তত্ত্ববোধ

||তত্ত্ব বোধ ||

INVOCATION
বাসুদেবেন্দ্রযোগীন্দ্রং নত্বা জ্ঞানপ্রদং গুরুম্ |
মুমুক্ষূণাং হিতার্থায তত্ত্ববোধোভিধীযতে ||
সাধনচতুষ্টযসম্পন্নাধিকারিণাং মোক্ষসাধনভূতং
তত্ত্ববিবেকপ্রকারং বক্ষ্যামঃ |

১ SADHANA CHATUSHTAYA (The four-fold qualifications)
সাধনচতুষ্টয কিম্ ?
নিত্যানিত্যবস্তুবিবেকঃ |
ইহামুত্রার্থফলভোগবিরাগঃ |
শমাদিষট্কসম্পত্তিঃ |
মুমুক্ষুত্বং চেতি |

১. ১ VIVEKA (Discrimination)
নিত্যানিত্যবস্তুবিবেকঃ কঃ ?
নিত্যবস্ত্বেকং ব্রহ্ম তদ্ব্যতিরিক্তং সর্বমনিত্যম্ |
অযমেব নিত্যানিত্যবস্তুবিবেকঃ |

১. ২ VAIRAGYA (Dispassion)
বিরাগঃ কঃ ?
ইহস্বর্গভোগেষু ইচ্ছারাহিত্যম্ |

১. ৩ SHATKA SAMPATTI
শমাদিসাধনসম্পত্তিঃ কা ?
শমো দম উপরমস্তিতিক্ষা শ্রদ্ধা সমাধানং চ ইতি |

১. ৩ | ১ SAMA
শমঃ কঃ ?
মনো নিগ্রহঃ |

১. ৩ | ২ DAMA
দমঃ কঃ ?
চক্ষুরাদিবাহ্যেন্দ্রিযনিগ্রহঃ |

১. ৩ | ৩ UPARAMA OR UPARATI
উপরমঃ কঃ ?
স্বধর্মানুষ্ঠানমেব |

১. ৩ | ৪ TITIKSHA
তিতিক্ষা কা ?
শীতোষ্ণসুখদুঃখাদিসহিষ্ণুত্বম্ |

১. ৩ | ৫ SHRADDHA
শ্রদ্ধা কীদৃশী ?
গুরুবেদান্তবাক্যাদিষু বিশ্বাসঃ শ্রদ্ধা |

১. ৩ | ৬ SAMADHANA
সমাধানং কিম্ ?
চিত্তৈকাগ্রতা |

১. ৪ MUMUKSHUTVAM
মুমুক্ষুত্বং কিম্ ?
মোক্ষো ভূযাদ্ ইতি ইচ্ছা |
এতত্ সাধনচতুষ্টযম্ |
ততস্তত্ত্ববিবেকস্যাধিকারিণো ভবন্তি |

২ TATTVA VIVEKA (Enquiry into Truth)
তত্ত্ববিবেকঃ কঃ ?
আত্মা সত্যং তদন্যত্ সর্বং মিথ্যেতি |
আত্মা কঃ ?
স্থূলসূক্ষ্মকারণশরীরাদ্ব্যতিরিক্তঃ পঞ্চকোশাতীতঃ সন্
অবস্থাত্রযসাক্ষী সচ্চিদানন্দস্বরূপঃ সন্
যস্তিষ্ঠতি স আত্মা |

২. ১ THE FIVE SHEATHS (Pancha Kosa)
২. ২ SHARIRA TRAYA (The Three Bodies)
২. ৩ AVASTHA TRAYA (The Three States)
২. ৪ SATCHIDANANDA SVARUPA (Existence-Knowledge-Bliss)

৩ STHULA-SUKSHMA-KARANA SHARIRAS (Sharira-Traya)
৩. ১ STHULA SHARIRA
স্থূলশরীরং কিম্ ?
পঞ্চীকৃতপঞ্চমহাভূতৈঃ কৃতং সত্কর্মজন্যং
সুখদুঃখাদিভোগাযতমং শরীরম্
অস্তি জাযতে বর্ধতে বিপরিণমতে অপক্ষীযতে বিনশ্যতীতি
ষড্বিকারবদেতত্স্থূলশরীরম্ |
৩. ২ SUKSHMA SHARIRA
সূক্ষ্মশরীরং কিম্ ?
অপঞ্চীকৃতপঞ্চমহাভূতৈঃ কৃতং সত্কর্মজন্যং
সুখদুঃখাদিভোগসাধনং পঞ্চজ্ঞানেন্দ্রিযাণি
পঞ্চকর্মেন্দ্রিযাণি পঞ্চপ্রাণাদযঃ মনশ্চৈকং বুদ্ধিশ্চৈকা
এবং সপ্তদশাকলাভিঃ সহ যত্তিষ্ঠতি তত্সূক্ষ্মশরীরম্ |
৩. ২ | ১ JNANA INDRIYAS (Organs of Perception)
শ্রোত্রং ত্বক্ চক্ষুঃ রসনা ঘ্রাণম্ ইতি পঞ্চ জ্ঞানেন্দ্রিযাণি |
শ্রোত্রস্য দিগ্দেবতা |
ত্বচো বাযুঃ |
চক্ষুষঃ সূর্যঃ |
রসনাযা বরুণঃ |
ঘ্রাণস্য অশ্বিনৌ |
ইতি জ্ঞানেন্দ্রিযদেবতাঃ |
শ্রোত্রস্য বিষযঃ শব্দগ্রহণম্ |
ত্বচো বিষযঃ স্পর্শগ্রহণম্ |
চক্ষুষো বিষযঃ রূপগ্রহণম্ |
রসনাযা বিষযঃ রসগ্রহণম্ |
ঘ্রাণস্য বিষযঃ গন্ধগ্রহণম্ ইতি |
৩. ২ | ২ KARMA INDRIYAS (Organs of Action)
বাক্পাণিপাদপাযূপস্থানীতি পঞ্চকর্মেন্দ্রিযাণি |
বাচো দেবতা বহ্নিঃ |
হস্তযোরিন্দ্রঃ |
পাদযোর্বিষ্ণুঃ |
পাযোর্মৃত্যুঃ |
উপস্থস্য প্রজাপতিঃ |
ইতি কর্মেন্দ্রিযদেবতাঃ |
বাচো বিষযঃ ভাষণম্ |
পাণ্যোর্বিষযঃ বস্তুগ্রহণম্ |
পাদযোর্বিষযঃ গমনম্ |
পাযোর্বিষযঃ মলত্যাগঃ |
উপস্থস্য বিষযঃ আনন্দ ইতি |
৩. ৩ KARANA SHARIRA
কারণশরীরং কিম্ ?
অনির্বাচ্যানাদ্যবিদ্যারূপং শরীরদ্বযস্য কারণমাত্রং
সত্স্বরূপাঽজ্ঞানং নির্বিকল্পকরূপং যদস্তি তত্কারণশরীরম্ |

৪ AVASTHA TRAYA (The Three States)
অবস্থাত্রযং কিম্ ?
জাগ্রত্স্বপ্নসুষুপ্ত্যবস্থাঃ |
৪. ১ JAGRAT AVASTHAA (Waking State)
জাগ্রদবস্থা কা ?
শ্রোত্রাদিজ্ঞানেন্দ্রিযৈঃ শব্দাদিবিষযৈশ্চ জ্ঞাযতে ইতি
যত্ সা জাগ্রদাবস্থা |
স্থূল শরীরাভিমানী আত্মা বিশ্ব ইত্যুচ্যতে |
৪. ২ SVAPNA AVASTHA (Dream State)
স্বপ্নাবস্থা কেতি চেত্ জাগ্রদবস্থাযাং যদ্দৃষ্টং যদ্
শ্রুতম্ তজ্জনিতবাসনযা নিদ্রাসমযে যঃ প্রপঞ্চঃ প্রতীযতে
সা স্বপ্নাবস্থা | সূক্ষ্মশরীরাভিমানী আত্মা তৈজস ইত্যুচ্যতে |
৪. ৩ SUSHUPTI AVASTHA (Deep-sleep State)
অতঃ সুষুপ্তবস্থা কা ?
অহং কিমপি ন জানামি সুখেন মযা নিদ্রাঽনুভূযত
ইতি সুষুপ্ত্যবস্থা |
কারণশরীরাভিমানী আত্মা প্রাজ্ঞ ইত্যুচ্যতে |

৫ PANCHA KOSHAS
পঞ্চ কোশাঃ কে ?
অন্নমযঃ প্রাণমযঃ মনোমযঃ বিজ্ঞানমযঃ আনন্দমযশ্চেতি |
৫. ১ ANNAMAYA KOSHA (Food Sheath)
অন্নমযঃ কঃ ?
অন্নরসেনৈব ভূত্বা অন্নরসেনৈব বৃদ্ধিং প্রাপ্য অন্নরূপপৃথিব্যাং
যদ্বিলীযতে তদন্নমযঃ কোশঃ স্থূলশরীরম্ |
৫. ২ PRANAMAYA KOSHA (Vital Air Sheath)
প্রাণমযঃ কঃ ?
প্রাণাদ্যাঃ পঞ্চবাযবঃ বাগাদীন্দ্রিযপ~চকং প্রাণমযঃ কোশঃ |
৫. ৩ MANOMAYA KOSHA (Mental Sheath)
মনোমযঃ কোশঃ কঃ ?
মনশ্চ জ্ঞানেন্দ্রিযপঞ্চকং মিলিত্বা যো ভবতি স মনোমযঃ কোশঃ |
৫. ৪ VIJNANAMAYA KOSHA (Intellectual Sheath)
বিজ্ঞানমযঃ কঃ ?
বুদ্ধিজ্ঞানেন্দ্রিযপঞ্চকং মিলিত্বা যো ভবতি স বিজ্ঞানমযঃ কোশঃ |
৫. ৫ ANANDAMAYA KOSHA (Bliss Sheath)
আনন্দমযঃ কঃ ?
এবমেব কারণশরীরভূতাবিদ্যাস্থমলিনসত্ত্বং
প্রিযাদিবৃত্তিসহিতং সত্ আনন্দমযঃ কোশঃ |
এতত্কোশপঞ্চকম্ |
৫. ৬ PANCHAKOSHATITA
মদীযং শরীরং মদীযাঃ প্রাণাঃ মদীযং মনশ্চ
মদীযা বুদ্ধির্মদীযং জ্ঞানমিতি স্বেনৈব জ্ঞাযতে
তদ্যথা মদীযত্বেন জ্ঞাতং কটককুণ্ডল গৃহাদিকং
স্বস্মাদ্রিন্নংতথা পঞ্চকোশাদিকং স্বস্মাদ্রিন্নং
মদীযত্বেন জ্ঞাতমাত্মা ন ভবতি ||

৬ ATMAN
আত্মা তর্হি কঃ ?
সচ্চিদানন্দস্বরূপঃ |
সত্কিম্ ?
কালত্রযেঽপি তিষ্ঠতীতি সত্ |
চিত্কিম্ ?
জ্ঞানস্বরূপঃ |
আনন্দঃ কঃ ?
সুখস্বরূপঃ |
এবং সচ্চিদানন্দস্বরূপং স্বাত্মানং বিজানীযাত্ |

৭ JAGAT (The Universe)
অথ চতুর্বিংশতিতত্ত্বোত্পত্তিপ্রকারং বক্ষ্যামঃ |
ব্রহ্মাশ্রযা সত্ত্বরজস্তমোগুণাত্মিকা মাযা অস্তি |
৭. ১ BRAHMAN
৭. ২ MAYA
৭. ৩ CREATION
৭. ৩ | ১ EVOLUTION OF THE FIVE ELEMENTS
ততঃ আকাশঃ সম্ভূতঃ |
আকাশাদ্ বাযুঃ |
বাযোস্তেজঃ |
তেজস আপঃ |
অভ্ধযঃ পৃথিবী |
৭. ৩ | ২ EVOLUTION OF THE SATTVA ASPECT
৭. ৩ | ২. ১ ORGANS OF PERCEPTION
এতেষাং পঞ্চতত্ত্বানাং মধ্যে
আকাশস্য সাত্বিকাংশাত্ শ্রোত্রেন্দ্রিযং সম্ভূতম্ |
বাযোঃ সাত্বিকাংশাত্ ত্বগিন্দ্রিযং সম্ভূতম্ |
অগ্নেঃ সাত্বিকাংশাত্ চক্ষুরিন্দ্রিযং সম্ভূতম্ |
জলস্য সাত্বিকাংশাত্ রসনেন্দ্রিযং সম্ভূতম্ |
পৃথিব্যাঃ সাত্বিকাংশাত্ ঘ্রাণেন্দ্রিযং সম্ভূতম্ |
৭. ৩ | ২. ২ ANTAHKARANA (Mind)
এতেষাং পঞ্চতত্ত্বানাং সমষ্টিসাত্বিকাংশাত্
মনোবুদ্ধ্যহঙ্কার চিত্তান্তঃকরণানি সম্ভূতানি |
সঙ্কল্পবিকল্পাত্মকং মনঃ |
নিশ্চযাত্মিকা বুদ্ধিঃ |
অহংকর্তা অহংকারঃ |
চিন্তনকর্তৃ চিত্তম্ |
মনসো দেবতা চন্দ্রমাঃ |
বুদ্ধে ব্রহ্মা |
অহংকারস্য রুদ্রঃ |
চিত্তস্য বাসুদেবঃ |
৭. ৩ | ৩ EVOLUTION OF THE RAJAS ASPECT
এতেষাং পঞ্চতত্ত্বানাং মধ্যে
আকাশস্য রাজসাংশাত্ বাগিন্দ্রিযং সম্ভূতম্ |
বাযোঃ রাজসাংশাত্ পাণীন্দ্রিযং সম্ভূতম্ |
বন্হেঃ রাজসাংশাত্ পাদেন্দ্রিযং সম্ভূতম্ |
জলস্য রাজসাংশাত্ উপস্থেন্দ্রিযং সম্ভূতম্ |
পৃথিব্যা রাজসাংশাত্ গুদেন্দ্রিযং সম্ভূতম্ |
এতেষাং সমষ্টিরাজসাংশাত্ পঞ্চপ্রাণাঃ সম্ভূতাঃ |
৭. ৩ | ৪ EVOLUTION OF THE TAMASIC ASPECT
এতেষাং পঞ্চতত্ত্বানাং তামসাংশাত্
পঞ্চীকৃতপঞ্চতত্ত্বানি ভবন্তি |
পঞ্চীকরণং কথম্ ইতি চেত্ |
এতেষাং পঞ্চমহাভূতানাং তামসাংশস্বরূপম্
একমেকং ভূতং দ্বিধা বিভজ্য একমেকমর্ধং পৃথক্
তূষ্ণীং ব্যবস্থাপ্য অপরমপরমর্ধং চতুর্ধাং বিভজ্য
স্বার্ধমন্যেষু অর্ধেষু স্বভাগচতুষ্টযসংযোজনং কার্যম্ |
তদা পঞ্চীকরণং ভবতি |
এতেভ্যঃ পঞ্চীকৃতপঞ্চমহাভূতেভ্যঃ স্থূলশরীরং ভবতি |
এবং পিণ্ডব্রহ্মাণ্ডযোরৈক্যং সম্ভূতম্ |

৮ ISHVARA AND THE ADHISHTHANA DEVATAS

৯ JIVA AND ISHVARA
স্থূলশরীরাভিমানি জীবনামকং ব্রহ্মপ্রতিবিম্বং ভবতি |
স এব জীবঃ প্রকৃত্যা স্বস্মাত্ ঈশ্বরং ভিন্নত্বেন জানাতি |
অবিদ্যোপাধিঃ সন্ আত্মা জীব ইত্যুচ্যতে |
মাযোপাধিঃ সন্ ঈশ্বর ইত্যুচ্যতে |
এবং উপাধিভেদাত্ জীবেশ্বরভেদদৃষ্টিঃ যাবত্পর্যন্তং তিষ্ঠতি
তাবত্পর্যন্তং জন্মমরণাদিরূপসংসারো ন নিবর্ততে |
তস্মাত্কারণান্ন জীবেশ্বরযোর্ভেদবিদ্ধিঃ স্বীকার্যা |

১০ TAT TWAMASI (That Thou Art)
ননু সাহংকারস্য কিংচিজ্জ্ঞস্য জীবস্য নিরহংকারস্য সর্বজ্ঞস্য
ঈশ্বরস্য তত্ত্বমসীতি মহাবাক্যাত্ কথমভেদবুদ্ধিঃ স্যাদুভযোঃ
বিরুদ্ধধর্মাক্রান্তত্বাত্ |
ইতি চেন্ন | স্থূলসূক্ষ্মশরীরাভিমানী ত্বংপদবাচ্যার্থঃ |
উপাধিবিনির্মুক্তং সমাধিদশাসংপন্নং শুদ্ধং
চৈতন্যং ত্বংপদলক্ষ্যার্থঃ |
এবং সর্বজ্ঞত্বাদিবিশিষ্ট ঈশ্বরঃ তত্পদবাচ্যার্থঃ |
উপাধিশূন্যং শুদ্ধচৈতন্যং তত্পদলক্ষ্যার্থঃ |
এবং চ জীবেশ্বরযো চৈতন্যরূপেণাঽভেদে বাধকাভাবঃ |

১১ JIVANMUKTA
এবং চ বেদান্তবাক্যৈঃ সদ্গুরূপদেশেন চ সর্বেষ্বপি ভূতেষু যেষাং
ব্রহ্মবুদ্ধিরুত্পন্না তে জীবন্মুক্তাঃ ইত্যর্থঃ |
ননু জীবন্মুক্তঃ কঃ ?
যথা দেহোঽহং পুরুষোঽহং ব্রাহ্মণোঽহং শূদ্রোঽহমস্মীতি
দৃঢনিশ্চযস্তথা নাহং ব্রাহ্মণঃ ন শূদ্রঃ ন পুরুষঃ
কিন্তু অসংগঃ সচ্চিদানন্দ স্বরূপঃ প্রকাশরূপঃ সর্বান্তর্যামী
চিদাকাশরূপোঽস্মীতি দৃঢনিশ্চয
রূপোঽপরোক্ষজ্ঞানবান্ জীবন্মুক্তঃ ||
১১. ১ ASANGA (Unattached)
১১. ২ SATCHIDANANDA (Existence-Knowledge-Bliss)
১১. ৩ SARVANTARYAMI (The Indweller of All)
১১. ৪ CHIDAKASARUPA (Formless Consciousness)
১১. ৫ APAROKSHA JNANA
১১. ৬ FREEDOM FROM BONDAGE
ব্রহ্মৈবাহমস্মীত্যপরোক্ষজ্ঞানেন নিখিলকর্মবন্ধবিনির্মুক্তঃ স্যাত্ |
কর্মাণি কতিবিধানি সন্তীতি চেত্ আগামিসঞ্চিতপ্রারব্ধভেদেন
ত্রিবিধানি সন্তি |
জ্ঞানোত্পত্ত্যনন্তরং জ্ঞানিদেহকৃতং পুণ্যপাপরূপং কর্ম
যদস্তি তদাগামীত্যভিধীযতে |
সঞ্চিতং কর্ম কিম্ ?
অনন্তকোটিজন্মনাং বীজভূতং সত্ যত্কর্মজাতং পূর্বার্জিতং
তিষ্ঠতি তত্ সঞ্চিতং জ্ঞেযম্ |
প্রারব্ধং কর্ম কিমিতি চেত্ |
ইদং শরীরমুত্পাদ্য ইহ লোকে এবং সুখদুঃখাদিপ্রদং
যত্কর্ম তত্প্রারব্ধং ভোগেন নষ্টং ভবতি
প্রারব্ধকর্মণাং ভোগাদেব ক্ষয ইতি |

১২ KARMA

১৩ FREEDOM FROM BONDAGE
সঞ্চিতং কর্ম ব্রহ্মৈবাহমিতি নিশ্চযাত্মকজ্ঞানেন নশ্যতি |
আগামি কর্ম অপি জ্ঞানেন নশ্যতি কিংচ আগামি কর্মণাং
নলিনীদলগতজলবত্ জ্ঞানিনাং সম্বন্ধো নাস্তি |
কিংচ যে জ্ঞানিনং স্তুবন্তি ভজন্তি অর্চযন্তি তান্প্রতি
জ্ঞানিকৃতং আগামি পুণ্যং গচ্ছতি |
যে জ্ঞানিনং নিন্দন্তি দ্বিষন্তি দুঃখপ্রদানং কুর্বন্তি তান্প্রতি
জ্ঞানিকৃতং সর্বমাগামি ক্রিযমাণং যদবাচ্যং কর্ম
পাপাত্মকং তদ্গচ্ছতি |
তথা চাত্মবিত্সংসারং তীর্ত্বা ব্রহ্মানন্দমিহৈব প্রাপ্নোতি |
তরতি শোকমাত্মবিত্ ইতি শ্রুতেঃ |
তনুং ত্যজতু বা কাশ্যাং শ্বপচস্য গৃহেঽথ বা |
জ্ঞানসংপ্রাপ্তিসমযে মুক্তাঽসৌ বিগতাশযঃ | ইতি স্মৃতেশ্চ |

ইতি তত্ত্ববোধপ্রকরণং সমাপ্তম্ |