বৃহজ্জাতকম্ – ২৫

পংচবিংশোঽধ্যাযঃ

নৈর্যাণিক

মৃত্যুর্মৃত্যু গৃহেক্ষণেন বলিভিস্তদ্ধাতু কোপোদ্ভবস্তত্ সংযুক্ত ভ গাত্রজো বহু ভবো বীর্যান্বিতৈর্ভূরিভিঃ |
অগ্ন্যংব্বাযুধজো জ্বরাময কৃতস্তৃট্ ক্ষুত্ কৃতশ্চাষ্টমে সূর্যাদ্যৈর্নিধনে চরাদিষু পর স্বাধ্ব প্রদেশেষ্বিতি || ১||
শৈলাগ্রাভিহতস্য সূর্য কুজযোর্মৃত্যুঃ খ বন্ধুস্থযোঃ কূপে মন্দ শশাঙ্ক ভূমি তনযৈর্বন্ধ্বস্ত কর্ম স্থিতৈঃ |
কন্যাযাং স্ব জনাদ্ ধিমোষ্ণ করযোঃ পাপ গ্রহৈর্দৃষ্টযোঃ স্যাতাং যদ্যুভযোদযে অর্ক শশিনৌ তোযে তদা মজ্জিতঃ || ২||
মন্দে কর্কটগে জলোদর কৃতো মৃত্যুর্মৃগাঙ্কে মৃগে শস্ত্রাগ্নি প্রভবঃ শশিন্যশুভযোর্মধ্যে কুজ ঋক্ষে স্থিতে |
কন্যাযাং রুধিরোত্থ শোষ জনিতস্তদ্বত্ স্থিতে শীতগৌ সৌরঋক্ষে যদি তদ্বদ্ এব হিমগৌ রজ্জ্বগ্নি পাতৈঃ কৃতঃ || ৩||
বন্ধাদ্ ধী নবমস্তযোরশুভযোঃ সৌম্য গ্রহাদ্ দৃষ্টযোর্দ্রেষ্কাণৈশ্চ স পাশ সর্প নিগডৈশ্ছিদ্র স্থিতৈর্বন্ধতঃ |
কন্যাযাম্ অশুভান্বিতে অস্তমযগে চন্দ্রে সিতে মেষগে সূর্যে লগ্ন গতে চ বিদ্ধি মরণং স্ত্রী হেতুকং মন্দিরে || ৪||
শূলোদ্ভিন্ন তনুঃ সুখে অবনি সুতে সূর্যে অপি বা খে যমে স প্রক্ষীণ হিমাংশুভিশ্চ যুগপত্ পাপৈস্ত্রিকোণাদ্যগৈঃ |
বন্ধুস্থে চরবৌ বিযত্যবনিজে ক্ষীণেন্দু সংবীক্ষিতে কাষ্ঠেনাভিহতঃ প্রযাতি মরণং সূর্যাত্মজেনেক্ষিতে || ৫||
রন্ধ্রাস্পদাঙ্গ হিবুকৈর্লগুডাহতাঙ্গঃ প্রক্ষীণ চন্দ্ররুধিরার্কি দিনেশযুক্তৈঃ |
তৈরেব কর্ম নবমোদয পুত্র সংস্থৈর্ধূমাগ্নি বন্ধন শরীর নিকুট্টনান্তঃ || ৬||
বন্ধ্বস্ত কর্ম সহিতৈঃ কুজ সূর্য মন্দৈর্নির্যাণম্ আযুধ শিখি ক্ষিতি পাল কোপাত্ |
সৌরেন্দু ভূমি তনযৈঃ স্ব সুখাস্পদস্থৈর্জ্ঞেযঃ ক্ষত কৃমি কৃতশ্চ শরীর ঘাতঃ || ৭||
খস্থে অর্কে অবনিজে রসাতল গতে যান প্রপাতদ্ বধো যন্ত্রোত্পীডনজঃ কুজে অস্তমযগে সৌরেন্দুনাভ্যুদ্গমে |
বিণ্ মধ্যে রুধিরার্কি শীত কিরণৈর্জূকাজ সৌরঋক্ষগৈর্যাতে বা গলিতেন্দু সূর্যরুধিরৈর্ব্যোমাস্ত বন্ধ্বাহ্বযান্ || ৮||
বীর্যান্বিত বক্র বীক্ষিতে ক্ষীণেন্দৌ নিধন স্থিতে অর্কজে |
গুহ্যোদ্ভবরোগ পীডযা মৃত্যুঃ স্যাত্ কৃমি শস্ত্রদাহজঃ || ৯||
অস্তে রবৌ সরুধিরে নিধনে অর্ক পুত্রে ক্ষীণে রসাতল গতে হিমগৌ খগান্তঃ |
লগ্নাত্মজাষ্টম তপঃস্বিন ভৌম মন্দ চন্দ্রৈস্তু শৈল শিখরাশনি কুড্য পাতৈঃ || ১০||
দ্বাবিংশঃ কথিতস্তু কারণং দ্রেষ্কাণো নিধনস্য সূরিভিঃ |
তস্যাধিপতির্ভবোঽপি বা নির্যাণং স্ব গুণৈঃ প্রযচ্ছতি || ১১||
হোরা নবাংশকপযুক্ত স মান ভূমৌ যোগেক্ষণাদিভিরতঃ পরিকল্প্যম্ এতত্ |
মোহস্তু মৃত্যু সমযে অনুদিতাংশ তুল্যঃ স্বেশেক্ষিতে দ্বি গুণিতস্ত্রিগুণঃ শুভৈশ্চ || ১২||
দহন জল বিমিশ্রৈর্ভস্ম সংক্লেদ শোষৈর্নিধন ভবন সংস্থৈর্ব্যাল বর্গৈর্বিডন্তঃ |
ইতি শব পরিণামশ্চিন্তনীযো যথোক্তঃ পৃথুবি রচিত শাস্ত্রাদ্ গত্যনূকাদি চিন্ত্যম্ || ১৩||
গুরুরুডু পতি শুক্রৌ সূর্য ভৌমৌ যম জ্ঞৌ বিবুধ পিতৃ তিরশ্চো নারকীযাংশ্চ কুর্যুঃ |
দিন কর শশি বীর্যাধিষ্ঠিতাত্ ত্র্যংশ নাথাত্ প্রবর সম নিকৃষ্টাস্তুঙ্গ হ্রসাদ্ অনূকে || ১৪||
গতিরপি রিপু রন্ধ্র ত্র্যংশপোঽস্তস্থিতো বা গুরুরথরিপু কেন্দ্র চ্ছিদ্রগঃ স্বোচ্চ সংস্থঃ |
উদযতি ভবনে অন্ত্যে সৌম্য ভাগে চ মোক্ষো ভবতি যদি বলেন প্রোজ্ঝিতাস্তত্র শেষাঃ || ১৫||