বৃহজ্জাতকম্ – ২০

বিংশোঽধ্যাযঃ

ভাব

শূরঃ স্তব্ধো বিকল নযনো নির্ঘৃণোঽর্কে তনুস্থে মেষে স স্বস্তিমির নযনঃ সিংহ সংস্থে নিশাধঃ |
নীচে অন্ধোঽস্বঃ শশি গৃহ গতে বুদ্বুদাক্ষঃ পতঙ্গে ভূরি দ্রব্যো নৃপ হৃতধনো বক্ররোগী দ্বিতীযে || ১||
মতি বিক্রমাংস্তৃতীযগে অর্কে বিসুখঃ পীডিত মানশশ্চতুর্থে |
অসুতো ধন বর্জিতস্ত্রিকোণে বলবাঞ্ ছত্রু জিতশ্চ শত্রু যাতে || ২||
স্ত্রীভির্গতঃ পরিভবং মদগে পতঙ্গে স্বল্পাত্মজো নিধনগে বিকলেক্ষণশ্চ |
ধর্মে সুতার্থ সুখ ভাক্ সুখ শৌর্য ভাক্ খে লাভে প্রভূতধনবান্ পতিতস্তু রিঃফে || ৩||
মূকোন্মত্ত জডান্ধ হীন বধির প্রেষ্যাঃ শশাঙ্কোদযে স্বঋক্ষজোচ্চ গতে ধনী বহু সুতঃ স স্বঃ কুটুম্বী ধনে |
হিংস্রো ভ্রাতৃ গতে সুখে স তনযে তত্ প্রোক্ত ভাবান্বিতো নৈকারির্মৃদু কায বহ্নি মদনস্তীক্ষ্ণোঽলসশ্চারিগে || ৪||
ঈর্ষুস্তীব্র মদো মদে বহু মতির্ব্যাধ্যর্দিতশ্চাষ্টমে সৌভাগ্যাত্মজ মিত্র বন্ধু ধন ভাগ্ ধর্ম স্থিতে শীতগৌ |
নিষ্পত্তিং সমুপৈতি ধর্মধনধী শৌর্যৈর্যুতঃ কর্মগে ক্যাতো ভাব গুণান্বিতো ভব গতে ক্ষুদ্রোঽঙ্গ হীনো ব্যযে || ৫||
লগ্নে কুজে ক্ষত তনুর্ধনগে কদ্ অন্নো ধর্মে অঘবান্ দিন কর প্রতিমোঽন্য সংস্থঃ |
বিদ্বান্ ধনী প্রখল পণ্ডিত মন্ত্র্যশত্রুর্ধর্মজ্ঞ বিশ্রুত গুণঃ পরতোঽর্কবজ্ জ্ঞে || ৬||
বিদ্বান্ সুবাক্যঃ কৃপণঃ সুখী চ ধী মান শত্রুঃ পিতৃতোঽধিকশ্চ |
নীচস্তপস্বী সধনঃ স লাভঃ খলশ্চ জীবে ক্রমশো বিলগ্নাত্ || ৭||
স্মর নিপুণঃ সুখিতশ্চ বিলগ্নে প্রিয কলহোঽস্ত গতে সুরতেপ্সুঃ |
তনয গতে সুখিতো ভৃগু পুত্রে গুরু বদতোঽন্য গৃহে সধনোঽন্ত্যে || ৮||
অদৃষ্টার্থো রোগী মদন বশগোঽত্যন্ত মলিনঃ শিশুত্বে পীডার্তঃ সবিতৃ সুত লগ্নেত্যলস বাক্ |
গুরু স্বঋক্ষোচ্চস্থে নৃ পতি সদৃশো গ্রাম পুরপঃ
সুবিদ্বাংশ্চার্বঙ্গো দিন কর সমোঽন্যত্র কথিতঃ || ৯||
সুহৃদ্ অরি পরকীয স্বঋক্ষ তুঙ্গ স্থিতানাং ফলম্ অনুপরিচিন্ত্যং লগ্নদেহাদি ভাবৈঃ |
সমুপচয বিপত্তী সৌম্য পাপেষু সত্যঃ কথযতি বিপরীতং রিঃফ ষষ্ঠাষ্ট ভেষু || ১০||
উচ্চ ত্রিকোণ স্ব সুহ্঱্চ্ছত্রু নীচ গৃহার্কগৈঃ |
শুভং সম্পূর্ণ পাদোনদল পাদাল্প নিষ্ফলম্ || ১১||