্তর্গতং বিস্মৃতং স্যাত্ প্রআপ্তপ্রণিহিতে সমে
( ৩. ১. ১৭৬) বেল্লিতপ্রেঙ্খিতাঽঽধূতচলিতাঽঽকম্পিতা ধুতে
( ৩. ১. ১৭৭) নুত্তনুন্নাঽস্তনিষ্ঠযূতাঽঽবিদ্ধক্ষিপ্তেরিতাঃ সমাঃ
( ৩. ১. ১৭৮) পরিক্ষিপ্তং তু নিবৃত্তং মূষিতং মুষিতাঽর্থকম্
( ৩. ১. ১৭৯) প্রবৃদ্ধপ্রসৃতে ন্যস্তনিসৃষ্টে গুণিতাঽঽহতে
( ৩. ১. ১৮০) নিদিগ্ধোপচিতে গূঢগুপ্তে গুণ্ঠিতরূষিতে
( ৩. ১. ১৮১) দ্রুতাঽবদীর্ণে উদ্গূর্ণোদ্যতে কাচিতশিক্যিতে
( ৩. ১. ১৮২) ঘ্রাণঘ্রাতে দিগ্ধলিপ্তে সমুদক্তোদ্ধৃতে সমে
( ৩. ১. ১৮৩) বেষ্টিতং স্যাদ্ বলযিতং সংবীতং রুদ্ধমাবৃতম্
( ৩. ১. ১৮৪) রুগ্ণং ভুগ্নেঽথ নিশিতক্ষ্ণুতশাতানিতেজিতে
( ৩. ১. ১৮৫) স্যাদ্ বিনাশোন্মুখং পক্বং হ্রীণহ্রীতৌ তু লজ্জিতে
( ৩. ১. ১৮৬) বৃত্তে তু বৃতব্যাবৃত্তৌ সংযোজিত উপাহিতঃ
( ৩. ১. ১৮৭) প্রাপ্যং গম্যং সমাসাদ্যং স্যন্নং রীণং স্নুতং স্রুতম্
( ৩. ১. ১৮৮) সংগূঢঃ স্যাত্ সংকলিতোঽবগীতঃ খ্যাতগর্হণঃ
( ৩. ১. ১৮৯) বিবিধঃ স্যাদ্ বহুবিধো নানারূপঃ পৃথগ্বিধঃ
( ৩. ১. ১৯০) অবরীণো ধিক্কৃতশ্ চাপ্যবধ্বস্তোঽবচূর্ণিতঃ
( ৩. ১. ১৯১) অনাযাসকৃতং ফাণ্টং স্বনিতং ধ্বনিতম্ সমে
( ৩. ১. ১৯২) বদ্ধে সংদানিতং মূতমুদ্দিতং সংদিতং সিতম্
( ৩. ১. ১৯৩) নিষ্পক্বে ক্বথিতং পাকে ক্ষীরাঽঽজ্য হবিষাং শৃতম্
( ৩. ১. ১৯৪) নির্বাণো মুনিবহ্ন্যাঽঽদৌ নির্বাতস্ তু গতেঽনিলে
( ৩. ১. ১৯৫) পক্বম্ পরিণতে গূনং হন্নে মীঢং তু মূত্রিতে
( ৩. ১. ১৯৬) পুষ্টে তু পুষিতং সোঢে ক্ষান্তমুদ্বান্তমুদ্গতে
( ৩. ১. ১৯৭) দান্তস্ তু দমিতে শান্তঃ শমিতে প্রার্থিতেঽর্দিতঃ
( ৩. ১. ১৯৮) জ্ঞপ্তস্ তু গ্যপিতে ছন্নশ্ ছাদিতে পূজিতেঽঞ্চিতঃ
( ৩. ১. ১৯৯) পূর্ণস্ তু পূরিতে ক্লিষ্টঃ ক্লিশিতেঽবসিতে সিতঃ
( ৩. ১. ২০০) প্রুষ্টপ্লুষ্টোষিতা দগ্ধে তষ্টত্বষ্টৌ তনূকৃতে
( ৩. ১. ২০১) বেধিতচ্ছিদ্রিতৌ বিদ্ধে বিন্নবিত্তৌ বিচারিতে
( ৩. ১. ২০২) নিষ্প্রভে বিগতাঽরোকৌ বিলীনে বিদ্রুতদ্রুতৌ
( ৩. ১. ২০৩) সিদ্ধে নির্বৃত্তনিষ্পন্নৌ দারিতে ভিন্নভেদিতৌ
( ৩. ১. ২০৪) ঊতং স্যূতমুতং চেতি ত্রিতযং তন্তু সন্ততে
( ৩. ১. ২০৫) স্যাদর্হিতে নমস্যিতনমসিতমপচাযিতাঽর্চিতাঽপচিতম্
( ৩. ১. ২০৬) বরিবসিতে বরিবস্যিতমুপাসিতং চোপচরিতং চ
( ৩. ১. ২০৭) সংতাপিতসংতপ্তৌ ধূপিত ধূপাযিতৌ চ দূনশ্ চ
( ৩. ১. ২০৮) হৃষ্টো মত্তস্ তৃপ্তঃ প্রহ্লন্নঃ প্রমুদিতঃ প্রীতঃ
( ৩. ১. ২০৯) ছিন্নং ছাতং লূনং কৃত্তং দাতং দিতং ছিতং বৃক্ণম্
( ৩. ১. ২১০) স্রস্তং ধ্বস্তং ভ্রষ্টং স্কন্নং পন্নং চ্যুতং গলিতম্
( ৩. ১. ২১১) লব্ধং প্রাপ্তং বিন্নং ভাবিতমাসাদিতং চ ভূতম্ চ
( ৩. ১. ২১২) অন্বেষিতং গবেষিতমন্বিষ্টং মার্গিতং মৃগিতম্
( ৩. ১. ২১৩) আর্দ্রং সার্দ্রং ক্লিন্নং তিমিতং স্মিতিতং সমুন্নমুত্তং চ
( ৩. ১. ২১৪) ত্রাতং ত্রাণং রক্ষিতমবিতং গোপাযিতং চ গুপ্তং চ
( ৩. ১. ২১৫) অবগণিতমবমতাঽবজ্ঞাতে অবমানিতং চ পরিভূতে
( ৩. ১. ২১৬) ত্যক্তং হীনং বিধুতং সমুজ্ঝিতং ধূতমুত্সৃষ্টে
( ৩. ১. ২১৭) উক্তং ভাষিতমুদিতং জল্পিতমাখ্যাতমভিহিতং লপিতম্
( ৩. ১. ২১৮) বুদ্ধং বুধিতং মনিতং বিদিতং প্রতিপন্নমবসিতাঽবগতে
( ৩. ১. ২১৯) উরীকৃতমুররীকৃতমঙ্গীকৃতমাশ্রুতং প্রতিজ্ঞাতম্
( ৩. ১. ২২০) সংগীর্ণবিদিতসংশ্রুতসমাহিতোপশ্রুতোপগতম্
( ৩. ১. ২২১) ঈলিতশস্তপণাযিতপনাযিতপ্রণুতপণিতপনিতানি
( ৩. ১. ২২২) অপি গীর্ণবর্ণিতাঽভিষ্টুতেডিতানি স্তুতাঽর্থানি
( ৩. ১. ২২৩) ভক্ষিতচর্বিতলিপ্তপ্রত্যবসিতগিলিতখাদিতপ্সাতম্
( ৩. ১. ২২৪) অভ্যবহৃতাঽন্নজগ্ধগ্রস্তগ্লস্তাঽশিতং ভুক্তে
( ৩. ১. ২২৫) ক্ষেপিষ্ঠক্ষোদিষ্ঠপ্রেষ্ঠবরিষ্ঠস্থবিষ্ঠবংহিষ্ঠাঃ
( ৩. ১. ২২৬) ক্ষিপ্রক্ষুদ্রাঽভীপ্সিতপৃথুপীবরবহুলপ্রকর্ষাঽর্থাঃ
( ৩. ১. ২২৭) সাধিষ্ঠদ্রাঘিষ্ঠস্ফেষ্ঠগরিষ্ঠহ্রসিষ্ঠবৃন্দিষ্ঠাঃ
( ৩. ১. ২২৮) বাঢব্যাযতবহুগুরুবামনবৃন্দারকাঽতিশযে
% iti visheShyanighnavargaH 1 atra mU shlo 112
সংকীর্ণবর্গঃ |
( ৩. ২. ২২৯) প্রকৃতিপ্রত্যযাঽর্থাঽঽদ্যৈঃ সংকীর্ণে লিঙ্গমুন্নযেত্
| অথ সংকীর্ণবর্গঃ
( ৩. ২. ২৩০) কর্ম ক্রিযা তত্সাতত্যে গম্যে স্যুরপরস্পরাঃ
( ৩. ২. ২৩১) সাকল্যাঽঽসংগবচনে পারাযণপরাযণে
( ৩. ২. ২৩২) যদৃচ্ছা স্বৈরিতা হেতুশূন্যা ত্বাস্থা বিলক্ষণম্
( ৩. ২. ২৩৩) শমথস্ তু শমঃ শান্তির্ দান্তিস্ তু দমথো দমঃ
( ৩. ২. ২৩৪) অবদানং কর্ম বৃত্তং কাম্যদানং প্রবারণম্
( ৩. ২. ২৩৫) বশক্রিযা সংবননং মূলকর্ম তু কার্মণম্
( ৩. ২. ২৩৬) বিধূননং বিধুবনং তর্পণং প্রীণনাঽবনম্
( ৩. ২. ২৩৭) পর্যাপ্তিঃ স্যাত্ পরিত্রাণং হস্তধারণমিত্যপি
( ৩. ২. ২৩৮) সেবনং সীবনং স্যূতির্ বিদরঃ স্ফুটনং ভিদা
( ৩. ২. ২৩৯) আক্রোশনমভীষঙ্গঃ সংবেদো বেদনা ন না
( ৩. ২. ২৪০) সংমূর্চ্ছনমভিব্যাপ্তির্ যাঞ্চা ভিক্ষাঽর্থনাঽর্দনা
( ৩. ২. ২৪১) বর্ধনং ছেদনেঽথ দ্বে আনন্দনসভাজনে
( ৩. ২. ২৪২) আপ্রচ্ছন্নমথাঽঽম্নাযঃ সংপ্রদাযঃ ক্ষযে ক্ষিযা
( ৩. ২. ২৪৩) গ্রহে গ্রাহো বশঃ কান্তৌ রক্ষ্ণস্ ত্রাণে রণঃ কণে
( ৩. ২. ২৪৪) ব্যধো বেধে পচা পাকে হবো হূতৌ বরো বৃত্তৌ
( ৩. ২. ২৪৫) ওষঃ প্লোষে নযো নাযে জ্যানির্ জীর্ণৌ ভ্রমো ভ্রমৌ
( ৩. ২. ২৪৬) স্ফাতির্ বৃদ্ধৌ প্রথা খ্যাতৌ স্পৃষ্টিঃ পৃক্তৌ স্নবঃ স্রবে
( ৩. ২. ২৪৭) এধা সমৃদ্ধৌ স্ফুরণে স্ফুরণা প্রমিতৌ প্রমা
( ৩. ২. ২৪৮) প্রসূতিঃ প্রসবে শ্চ্যোতে প্রাধারঃ ক্লমথঃ ক্লমে
( ৩. ২. ২৪৯) উত্কর্ষোঽতিশযে সংধিঃ শ্লেষে বিষয আশ্রযে
( ৩. ২. ২৫০) ক্ষিপাযাং ক্ষেপণং গীর্ণির্ গিরৌ গুরণমুদ্যমে
( ৩. ২. ২৫১) উন্নায উন্নযে শ্রাযঃ শ্রযণে জযনে জযঃ
( ৩. ২. ২৫২) নিগাদো নিগদে মাদো মদ উদ্বেগ উদ্ভ্রমে
( ৩. ২. ২৫৩) বিমর্দনং পরিমলোঽভ্যুপপত্তিরনুগ্রহঃ
( ৩. ২. ২৫৪) নিগ্রহস্ তদ্বিরুদ্ধঃ স্যাদভিযোগস্ ত্বভিগ্রহঃ
( ৩. ২. ২৫৫) মুষ্টিবন্ধস্ তু সংগ্রাহো ডিম্বে ডমরবিপ্লবৌ
( ৩. ২. ২৫৬) বন্ধনং প্রসিতিশ্ চারঃ স্পর্শঃ স্প্রষ্টোপতপ্তরি
( ৩. ২. ২৫৭) নিকারো বিপ্রকারঃ স্যাদাকারস্ ত্বিঙ্গ ইঙ্গিতম্
( ৩. ২. ২৫৮) পরিণামো বিকারে দ্বে সমে বিকৃতিবিক্রিযে
( ৩. ২. ২৫৯) অপহারস্ ত্বপচযঃ সমাহারঃ সমুচ্চযঃ
( ৩. ২. ২৬০) প্রত্যাহার উপাদানং বিহারস্ তু পরিক্রমঃ
( ৩. ২. ২৬১) অভিহারোঽভিগ্রহণং নিহারোঽভ্যবকর্ষণম্
( ৩. ২. ২৬২) অনুহারোঽনুকারঃ স্যাদর্থস্যাঽপগমে ব্যযঃ
( ৩. ২. ২৬৩) প্রবাহস্ তু প্রবৃত্তিঃ স্যাত্ প্রবহো গমনং বহিঃ
( ৩. ২. ২৬৪) বিযামো বিযমো যামো যমঃ সংযামসংযমৌ
( ৩. ২. ২৬৫) হিম্সাকর্মাঽভিচারঃ স্যাজ্ জাগর্যা জাংগরা দ্বযোঃ
( ৩. ২. ২৬৬) বিঘ্নোঽন্তরাযঃ প্রত্যূহঃ স্যাদুপঘ্নোঽন্তিকাশ্রযে
( ৩. ২. ২৬৭) নির্বেশ উপভোগঃ স্যাত্ পরিসর্পঃ পরিক্রিযা
( ৩. ২. ২৬৮) বিধুরং তু প্রবিশ্লেষেঽভিপ্রাযশ্ ছন্দ আশযঃ
( ৩. ২. ২৬৯) সংক্ষেপণং সমসনং পর্যবস্থা বিরোধনম্
( ৩. ২. ২৭০) পরিসর্যা পরীসারঃ স্যাদাস্যা ত্বাসনা স্থিতিঃ
( ৩. ২. ২৭১) বিস্তারো বিগ্রহো ব্যাসঃ স চ শব্দস্য বিস্তরঃ
( ৩. ২. ২৭২) সংবাহনং মর্দনং স্যাদ্ বিনাশঃ স্যাদদর্শনম্
( ৩. ২. ২৭৩) সংস্তবঃ স্যাত্ পরিচযঃ প্রসরস্ তু বিসর্পণম্
( ৩. ২. ২৭৪) নীবাকস্ তু প্রযামঃ স্যাত্ সংনিধিঃ সংনিকর্ষণম্
( ৩. ২. ২৭৫) লবোঽভিলাষো লবনে নিষ্পাবঃ পবনে পবঃ
( ৩. ২. ২৭৬) প্রস্তাবঃ স্যাদপসরস্ ত্রসরঃ সূত্রবেষ্টনম্
( ৩. ২. ২৭৭) প্রজনঃ স্যাদুপসরঃ প্রশ্রযপ্রণযৌ সমৌ
( ৩. ২. ২৭৮) ধীশক্তির্ নিষ্ক্রমোঽস্ত্রী তু সংক্রমো দুর্গসংচরঃ
( ৩. ২. ২৭৯) প্রত্যুত্ক্রমঃ প্রযোগাঽর্থঃ প্রক্রমঃ স্যাদুপক্রমঃ
( ৩. ২. ২৮০) স্যাদভ্যাদানমুদ্ধাত আরম্ভঃ সংভ্রমস্ ত্বরা
( ৩. ২. ২৮১) প্রতিবন্ধঃ প্রবিষ্টম্ভোঽবনাযস্ তু নিপাতনম্
( ৩. ২. ২৮২) উপলম্ভস্ ত্বনুভবঃ সমালম্ভো বিলেপনম্
( ৩. ২. ২৮৩) বিপ্রলম্ভো বিপ্রযোগো বিলম্ভস্ ত্বতিসর্জনম্
( ৩. ২. ২৮৪) বিশ্রাবস্ তু প্রতিখ্যাতিরবেক্ষা প্রতিজাগরঃ
( ৩. ২. ২৮৫) নিপাঠনিপঠৌ পাঠে তেমস্তেমৌ সমুন্দনে
( ৩. ২. ২৮৬) আদীনবাঽঽস্রবৌ ক্লেশে মেলকে সংগসংগমৌ
( ৩. ২. ২৮৭) সংবীক্ষনং বিচযনং মার্গণং মৃগণা মৃগঃ
( ৩. ২. ২৮৮) পরিরম্ভঃ পরিষ্বঙ্গঃ সংশ্লেষ উপগূহনম্
( ৩. ২. ২৮৯) নির্বর্ণনং তু নিধ্যানং দর্শনাঽঽলোকনেক্ষণম্
( ৩. ২. ২৯০) প্রত্যাখ্যানং নিরসনং প্রত্যাদেশো নিরাকৃতিঃ
( ৩. ২. ২৯১) উপশাযো বিশাযশ্ চ পর্যাযশযনাঽর্থকৌ
( ৩. ২. ২৯২) অর্তনং চ ঋতীযা চ হৃণীযা চ ঘৃণাঽর্থকাঃ
( ৩. ২. ২৯৩) স্যাদ্ ব্যত্যাসো বিপর্যাসো ব্যত্যযশ্ চ বিপর্যযে
( ৩. ২. ২৯৪) পর্যযোঽতিক্রমস্ তস্মিন্নতিপাত উপাত্যযঃ
( ৩. ২. ২৯৫) প্রেষণং যত্ সমাহূয তত্র স্যাত্ প্রতিশাসনম্
( ৩. ২. ২৯৬) স সংস্তাবঃ ক্রতুষু যা স্তুতিভূমির্ দ্বিজন্মনাম্
( ৩. ২. ২৯৭) নিধায তক্ষ্যতে যত্র কাষ্ঠে কাষ্ঠং স উদ্ধনঃ
( ৩. ২. ২৯৮) স্তম্বঘ্নস্ তু স্তম্বঘনঃ স্তম্বো যেন নিহন্যতে
( ৩. ২. ২৯৯) আবিধো বিধ্যতে যেন তত্র বিষ্বক্সমে নিঘঃ
( ৩. ২. ৩০০) উত্খারশ্ চ নিকারশ্ চ দ্বৌ ধান্যোত্ক্ষেপণাঽর্থকৌ
( ৩. ২. ৩০১) নিগারোদ্গারবিক্ষাবোদ্গ্রাহাস্ তু গরণাঽঽদিষু
( ৩. ২. ৩০২) আরত্যবরতিবিরতয উপরামেঽথাঽস্ত্রিযাং তু নিষ্ঠেবঃ
( ৩. ২. ৩০৩) নিষ্ঠযূতির্ নিষ্ঠেবননিষ্ঠীবনমিত্যভিন্নানি
( ৩. ২. ৩০৪) জবনে জূতিঃ সাতিস্ ত্ববসানে স্যাদথ জ্বরে জূর্তিঃ
( ৩. ২. ৩০৫) উদজস্ তু পশু প্রেরণমকরণিরিত্যাঽঽদযঃ শাপে
( ৩. ২. ৩০৬) গোত্রাঽন্তেভ্যস্ তস্য বৃন্দমিত্যৌপগবকাঽঽদিকম্
( ৩. ২. ৩০৭) আপূপিকং শাষ্কুলিকমেবমাদ্যমচেতসাম্
( ৩. ২. ৩০৮) মাণবানাং তু মাণব্যং সহাযানাং সহাযতা
( ৩. ২. ৩০৯) হল্যা হলানাং ব্রাহ্মণ্যবাডব্যে তু দ্বিজন্মনাম্
( ৩. ২. ৩১০) দ্বে পর্শুকানাং পৃষ্ঠানাং পার্শ্বং পৃষ্ঠ্যমনুক্রমাত্
( ৩. ২. ৩১১) খলানাং খলিনী খল্যাঽপ্যথ মানুষ্যকং নৃণাম্
( ৩. ২. ৩১২) গ্রামতা জনতা ধূম্যা পাশ্যা গল্যা পৃথক্পৃথক্
( ৩. ২. ৩১৩) অপি সাহস্রকারীষবার্মণাঽঽথর্বণাঽঽদিকম্ |
ইতি সংকীর্ণবর্গঃ ২ অত্র মূলশ্লোকাঃ ৪২
নানার্থবর্গঃ
( ৩. ৩. ৩১৪) নানাঽর্থাঃ কেঽপি কান্তাঽঽদি বর্গেষ্বেবাঽত্র কীর্তিতাঃ
| অথ নানার্থবর্গঃ
( ৩. ৩. ৩১৫) ভূরিপ্রযোগা যে যেষু পর্যাযেষ্বপি তেষু তে
( ৩. ৩. ৩১৬) আকাশে ত্রিদিবে নাকো লোকস্ তু ভুবনে জনে
( ৩. ৩. ৩১৭) পদ্যে যশসি চ শ্লোকঃ শরে খড্গে চ সাযকঃ
( ৩. ৩. ৩১৮) জম্বুকৌ ক্রোষ্টুবরুণৌ পৃথুকৌ চিপিটাঽর্ভকৌ
( ৩. ৩. ৩১৯) আলোকৌ দর্শনদ্যোতৌ ভেরীপটকমানকৌ
( ৩. ৩. ৩২০) উত্সঙ্গচিহ্নযোরঙ্কঃ কলঙ্কোঽঙ্কাঽপবাদযোঃ
( ৩. ৩. ৩২১) তক্ষকো নাগবর্দ্ধক্যোরর্কঃ স্ফটিকসূর্যযোঃ
( ৩. ৩. ৩২২) মরুতে বেধসি ব্রঘ্নে পুংসি কঃ কং শিরোঽম্বুনোঃ
( ৩. ৩. ৩২৩) স্যাত্ পুলাকস্ তুচ্ছধান্যে সংক্ষেপে ভক্তসিক্থকে
( ৩. ৩. ৩২৪) উলূকে করিণঃ পুচ্ছমূলোপান্তে চ পেচকঃ
( ৩. ৩. ৩২৫) কমণ্ডলৌ চ করকঃ সুগতে চ বিনাযকঃ
( ৩. ৩. ৩২৬) কিষ্কুর্ হস্তে বিতস্তৌ চ শূককীটে চ বৃশ্চিকঃ
( ৩. ৩. ৩২৭) প্রতিকূলে প্রতীকস্ ত্রিষ্বেকদেশে তু পুংস্যযম্
( ৩. ৩. ৩২৮) স্যাদ্ ভূতিকং তু ভূনিম্বে কত্তৃণে ভূস্তৃণেঽপি চ
( ৩. ৩. ৩২৯) জ্যোত্স্নিকাযাং চ ঘোষে চ কোশাতক্যথ কট্ফলে
( ৩. ৩. ৩৩০) সিতে চ খদিরে সোমবল্কঃ স্যাদথ সিহ্বকে
( ৩. ৩. ৩৩১) তিলকল্কে চ পিণ্যাকো বাহ্লীকং রামঠেঽপি চ
( ৩. ৩. ৩৩২) মহেন্দ্র গুগ্গুলূলূকব্যালগ্রাহিষু কৌশিকঃ
( ৩. ৩. ৩৩৩) রুক্তাপশঙ্কাস্বাতঙ্কঃ স্বল্পেঽপি ক্ষুল্লকস্ ত্রিষু
( ৩. ৩. ৩৩৪) জৈবাতৃকঃ শশাঙ্কেঽপি খুরেঽপ্যশ্বস্য বর্তকঃ
( ৩. ৩. ৩৩৫) ব্যাঘ্রেঽপি পুণ্ডরীকো না যবান্যামপি দীপকঃ
( ৩. ৩. ৩৩৬) শালাবৃকাঃ কপিক্রোষ্টুশ্বানঃ স্বর্ণেঽপি গৈরিকম্
( ৩. ৩. ৩৩৭) পীডাঽর্থেঽপি ব্যলীকং স্যাদলীকং ত্বপ্রিযেঽনৃতে
( ৩. ৩. ৩৩৮) শীলাঽন্বযাবনূকে দ্বে শল্কে শকলবল্কলে
( ৩. ৩. ৩৩৯) সাঽষ্টে শতে সুবর্ণানাং হেম্ন্যুরোভূষণে পলে
( ৩. ৩. ৩৪০) দীনারেঽপি চ নিষ্কোঽস্ত্রী কল্কোঽস্ত্রী শমলৈনসোঃ
( ৩. ৩. ৩৪১) দম্ভেঽপ্যথ পিনাকোঽস্ত্রী শূলশঙ্করধন্বনোঃ
( ৩. ৩. ৩৪২) ধেনুকা তু করেণ্বাং চ মেঘজালে চ কালিকা
( ৩. ৩. ৩৪৩) কারিকা যাতনাবৃত্ত্যোঃ কর্ণিকা কর্ণভূষণে
( ৩. ৩. ৩৪৪) করিহস্তেঽঙ্গুলৌ পদ্মবীজকোশ্যাং ত্রিষূত্তরে
( ৩. ৩. ৩৪৫) বৃন্দারকৌ রূপিমুখ্যাবেকে মুখ্যাঽন্যকেবলাঃ
( ৩. ৩. ৩৪৬) স্যাদ্ দাম্ভিকঃ কৌক্কুটিকো যশ্ চাঽদূরেরিতেক্ষণঃ
( ৩. ৩. ৩৪৭) ললাটিকঃ প্রভোর্ ভালদর্শী কার্যাঽক্ষমশ্
( ৩. ৩. ৩৪৮) ্ চ যঃ
( ৩. ৩. ৩৪৯) ভূভৃন্নিতম্ববলযচক্রেষু কটকোঽস্ত্রিযাম্
( ৩. ৩. ৩৫০) সূচ্যগ্রে ক্ষুদ্রশত্রৌ চ রোমহর্ষে চ কণ্টকঃ
( ৩. ৩. ৩৫১) পাকৌ পক্তিশিশূ মধ্যরত্নে নেতরি নাযকঃ
( ৩. ৩. ৩৫২) পর্যঙ্কঃ স্যাত্ পরিকরে স্যাদ্ ব্যাগ্রেঽপি চ লুব্ধকঃ
( ৩. ৩. ৩৫৩) পেটকস্ ত্রিষু বৃন্দেঽপি গুরৌ দেশ্যে চ দেশিকঃ
( ৩. ৩. ৩৫৪) খেটকৌ গ্রামফলকৌ ধীবরেঽপিচ জালিকঃ
( ৩. ৩. ৩৫৫) পুষ্পরেণৌ চ কিঞ্জল্কঃ শুল্কোঽস্ত্রী স্ত্রীধনেঽপি চ
( ৩. ৩. ৩৫৬) স্যাত্ কল্লোলেঽপ্যুত্কলিকা বার্ধকং ভাববৃন্দযোঃ
( ৩. ৩. ৩৫৭) করিণ্যাং চাপি গণিকা দারকৌ বালভেদকৌ
( ৩. ৩. ৩৫৮) অন্ধেঽপ্যনেডমূকঃ স্যাত্ টঙ্কৌ দর্পাঽশ্মদারণৌ
( ৩. ৩. ৩৫৯) মৃদ্ভাণ্ডেঽপ্যুষ্ট্রিকা মন্থে খজকং রসদর্বকে
( ৩. ৩. ৩৬০) ইতি কান্তাঃ
( ৩. ৩. ৩৬১) মযূখস্ ত্বিট্করজ্বালাস্বলিবাণৌ শিলীমুখৌ
( ৩. ৩. ৩৬২) শঙ্খো নিধৌ ললটাঽস্থ্নিকম্বৌ ন স্ত্রীন্দ্রিযেঽপি খম্
( ৩. ৩. ৩৬৩) ধৃণিজ্বালে অপি শিখে শৈলবৃক্ষৌ নগাবগৌ
( ৩. ৩. ৩৬৪) ইতি খান্তাঃ
( ৩. ৩. ৩৬৫) আশুগৌ বাযুবিশিখৌ শরাঽর্কবিহগাঃ খগাঃ
( ৩. ৩. ৩৬৬) পতঙ্গৌ পক্ষিসূর্যৌ চ পূগঃ ক্রমুকবৃন্দযোঃ
( ৩. ৩. ৩৬৭) পশবোঽপি মৃগা বেগঃ প্রবাহজবযোরপি
( ৩. ৩. ৩৬৮) পরাগঃ কৌসুমে রেণৌ স্নানীযাদৌ রজস্যপি
( ৩. ৩. ৩৬৯) গজেঽপি নাগমাতঙ্গাবপাঙ্গস্ তিলকেঽপি চ
( ৩. ৩. ৩৭০) সর্গঃ স্বভাবনির্মোক্ষনিশ্চযাঽধ্যাযসৃষ্টিষু
( ৩. ৩. ৩৭১) যোগঃ সংনহনোপাযধ্যানসংগতিযুক্তিষু
( ৩. ৩. ৩৭২) ভোগঃ সুখে স্ত্র্যাদিভৃতাবহেশ্ চ ফণকাযযোঃ
( ৩. ৩. ৩৭৩) চাতকে হরিণে পুংসি সারঙ্গঃ শবলে ত্রিষু
( ৩. ৩. ৩৭৪) কপৌ চ প্লবগঃ শাপে ত্বভিষঙ্গঃ পরাভবে
( ৩. ৩. ৩৭৫) যানাঽঽদ্যঙ্গে যুগঃ পুংসি যুগং যুগ্মে কৃতাঽঽদিষু
( ৩. ৩. ৩৭৬) স্বর্গেষুপশুবাগ্বজ্র দিঙ্নেত্রধৃণিভূজলে
( ৩. ৩. ৩৭৭) লক্ষ্যদৃষ্ট্যা স্ত্রিযাং পুংসি গৌর্ লিঙ্গং চিহ্ন শেফসোঃ
( ৩. ৩. ৩৭৮) শৃঙ্গং প্রাধান্যসান্বোশ্ চ বরাঙ্গং মূর্ধগুহ্যযোঃ
( ৩. ৩. ৩৭৯) ভগং শ্রীকামমাহাত্ম্যবীর্যযত্নাঽর্ককীর্তিষু
( ৩. ৩. ৩৮০) ইতি গান্তাঃ
( ৩. ৩. ৩৮১) পরিঘঃ পরিঘাতেঽস্ত্রেঽপ্যোঘো বৃন্দেঽম্ভসাং রযে
( ৩. ৩. ৩৮২) মূল্যে পূজাবিধাবর্ঘোঽহোদুঃখব্যসনেষ্বঘম্
( ৩. ৩. ৩৮৩) ত্রিষ্বিষ্টেঽল্পে লঘুঃ কাচাঃ শিক্যমৃদ্ভেদদৃগ্রুজঃ

( ৩. ৩. ৩৮৪) ইতি ঘান্তাঃ
( ৩. ৩. ৩৮৫) বিপর্যাসে বিস্তরে চ প্রপঞ্চঃ পাবকে শুচিঃ
( ৩. ৩. ৩৮৬) মাস্যমাত্যে চাপ্যুপধে পুংসি মেধ্যে সিতে ত্রিষু
( ৩. ৩. ৩৮৭) অভিষ্বঙ্গে স্পৃহাযাং চ গভস্তৌ চ রুচিঃ স্ত্রিযাম্
( ৩. ৩. ৩৮৮) ইতি চান্তাঃ
( ৩. ৩. ৩৮৯) প্রসন্নে ভল্লুকেঽপ্যচ্ছো গুচ্ছঃ স্তবক হারযোঃ
( ৩. ৩. ৩৯০) পরিধানাঽঞ্চলে কচ্ছো জলপ্রান্তে ত্রি লিঙ্গকঃ
( ৩. ৩. ৩৯১) ইতি ক্ষেপকচ্ছান্তাঃ
( ৩. ৩. ৩৯২) কেকি তার্ক্ষ্যাবহিভুজৌ দন্তবিপ্রাঽণ্ডজা দ্বিজাঃ
( ৩. ৩. ৩৯৩) অজা বিষ্ণুহরচ্ছাগা গোষ্ঠাঽধ্বনিবহা ব্রজাঃ
( ৩. ৩. ৩৯৪) ধর্মরাজৌ জিনযমৌ কুঞ্জো দন্তেঽপি ন স্ত্রিযাম্
( ৩. ৩. ৩৯৫) বলজে ক্ষেত্রপূর্দ্বারে বলজা বল্গুদর্শনা
( ৩. ৩. ৩৯৬) সমে ক্ষ্মাঽংশে রণেঽপ্যাজিঃ প্রজা স্যাত্ সংততৌ জনে
( ৩. ৩. ৩৯৭) অব্জৌ শঙ্খশশাঙ্কৌ চ স্বকে নিত্যে নিজং ত্রিষু
( ৩. ৩. ৩৯৮) ইতি জান্তাঃ
( ৩. ৩. ৩৯৯) পুংস্যাত্মনি প্রবীণেচ ক্ষেত্রজ্ঞো বাচ্যলিঙ্গকঃ
( ৩. ৩. ৪০০) সংজ্ঞা স্যাচ্ চেতনা নাম হস্তাঽঽদ্যৈশ্ চার্থসূচনা
( ৩. ৩. ৪০১) দোষজ্ঞৌ বৈদ্যবিদ্বাংসৌ জ্ঞো বিদ্বান্ সোমজোঽপি চ
( ৩. ৩. ৪০২) ইতি ঞান্তাঃ
( ৩. ৩. ৪০৩) কাকেভগণ্ডৌ করটৌ গজগণ্ডকটী কটৌ
( ৩. ৩. ৪০৪) শিপিবিষ্টস্ তু খলতৌ দুশ্চর্মণি মহেশ্বরে
( ৩. ৩. ৪০৫) দেবশিল্পিন্যপি ত্বষ্টা দিষ্টং দৈবেঽপি ন দ্বযোঃ
( ৩. ৩. ৪০৬) রসে কটুঃ কট্বকার্যে ত্রিষু মত্সরতীক্ষ্ণযোঃ
( ৩. ৩. ৪০৭) রিষ্টং ক্ষেমাঽশুভাঽভাবেষ্বরিষ্টে তু শুভাঽশুভে
( ৩. ৩. ৪০৮) মাযানিশ্চলযন্ত্রেষু কৈতবাঽনৃতরাশিষু
( ৩. ৩. ৪০৯) অযোঘনে শৈলশৃঙ্গে সীরাঙ্গে কূটমস্ত্রিযাম্
( ৩. ৩. ৪১০) সূক্ষ্মৈলাযাং ত্রুটিঃ স্ত্রী স্যাত্ কালেঽল্পে সংশযেঽপি সা
( ৩. ৩. ৪১১) অত্যুত্কর্ষাঽশ্রযঃ কোট্যো মূলে লগ্নকচে জটা
( ৩. ৩. ৪১২) ব্যুষ্টিঃ ফলে সমৃদ্ধৌ চ দৃষ্টির্ জ্ঞানেঽক্ষ্ণি দর্শনে
( ৩. ৩. ৪১৩) ইষ্টির্ যোগেচ্ছযোঃ সৃষ্টং নিশ্চিতে বহুনি ত্রিষু ( ‘ বহূনি’ ? )
( ৩. ৩. ৪১৪) কষ্টে তু কৃচ্ছ্রগহনে দক্ষাঽমন্দাঽগদেষু তু
( ৩. ৩. ৪১৫) পটুর্ দ্বৌ বাচ্যলিঙ্গৌ চ নীলকণ্ঠঃ শিবেঽপি চ

( ৩. ৩. ৪১৬) পোটা দাসী দ্বিলিংগা চ ঘৃষ্টী ঘর্ষণসূকরৌ
( ৩. ৩. ৪১৭) ঘটা ঘোষ্ঠ্যাং হস্তিপঙ্ক্তৌ কৃপীটমুদরে জলে
( ৩. ৩. ৪১৮) ইতি টান্তাঃ
( ৩. ৩. ৪১৯) পুংসি কোষ্ঠোঽন্তর্জঠরং কুসূলোঽন্তর্গৃহং তথা
( ৩. ৩. ৪২০) নিষ্ঠা নিষ্পত্তিনাশাঽন্তাঃ কাষ্ঠোত্কর্ষে স্থিতৌ দিশি
( ৩. ৩. ৪২১) ত্রিষু জ্যেষ্ঠোঽতিশস্তেঽপি কনিষ্ঠোঽতিযুবাঽল্পযোঃ
( ৩. ৩. ৪২২) ইতি ঠান্তাঃ
( ৩. ৩. ৪২৩) দণ্ডোঽস্ত্রী লগুডেঽপি স্যাদ্ গুডো গোলেক্ষুপাকযোঃ
( ৩. ৩. ৪২৪) সর্প মাংসাত্পশূ ব্যাডৌ গোভূবাচস্ ত্বিডা ইলাঃ
( ৩. ৩. ৪২৫) ক্ষ্বেডবংশশলাকাঽপি নাডী কালেঽপি ষট্ক্ষণে
( ৩. ৩. ৪২৬) কাণ্ডোঽস্ত্রী দণ্ডবাণাঽর্ববর্গাঽবসরবারিষু
( ৩. ৩. ৪২৭) স্যাদ্ ভাণ্ডমশ্বাঽঽভরণেঽমত্রে মূলবণিগ্ধনে
( ৩. ৩. ৪২৮) ইতি ডান্তাঃ
( ৩. ৩. ৪২৯) ভৃশপ্রতিজ্ঞযোর্ বাঢং প্রগাঢং ভৃশকৃচ্ছ্রযোঃ
( ৩. ৩. ৪৩০) সংঘাতগ্রাসযোঃ পিণ্ডী দ্বযোঃ পুংসি কলেবরে
( ৩. ৩. ৪৩১) গণ্ডৌ কপোলবিস্ফোটৌ মুণ্ডকস্ ত্রিষু মুণ্ডিতে
( ৩. ৩. ৪৩২) ইক্ষুভেদেঽপি খণ্ডোঽস্ত্রী শিখণ্ডো বর্হচূডযোঃ
( ৩. ৩. ৪৩৩) শক্তস্থূলৌ ত্রিষু দৃঢৌ ব্যূঢৌ বিন্যস্তসংহতৌ
( ৩. ৩. ৪৩৪) ইতি ঢান্তাঃ
( ৩. ৩. ৪৩৫) ভ্রূণোঽর্ভকে স্ত্রৈণগর্ভে বাণো বলিসুতে শরে
( ৩. ৩. ৪৩৬) কণোঽতিসূক্ষ্মে ধান্যাঽংশে সংঘাতে প্রমথে গণঃ
( ৩. ৩. ৪৩৭) পণো দ্যূতাঽঽদিষূত্সৃষ্টে ভৃতৌ মূল্যে ধনেঽপি চ
( ৩. ৩. ৪৩৮) মৌর্ব্যাং দ্রব্যাঽঽশ্রিতে সত্বশৌর্যসংধ্যাঽঽদিকে গুণঃ
( ৩. ৩. ৪৩৯) নির্ব্যাপারস্থিতৌ কালবিশেষোত্সবযোঃ ক্ষণঃ
( ৩. ৩. ৪৪০) বর্ণো দ্বিজাঽঽদৌ শুক্লাঽঽদৌ স্তুতৌ বর্ণং তু বাঽক্ষরে
( ৩. ৩. ৪৪১) অরুণো ভাস্করেঽপি স্যাদ্ বর্ণভেদেঽপি চ ত্রিষু
( ৩. ৩. ৪৪২) স্থাণুঃ শর্বোঽপ্যথ দ্রোণঃ কাকেঽপ্যাজৌ রবে রণঃ
( ৩. ৩. ৪৪৩) গ্রামণীর্ নাপিতে পুংসি শ্রেষ্ঠে গ্রামাঽধিপে ত্রিষু
( ৩. ৩. ৪৪৪) ঊর্ণা মেষাঽঽদিলোম্নি স্যাদাবর্তে চান্তরা ভ্রুবোঃ
( ৩. ৩. ৪৪৫) হরিণী স্যান্ মৃগী হেমপ্রতিমা হরিতা চ যা
( ৩. ৩. ৪৪৬) ত্রিষু পাণ্ডৌ চ হরিণঃ স্থূণা স্তম্ভেঽপি বেশ্মনঃ
( ৩. ৩. ৪৪৭) ত্রিষ্ণে স্পৃহাপিপাসে দ্বে জুগুপ্সাকরুণে ঘৃণে
( ৩. ৩. ৪৪৮) বণিক্পথে চ বিপণিঃ সুরা প্রত্যক্ চ বারুণী
( ৩. ৩. ৪৪৯) করেণুরিভ্যাং স্ত্রী নেভে দ্রবিণং তু বলং ধনম্
( ৩. ৩. ৪৫০) শরণং গৃহরক্ষিত্রোঃ শ্রীপর্ণং কমলেঽপি চ
( ৩. ৩. ৪৫১) বিষাঽভিমরলোহেষু তীক্ষ্ণং ক্লীবে খরে ত্রিষু
( ৩. ৩. ৪৫২) প্রমাণং হেতুমর্যাদাশাস্ত্রেযত্তাপ্রমাতৃষু
( ৩. ৩. ৪৫৩) করণং সাধকতমং ক্ষেত্রগাত্রেন্দ্রিযেষ্বপি
( ৩. ৩. ৪৫৪) প্রাণ্যুত্পাদে সংসরণমসংবাধচমূগতৌ
( ৩. ৩. ৪৫৫) ঘণ্টাপথেঽথ বান্তাঽন্নে সমুদ্গিরণমুন্নযে
( ৩. ৩. ৪৫৬) অতস্ ত্রিষু বিষাণং স্যাত্ পশুশৃঙ্গেভদন্তযোঃ
( ৩. ৩. ৪৫৭) প্রবণে ক্রমনিম্নোর্ব্যাং প্রহ্বে না তু চতুষ্পথে
( ৩. ৩. ৪৫৮) সংকীর্ণৌ নিচিতাঽশুদ্ধা বিরিণং শূন্যমূষরম্
( ৩. ৩. ৪৫৯) সেতৌ চ চরণো বেণী নদীভেদে কচোচ্চযে
( ৩. ৩. ৪৬০) ইতি ণান্তাঃ
( ৩. ৩. ৪৬১) দেবসূর্যৌ বিবস্বন্তৌ সরস্বন্তৌনদাঽর্ণবৌ
( ৩. ৩. ৪৬২) পক্ষিতার্ক্ষ্যৌ গরুত্মন্তৌ শকুন্তৌ ভাসপক্ষিণৌ
( ৩. ৩. ৪৬৩) অগ্ন্যুত্পাতৌ ধূমকেতূ জীমূতৌ মেঘপর্বতৌ
( ৩. ৩. ৪৬৪) হস্তৌ তু পাণিনক্ষত্রে মরুতৌ পবনাঽমরৌ
( ৩. ৩. ৪৬৫) যন্তা হস্তিপকে সূতে ভর্তা ধাতরি পোষ্টরি
( ৩. ৩. ৪৬৬) যানপাত্রে শিশৌ পোতঃ প্রেতঃ প্রাণ্যন্তরে মৃতে
( ৩. ৩. ৪৬৭) গ্রহভেদে ধ্বজে কেতুঃ পার্থিবে তনযে সুতঃ
( ৩. ৩. ৪৬৮) স্থপতিঃ কারুভেদেঽপি ভূভৃদ্ ভূমিধরে নৃপে
( ৩. ৩. ৪৬৯) মূর্ধাভিষিক্তো ভূপেঽপি ঋতুঃ স্ত্রী কুসুমেঽপি চ
( ৩. ৩. ৪৭০) বিষ্ণাবপ্যজিতাঽব্যক্তৌ সূতস্ ত্বষ্টরি সারথৌ
( ৩. ৩. ৪৭১) ব্যক্তঃ প্রাজ্ঞেঽপি দৃষ্টান্তাবুভৌ শাস্ত্রনিদর্শনে
( ৩. ৩. ৪৭২) ক্ষত্তা স্যাত্ সারথৌ দ্বাঃস্থে ক্ষত্রিযাযাং চ শূদ্রজে
( ৩. ৩. ৪৭৩) বৃত্তান্তঃ স্যাত্ প্রকরণে প্রকারে কার্ত্স্ন্যবার্তযোঃ
( ৩. ৩. ৪৭৪) আনর্তঃ সমরে নৃত্যস্থান নীবৃদ্বিশেষযোঃ
( ৩. ৩. ৪৭৫) কৃতান্তো যম সিদ্ধান্ত দৈবাঽকুশলকর্মসু
( ৩. ৩. ৪৭৬) শ্লেষ্মাঽঽদি রস রক্তাঽঽদি মহা ভূতানি তদ্ গুণাঃ
( ৩. ৩. ৪৭৭) ইন্দ্রিযাণ্যশ্ম বিকৃতিঃ শব্দযোনিশ্ চ ধাতবঃ
( ৩. ৩. ৪৭৮) কক্ষান্তরেঽপি শুদ্ধান্তো ভূপস্যাঽসর্ব গোচরে
( ৩. ৩. ৪৭৯) কাসূ সামর্থ্যযোঃ শক্তির্ মূর্তিঃ কাঠিন্যকাযযোঃ ||
( ৩. ৩. ৪৮০) বিস্তার বল্লযোর্ ব্রততির্ বসতী রাত্রিবেশ্মনোঃ
( ৩. ৩. ৪৮১) ক্ষযাঽর্চযোরপচিতিঃ সাতির্ দানাঽবসানযোঃ ||
( ৩. ৩. ৪৮২) আর্তিঃ পীডা ধনুষ্কোট্যোর্ জাতিঃ সামান্যজন্মনোঃ
( ৩. ৩. ৪৮৩) প্রচার স্যন্দযো রীতিরীতির্ ডিম্ব প্রবাসযোঃ
( ৩. ৩. ৪৮৪) উদযেঽধিগমে প্রাপ্তিস্ত্রেতা ত্বগ্নিত্রযে যুগে
( ৩. ৩. ৪৮৫) বীণাভেদেঽপি মহতী ভূতির্ ভস্মনি সম্পদি
( ৩. ৩. ৪৮৬) নদী নগর্যোর্ নাগানাং ভোগবত্যথ সংগরে
( ৩. ৩. ৪৮৭) সংগে সভাযাং সমিতিঃ ক্ষযবাসাবপি ক্ষিতী
( ৩. ৩. ৪৮৮) রবেরর্চিশ্ চ শস্ত্রং চ বহ্নিজ্বালা চ হেতযঃ
( ৩. ৩. ৪৮৯) জগতী জগতি ছন্দোবিশেষোঽপি ক্ষিতাবপি
( ৩. ৩. ৪৯০) পঙ্ক্তিশ্ ছন্দোঽপি দশমং স্যাত্ প্রভাবেঽপি চাঽঽযতিঃ
( ৩. ৩. ৪৯১) পত্তির্ গতৌ চ মূলে তু পক্ষতিঃ পক্ষভেদযোঃ
( ৩. ৩. ৪৯২) প্রকৃতির্ যোনিলিঙ্গে চ কৈশিক্যাঽঽদ্যাশ্ চ বৃত্তযঃ
( ৩. ৩. ৪৯৩) সিকতাঃ স্যুর্ বালুকাঽপি বেদে শ্রবসি চ শ্রুতিঃ
( ৩. ৩. ৪৯৪) বনিতা জনিতাঽত্যর্থাঽনুরাগাযাং চ যোষিতি
( ৩. ৩. ৪৯৫) গুপ্তিঃ ক্ষিতিব্যুদাসেঽপি ধৃতির্ ধারণধৈর্যযোঃ
( ৩. ৩. ৪৯৬) বৃহতী ক্ষুদ্র বার্তাকী ছন্দোভেদে মহত্যপি
( ৩. ৩. ৪৯৭) বাসিতা স্ত্রী করিণ্যোশ্ চ বার্তা বৃত্তৌ জনশ্রুতৌ
( ৩. ৩. ৪৯৮) বার্তং ফল্গুন্যরোগে চ ত্রিষ্বপ্সু চ ঘৃতাঽমৃতে
( ৩. ৩. ৪৯৯) কলধৌতং রূপ্যহেম্নোর্ নিমিত্তম্ হেতুলক্ষ্মণোঃ
( ৩. ৩. ৫০০) শ্রুতং শাস্ত্রাঽবধৃতযোর্ যুগপর্যাপ্তযোঃ কৃতম্
( ৩. ৩. ৫০১) অত্যাহিতং মহাভীতিঃ কর্ম জীবাঽনপেক্ষি চ
( ৩. ৩. ৫০২) যুক্তে ক্ষ্মাঽঽদাবৃতে ভূতং প্রাণ্যতীতে সমে ত্রিষু
( ৩. ৩. ৫০৩) বৃত্তং পদ্যে চরিত্রে ত্রিষ্বতীতে দৃঢনিস্তলে
( ৩. ৩. ৫০৪) মহদ্ রাজ্যং চাঽবগীতং জন্যে স্যাদ্ গর্হিতে ত্রিষু
( ৩. ৩. ৫০৫) শ্বেতং রূপ্যেঽপি রজতং হেম্নি রূপ্যে সিতে ত্রিষু
( ৩. ৩. ৫০৬) ত্রিষ্বিতো জগদিঙ্গেঽপি রক্তং নীল্যাঽঽদি রাগি চ
( ৩. ৩. ৫০৭) অবদাতঃ সিতে পীতে শুদ্ধে বদ্ধাঽর্জুনৌ সিতৌ
( ৩. ৩. ৫০৮) যুক্তেঽতি সংস্কৃতেঽমর্ষিণ্যভিনীতোঽথ সংস্কৃতম্
( ৩. ৩. ৫০৯) কৃত্রিমে লক্ষণোপেতেঽপ্যনন্তোঽনবধাবপি
( ৩. ৩. ৫১০) খ্যাতে হৃষ্টে প্রতীতোঽভিজাতস্ তু কুলজে বুধে
( ৩. ৩. ৫১১) বিবিক্তৌ পূতবিজনৌ মূর্ছিতৌ মূঢসোচ্ছ্রযৌ
( ৩. ৩. ৫১২) দ্বৌ চাম্ল পরুষৌ শুক্তৌ শিতী ধবলমেচকৌ
( ৩. ৩. ৫১৩) সত্যে সাধৌ বিদ্যমানে প্রশস্তেঽভ্যর্হিতে চ সত্
( ৩. ৩. ৫১৪) পুরস্কৃতঃ পূজিতেঽরাত্যভিযুক্তেঽগ্রতঃ কৃতে
( ৩. ৩. ৫১৫) নিবাতাবাশ্রযাঽবাতৌ শস্ত্রাঽভেদ্যং চ বর্ম যত্
( ৩. ৩. ৫১৬) জাতোন্নদ্ধপ্রবৃদ্ধাঃ স্যুরুচ্ছ্রিতা উত্থিতাস্ ত্বমী
( ৩. ৩. ৫১৭) বৃদ্ধিমত্ প্রোদ্যতোত্পন্না আদৃতৌ সাদরাঽর্চিতৌ
( ৩. ৩. ৫১৮) সমূহোত্পন্নযোর্ জাতমহিজিচ্ ছ্রীপতীন্দ্রযোঃ
( ৩. ৩. ৫১৯) সৌপ্তিকেঽপি প্রপাতোঽথাবপাতাবতটাবটৌ
( ৩. ৩. ৫২০) সমিত্ সঙ্গে রণেঽপি স্ত্রী ব্যবস্থাযামপি স্থিতিঃ
( ৩. ৩. ৫২১) অর্থোঽভিধেয রৈ বস্তু প্রযোজন নিবৃত্তিষু
( ৩. ৩. ৫২২) নিপানাঽঽগমযোস্ তীর্থমৃষি জুষ্টে জলে গুরৌ
( ৩. ৩. ৫২৩) সমর্থস্ ত্রিষু শক্তিস্থে সংবদ্ধাঽর্থে হিতেঽপি চ
( ৩. ৩. ৫২৪) দশমীস্থৌ ক্ষীণরাগ বৃদ্ধৌ বীথী পদব্যপি
( ৩. ৩. ৫২৫) আস্থানী যত্নযোরাস্থা প্রস্থোঽস্ত্রী সানু মানযোঃ
( ৩. ৩. ৫২৬) শাস্ত্র দ্রবিণযোর্ গ্রন্থঃ সংস্থাঽঽধারে স্থিতৌ মৃতৌ
( ৩. ৩. ৫২৭) ইতি থান্তাঃ
( ৩. ৩. ৫২৮) অভিপ্রায বশৌ ছন্দাবব্দৌ জীমূত বত্সরৌ
( ৩. ৩. ৫২৯) অপবাদৌ তু নিন্দাঽঽজ্ঞে দাযাদৌ সুত বান্ধবৌ
( ৩. ৩. ৫৩০) পাদা রশ্ম্যঙ্ঘ্রি তুর্যাংশাশ্ চন্দ্রাঽগ্ন্যর্কাস্ তমোনুদঃ
( ৩. ৩. ৫৩১) নির্বাদো জনবাদেঽপি শাদো জম্বাল শষ্পযোঃ
( ৩. ৩. ৫৩২) আরাবে রুদিতে ত্রাতর্যাক্রন্দো দারুণে রণে
( ৩. ৩. ৫৩৩) স্যাত্ প্রসাদোঽনুরগেঽপি সূদঃ স্যাদ্ ব্যঞ্জনেঽপি চ
( ৩. ৩. ৫৩৪) গোষ্ঠাঽধ্যক্ষেঽপি গোবিন্দো হর্ষেঽপ্যামোদবন্ মদঃ
( ৩. ৩. ৫৩৫) প্রাধান্যে রাজলিঙ্গে চ বৃষাঙ্গে ককুদোঽস্ত্রিযাম্
( ৩. ৩. ৫৩৬) স্ত্রী সংবিজ্জ্ঞান সংভাষা ক্রিযাকারাঽঽজি নামসু
( ৩. ৩. ৫৩৭) ধর্মে রহস্যুপনিষত্ স্যাদৃতৌ বত্সরে শরত্
( ৩. ৩. ৫৩৮) পদং ব্যবসিতি ত্রাণ স্থান লক্ষ্মাঙ্ঘ্রি বস্তুষু
( ৩. ৩. ৫৩৯) গোষ্পদং সেবিতে মানে প্রতিষ্ঠা কৃত্যমাস্পদম্
( ৩. ৩. ৫৪০) ত্রিষ্বিষ্ট মধুরৌ স্বাদূ মৃদূ চাতীক্ষ্ণ কোমলৌ
( ৩. ৩. ৫৪১) মূঢাঽল্পাঽপটু নির্ভাগ্যা মন্দাঃ স্যুর্ দ্বৌ তু শারদৌ
( ৩. ৩. ৫৪২) প্রত্যগ্রাঽপ্রতিভৌ বিদ্বত্ সুপ্রগল্ভৌ বিশারদৌ
( ৩. ৩. ৫৪৩) ইতি দান্তাঃ
( ৩. ৩. ৫৪৪) ব্যামো বটশ্ চ ন্যগ্রোধাবুত্সেধঃ কায উন্নতিঃ
( ৩. ৩. ৫৪৫) পর্যাহারশ্ চ মার্গশ্, হ্ চ বিবধৌ বীবধৌ চ তৌ
( ৩. ৩. ৫৪৬) পরিধির্ যজ্ঞিয তরোঃ শাখাযামুপসূর্যকে
( ৩. ৩. ৫৪৭) বন্ধকং ব্যসনং চেতঃ পীডাঽধিষ্ঠানমাধযঃ
( ৩. ৩. ৫৪৮) স্যুঃ সমর্থন নীবাক নিযমাশ্ চ সমাধযঃ
( ৩. ৩. ৫৪৯) দোষোত্পাদেঽনুবন্ধঃ স্যাত্ প্রকৃতস্যাঽদি বিনশ্বরে
( ৩. ৩. ৫৫০) মুখ্যাঽনুযাযিনি শিশৌ প্রকৃত্যাঽনুবর্তনে
( ৩. ৩. ৫৫১) বিধুর্ বিষ্ণৌ চন্দ্রমসি পরিচ্ছেদে বিলেঽবধিঃ
( ৩. ৩. ৫৫২) বিধির্ বিধানে দৈবেঽপি প্রণিধিঃ প্রার্থনে চরে
( ৩. ৩. ৫৫৩) বুধ বৃদ্ধৌ পণ্ডিতেঽপি স্কন্ধঃ সমুদযেঽপি চ
( ৩. ৩. ৫৫৪) দেশে নদ বিশেষেঽব্ধৌ সিন্ধুর্ না সরিতি স্ত্রিযাম্
( ৩. ৩. ৫৫৫) বিধা বিধৌ প্রকারে চ সাধূ রম্যেঽপি চ ত্রিষু
( ৩. ৩. ৫৫৬) বধূর্ জাযা স্নুষা স্ত্রী চ সুধা লেপোঽমৃতং স্নুহী
( ৩. ৩. ৫৫৭) সংধা প্রতিজ্ঞা মর্যাদা শ্রদ্ধা সংপ্রত্যযঃ স্পৃহা
( ৩. ৩. ৫৫৮) মধু মদ্যে পুষ্পরসে ক্ষৌদ্রেঽপ্যন্ধং তমস্যপি
( ৩. ৩. ৫৫৯) অতস্ ত্রিষু সমুন্নদ্ধৌ পণ্ডিতংমন্য গর্বিতৌ
( ৩. ৩. ৫৬০) ব্রহ্মবন্ধুরধিক্ষেপে নির্দেশেঽথাঽবলম্বিতঃ
( ৩. ৩. ৫৬১) অবিদূরোঽপ্যবষ্টব্ধঃ প্রসিদ্ধৌ খ্যাত ভূষিতৌ
( ৩. ৩. ৫৬২) লেশেঽপি গন্ধঃ সংবাধো গুহ্যসংকুলযোরপি
( ৩. ৩. ৫৬৩) বাধা নিষেধে দুঃখে চ জ্ঞাতৃচান্দ্রিসুরা বুধাঃ
| ইতি ধান্তাঃ
( ৩. ৩. ৫৬৪) সূর্য বহ্নী চিত্রভানূ ভানূ রশ্মি দিবাকরৌ
( ৩. ৩. ৫৬৫) ভূতাত্মানৌ ধাতৃ দেহৌ মূর্খ নীচৌ পৃথগ্জনৌ
( ৩. ৩. ৫৬৬) গ্রাবাণৌ শৈলপাষাণৌ পত্রিণৌ শরপক্ষিণৌ
( ৩. ৩. ৫৬৭) তরুশৈলৌ শিখরিণৌ শিখিনৌ বহ্নি বর্হিণৌ
( ৩. ৩. ৫৬৮) প্রতিযত্নাবুভৌ লিপ্সোপগ্রহাবথ সাদিনৌ
( ৩. ৩. ৫৬৯) দ্বৌ সারথি হযারোহৌ বাজিনোঽশ্বেষু পক্ষিণঃ
( ৩. ৩. ৫৭০) কুলেঽপ্যভিজনো জন্ম ভূম্যামপ্যথ হাযনাঃ
( ৩. ৩. ৫৭১) বর্ষার্চির্ ব্রীহিভেদাশ্ চ চন্দ্রাগ্ন্যর্কা বিরোচনাঃ
( ৩. ৩. ৫৭২) কেশেঽপি বৃজিনো বিশ্বকর্মাঽর্ক সুরশিল্পিনোঃ
( ৩. ৩. ৫৭৩) আত্মা যত্নো ধৃতির্ বুদ্ধিঃ স্বভাবো ব্রহ্ম বর্ষ্ম চ
( ৩. ৩. ৫৭৪) শক্রো ঘাতুক মত্তেভো বর্ষুকাঽব্দো ঘনাঘনঃ
( ৩. ৩. ৫৭৫) অভিমানোঽর্থাঽঽদি দর্পে জ্ঞানে প্রণয হিংসযোঃ
( ৩. ৩. ৫৭৬) ঘনো মেঘে মূর্তিগুণে ত্রিষু মূর্তে নিরন্তরে
( ৩. ৩. ৫৭৭) ইনঃ সূর্যে প্রভৌ রাজা মৃগাঙ্কে ক্ষত্রিযে নৃপে
( ৩. ৩. ৫৭৮) বাণিন্যৌ নর্তকী দূত্যৌ স্রবন্ত্যামপি বাহিনী
( ৩. ৩. ৫৭৯) হ্লাদিন্যৌ বজ্রতডিতৌ বন্দাযামপি কামিনী
( ৩. ৩. ৫৮০) ত্বগ্ দেহযোরপি তনুঃ সূনাঽধো জিহ্বিকাঽপি চ
( ৩. ৩. ৫৮১) ক্রতু বিস্তারযোরস্ত্রী বিতানং ত্রিষু তুচ্ছকে
( ৩. ৩. ৫৮২) মন্দেঽথ কেতনং কৃত্যে কেতাবুপনিমন্ত্রণে
( ৩. ৩. ৫৮৩) বেদস্ তত্ত্বং তপো ব্রহ্ম ব্রহ্মা বিপ্রঃ প্রজাপতিঃ
( ৩. ৩. ৫৮৪) উত্সাহনে চ হিংসাযাং সূচনে চাঽপি গন্ধনম্
( ৩. ৩. ৫৮৫) আতঞ্চনং প্রতীবাপ জবনাঽঽপ্যাযনাঽর্থকম্
( ৩. ৩. ৫৮৬) ব্যঞ্জনং লাঞ্ছনং শ্মশ্রু নিষ্ঠানাঽবযবেষ্বপি
( ৩. ৩. ৫৮৭) স্যাত্ কৌলীনং লোকবাদে যুদ্ধে পশ্বহি পক্ষিণাম্
( ৩. ৩. ৫৮৮) স্যাদুদ্যানং নিঃসরণে বনভেদে প্রযোজনে
( ৩. ৩. ৫৮৯) অবকাশে স্থিতৌ স্থানং ক্রীডাঽঽদাবপি দেবনম্
( ৩. ৩. ৫৯০) ব্যুত্থানং প্রতিরোধে চ বিরোধাঽঽচরণেঽপি চ
( ৩. ৩. ৫৯১) উত্থানং পৌরুষে তন্ত্রে সংনিবিষ্টোদ্গমেঽপি চ
( ৩. ৩. ৫৯২) মারণে মৃতসংস্কারে গতৌ দ্রব্যেঽর্থ দাপনে
( ৩. ৩. ৫৯৩) নির্বর্তনোপকরণাঽনুব্রজ্যাসু চ সাধনম্
( ৩. ৩. ৫৯৪) নির্যাতনং বৈর শুদ্ধৌ দানে ন্যাসাঽর্পণেঽপি চ
( ৩. ৩. ৫৯৫) ব্যসনং বিপদি ভ্রংশে দোষে কামজকোপজে
( ৩. ৩. ৫৯৬) পক্ষ্মাঽক্ষিলোম্নি কিঞ্জল্কে তন্ত্বাঽঽদ্যম্শেঽপ্যণীযসি
( ৩. ৩. ৫৯৭) তিথিভেদে ক্ষণে পর্ব বর্ত্ম নেত্রচ্ছদেঽধ্বনি
( ৩. ৩. ৫৯৮) অকার্যগুহ্যে কৌপীনং মৈথুনং সংগতৌ রতে
( ৩. ৩. ৫৯৯) প্রধানং পরমাঽঽত্মা ধীঃ প্রজ্ঞানং বুদ্ধিচিহ্নযোঃ
( ৩. ৩. ৬০০) প্রসূনং পুষ্পফলযোর্ নিধনং কুলনাশযোঃ
( ৩. ৩. ৬০১) ক্রন্দনে রোদনাঽঽহ্বানে বর্ষ্ম দেহপ্রমাণযোঃ
( ৩. ৩. ৬০২) গৃহদেহত্বিট্প্রভাবা ধামান্যথ চতুষ্পথে
( ৩. ৩. ৬০৩) সংনিবেশে চ সংস্থানং লক্ষ্ম চিহ্নপ্রধানযোঃ
( ৩. ৩. ৬০৪) আচ্ছাদনে সংবিধানমপবারণমিত্যুভে
( ৩. ৩. ৬০৫) আরাধনং সাধনে স্যাদবাপ্তৌ তোষণেঽপি চ
( ৩. ৩. ৬০৬) অধিষ্ঠানং চক্রপুরপ্রভাবাঽধ্যাসনেষ্বপি
( ৩. ৩. ৬০৭) রত্নং স্বজাতিশ্রেষ্ঠেঽপি বনে সলিলকাননে
( ৩. ৩. ৬০৮) তলিনং বিরলে স্তোকে বাচ্যলিঙ্গং তথোত্তরে
( ৩. ৩. ৬০৯) সমানাঃ সত্সমৈকে স্যুঃ পিশুনৌ খলসূচকৌ
( ৩. ৩. ৬১০) হীনন্যূনাবূনগর্হ্যৌ বেগিশূরৌ তরস্বিনৌ
( ৩. ৩. ৬১১) অভিপন্নোঽপরাদ্ধোঽভিগ্রস্তব্যাপদ্গতাবপি
| ইতি নান্তাঃ
( ৩. ৩. ৬১২) কলাপো ভূষণে বর্হে তূণীরে সংহতাবপি
( ৩. ৩. ৬১৩) পরিচ্ছদে পরীবাপঃ পর্যুপ্তৌ সলিলস্থিতৌ
( ৩. ৩. ৬১৪) গোধুগ্গোষ্ঠপতী গোপৌ হরবিষ্ণূ বৃষাকপী
( ৩. ৩. ৬১৫) বাষ্পমূষ্মাশ্রু কশিপু ত্বন্নমাচ্ছাদনং দ্বযম্
( ৩. ৩. ৬১৬) তল্পং শয্যাঽট্টদারেষু স্তম্বেঽপি বিটপোঽস্ত্রিযাম্
( ৩. ৩. ৬১৭) প্রাপ্তরূপস্বরূপাঽভিরূপা বুধমনোজ্ঞযোঃ
( ৩. ৩. ৬১৮) ভেদ্যলিঙ্গা অমী কূর্মী বীণাভেদশ্চ কচ্ছপী
( ৩. ৩. ৬১৯) কুতপো মৃগরোমোত্থপটে চাহ্নো.ষ্টমেংঽশকে
| ইতি পান্তাঃ
( ৩. ৩. ৬২০) শিফা শিখাযাং সরিতি মাংসিকাযাং চ মাতরি
( ৩. ৩. ৬২১) শফং মূলে তরূণাং স্যাদ্গবাদীনাং খুরেঽপি চ
( ৩. ৩. ৬২২) গুল্ফঃ স্যাদ্গুংফনে বাহোরলংকারে চ কীর্তিতঃ
( ৩. ৩. ৬২৩) রবর্ণে পুংসি রেফঃ স্যাত্কুত্সিতে বাচ্যলিঙ্গকঃ
| ইতি ফান্তাঃ
( ৩. ৩. ৬২৪) অন্তরাভবসত্বেঽশ্বে গন্ধর্বো দিব্যগাযনে
( ৩. ৩. ৬২৫) কম্বুর্ না বলযে শঙ্খে দ্বিজিহ্বৌ সর্পসূচকৌ
( ৩. ৩. ৬২৬) পূর্বোঽন্যলিঙ্গঃ প্রাগাহ পুমূবহুত্বেঽপি পূর্বজান্
( ৩. ৩. ৬২৭) চিত্রপুঙ্খেঽপি কাদম্বো নিতম্বোঽদ্রিতটে কটৌ
( ৩. ৩. ৬২৮) দর্বী ফণাঽপি বিম্বোঽস্ত্রী মণ্ডলেঽপি চ
| ইতি বান্তাঃ
( ৩. ৩. ৬২৯) কুম্ভৌ ঘটেভমূর্ধাংশৌ ডিম্ভৌ তু শিশুবালিশৌ
( ৩. ৩. ৬৩০) স্তম্ভৌ স্থূণাজডীভাবৌ শম্ভূ ব্রহ্মত্রিলোচনৌ
( ৩. ৩. ৬৩১) কুক্ষিভ্রূণাঽর্ভকা গর্ভা বিস্রম্ভঃ প্রণযেঽপি চ
( ৩. ৩. ৬৩২) স্যাদ্ভের্যাং দুন্দুভিঃ পুংসি স্যাদক্ষে দুন্দুভিঃ স্ত্রিযাম্
( ৩. ৩. ৬৩৩) স্যান্মহারজতে ক্লীবং কুসুম্ভং করকে পুমান্
( ৩. ৩. ৬৩৪) ক্ষত্রিযেঽপি চ নাভির্ না সুরভির্ গবি চ স্ত্রিযাম্
( ৩. ৩. ৬৩৫) সভা সংসদি সভ্যে চ ত্রিষ্বধ্যক্ষেঽপি বল্লভঃ
| ইতি ভান্তাঃ
( ৩. ৩. ৬৩৬) কিরণ প্রগ্রহৌ রশ্মী কপিভেকৌ প্লবঙ্গমৌ
( ৩. ৩. ৬৩৭) ইচ্ছামনোভবৌ কামৌ শক্ত্যুদ্যোগৌ পরাক্রমৌ
( ৩. ৩. ৬৩৮) ধর্মাঃ পুণ্যযমন্যাযস্বভাবাঽঽচারসোমপাঃ
( ৩. ৩. ৬৩৯) উপাযপূর্ব আরম্ভ উপধা চাপ্যুপক্রমঃ
( ৩. ৩. ৬৪০) বণিক্পথঃ পুরং বেদো নিগমা নাগরো বণিক্
( ৩. ৩. ৬৪১) নৈগমৌ দ্বৌ বলে রামো নীলচারুসিতে ত্রিষু
( ৩. ৩. ৬৪২) শব্দাঽঽদিপূর্বো বৃন্দেঽপি গ্রামঃ ক্রান্তৌ চ বিক্রমঃ
( ৩. ৩. ৬৪৩) স্তোমঃ স্তোত্রেঽধ্বরে বৃন্দে জিহ্বাস্তু কুতিলেঽলসে
( ৩. ৩. ৬৪৪) উষ্ণেঽপি ঘর্মশ্ চেষ্টাঽলঙ্কারে ভ্রান্তৌ চ বিভ্রমঃ
( ৩. ৩. ৬৪৫) গুল্মা রুক্স্তম্বসেনাশ্চ জামিঃ স্বসৃকুলস্ত্রিযোঃ
( ৩. ৩. ৬৪৬) ক্ষিতিক্ষান্ত্যোঃ ক্ষমা যুক্তে ক্ষমং শক্তে হিতে ত্রিষু
( ৩. ৩. ৬৪৭) ত্রিষু শ্যামৌ হরিত্কৃষ্ণৌ শ্যামা স্যাচ্ছারিবা নিশা
( ৩. ৩. ৬৪৮) ললামং পুচ্ছপুণ্ড্রাঽশ্বভূষাপ্রাধান্যকেতুষু
( ৩. ৩. ৬৪৯) সূক্ষ্মমধ্যাত্মমপ্যাদ্যে প্রধানে প্রথমস্ত্রিষু
( ৩. ৩. ৬৫০) বামৌ বল্গুপ্রতীপৌ দ্বাবধমৌ ন্যূনকুত্সিতৌ
( ৩. ৩. ৬৫১) জীর্ণং চ পরিভুক্তং চ যাতযামমিদং দ্বযম্
| ইতি গান্তাঃ
( ৩. ৩. ৬৫২) তুরঙ্গগরুডৌ তার্ক্ষ্যৌ নিলযাঽপচযৌ ক্ষযৌ
( ৩. ৩. ৬৫৩) শ্বশুর্যৌ দেবরশ্যালৌ ভ্রাতৃব্যৌ ভ্রাতৃজদ্বিষৌ
( ৩. ৩. ৬৫৪) পর্জন্যৌ রসদব্দেন্দ্রৌ স্যাদর্যঃ স্বামিবৈশ্যযোঃ
( ৩. ৩. ৬৫৫) তিষ্যঃ পুষ্যে কলিযুগে পর্যাযোঽবসরে ক্রমে
( ৩. ৩. ৬৫৬) প্রত্যযোঽধীন শপথজ্ঞানবিশ্বাসহেতুষু
( ৩. ৩. ৬৫৭) রন্ধ্রে শব্দেঽথানুশযো দীর্ঘদ্বেষাঽনুতাপযোঃ
( ৩. ৩. ৬৫৮) স্থূলোচ্চযস্ ত্বসাকল্যে নাগানাং মধ্যমে গতে
( ৩. ৩. ৬৫৯) সমযাঃ শপথাঽঽচারকালসিদ্ধান্তসংবিদঃ
( ৩. ৩. ৬৬০) ব্যসনান্যশুভং দৈবং বিপদিত্যনযাস্ত্রযঃ
( ৩. ৩. ৬৬১) অত্যযোঽতিক্রমে কৃচ্ছ্রে দোষে দণ্ডেঽপ্যথাঽঽপদি
( ৩. ৩. ৬৬২) যুদ্ধাযত্যোঃ সংপরাযঃ পূজ্যস্তু শ্বশুরেঽপি চ
( ৩. ৩. ৬৬৩) পস্চাদবস্থাযি বলং সমবাযশ্চ সন্নযৌ
( ৩. ৩. ৬৬৪) সংঘাতে সংনিবেশে চ সংস্ত্যাযঃ প্রণযাস্ত্বমী
( ৩. ৩. ৬৬৫) বিস্রম্ভযাঞ্চাপ্রেমাণো বিরোধেঽপি সমুচ্ছ্রযঃ
( ৩. ৩. ৬৬৬) বিষযো যস্য যো জ্ঞাতস্ তত্র শব্দাঽঽদিকেষ্বপি
( ৩. ৩. ৬৬৭) নির্যাসেঽপি কষাযো স্ত্রী সভাযাং চ প্রতিশ্রযঃ
( ৩. ৩. ৬৬৮) প্রাযো ভূম্ন্যন্তগমনে মন্যুর্ দৈন্যে ক্রতৌ ক্রুধি
( ৩. ৩. ৬৬৯) রহস্যোপস্থযোর্ গুহ্যং সত্যং শপথতথ্যযোঃ
( ৩. ৩. ৬৭০) বীর্যং বলে প্রভাবে চ দ্রব্যং ভব্যে গুণাঽঽশ্রযে
( ৩. ৩. ৬৭১) ধিষ্ণ্যং স্থানে গৃহে ভেঽগ্নৌ ভাগ্যং কর্ম শুভাঽশুভম্
( ৩. ৩. ৬৭২) কশেরু হেম্নোর্ গাঙ্গেযং বিশল্যা দন্তিকাঽপি চ
( ৩. ৩. ৬৭৩) বৃষাকপাযী শ্রীগৌর্যোরভিজ্ঞা নামশোভযোঃ
( ৩. ৩. ৬৭৪) আরম্ভো নিষ্কৃতিঃ শিক্ষা পূজনং সংপ্রধারণম্
( ৩. ৩. ৬৭৫) উপাযঃ কর্ম চেষ্টা চ চিকিত্সা চ নব ক্রিযাঃ
( ৩. ৩. ৬৭৬) ছাযা সূর্যপ্রিযা কান্তিঃ প্রতিবিম্বমনাতপঃ
( ৩. ৩. ৬৭৭) কক্ষ্যা প্রকোষ্ঠে হর্ম্যাঽঽদেঃ কাঞ্চ্যাং মধ্যেভবন্ধনে
( ৩. ৩. ৬৭৮) কৃত্যা ক্রিযাদেবতযোস্ ত্রিষু ভেদ্যে ধনাঽঽদিভিঃ
( ৩. ৩. ৬৭৯) জন্যঃ স্যাজ্জনবাদেঽপি জঘন্যোঽন্ত্যেঽধমেঽপি চ
( ৩. ৩. ৬৮০) গর্হ্যাঽধীনৌ চ বক্তব্যৌ কল্যৌ সজ্জনিরামযৌ
( ৩. ৩. ৬৮১) আত্মবাননপেতোঽর্থাদর্থ্যৌ পুণ্যং তু চার্বপি
( ৩. ৩. ৬৮২) রূপ্যং প্রশস্তরূপেঽপি বদান্যো বল্গুবাগপি
( ৩. ৩. ৬৮৩) ন্যায্যেঽপি মধ্যং সৌম্যং তু সুন্দরে সোমদৈবতে
| ইতি যান্তাঃ
( ৩. ৩. ৬৮৪) নিবহাঽবসরৌ বারৌ সংস্তরৌ প্রস্তরাঽধ্বরৌ
( ৩. ৩. ৬৮৫) গুরূ গোষ্পতিপিত্রাদ্যৌ দ্বাপরৌ যুগসংশযৌ
( ৩. ৩. ৬৮৬) প্রকারৌ ভেদসাদৃশ্যে আকারাবিঙ্গিতাঽঽকৃতী
( ৩. ৩. ৬৮৭) কিংশারূ ধান্যশূকেষু মরূ ধন্বধরাধরৌ
( ৩. ৩. ৬৮৮) অদ্রযো দ্রুমশৈলাঽর্কাঃ স্ত্রীস্তনাঽব্দৌ পযোধরৌ
( ৩. ৩. ৬৮৯) ধ্বান্তাঽরিদানবা বৃত্রা বলিহস্তাঽংশবঃ করাঃ
( ৩. ৩. ৬৯০) প্রদরা ভঙ্গনারীরুক্বাণা অস্রাঃ কচা অপি
( ৩. ৩. ৬৯১) অজাতশৃঙ্গো গৌঃ কালেঽপ্যশ্মশ্রুর্না চ তূবরৌ
( ৩. ৩. ৬৯২) স্বর্ণেঽপি রাঃ পরিকরঃ পর্যঙ্কপরিবারযোঃ
( ৩. ৩. ৬৯৩) মুক্তাশুদ্ধৌ চ তারঃ স্যাচ্ছারো বাযৌ স তু ত্রিষু
( ৩. ৩. ৬৯৪) কর্বুরেঽথ প্রতিজ্ঞাঽঽজিসংবিদাপত্সু সংগরঃ
( ৩. ৩. ৬৯৫) বেদভেদে গুপ্তবাদে মন্ত্রো মিত্রো রবাবপি
( ৩. ৩. ৬৯৬) মখেষু যূপখণ্ডেঽপি স্বরুর্গুহ্যেঽপ্যবস্করঃ
( ৩. ৩. ৬৯৭) আডম্বরস্ তূর্যরবে গজেন্দ্রাণাং চ গর্জিতে
( ৩. ৩. ৬৯৮) অভিহারোঽভিযোগে চ চৌর্যে সংনহনেঽপি চ
( ৩. ৩. ৬৯৯) স্যাজ্জঙ্গমে পরীবারঃ খড্গকোশে পরিচ্ছদে
( ৩. ৩. ৭০০) বিষ্টরো বিটপী দর্ভমুষ্টিঃ পীঠাঽঽদ্যমাসনম্
( ৩. ৩. ৭০১) দ্বারি দ্বাঃ স্থে প্রতীহারঃ প্রতীহার্যপ্যনন্তরে
( ৩. ৩. ৭০২) বিপুলে নকুলে বিষ্ণৌ বভ্রুর্না পিঙ্গলে ত্রিষু
( ৩. ৩. ৭০৩) সারো বলে স্থিরাঽংশে চ ন্যায্যে ক্লীবং বরে ত্রিষু
( ৩. ৩. ৭০৪) দুরোদরো দ্যূতকারে পণে দ্যূতে দুরোদরম্
( ৩. ৩. ৭০৫) মহাঽরণ্যে দুর্গপথে কান্তারং পুন্নপুংসকম্
( ৩. ৩. ৭০৬) মত্সরোঽন্যশুভদ্বেষে তদ্বত্কৃপণযোস্ত্রিষু
( ৩. ৩. ৭০৭) দেবাদ্বৃতে বরঃ শ্রেষ্ঠে ত্রিষু ক্লীবং মনাক্প্রিযে
( ৩. ৩. ৭০৮) বংশাঙ্কুরে করীরোঽস্ত্রী তরুভেদে ঘটে চ না
( ৩. ৩. ৭০৯) না চমূজঘনে হস্তসূত্রে প্রতিসরোঽস্ত্রিযাম্
( ৩. ৩. ৭১০) যমাঽনিলেন্দ্রচন্দ্রার্কবিষ্ণুসিংহাঽংশুবাজিষু
( ৩. ৩. ৭১১) শুকাঽহিকপিভেকেষু হরির্না কপিলে ত্রিষু
( ৩. ৩. ৭১২) শর্করা কর্পরাঽংশেঽপি যাত্রা স্যাদ্যাপনে গতৌ
( ৩. ৩. ৭১৩) ইরা ভূবাক্সুরাঽপ্সুস্যাত্ তন্দ্রী নিদ্রাপ্রমীলযোঃ
( ৩. ৩. ৭১৪) ধাত্রী স্যাদুপমাতাঽপি ক্ষিতিরপ্যামলক্যপি
( ৩. ৩. ৭১৫) ক্ষুদ্রা ব্যঙ্গা নটী বেশ্যা সরঘা কণ্টকারিকা
( ৩. ৩. ৭১৬) ত্রিষু ক্রূরেঽধমেঽল্পেঽপি ক্ষুদ্রং মাত্রা পরিচ্ছদে
( ৩. ৩. ৭১৭) অল্পে চ পরিমাণে সা মাত্রং কার্ত্স্ন্যেঽবধারণে
( ৩. ৩. ৭১৮) আলেখ্যাঽঽশ্চর্যযোশ্চিত্রং কলত্রং শ্রোণিভার্যযোঃ
( ৩. ৩. ৭১৯) যোগ্যভাজনযোঃ পাত্রং পত্রং বাহনপক্ষযোঃ
( ৩. ৩. ৭২০) নিদেশগ্রন্থযোঃ শাস্ত্রং শস্ত্রমাযুধলোহযোঃ
( ৩. ৩. ৭২১) স্যাজ্জটাঽংশুকযোর্নেত্রং ক্ষেত্রং পত্নীশরীরযোঃ
( ৩. ৩. ৭২২) মুখাগ্রে ক্রোডহলযোঃ পোত্রং গোত্রং তু নাম্নি চ
( ৩. ৩. ৭২৩) সত্রমাচ্ছাদনে যজ্ঞে সদাদানে বনেঽপি চ
( ৩. ৩. ৭২৪) অজিরং বিষযে কাযেঽপ্যংবরং ব্যোম্নি বাসসি
( ৩. ৩. ৭২৫) চক্রং রাষ্ট্রেঽপ্যক্ষরং তু মোক্ষেঽপি ক্ষীরমপ্সু চ
( ৩. ৩. ৭২৬) স্বর্ণেঽপি ভূরিচন্দ্রৌ দ্বৌ দ্বারমাত্রেঽপি গোপুরম্
( ৩. ৩. ৭২৭) গুহাদম্ভৌ গহ্বরে দ্বে রহোঽন্তিকমুপহ্বরে
( ৩. ৩. ৭২৮) পুরোঽধিকমুপর্যগ্রাণ্যগারে নগরে পুরম্
( ৩. ৩. ৭২৯) মন্দিরং চাথ রাষ্ট্রোঽস্ত্রী বিষযে স্যাদুপদ্রবে
( ৩. ৩. ৭৩০) দরোঽস্ত্রিযাং ভযে শ্বভ্রে বজ্রোঽস্ত্রী হীরকে পবৌ
( ৩. ৩. ৭৩১) তন্ত্রং প্রধানে সিদ্ধান্তে সূত্রবাযে পরিচ্ছদে
( ৩. ৩. ৭৩২) ঔশীরশ্চামরে দণ্ডেঽপ্যৌশীরং শযনাঽঽসনে
( ৩. ৩. ৭৩৩) পুষ্করং করিহস্তাঽগ্রে বাদ্যভাণ্ডমুখে জলে
( ৩. ৩. ৭৩৪) ব্যোম্নি খড্গফলে পদ্মে তীর্থৌষধিবিশেষযোঃ
( ৩. ৩. ৭৩৫) অন্তরমবকাশাঽবধিপরিধানান্তর্ধিভেদতাদর্থ্যে
( ৩. ৩. ৭৩৬) ছিদ্রাঽঽত্মীযবিনাবহিরবসরমধ্যেঽন্তরাত্মনি চ
( ৩. ৩. ৭৩৭) মুস্তেঽপি পিঠরং রাজকশেরুণ্যপি নাগরম্
( ৩. ৩. ৭৩৮) শার্বরং ত্বন্ধতমসে ঘাতুকে ভেদ্যলিঙ্গকম্
( ৩. ৩. ৭৩৯) গৌরোঽরুণে সিতে পীতে ব্রণকার্যপ্যরুষ্করঃ
( ৩. ৩. ৭৪০) জঠরঃ কঠিনেঽপি স্যাদধস্তাদপি চাঽধরঃ
( ৩. ৩. ৭৪১) অনাকুলেঽপি চৈকাগ্রো ব্যগ্রো ব্যাসক্ত আকুলে
( ৩. ৩. ৭৪২) উপরুদীচ্যশ্রেষ্ঠেষ্বপ্যুত্তরঃ স্যাদনুত্তরঃ
( ৩. ৩. ৭৪৩) এষাং বিপর্যযে শ্রেষ্ঠে দূরাঽনাত্মোত্তমাঃ পরাঃ
( ৩. ৩. ৭৪৪) স্বাদুপ্রিযৌ চ মধুরৌ ক্রূরৌ কঠিননির্দযৌ
( ৩. ৩. ৭৪৫) উদারৌ দাতৃমহতোরিতরস্ত্বন্যনীচযোঃ
( ৩. ৩. ৭৪৬) মন্দস্বচ্ছন্দযোঃ স্বৈরঃ শুভ্রমুদ্দীপ্তশুক্লযোঃ
( ৩. ৩. ৭৪৭) আসারো বেগবদ্বর্ষে সৈন্যপ্রসরণং তথা
( ৩. ৩. ৭৪৮) ধারাম্বুপাতে চোত্কর্ষেঽস্ত্রৌ কটাহে তু কর্পরঃ
( ৩. ৩. ৭৪৯) বন্ধুরং সুন্দরে নম্রে গিরির্গেন্দুকশৈলযোঃ
( ৩. ৩. ৭৫০) চরুঃ স্থাল্যাং হবিঃ পক্তাঽবধীরঃ কাতরে চলে
| ইতি রান্তাঃ
( ৩. ৩. ৭৫১) চূডা কিরীটম্ কেশাশ্চ সংযতা মৌলযস্ত্রযঃ
( ৩. ৩. ৭৫২) দ্রুমপ্রভেদমাতঙ্গকাণ্ডপুষ্পাণি পীলবঃ
( ৩. ৩. ৭৫৩) কৃতান্তাঽনেহসোঃ কালশ্চতুর্থেঽপি যুগে কলিঃ
( ৩. ৩. ৭৫৪) স্যাত্কুরঙ্গেঽপি কমলঃ প্রাবারেঽপি চ কম্বলঃ
( ৩. ৩. ৭৫৫) করোপহারযোঃ পুংসি বলিঃ প্রাণ্যঙ্গজে স্ত্রিযাম্
( ৩. ৩. ৭৫৬) স্থৌল্যসামর্থ্যসৈন্যেষু বলং না কাকসীরিণোঃ
( ৩. ৩. ৭৫৭) বাতূলঃ পুংসি বাত্যাযামপি বাতাঽসহে ত্রিষু
( ৩. ৩. ৭৫৮) ভেদ্যলিঙ্গঃ শঠে ব্যালঃ পুংসি শ্বাপদসর্পযোঃ
( ৩. ৩. ৭৫৯) মলোঽস্ত্রী পাপবিট্কিট্টান্যস্ত্রী শূলং রুগাযুধম্
( ৩. ৩. ৭৬০) শঙ্কাবপি দ্বযোঃ কীলঃ পালিঃ স্ত্র্যশ্র্যঙ্কপঙ্ক্তিষু
( ৩. ৩. ৭৬১) কলা শিল্পে কালভেদে চাঽঽলী সখ্যাবলী অপি
( ৩. ৩. ৭৬২) অব্ধ্যম্বুবিকৃতৌ বেলা কালমর্যাদযোরপি
( ৩. ৩. ৭৬৩) বহুলাঃ কৃত্তিকা গাবো বহুলোঽগ্নৌ শিতৌ ত্রিষু
( ৩. ৩. ৭৬৪) লীলা বিলাসক্রিযযোরুপলা শর্করাঽপি চ
( ৩. ৩. ৭৬৫) শোণিতেঽম্ভসি কীলালং মূলমাদ্যে শিফাভযোঃ
( ৩. ৩. ৭৬৬) জালং সমূহ আনাযগবাক্ষক্ষারকেষ্বপি
( ৩. ৩. ৭৬৭) শীলং স্বভাবে সদ্বৃত্তে সস্যে হেতুকৃতে ফলম্
( ৩. ৩. ৭৬৮) ছদির্নেত্ররুজোঃ ক্লীবং সমূহে পটলং ন না
( ৩. ৩. ৭৬৯) অধস্স্বরূপযোরস্ত্রী তলং স্যাচ্চামিষে পলম্
( ৩. ৩. ৭৭০) ঔর্বাঽনলেঽপি পাতালং চৈলং বস্ত্রেঽধমে ত্রিষু
( ৩. ৩. ৭৭১) কুকূলং শঙ্কুভিঃ কীর্ণে শ্বভ্রে না তু তুষাঽনলে
( ৩. ৩. ৭৭২) নির্ণীতে কেবলমিতি ত্রিলিঙ্গং ত্বেককৃত্স্নযোঃ
( ৩. ৩. ৭৭৩) পর্যাপ্তিক্ষেমপুণ্যেষু কুশলং শিক্ষিতে ত্রিষু
( ৩. ৩. ৭৭৪) প্রবালমঙ্কুরেঽপ্যস্ত্রী ত্রিষু স্থূলং জডেঽপি চ
( ৩. ৩. ৭৭৫) করালো দন্তুরে তুঙ্গে চারৌ দক্ষে চ পেশলঃ
( ৩. ৩. ৭৭৬) মূর্খেঽর্ভকেঽপি বালঃ স্যাল্লোলশ্চলসতৃষ্ণযোঃ
( ৩. ৩. ৭৭৭) কুলং গৃহেঽপি তালাঙ্কে কুবেরে চৈককুণ্ডলঃ
( ৩. ৩. ৭৭৮) স্ত্রীভাবাবজ্ঞযোর্হেলা হেলিঃ সূর্যে রণে হিলিঃ
( ৩. ৩. ৭৭৯) হালঃ স্যান্নৃপতৌ মদ্যে শকলচ্ছদযোর্দলম্
( ৩. ৩. ৭৮০) তূলিশ্চিত্রোপকরণশলাকাতূলশয্যযোঃ
( ৩. ৩. ৭৮১) তুমুলং ব্যাকুলে শব্দে শষ্কুলী কর্ণপাল্যপি
| ইতি লান্তাঃ
( ৩. ৩. ৭৮২) দবদাবৌ বনাঽরণ্যবহ্নী জন্মহরৌ ভবৌ
( ৩. ৩. ৭৮৩) মন্ত্রী সহাযঃ সচিবৌ পতিশাখিনরা ধবাঃ
( ৩. ৩. ৭৮৪) অবযঃ শৈলমেষাঽর্কা আজ্ঞাঽঽহ্বানাধ্বরা হবাঃ
( ৩. ৩. ৭৮৫) ভাবঃ সত্তাস্বভাবাঽভিপ্রাযচেষ্টাঽঽত্মজন্মসু
( ৩. ৩. ৭৮৬) স্যাদুত্পাদে ফলে পুষ্পে প্রসবো গর্ভমোচনে
( ৩. ৩. ৭৮৭) অবিশ্বাসেঽপহ্নবেঽপি নিকৃতাবপি নিহ্নবঃ
( ৩. ৩. ৭৮৮) উত্সেকাঽমর্ষযোরিচ্ছাপ্রসরে মহ উত্সবঃ
( ৩. ৩. ৭৮৯) অনুভাবঃ প্রভাবে চ সতাং চ মতিনিশ্চযে
( ৩. ৩. ৭৯০) স্যাজ্জন্মহেতুঃ প্রভবঃ স্থানং চাঽঽদ্যোপলব্ধযে
( ৩. ৩. ৭৯১) শূদ্রাযাং বিপ্রতনযে শস্ত্রে পারশবো মতঃ
( ৩. ৩. ৭৯২) ধ্রুবো ভভেদে ক্লীবে তু নিশ্চিতে শাশ্বতে ত্রিষু
( ৩. ৩. ৭৯৩) স্বো জ্ঞাতাবাত্মনি স্বং ত্রিষ্বাত্মীযে স্বোঽস্ত্রিযাং ধনে
( ৩. ৩. ৭৯৪) স্ত্রীকটীবস্ত্রবন্ধেঽপি নীবী পরিপণেঽপি চ
( ৩. ৩. ৭৯৫) শিবা গৌরীফেরবযোর্দ্বন্দ্বং কলহযুগ্মযোঃ
( ৩. ৩. ৭৯৬) দ্রব্যাঽসু ব্যবসাযেঽপি সত্ত্বমস্ত্রী তু জন্তুষু
( ৩. ৩. ৭৯৭) ক্লীবং নপুংসকং ষণ্ডে বাচ্যলিঙ্গমবিক্রমে
| ইতি বান্তাঃ
( ৩. ৩. ৭৯৮) দ্বৌ বিশৌ বৈশ্যমনুজৌ দ্বৌ চারাভিমরৌ স্পশৌ
( ৩. ৩. ৭৯৯) দ্বৌ রাশী পুঞ্জমেষাঽঽদ্যৌ দ্বৌ বংশৌ কুলমস্করৌ
( ৩. ৩. ৮০০) রহঃ প্রকাশৌ বীকাশৌ নির্বেশো ভৃতিভোগযোঃ
( ৩. ৩. ৮০১) কৃতান্তে পুংসি কীনাশঃ ক্ষুদ্রকর্ষকযোস্ত্রিষু
( ৩. ৩. ৮০২) পদে লক্ষ্যে নিমিত্তেঽপদেশঃ স্যাত্কুশমপ্সু চ
( ৩. ৩. ৮০৩) দশাঽবস্থাঽনেকবিধাঽপ্যাশা তৃষ্ণাঽপি চাঽযতা
( ৩. ৩. ৮০৪) বশা স্ত্রী করিণী চ স্যাত্ দৃগ্জ্ঞানে জ্ঞাতরি ত্রিষু
( ৩. ৩. ৮০৫) স্যাত্কর্কশঃ সাহসিকঃ কঠোরাঽমসৃণাবপি
( ৩. ৩. ৮০৬) প্রকাশোঽতিপ্রসিদ্ধেঽপি শিশাবজ্ঞে চ বালিশঃ
( ৩. ৩. ৮০৭) নাশঃ ক্ষযে তিরোধানে জীবিতেশঃ প্রিযে যমে
( ৩. ৩. ৮০৮) নৃশংসখড্গৌ নিস্ত্রিংশাবংশুঃ সূর্যেঽংশবঃ করাঃ
( ৩. ৩. ৮০৯) আশ্বাখ্যা শালিশীঘ্রার্থে পাশো বন্ধনশস্ত্রযোঃ
| ইতি শান্তাঃ
( ৩. ৩. ৮১০) সুরমত্স্যাবনিমিষৌ পুরুষাবাত্মমানবৌ
( ৩. ৩. ৮১১) কাকমত্স্যাত্খগৌ ধ্বাঙ্ক্ষৌ কক্ষৌ চ তৃণবীরুধৌ
( ৩. ৩. ৮১২) অভীপুঃ প্রগ্রহে রশ্মৌ প্রৈষঃ প্রেষণমর্দনে
( ৩. ৩. ৮১৩) পক্ষঃ সহাযেঽপ্যুষ্ণীষঃ শিরোবেষ্টকিরীটযোঃ
( ৩. ৩. ৮১৪) শুক্রলে মূষিকে শ্রেষ্ঠে সুকৃতে বৃষভে বৃষঃ
( ৩. ৩. ৮১৫) কোষোঽস্ত্রী কুড্মলে খড্গপিধানেঽর্থৌঘদিব্যযোঃ
( ৩. ৩. ৮১৬) দ্যূতেঽক্ষে শারিফলকেঽপ্যাকর্ষোঽথাঽক্ষমিন্দ্রিযে
( ৩. ৩. ৮১৭) না দ্যূতাঙ্গে কর্ষচক্রে ব্যবহারে কলিদ্রুমে
( ৩. ৩. ৮১৮) কর্ষূর্বার্ত্তা করীষাঽগ্নিঃ কর্ষঃ কুল্যাঽভিধাযিনী
( ৩. ৩. ৮১৯) পুম্ভাবে তত্ক্রিযাযাং চ পৌরুষং বিষমপ্সু চ
( ৩. ৩. ৮২০) উপাদানেঽপ্যামিষং স্যাদপরাধেঽপি কিল্বিষম্
( ৩. ৩. ৮২১) স্যাদ্বৃষ্টৌ লোকধাত্বংশে বত্সরে বর্ষমস্ত্রিযাম্
( ৩. ৩. ৮২২) প্রেক্ষা নৃত্তেক্ষণং প্রজ্ঞা ভিক্ষা সেবাঽর্থনা ভৃতিঃ
( ৩. ৩. ৮২৩) ত্বিট্ শোভাঽপি ত্রিষু পরে ন্যক্ষং কার্ত্স্ন্যনিকৃষ্টযোঃ
( ৩. ৩. ৮২৪) প্রত্যক্ষেঽধিকৃতেঽধ্যক্ষো রূক্ষস্ত্বপ্রেম্ণ্যচিক্কণে
( ৩. ৩. ৮২৫) ব্যাজসংখ্যাশরব্যেষু লক্ষং ঘোষৌ রবব্রজৌ
( ৩. ৩. ৮২৬) কপিশীর্ষং ভিত্তিশৃঙ্গেঽনুতর্ষশ্ চষকঃ সুরা
( ৩. ৩. ৮২৭) দোষো বাতাদিকে দোষা রাত্রৌ দক্ষোঽপি কুক্কুটে
( ৩. ৩. ৮২৮) শুণ্ডাগ্রভাগে গণ্ডূষো দ্বযোশ্চ মুখপূরণে
| ইতি ষান্তাঃ
( ৩. ৩. ৮২৯) রবিশ্বেতচ্ছদৌ হংসৌ সূর্যবহ্নী বিভাবসূ
( ৩. ৩. ৮৩০) বত্সৌ তর্ণকবর্ষৌ দ্বৌ সারঙ্গাশ্চ দিবৌকসঃ
( ৩. ৩. ৮৩১) শৃঙ্গারাঽঽদৌ বিষে বীর্যে গুণে রাগে দ্রবে রসঃ
( ৩. ৩. ৮৩২) পুংস্যুত্তংসাবতংসৌ দ্বৌ কর্ণপূরেঽপি শেখরে
( ৩. ৩. ৮৩৩) দেবভেদেঽনলে রশ্মৌ বসূ রত্নে ধনে বসু
( ৩. ৩. ৮৩৪) বিষ্ণৌ চ বেধাঃ স্ত্রী ত্বাশীর্হিতাঽঽশংসাঽহিদংষ্ট্রযোঃ
( ৩. ৩. ৮৩৫) লালসে প্রার্থনৌত্সুক্যে হিংসা চৌর্যাঽঽদিকর্ম চ
( ৩. ৩. ৮৩৬) প্রসূরশ্বাঽপি ভূদ্যাবৌ রোদস্যৌ রোদসী চ তে
( ৩. ৩. ৮৩৭) জ্বালাভাসৌ ন পুংস্যর্চির্জ্যোতির্ভদ্যোতদৃষ্টিষু
( ৩. ৩. ৮৩৮) পাপাঽপরাধযোরাগঃ খগবাল্যাঽঽদিনোর্বযঃ
( ৩. ৩. ৮৩৯) তেজঃ পুরীষযোর্বর্চো মহশ্চোত্সবতেজসোঃ
( ৩. ৩. ৮৪০) রজো গুণে চ স্ত্রীপুষ্পে রাহৌ ধ্বান্তে গুণে তমঃ
( ৩. ৩. ৮৪১) ছন্দঃ পদ্যেঽভিলাষে চ তপঃ কৃচ্ছ্রাঽঽদিকর্ম চ
( ৩. ৩. ৮৪২) সহো বলং সহা মার্গো নভঃ খং শ্রাবণো নভাঃ
( ৩. ৩. ৮৪৩) ওকঃ সদ্মাঽঽশ্রযশ্চৌকাঃ পয: ক্ষীরং পযোঽংবু চ
( ৩. ৩. ৮৪৪) ওজো দীপ্তৌ বলে স্রোত ইন্দ্রিযে নিম্নগারযে
( ৩. ৩. ৮৪৫) তেজঃ প্রভাবে দীপ্তৌ চ বলে শুক্রেঽপ্যতস্ত্রিষু
( ৩. ৩. ৮৪৬) বিদ্বান্ বিদংশ্চ বীভত্সো হিংস্রোঽপ্যতিশযেত্বমী
( ৩. ৩. ৮৪৭) বৃদ্ধপ্রশংসযোর্জ্যাযান্ কনীযাংস্তু যুবাঽল্পযোঃ
( ৩. ৩. ৮৪৮) বরীযাংস্তূরুবরযোঃ সাধীযান্ সাধুবাঢযোঃ
| ইতি সান্তাঃ
( ৩. ৩. ৮৪৯) দলেঽপি বর্হং নির্বন্ধোপরাগাঽর্কাঽঽদযো গ্রহাঃ
( ৩. ৩. ৮৫০) দ্বার্যাপীডে ক্বাথরসে নির্যূহো নাগদন্তকে
( ৩. ৩. ৮৫১) তুলাসূত্রেঽশ্বাঽঽদিরশ্মৌ প্রগ্রাহঃ প্রগ্রহোঽপি চ
( ৩. ৩. ৮৫২) পত্নীপরিজনাঽঽদানমূলশাপাঃ পরিগ্রহাঃ
( ৩. ৩. ৮৫৩) দারেষু চ গৃহাঃ শ্রোণ্যামপ্যারোহো বরস্ত্রিযাঃ
( ৩. ৩. ৮৫৪) ব্যূহো বৃন্দেঽপ্যহির্বৃত্রেঽপ্যগ্নীন্দ্বর্কাস্তমোপহাঃ
( ৩. ৩. ৮৫৫) পরিচ্ছদে নৃপার্হেঽর্থে পরিবর্হোঽব্যযাঃ পরে
| ইতি হান্তাঃ
( ৩. ৩. ৮৫৬) আঙীষদর্থেঽভিব্যাপ্তৌ সীমার্থে ধাতুযোগজে
( ৩. ৩. ৮৫৭) আপ্রগৃহ্যস্স্মৃতৌ বাক্যেঽপ্যাস্তু স্যাত্কোপপীডযোঃ
( ৩. ৩. ৮৫৮) পাপকুত্সেষদর্থে কু ধিঙ্ নির্ভর্ত্সননিন্দযোঃ
( ৩. ৩. ৮৫৯) চাঽন্বাচযসমাহারেতরেতরসমুচ্চযে
( ৩. ৩. ৮৬০) স্বস্ত্যাশীঃ ক্ষেমপুণ্যাঽঽদৌ প্রকর্ষে লঙ্ঘনেঽপ্যতি
( ৩. ৩. ৮৬১) স্বিত্প্রশ্নে চ বিতর্কে চ তু স্যাদ্ভেদেঽবধারণে
( ৩. ৩. ৮৬২) সকৃত্ সহৈকবারে চাপ্যারাদ্দূরসমীপযোঃ
( ৩. ৩. ৮৬৩) প্রতীচ্যাং চরমে পশ্চাদুতাঽপ্যর্থবিকল্পযোঃ
( ৩. ৩. ৮৬৪) পুনস্সহাঽর্থযোঃ শশ্বত্ সাক্ষাত্প্রত্যক্ষতুল্যযোঃ
( ৩. ৩. ৮৬৫) খেদাঽনুকম্পাসংতোষবিস্মযাঽঽমন্ত্রণে বত
( ৩. ৩. ৮৬৬) হন্ত হর্ষেঽঽনুকম্পাযাং বাক্যাঽঽরম্ভবিষাদযোঃ
( ৩. ৩. ৮৬৭) প্রতি প্রতিনিধৌ বীপ্সালক্ষণাঽঽদৌ প্রযোগতঃ
( ৩. ৩. ৮৬৮) ইতি হেতুপ্রকরণপ্রকর্ষাঽঽদিসমাপ্তিষু
( ৩. ৩. ৮৬৯) প্রাচ্যাং পুরস্তাত্প্রথমে পুরাঽর্থেঽগ্রত ইত্যপি
( ৩. ৩. ৮৭০) যাবত্তাবচ্চ সাকল্যেঽবধৌ মানেঽবধারণে
( ৩. ৩. ৮৭১) মঙ্গলাঽনন্তরারম্ভপ্রশ্নকার্ত্স্ন্যেষ্বথো অথ
( ৩. ৩. ৮৭২) বৃথা নিরর্থকাঽবিধ্যোর্ নানাঽনেকোভযাঽর্থযোঃ
( ৩. ৩. ৮৭৩) নু পৃচ্ছাযাং বিকল্পে চ পশ্চাত্সাদৃশ্যযোরনু
( ৩. ৩. ৮৭৪) প্রশ্নাঽবধারণাঽনুজ্ঞাঽনুনযাঽঽমন্ত্রণে ননু
( ৩. ৩. ৮৭৫) গর্হাসমুচ্চযপ্রশ্নশঙ্কাসংভাবনাস্বপি
( ৩. ৩. ৮৭৬) উপমাযাং বিকল্পে বা সামি ত্বর্ধে জুগুপ্সিতে
( ৩. ৩. ৮৭৭) অমা সহ সমীপে চ কং বারিণি চ মূর্ধনি
( ৩. ৩. ৮৭৮) ইবেত্থমর্থযোরেবং নূনং তর্কেঽর্থনিশ্চযে
( ৩. ৩. ৮৭৯) তূষ্ণীমর্থে সুখে জোষং কিং পৃচ্ছাযাং জুগুপ্সনে
( ৩. ৩. ৮৮০) নাম প্রাকাশ্যসংভাব্যক্রোধোপগমকুত্সনে
( ৩. ৩. ৮৮১) অলং ভূষণপর্যাপ্তিশক্তিবারণবাচকম্
( ৩. ৩. ৮৮২) হুং বিতর্কে পরিপ্রশ্নে সমযাঽন্তিকমধ্যযোঃ
( ৩. ৩. ৮৮৩) পুনরপ্রথমে ভেদে নির্ নিশ্চযনিষেধযোঃ
( ৩. ৩. ৮৮৪) স্যাত্প্রবন্ধে চিরাঽতীতে নিকটাঽঽগামিকে পুরা
( ৩. ৩. ৮৮৫) ঊরর্যূরী চোররী চ বিস্তারেঽঙ্গীকৃতৌ ত্রযম্
( ৩. ৩. ৮৮৬) স্বর্গে পরে চ লোকে স্বর্ বার্তাসংভাব্যযোঃ কিল
( ৩. ৩. ৮৮৭) নিষেধবাক্যাঽলঙ্কারজিজ্ঞাসাঽনুনযে খলু
( ৩. ৩. ৮৮৮) সমীপোভযতশ্শীঘ্রসাকল্যাঽভিমুখেঽভিতঃ
( ৩. ৩. ৮৮৯) নামপ্রাকাশ্যযোঃ প্রদুর্ মিথোঽন্যোন্যং রহস্যপি
( ৩. ৩. ৮৯০) তিরোঽন্তর্ধৌ তির্যগর্থে হা বিষাদশুগর্তিষু
( ৩. ৩. ৮৯১) অহহেত্যদ্ভুতে খেদে হি হেতাববধারণে
| ইতি নানাঽর্থবর্গঃ ৩, অত্র মূলশ্লোকাঃ ২৫৬|| ক্ষে.শ্লো. ২৪ ||
অব্যযবর্গঃ|
( ৩. ৪. ৮৯২) চিরায চিররাত্রায চিরস্যাঽঽদ্যাশ্চিরাঽর্থকাঃ
( ৩. ৪. ৮৯৩) মুহুঃ পুনঃ পুনঃ শশ্বদভীক্ষ্ণমসকৃত্ সমাঃ
( ৩. ৪. ৮৯৪) স্রাগ্ ঝটিত্যঞ্জসাঽহ্নায দ্রাঙ্ মঙ্ক্ষু সপদি দ্রুতে
( ৩. ৪. ৮৯৫) বলবত্সুষ্ঠু কিমুত স্বত্যতীব চ নির্ভরে
( ৩. ৪. ৮৯৬) পৃথগ্ বিনাঽন্তরেণর্তে হিরুঙ্ নানা চ বর্জনে
( ৩. ৪. ৮৯৭) যত্ তদ্ যতস্ ততো হেতাবসাকল্যে তু চিচ্ চন
( ৩. ৪. ৮৯৮) কদাচিজ্জাতু সার্ধং তু সাকং সত্রা সমং সহ
( ৩. ৪. ৮৯৯) আনুকূল্যাঽর্থকং প্রাধ্বং ব্যর্থকে তু বৃথা মুধা
( ৩. ৪. ৯০০) আহো উতাহো কিমুত বিকল্পে কিং কিমূত চ
( ৩. ৪. ৯০১) তু হি চ স্ম হ বৈ পাদপূরণে পূজনে স্বতি
( ৩. ৪. ৯০২) দিবাঽহ্নীত্যথ দোষা চ নক্তং চ রজনাবিতি
( ৩. ৪. ৯০৩) তির্যগর্থে সাচি তিরোঽপ্যথ সংবোধনাঽর্থকাঃ
( ৩. ৪. ৯০৪) স্যুঃ প্যাট্ পাডঙ্গ হে হৈ ভোঃ সমযা নিকষা হিরুক্
( ৩. ৪. ৯০৫) অতর্কিতে তু সহসা স্যাত্ পুরঃ পুরতোঽগ্রতঃ
( ৩. ৪. ৯০৬) স্বাহা দেবহবির্দানে শ্রৌষট্ বৌষট্ বষট্ স্বধা
( ৩. ৪. ৯০৭) কিঞ্চিদীষন্ মনাগল্পে প্রেত্যাঽমুত্র ভবাঽন্তরে
( ৩. ৪. ৯০৮) ব বা যথা তথেবৈবং সাম্যেঽহো হীতি বিস্মযে
( ৩. ৪. ৯০৯) মৌনে তু তূষ্ণীং তূষ্ণীকাং সদ্যঃ সপদি তত্ক্ষণে
( ৩. ৪. ৯১০) দিষ্ট্যা সমুপজোষং চেত্যানন্দেঽথাঽন্তরেঽন্তরা
( ৩. ৪. ৯১১) অন্তরেণ চ মধ্যে স্যুঃ প্রসহ্য তু হঠার্থকম্
( ৩. ৪. ৯১২) যুক্তে দ্বে সাংপ্রতং স্থানেঽভীক্ষ্ণং শশ্বদনারতে
( ৩. ৪. ৯১৩) অভাবে নহ্য নো নাঽপি মা স্ম মাঽলং চ বারণে
( ৩. ৪. ৯১৪) পক্ষাঽন্তরে চেদ্যদি চ তত্ত্বে ত্বদ্ধাঽঞ্জসা দ্বযম্
( ৩. ৪. ৯১৫) প্রাকাশ্যে প্রাদুরাবিঃ স্যাদোমেবং পরমং মতে
( ৩. ৪. ৯১৬) সমন্ততস্তু পরিতঃ সর্বতো বিষ্বগিত্যপি
( ৩. ৪. ৯১৭) অকামাঽনুমতৌ কামমসূযোপগমেস্তু চ
( ৩. ৪. ৯১৮) ননু চ স্যাদ্বিরোধোক্তৌ কশ্চিত্ কামপ্রবেদনে
( ৩. ৪. ৯১৯) নিষ্ষমং দুষ্ষমং গর্হ্যে যথাস্বং তু যথাযথম্
( ৩. ৪. ৯২০) মৃষা মিথ্যা চ বিতথে যথার্থং তু যথাতথম্
( ৩. ৪. ৯২১) স্যুরেবং তু পুনর্বৈ বেত্যবধারণবাচকাঃ
( ৩. ৪. ৯২২) প্রাগতীতাঽর্থকং নূনমবশ্যং নিশ্চযে দ্বযম্
( ৩. ৪. ৯২৩) সংবদ্ বর্ষেঽবরে ত্বর্বাগামেবং স্বযমাত্মনা
( ৩. ৪. ৯২৪) অল্পে নীচৈর্মহত্যুচ্চৈঃ প্রাযো ভূম্ন্যদ্রুতে শনৈঃ
( ৩. ৪. ৯২৫) সনা নিত্যে বহির্বাহ্যে স্মাঽতীতেঽস্তমদর্শনে
( ৩. ৪. ৯২৬) অস্তি সত্বে রুষোক্তাবু ঊং প্রশ্নেঽনুনযে ত্বযি
( ৩. ৪. ৯২৭) হুং তর্কে স্যাদুষা রাত্রেরবসানেনমো নতৌ
( ৩. ৪. ৯২৮) পুনরর্থেঽঙ্গ নিন্দাযাং দুষ্ঠু সুষ্ঠু প্রশংসনে
( ৩. ৪. ৯২৯) সাযং সাযে প্রগে প্রাতঃ প্রভাতে নিকষাঽন্তিকে
( ৩. ৪. ৯৩০) অমাঽনুগুণ্যে স্মরণে হুং ফড্ বিঘ্ননিরাকৃতৌ
( ৩. ৪. ৯৩১) অঙ্গীকৃতৌ স্যাদর্থে হূং হীনসংবোধতে ত্বরে
( ৩. ৪. ৯৩২) পরুত্ পরার্থৈষমোঽব্দে পূর্বে পূর্বতরে যতি
( ৩. ৪. ৯৩৩) অদ্যঽত্রাঽহ্ন্যথ পূর্বেঽহ্নীত্যাদৌ পূর্বোত্তরাঽপরাত্
( ৩. ৪. ৯৩৪) তথাঽধরাঽন্যাঽন্যতরেতরাত্পূর্বেদ্যুরাঽঽদযঃ
( ৩. ৪. ৯৩৫) উভযদ্যুশ্চোভযেদ্যুঃ পরেত্বহ্নি পরেদ্যবি
( ৩. ৪. ৯৩৬) হ্যো গতেঽনাগতেঽহ্নি শ্বঃ পরশ্বস্তু পরেঽহনি
( ৩. ৪. ৯৩৭) তদা তদানীং যুগপদেকদা সর্বদা সদা
( ৩. ৪. ৯৩৮) এতর্হি সংপ্রতীঽদানীমধুনা সাম্প্রতং তথা
( ৩. ৪. ৯৩৯) দিগ্দেশকালে পূর্বাঽঽদৌ প্রাগুদক্প্রত্যগাঽঽদযঃ
লিঙ্গাঽঽদিসংগ্রহবর্গঃ|
| অথ লিঙ্গাঽঽদিসংগ্রহবর্গঃ ৫
( ৩. ৫. ৯৪০) সলিঙ্গশাস্ত্রৈঃ সন্নাঽঽদি কৃত্ তদ্ধিত সমাসজৈঃ
( ৩. ৫. ৯৪১) অনুক্তৈঃ সংগ্রহে লিঙ্গং সংকীর্ণবদিহোন্নযেত্
( ৩. ৫. ৯৪২) লিঙ্গশেষবিধির্ ব্যাপী বিশেষৈর্ যদ্যবাধিতঃ
( ৩. ৫. ৯৪৩) স্ত্রিযামীদূদ্বিরামৈকাঽচ্ সযোনিপ্রাণিনাম চ
( ৩. ৫. ৯৪৪) নাম বিদ্যুন্নিশাবল্লীবীণাদিগ্ভূনদীহ্রিযাম্
( ৩. ৫. ৯৪৫) অদন্তৈর্ দ্বিগুরেকাঽর্থো ন স পাত্রযুগাঽঽদিভিঃ
( ৩. ৫. ৯৪৬) তল্বৃন্দে যেনিকট্যত্রা বৈরমৈথুনিকাঽঽদিবুন্
( ৩. ৫. ৯৪৭) স্ত্রীভাবাঽঽদাবনি ক্তিণ্ ণ্বুল্ ণচ্ ণ্বুচ্ ক্যব্ যুজিঞ্ঙ্ নি শাঃ
( ৩. ৫. ৯৪৮) উণাঽঽদিষু নিরূরীশ্চ ঙ্যাষূডন্তং চলং স্থিরম্
( ৩. ৫. ৯৪৯) তত্ক্রীডাযাং প্রহরণং চেন্ মৌষ্টা পাল্লবা ণ দিক্
( ৩. ৫. ৯৫০) ঘঞো ঞঃ সা ক্রিযাঽস্যাং চেদ্ দাণ্ডপাতা হি ফাল্গুনী
( ৩. ৫. ৯৫১) শ্যৈনম্পাতা চ মৃগযা তৈলম্পাতা স্বধেতি দিক্
( ৩. ৫. ৯৫২) স্ত্রী স্যাত্কাচিন্ মৃণাল্যাঽঽদির্ বিবক্ষাঽপচযে যদি
( ৩. ৫. ৯৫৩) লঙ্কা শেফালিকা টীকা ধাতকীপঞ্চিকাঽঽঢকী
( ৩. ৫. ৯৫৪) সিধ্রকা সারিকা হিক্কা প্রাচিকোল্কা পিপীলিকা
( ৩. ৫. ৯৫৫) তিন্দুকী কণিকা ভঙ্গিঃ সুরঙ্গাসূচিমাঢযঃ
( ৩. ৫. ৯৫৬) পিচ্ছা বিতণ্ডা কাকিণ্যশ্চূর্ণিঃ শাণী দ্রুণী দরত্
( ৩. ৫. ৯৫৭) সাতিঃ কন্থা তথাঽঽসন্দী নাভী রাজসভাঽপি চ
( ৩. ৫. ৯৫৮) ঝল্লরী চর্চরী পারী হোরা লট্বা চ সিধ্মলা
( ৩. ৫. ৯৫৯) লাক্ষা লিক্ষা চ গণ্ডূষা গৃধ্রসী চমসী মসী
| ইতি স্ত্রীলিঙ্গ সংগ্রহঃ
( ৩. ৫. ৯৬০) পুংস্ত্বে সভেদাঽনুচরাঃ সপর্যাযাঃ সুরাঽসুরাঃ
( ৩. ৫. ৯৬১) স্বর্গযাগাঽদ্রিমেঘাঽব্ধি দ্রু কালাঽসিশরাঽরযঃ
( ৩. ৫. ৯৬২) করগণ্ডোষ্ঠদোর্দন্তকন্ঠকেশনখস্তনাঃ
( ৩. ৫. ৯৬৩) অহ্নাঽহাঽন্তাঃ ক্ষ্বেডভেদা রাত্রাঽন্তাঃ প্রাগসংখ্যকাঃ
( ৩. ৫. ৯৬৪) শ্রীবেষ্টাদ্যাশ্চ নির্যাসা অসন্নন্তা অবাধিতাঃ
( ৩. ৫. ৯৬৫) কশেরুজতুবস্তূনি হিত্বা তুরুবিরামকাঃ
( ৩. ৫. ৯৬৬) কষণভমরোপান্তা যদ্যদন্তা অমী অথ
( ৩. ৫. ৯৬৭) পথনযসটোপান্তা গোত্রাখ্যাশ্চরণাঽঽহ্বযাঃ
( ৩. ৫. ৯৬৮) নাম্ন্যকর্তরি ভাবে চ ঘঞ্ জব্ নঙ্ ণ ঘাঽথুচঃ
( ৩. ৫. ৯৬৯) ল্যুঃ কর্তরীমনিচ্ ভাবে কো ঘোঃ কিঃ প্রাঽঽদিতোন্যতঃ
( ৩. ৫. ৯৭০) দ্বন্দ্বেঽশ্ববডবাবশ্ববডবা ন সমাহৃতে
( ৩. ৫. ৯৭১) কান্তঃ সূর্যেন্দুপর্যাযপূর্বোঽযঃ পূর্বকো.পি চ
( ৩. ৫. ৯৭২) বটকশ্চাঽনুবাকশ্চ রল্লকশ্চ কুডঙ্গকঃ
( ৩. ৫. ৯৭৩) পুঙ্খো ন্যূঙ্খঃ সমুদ্রশ্চ বিটপট্টধটাঃ খটাঃ
( ৩. ৫. ৯৭৪) কোট্টারঘট্টহট্টাশ্চ পিণ্ডগোণ্ডপিচণ্ডবত্
( ৩. ৫. ৯৭৫) গডুঃ করণ্ডো লগুডো করণ্ডশ্চ কিণো ঘুণঃ
( ৩. ৫. ৯৭৬) দৃতিসীমন্তহরিতো রোমন্থোদ্গীথবুদ্বুদাঃ
( ৩. ৫. ৯৭৭) কাসমর্দোঽর্বুদঃ কুন্দঃ ফেনস্তূপৌ সযূপকৌ
( ৩. ৫. ৯৭৮) আতপঃ ক্ষত্রিযে নাভিঃ কুণপক্ষুরকেদরাঃ
( ৩. ৫. ৯৭৯) পূরক্ষুরপ্রচুক্রাশ্চ গোলহিঙ্গুলপুদ্গলাঃ
( ৩. ৫. ৯৮০) বেতালভল্লমল্লাশ্চ পুরাডাশোঽপি পট্টিশঃ
( ৩. ৫. ৯৮১) কুল্মাষো রভসশ্চৈব সকটাহঃ পতদ্রহঃ
| ইতি পুংলিঙ্গশেষসংগ্রহঃ
( ৩. ৫. ৯৮২) দ্বিহীনেঽন্যচ্চ খাঽরণ্যপর্ণশ্বভ্রহিমোদকম্
( ৩. ৫. ৯৮৩) শীতোষ্ণমাংসরুধিরমুখাঽক্ষিদ্রবিণং বলম্
( ৩. ৫. ৯৮৪) ফলহেমশুল্বলোহসুখদুহ্খশুভাঽশুভম্
( ৩. ৫. ৯৮৫) জলপুষ্পাণি লবণং ব্যঞ্জনান্যনুলেপনম্
( ৩. ৫. ৯৮৬) কোট্যাঃ শতাঽঽদিসংখ্যাঽন্যা বা লক্ষা নিযুতং চ তত্
( ৩. ৫. ৯৮৭) দ্বযষ্কমসিসুসন্নন্তং যদনাঽন্তমকর্তরি
( ৩. ৫. ৯৮৮) ত্রান্তং সলোপধং শিষ্টং রাত্রং প্রাক্সংখ্যযাঽন্বিতম্
( ৩. ৫. ৯৮৯) পাত্রাঽঽদ্যদন্তৈরেকাঽর্থো দ্বিগুর্লক্ষ্যাঽনুসারতঃ
( ৩. ৫. ৯৯০) দ্বন্দ্বৈক্ত্বাঽঽব্যযীভাবৌ পথঃ সংখ্যাঽব্যযাত্পরঃ
( ৩. ৫. ৯৯১) শড্যাশ্ছাযা বহূনাং চেদ্বিচ্ছাযং সংহতৌ সভা
( ৩. ৫. ৯৯২) শালাঽর্থাঽপি পরা রাজাঽমনুষ্যাঽর্থাদরাজকাত্
( ৩. ৫. ৯৯৩) দাসীসভং নৃপসভং রক্ষস্সভমিমা দিশঃ
( ৩. ৫. ৯৯৪) উপজ্ঞোপক্রমাঽন্তশ্চ তদাঽঽদিত্বপ্রকাশনে
( ৩. ৫. ৯৯৫) কোপজ্ঞকোপক্রমাঽঽদি কন্থোশীনরনামসু
( ৩. ৫. ৯৯৬) ভাবে ন ণকচিদ্ভ্যোঽন্যে সমূহে ভাবকর্মণোঃ
( ৩. ৫. ৯৯৭) অদন্তপ্রত্যযাঃ পুণ্যসুদিনাভ্যাং ত্বহঃ পরঃ
( ৩. ৫. ৯৯৮) ক্রিযাঽব্যযানাং ভেদকান্যেকত্বেঽপ্যুক্থতোটকে
( ৩. ৫. ৯৯৯) চোচং পিচ্ছং গৃহস্থূণং তিরীটং মর্ম যোজনম্
( ৩. ৫. ১০০০) রাজসূযং বাজপেযং গদ্যপদ্যে কৃতৌ কবেঃ
( ৩. ৫. ১০০১) মাণিক্যভাষ্যসিন্দূরচীরচীবরপিঞ্জরম্
( ৩. ৫. ১০০২) লোকাযতং হরিতালং বিদলস্থালবাহ্লিকম্
| ইতি নপুংসকশেষসংগ্রহঃ
( ৩. ৫. ১০০৩) পুন্নপুংসকযোঃ শেষোঽর্ধর্চপিণ্যাককণ্টকাঃ
( ৩. ৫. ১০০৪) মোদকস্তণ্ডকষ্টঙ্কঃ শাটকঃ কর্পটোঽর্বুদঃ
( ৩. ৫. ১০০৫) পাতকোদ্যোগচরকতমালামলকা নডঃ
( ৩. ৫. ১০০৬) কুষ্ঠং মুণ্ডং শীধু বুস্তং ক্ষ্বেডিতং ক্ষেমকুট্টিমম্
( ৩. ৫. ১০০৭) সংগমং শতমানাঽর্মশম্বলাঽব্যযতাণ্ডবম্
( ৩. ৫. ১০০৮) কবিযং কন্দকার্পাসং পারাবারং যুগন্ধরম্
( ৩. ৫. ১০০৯) যূপং প্রগ্রীবপাত্রীবে যূষং চমসচিক্কসৌ
( ৩. ৫. ১০১০) অর্ধর্চাঽঽদৌ ঘৃতাঽঽদীনাং পুংস্ত্বাঽঽদ্যং বৈদিকং ধ্রুবম্
( ৩. ৫. ১০১১) তন্ নোক্তমিহ লোকেঽপি তচ্ চেদস্ত্যস্তু শেষবত্
| ইতি পুন্নপুংসকশেষসংগ্রহঃ
( ৩. ৫. ১০১২) স্ত্রীপুংসযোরপত্যাঽন্তা দ্বিচতুষ্ষট্পদোরগাঃ
( ৩. ৫. ১০১৩) জাতিভেদাঃ পুমাখ্যাশ্চ স্ত্রীযোগৈঃ সহ মল্লকঃ
( ৩. ৫. ১০১৪) ঊর্মির্বরাটকঃ স্বাতির্বর্ণকো ঝাটলির্মনুঃ
( ৩. ৫. ১০১৫) মূষা সৃপাটী কর্কন্ধূর্যষ্টিঃ শাটী কটী কুটী
| ইতি স্ত্রীপুংসশেষসংগ্রহঃ
( ৩. ৫. ১০১৬) স্ত্রীনপুংসকযোর্ভাবক্রিযযোঃ ব্যঞ্ ক্বচিচ্চ বুঞ্
( ৩. ৫. ১০১৭) ঔচিত্যমৌচিতী মৈত্রী মৈত্র্যং বুঞ্ প্রাগুদাহৃতঃ
( ৩. ৫. ১০১৮) ষষ্ঠ্যন্তপ্রাক্পদাঃ সেনাছাযাশালাসুরানিশাঃ
( ৩. ৫. ১০১৯) স্যাদ্বা নৃসেনং শ্বনিশং গোশালমিতরে চ দিক্
( ৩. ৫. ১০২০) আবন্নন্তোত্তরপদো দ্বিগুশ্চাঽপুংসি নশ্চ লুপ্
( ৩. ৫. ১০২১) ত্রিখট্বং চ ত্রিখট্বী চ ত্রিতক্ষং চ ত্রিতক্ষ্যপি
| ইতি স্ত্রীনপুংসকশেষসংগ্রহঃ
( ৩. ৫. ১০২২) ত্রিষু পাত্রী পুটী বাটী পেটী কুবলদাডিমৌ
( ৩. ৫. ১০২৩) ইতি ত্রিলিঙ্গশেষসংগ্রহঃ
( ৩. ৫. ১০২৪) পরং লিঙ্গং স্বপ্রধানে দ্বন্দ্বে তত্পুরুষেঽপি তত্
( ৩. ৫. ১০২৫) অর্থাঽন্তাঃ প্রাদ্যলম্প্রাপ্তাঽঽপন্নপূর্বাঃ পরোপগাঃ
( ৩. ৫. ১০২৬) তদ্ধিতাঽর্থো দ্বিগুঃ সংখ্যাসর্বনামতদন্তকাঃ
( ৩. ৫. ১০২৭) বহুর্ব্রীহিরদিঙ্নাম্নামুন্নেযং তদুদাহৃতম্
( ৩. ৫. ১০২৮) গুণদ্রব্যক্রিযাযোগোপাধযঃ পরগামিনঃ
( ৩. ৫. ১০২৯) কৃতহ্কর্তর্যসংজ্ঞাযাং কৃত্যাঃ কর্তরি কর্মণি
( ৩. ৫. ১০৩০) অণাদ্যন্তাস্তেন রক্তাদ্যর্থে নানাঽর্থভেদকাঃ
( ৩. ৫. ১০৩১) ষট্সংজ্ঞকাস্ত্রিষু সমা যুষ্মদস্মত্তিঙ্ব্যযম্
( ৩. ৫. ১০৩২) পরং বিরোধে শেষং তু জ্ঞেযং শিষ্টপ্রযোগতঃ
ইতি লিঙ্গাঽদিসংগ্রহবর্গঃ: ৫, অত্র মূলশ্লোকাঃ ৪৬

ইত্যমরসিংহকৃতৌ নামলিঙ্গাঽনুশাসনে
সামান্যকাণ্ডস্তৃতীযঃ সাঽঙ্গ এব সমর্থিতঃ
ইতি তৃতীযঃ সামান্যকাণ্ডঃ সমাপ্তঃ
ইত্যমরসিংহকৃতং নামলিঙ্গাঽনুশাসনম্
কাণ্ডত্রযাঽঽত্মকং সাঙ্গোপাঙ্গং সংপূর্ণতামগাত্ |

অত্র মূলশ্লোকাঃ: ৪৮০, ক্ষে. শ্লোকাঃ:২৫ সর্বে চ মিলিত্বা:৫১৩
অমরকোশস্থশ্লোকানাং কোষ্টকম্
প্র. কাণ্ডে মূ. শ্লো. ২৮১, ক্ষে. শ্লো. ১৮, সর্বে চ মিলিত্বা ২৯৯
দ্বি. কাণ্ডে মূ. শ্লো. ৭৩৫, ক্ষে. শ্লো. ১৪, সর্বে চ মিলিত্বা ৭৫০
ত্রি. কাণ্ডে মূ. শ্লো. ৪৮০, ক্ষে. শ্লো. ২৫, সর্বে চ মিলিত্বা ৫১৩
এবং সর্বেষাং কাণ্ডানাং যোগঃ মূ. শ্লো. ১৪৯৭, ক্ষে. শ্লো. ৫৮, সর্বে চ
মিলিত্বা ১৫৬৩