বৃহজ্জাতকম্ – ২৪

চতুর্বিংশোঽধ্যাযঃ

স্ত্রীজাতক

যদ্ যত্ ফলং নর ভবে ক্ষমম্ অঙ্গনানাং তত্ তদ্বদেত্ পতিষু বা সকলং বিধেযম্ |
তাসাং তু ভর্তৃ মরণং নিধনে বপুস্তু লগ্নেন্দুগং সুভগতাস্তমযে পতিশ্চ || ১||
যুগ্মেষু লগ্ন শশিনোঃ প্রকৃতি স্থিতা স্ত্রী সচ্ছীল ভূষণযুতা শুভদৃষ্টযোশ্চ |
ওজস্থযোশ্চ মনুজাক্঱্তি শীলযুক্তা পাপা চ পাপযুতেক্ষিতযোর্গুণোনা || ২||
কন্যাইবদুষ্টা ব্রজতীহদাস্যং সাধ্বী স মাযা কুচরিত্রযুক্তা |
ভূম্যাত্মজঋক্ষে ক্রমশোঽংশকেষু বক্রার্কি জীবেন্দুজ ভার্গবানম্ || ৩||
দুষ্টা পুনর্ভূঃ স গুণা কলাজ্ঞা খ্যাতা গুণৈশ্চাসুর পূজিতঋক্ষে |
স্যাত্ কাপটী ক্লীব সমা সতী চ বৌধে গুণাঢ্যা প্রবিকীর্ণকামা || ৪||
স্ব চ্ছন্দা পতি ঘাতিনী বহু গুণা শিল্পিন্যসাধ্বীন্দু ভে |
ন্রাচারা কুলটার্ক ভে নৃপ বধূঃ পুংশ্চেষ্টিতাগম্যগা |
জৈবেনৈকগুণাল্পরত্যতিগুণা বিজ্ঞানযুক্তা সতী |
দাসী নীচরতার্কি ভে পতি রতাদুষ্টা প্রজা স্বাংশকৈঃ || ৫||
শশি লগ্ন সমাযুক্তৈঃ ফলং ত্রিংশাংশকৈরিদম্ |
বলাবল বিকল্পেন তযোরুক্তং বিচিন্তযেত্ || ৬||
দৃক্ সংস্থাবসিত সিতৌ পরস্পরাংশে শৌক্রে বা যদি ঘটরাশি সংভবোঽংশঃ |
স্ত্রীভিঃ স্ত্রী মদন বিষানল প্রদীপ্তং সংশান্তিং নযতি নরাকৃতি স্থিতাভিঃ || ৭||
শূন্যে কাপুরুষো বলে অস্ত ভবনে সৌম্য গ্রহাবীক্ষিতে ক্লীবোঽস্তে বুধ মন্দযোশ্চর গৃহে নিত্যং প্রবাসান্বিতঃ |
উত্সৃষ্টারবিণা কুজেন বিধবা বাল্যে অস্তরাশি স্থিতে কন্যাইবাশুভ বীক্ষিতে অর্ক তনযে দ্যূনে জরাং গচ্ছতি || ৮||
আগ্নেযৈর্বিধবাস্তরাশি সহিতৈর্মিশ্রৈঃ পুনর্ভূর্ভবেত্ ক্রূরে হীন বলে অস্তগে স্ব পতিনা সৌম্যেক্ষিতে প্রোজ্ঝিতা |
অন্যোন্যাংশগযোঃ সিতাবনিজযোরন্য প্রসক্তাঙ্গনা দ্যূনে বা যদি শীতরশ্মি সহিতৌ ভর্তুস্তদানুজ্ঞযা || ৯||
সৌরারঋক্ষে লগ্নগে সেন্দু শুক্রে মত্রা সার্দ্ধং বন্ধকী পাপদৃষ্টে |
কৌজে অস্তাংশে সৌরিণা ব্যাধি যোনিশ্চারু শ্রোণী বল্লভা সদ্ গ্রহাংশে || ১০||
বৃদ্ধো মূর্খঃ সূর্যজঋক্ষে অংশকে বা স্ত্রী লোলঃ স্যাত্ ক্রোধনশ্চাবনেযে |
শৌক্রে কান্তোঽতীব সৌভাগ্যযুক্তো বিদ্বান্ ভর্তা নৈপুণ জ্ঞশ্চ বৌধে || ১১||
মদন বশ গতো মৃদুশ্চ চান্দ্রে ত্রি দশ গুরৌ গুণবান্ জিতেন্দ্রিযশ্চ |
অতিমৃদু রতি কর্ম কৃচ্চ সৌর্যে ভবতি গৃহে অস্তময স্থিতে অংশকে বা || ১২||
ঈর্ষ্যান্বিতা সুখ পরা শশি শুক্র লগ্নে জ্ঞেন্দ্বোঃ কলাসু নিপুণা সুখিতা গুণাঢ্যা |
শুক্র জ্ঞযোস্তু রুচিরা সুভগা কলাজ্ঞা ত্রিষ্বপ্যনেক বসু সৌখ্য গুণা শুভেষু || ১৩||
ক্রূরে অষ্টমে বিধবতা নিধনেশ্বরোঽংশে যস্য স্থিতো বযসি তস্য সমে প্রদিষ্টা |
সত্ স্বর্থগেষু মরণং স্বযম্ এব তস্যাঃ কন্যালিগো হরিষু চাল্প সুতত্বম্ ইন্দৌ || ১৪||
সৌরে মধ্য বলে বলেনরহিতৈঃ শীতাংশু শুক্রেন্দুজৈঃ শেষৈর্বীর্য সমন্বিতৈঃ পরুষিণী যদ্যোজরাশ্যুদ্গমঃ |
জীবার স্ফুজি দৈন্দবেষু বলিষু প্রাগ্ লগ্নরাশৌ সমে বিখ্যাতা ভুবি নৈক শাস্ত্র নিপুণা স্ত্রী ব্রহ্ম বাদিন্যপি || ১৫||
পাপে অস্তে নবম গত গ্রহস্য তুল্যাং প্রব্রজ্যাং যুবতিরুপৈত্যসংশযেন |
উদ্বাহে বরণ বিধৌ প্রদান কালে চিন্তাযাম্ অপি সকলং বিধেযম্ এতত্ || ১৬||