বৃহজ্জাতকম্ – ২৩

ত্রযোবিংশোঽধ্যাযঃ

অনিষ্ট

লগ্নাত্ পুত্র কলত্র ভে শুভ পতি প্রাপ্তে অথ বালোকিতে চন্দ্রাদ্ বা যদি সম্পদ্ অস্তি হি তযোর্জ্ঞেযোঽন্যথা সংভবঃ |
পাথোনোদযগে রবৌ রবি সুতো মীন স্থিতো দারহা পুত্র স্থান গতশ্চ পুত্র মরণং পুত্রোঽবনের্যচ্ছতি || ১||
উগ্র গ্রহৈঃ সিত চতুরস্র সংস্থিতৈর্মধ্য স্থিতে ভৃগু তনযে অথ বা উগ্রযোঃ |
সৌম্য গ্রহৈরসহিত সংনিরীক্ষিতে জাযা বধো দহন নিপাত পাশজঃ || ২||
লগ্নাদ্ ব্যযারি গতযোঃ শশি তিগ্মরশ্ম্যোঃ পত্ন্যা সহৈক নযনস্য বদন্তি জন্ম |
দ্যূনস্থযোর্নবম পঞ্চম সংস্থযোর্বা শুক্রার্কযোর্বিকলদারম্ উশন্তি জাতম্ || ৩||
কোণোদযে ভৃগু তনযে অস্ত চক্র সংধৌ বন্ধ্যা পতির্যদি ন সুতঋক্ষম্ ইষ্টযুক্তম্ |
পাপ গ্রহৈর্ব্যয মদ লগ্নরাশি সংস্থৈঃ ক্ষীণে শশিন্যসুত কলত্র জন্মধীস্থে || ৪||
অসিত কুজযোর্বর্গে অস্তস্থে সিতে তদবেক্ষিতে পরযুবতিগস্তৌ চেত্ সেন্দু স্ত্রিযা সহ পুংশ্চলঃ |
ভৃগুজ শশিনোরস্তে অভার্যো নরো বিসুতোঽপি বা পরিণত তনূ নৃ স্ত্র্যোর্দৃষ্টৌ শুভৈঃ প্রমদা পতী || ৫||
বংশ চ্ছেত্তা খ মদ সুখগৈশ্চন্দ্রদৈত্যেজ্য পাপৈঃ শিল্পী ত্র্যংশে শশি সুতযুতে কেন্দ্র সংস্থার্কি দৃষ্টে |
দাস্যাং জাতো দিতি সুত গুরৌ রিঃফগে সৌর ভাগে নীচোঽর্কেন্দ্র্বোর্মদন গতযোর্দৃষ্টযোঃ সূর্যজেন || ৬||
পাপালোকিতযোঃ সিতাবনিজযোরস্তস্থযোর্বাধ্যরুক্ চন্দ্রে কর্কট বৃশ্চিকাংশক গতে পাপৈর্যুতে গুহ্যরুক্ |
শ্বি ত্রী রিঃফধনস্থযোরশুভযোশ্চন্দ্রোদযে অস্তে রবৌ চন্দ্রে খে অবনিজে অস্তগে চ বিকলো যদ্যর্কজো বেশিগঃ || ৭||
অন্তঃ শশিন্যশুভযোর্মৃগগে পতঙ্গে শ্বাস ক্ষয প্লিহক বিদ্রধি গুল্ম ভাজঃ |
শোষী পরস্পর গৃহাংশ গযোর্রবীন্দ্বোঃ ক্ষেত্রে অথ বা যুগপদ্ একগযোঃ কৃশো বা || ৮||
চেন্দ্রে অশ্বি মধ্য ঝষ কর্কি মৃগাজ ভাগে কুষ্ঠী স মন্দরুধিরে তদবেক্ষিতে বা |
যাতৈস্ত্রিকোণম্ অলি কর্কি বৃষৈর্মৃগে চ কুষ্ঠী চ পাপ সহিতৈরবলোকিতৈর্বা || ৯||
নিধনারি ধন ব্যয স্থিতারবি চন্দ্রারযমা যথা তথা |
বলবদ্ গ্রহদোষ কারণৈর্মনুজানাং জনযন্ত্যনেত্রতাম্ || ১০||
নবমায তৃতীযধী যুতা ন চ সৌম্যৈরশুভা নিরীক্ষিতাঃ |
নিযমাচ্ছ্রবণোপঘাতদারদ বৈকৃত্য করাশ্চ সপ্তমে || ১১||
উদযত্যুডুপে সুরাস্যগে স পিশাচোঽশুভযোস্ত্রিকোণযোঃ |
স উপপ্লব মণ্ডলে রবাবুদযস্থে নযনাপবর্জিতঃ || ১২||
সংস্পৃষ্টঃ পবনেন মন্দগযুতে দ্যূনে বিলগ্নে গুরৌ স উন্মাদোঽবনিজে স্থিতে অস্ত ভবনে জীবে বিলগ্নাশ্রিতে |
তদ্বত্ সূর্য সুতোদযে অবনি সুতে ধর্মাত্মজদ্যূনগে জাতো বাস সহস্ররশ্মি তনযে ক্ষীণে ব্যযে শীতগৌ || ১৩||
রাশ্যংশপোষ্ণ কর শীত করামরেজ্যৈর্নীচাধিপাংশ গতৈররি ভাগগৈর্বা |
এভ্যোঽল্প মধ্য বহুভিঃ ক্রমশঃ প্রসূতা জ্ঞেযাঃ স্যুরভ্যুপগম ক্রয গর্ভদাসআঃ || ১৪||
বিকৃতদশনঃ পাপৈর্দৃষ্টে বৃষাজ হযোদযে খলতিরশুভ ক্ষেত্রে লগ্নে হযে বৃষ ভে অপি বা |
নবম সুতগে পাপৈর্দৃষ্টে রবাবদৃঢেক্ষণো দিন কর সুতে নৈক ব্যাধিঃ কুজে বিকলঃ পুমান্ || ১৫||
ব্যয সুতধনধর্মগৈরসৌম্যৈর্ভবন স মান নিবন্ধনং বিকল্প্যম্ |
ভুজ গনি গড পাশভৃদ্ দৃকাণৈর্বলবদ্ অসৌম্য নিরীক্ষিতৈশ্চ তদ্বত্ || ১৬||
পুরুষ বচনোঽপস্মারার্তঃ ক্ষযী চ নিশা পতৌ সরবি তনযে বক্রালোকং গতে পরিবেষগে |
রবি যম কুজৈঃ সৌম্যাদৃষ্টৈর্নভঃ স্থলম্ আশ্রিতৈর্ভৃতক মনুজঃ পূর্বোদ্দিষ্টৈর্বরাধম মধ্যমাঃ || ১৭||