বৃহজ্জাতকম্ – ২২

দ্বাবিংশোঽধ্যাযঃ

প্রকীর্ণক

স্বঋক্ষ তুঙ্গ মূল ত্রিকোণগাঃ কণ্টকেষু যাবন্তাশ্রিতাঃ |
সর্বৈব তে অন্যোন্য কারকাঃ কর্মগস্তু তেষাং বিশেষতঃ || ১||
কর্কটোদয গতে যথোডুপে স্বোচ্চগাঃ কুজযমার্ক সূরযঃ |
কারকা নিগদিতাঃ পরস্পরং লগ্নগস্য সকলোঽম্বরাম্বুগঃ || ২||
স্ব ত্রিকোণোচ্চগো হেতুরন্যোন্যং যদি চর্মগঃ |
সুহৃত্ তদ্গুণ সম্পন্নঃ কারকশ্চাপি স স্মৃতঃ || ৩||
শুভং বর্গোত্তমে জন্ম বেশি স্থানে চ সদ্ গৃহে |
অশূন্যেষু চ কেন্দ্রেষু কারকাখ্য গ্রহেষু চ || ৪||
মধ্যে বযসঃ সুখ প্রদাঃ কেন্দ্রস্থা গুরু জন্ম লগ্নপাঃ |
পৃষ্ঠোভযকোদযঋক্ষগাস্ত্বন্তে অন্তঃ প্রথমেষু পাকদাঃ || ৫||
দিন কররুধিরৌ প্রবেষ কালে গুরু ভৃগুজৌ ভবনস্য মধ্যযাতৌ |
রবি সুত শশিনৌ বিনির্গমস্থৌ শশি তনযঃ ফলদস্তু সর্ব কালম্ || ৬||