বৃহজ্জাতকম্ – ২৬

ষড্বিংশোঽধ্যাযঃ

নষ্টজাতক

আধান জন্মাপরিবোধ কালে সম্পৃচ্ছতো জন্ম বদেদ্ বিলগ্নাত্ |
পূর্বাপরার্ধে ভবনস্য বিন্দ্যাদ্ ভানাবুদগ্ দক্ষিণগে প্রসূতিম্ || ১||
লগ্ন ত্রিকোণেষু গুরুস্ত্রি ভাগৈর্বিকল্প্য বর্ষাণি বযোঽনুমানাত্ |
গ্রীষ্মোঽর্ক লগ্নে কথিতাস্তু শেষৈরন্যাযনর্তাবৃতুরর্ক চারাত্ || ২||
চন্র জ্ঞ জীবাঃ পরিবর্তনীযাঃ শুক্রার মন্দৈরযনে বিলোমে |
দ্রেষ্কাণ ভাগে প্রথমে তু পূর্বো মাসোঽনুপাতাচ্চ তিথির্বিকল্প্যঃ || ৩||
অত্রাপি হোরা পটবো দ্বিজেন্দ্রাঃ সূর্যাংশ তুল্যাং তিথিম্ উদ্দিশন্তি |
রাত্রি দ্যু সংজ্ঞেষু বিলোম জন্ম ভাগৈশ্চ বেলাঃ ক্রমশো বিকল্প্যাঃ || ৪||
কে চিচ্ছশাঙ্কাধ্যুষিতান্ নবাংশচ্ছুক্লান্ত সংজ্ঞং কথযন্তি মাসম্ |
লগ্ন ত্রিকোণোত্তম বীর্যযুক্তং সম্প্রোচ্যতে অঙ্গাল ভনাদিভির্বা || ৫||
যাবান্ গতঃ শীত করো বিলগ্নাচ্চন্দ্রাদ্ বদেত্ তাবতি জন্মরাশিঃ |
মীনোদযে মীনযুগং প্রদিষ্টং ভক্ষ্যাহৃতাকাররুতৈশ্চ চিন্ত্যম্ || ৬||
হোরা নবাংশ প্রতিমং বিলগ্নং লগ্নাদ্ রবির্যাবতি চ দৃকাণে |
তস্মাদ্ বদেত্ তাবতি বা বিলগ্নং প্রষ্টুঃ প্রসূতাবিতি শাস্ত্রম্ আহ || ৭||
জন্মাদিশেল্ লগ্নগে বীর্যগে বা ছাযাঙ্গুল ঘ্নের্কহতে অবশিষ্টম্ |
আসীন সুপ্তোত্থিত তিষ্ঠতাভং জাযা সুখাজ্ঞোদযগং প্রদিষ্টম্ || ৮||
গো সিংহৌ জিতুমাষ্টমৌ ক্রিয তুলে কন্যা মৃগৌ চ ক্রমাত্ সংবর্গ্যো দশকাষ্ট সপ্ত বিষযৈঃ শেষাঃ স্ব সংখ্যা গুণাঃ |
জীবারাস্ফুজি দৈন্দবাঃ প্রথমবচ্ছেষা গ্রহাঃ সৌম্যবদ্ রাশীনং নিযতো বিধির্গ্রহযুতৈঃ কার্যা চ তদ্বর্গণা || ৯||
সপ্তাহতং ত্রি ঘন ভাজিত শেষম্ ঋক্ষং দত্ত্বাথ বা নব বিশোধ্য ন বাথ বাস্মাত্ |
এবং কলত্র সহজাত্মজ শত্রু ভেভ্যঃ প্রষ্টুর্বদেদ্ উদযরাশি বশেন তেষাম্ || ১০||
বর্ষঋতু মাস তিথযো দ্যু নিশং হ্যূডূনি বেলোদযে ঋক্ষ নব ভাগ বিকল্পনাঃ স্যুঃ |
ভূযো দশাদি গুণিতাঃ স্ব বিকল্প ভক্তা বর্ষাদযো নবকদান বিশোধনাভ্যাম্ || ১১||
বিজ্ঞেযাদশকেষ্বব্দাঋতু মাসাস্তথৈব চ |
অষ্টকেষ্বপি মাসাদ্ অর্ধাস্তিথযশ্চ তথা স্মৃতাঃ || ১২||
দিবারাত্রি প্রসূতিং চ নক্ষত্রানযনং তথা |
সপ্তকষ্বপি বর্গেষু নিত্যম্ এবোপলক্ষযেত্ || ১৩||
বেলাম্ অথ বিলগ্নং চ হোরাম্ অংশকম্ এব চ |
পঞ্চকেষু বিজানীযান্ নষ্ট জাতক সিদ্ধযে || ১৪||
সংস্কার নাম মাত্রাদ্বি গুণা ছাযাঙ্গুলৈঃ সমাযুক্তাঃ |
শেষং ত্রি নবক ভক্তান্ নক্ষত্রং তদ্ধনিষ্টঃআদি || ১৫||
দ্বি ত্রি চতুর্দশদশ তিথি সপ্ত ত্রি গুণা নবাষ্ট চেন্দ্রাদ্যাঃ |
পঞ্চদশঘ্নাস্তদ্দিঙ্ মুখান্বিতা ভধনিষ্ঠাদি || ১৬||
ইতি নষ্ট জাতকম্ ইদং বহু প্রকারং মযা বিনির্দিষ্টম্ |
গ্রাহ্যম্ অতঃ সচ্ছিষ্যৈঃ পরীক্ষ্যযন্তাদ্ যথা ভবতি || ১৭||