বৃহজ্জাতকম্ – ১৯

একোনবিংশোঽধ্যাযঃ

দৃষ্টিফল

চন্দ্রে ভূপ বুধৌ নৃপোপম গুণী স্তেনোঽধনশ্চাজগে নিঃস্বঃ স্তেন নৃ মান্য ভূপধনিনঃ প্রেষ্যঃ কুজাদ্যৈর্গবি |
নৃস্থে অযো ব্যবহারি পার্থিব বুধাভিস্তন্তু বাযোঽধনো স্বঋক্ষে যোদ্ধৃ কবি জ্ঞ ভূমি পতযোঽযো জীবি দৃগ্ রোগিণৌ || ১||
জ্যোতির্জ্ঞাঢ্য নরেন্দ্র নাপিত নৃ পক্ষ্মেশা বুধাদ্যৈর্হরৌ তদ্বদ্ ভূপ চমূপ নৈপুণযুতাঃ ষষ্ঠে অশুভৈঃ স্ত্র্যাশ্রযঃ |
জূকে ভূপ সুবর্ণ কার বণিজঃ শেষেক্ষিতে নৈকৃতী কীটে যুগ্ম পিতা নতশ্চরজকো ব্যঙ্গোঽধনো ভূপতিঃ || ২||
জ্ঞাত্যুর্বীশ জনাশ্রযশ্চ তুরগে পাপৈঃ সদ্ অম্ভঃ শঠশ্চাত্যুর্বীশ নরেন্দ্র পণ্ডিতধনী দ্রব্যোন ভূপো মৃগে |
ভূপো ভূপ সমোঽন্যদার নিরতঃ শেষৈশ্চ কুম্ভ স্থিতে হাস্যজ্ঞো নৃপতির্বুধশ্চ ঝষগে পাপশ্চ পাপেক্ষিতে || ৩||
হোরেশঋক্ষদলাশ্রিতৈঃ শুভ করো দৃষ্টঃ শশী তদ্গতস্ত্র্যংশে তত্ পতিভিঃ সুহৃদ্ ভবনগৈর্বা বীক্ষিতঃ শস্যতে |
যত্ প্রোক্তং প্রতি রাশি বীক্ষণ ফলং তদ্দ্বাদশাংশে স্মৃতং সূর্যোদ্যৈরবলোকিতে অপি শশিনি জ্ঞেযং নবাংশেষ্বতঃ || ৪||
আরক্ষিকো বধরুছিঃ কুশলো নিযুদ্ধে ভূপোঽর্থবান্ কলহ কৃত্ ক্ষিতিজাংশ সংস্থে |
মূর্খোঽন্যদার নিরতঃ সুকবিঃ সিতাংশে সত্ কাব্য কৃত্ সুখ পরোঽন্য কলত্রগশ্চ || ৫||
বৌধে হি রঙ্গ চর চৌর কবীন্দ্র মন্ত্রী গেয জ্ঞ শিল্প নিপুণঃ শশিনি স্থিতে অংশে |
স্বাংশে অল্প গাত্রধন লুব্ধ তপস্বি মুখ্যঃ স্ত্রীপোঽপ্যকৃত্য নিরতশ্চ নিরীক্ষ্যমাণং || ৬||
স ক্রোধো নর পতি সংমতো নিধীশঃ সিংহাংশে প্রভুর সুতোঽতিহিংস্র কর্মা |
জীবাংশে প্রথিত বলো রণোপদেষ্টা হাস্য জ্ঞঃ সচিব বিকাম বৃদ্ধ শীলঃ || ৭||
অল্পাপত্যো দুঃখিতঃ সত্যপি স্বে মানাসক্তঃ কর্মণি স্বে অনুরক্তঃ |
দুষ্ট স্ত্রীষ্তঃ কৃপণশ্চার্কি ভাগে চন্দ্রে ভানৌ তদ্বদ্ ইন্দ্বাদি দৃষ্টে || ৮||
বর্গোত্তম স্ব পরগেষু শুভং যদ্ উক্তং তত্ পুষ্ট মধ্য লঘুতা শুভম্ উত্ক্রমেণ |
বীর্যান্বিতোঽংশক পতির্নিরুণদ্ধি পূর্বং রাশী ক্ষণস্য ফলম্ অংশ ফলং দদাতি || ৯||