বৃহজ্জাতকম্ – ২৮

অষ্টাবিংশোঽধ্যাযঃ

উপসংহার

রাশি প্রভেদো গ্রহযোনি ভেদো বিযোনি জন্মাথ নিষেক কালঃ |
জন্মাথ সদ্যো মরণং তথাযুর্দশা বিপাকোঽষ্টক বর্গ সংজ্ঞঃ || ১||
কর্মাজীবো রাজযোগাঃ খযোগাশ্চান্দ্রা যোগাদ্ বিগ্রহাদ্যাশ্চ যোগাঃ |
প্রব্রজাথো রাশি শীলানি দৃষ্টির্ভাবস্তস্মাদ্ আশ্রযোঽথ প্রকীর্ণঃ || ২||
নেষ্টা যোগা জাতকং কামিনীনাং নির্যাণং স্যান্ নেষ্ট জন্মদৃকাণঃ |
অধ্যাযানাং বিংশতিঃ পঞ্চ যুক্তা জন্মন্যেতদ্ যাত্রিকং চাভিধাস্যে || ৩||
প্রশ্নাস্তিথির্ভং দিবসঃ ক্ষণশ্চ চন্দ্রো বিলগ্নং ত্বথ লগ্ন ভেদঃ |
শুদ্ধির্গ্রহাণাম্ অথ চাপ বাদো বিমিশ্রকাখ্যং তনু বেপনং চ || ৪||
অতঃ পরং গুহ্যক পূজনং স্যাত্ স্বপ্নং ততঃ স্নান বিধিঃ প্রদিষ্টঃ |
যজ্ঞো গ্রহাণাম্ অথ নির্গমশ্চ ক্রমাচ্চ দিষ্টঃ শকুনোপদেশঃ || ৫||
বিবাহ কালঃ করণং গ্রহাণাং প্রোক্তং পৃথক্ তদ্বিপুলাথ শাখা |
স্কন্ধৈস্ত্রিভির্জ্যোতিষ সংগ্রহোঽযং মযা কৃতো দৈব বিদাং হিতায || ৬||
পৃথু বিরচিতম্ অন্যৈঃ শাস্ত্রম্ এতত্ সমস্তং তদনু লঘু মযেদং তত্ প্রদেশার্থম্ এব |
কৃতম্ ইহ হি সমর্থং ধী বিষাণামত্বে মমযদি হযদ্ উক্তং সজ্ জনৈঃ ক্ষম্যতাং তত্ || ৭||
গ্রন্থস্যযা প্রচরতোঽস্য বিনাশম্ এতি কেখ্ব্যাত্ বহু শ্রিত মুখাধিগম ক্রমেণ |
যদ্ বা মযা কুকৃতম্ অল্পম্ ইহাকৃতং বা কার্যং তদত্র বিদুষা পরিহৃত্যরাগম্ || ৮||
আদিত্যদাস তনযস্তদবাপ্ত বোধঃ কাপিত্থকে সবিতৃ লব্ধ বর প্রসাদঃ |
আবন্তিকো মুনি মতান্যবলোক্য সম্যগ্ ঘোরাং বরাহমিহিরো রুচিরাং চকার || ৯||
দিন কর মুনি গুরু চরণ প্রণিপাত কৃত প্রসাদ মতিনেদম্ |
শাস্ত্রম্ উপসংগৃহীতং নমোঽস্তু পূর্ব প্রনেতৃভ্যঃ || ১০||