বৃহজ্জাতকম্ – ১৮

অষ্টাদশোঽধ্যাযঃ

রাশিশীল

প্রথিতশ্চতুরোঽটনোঽল্প বিত্তঃ ক্রিযগে ত্বাযুধ ভৃদ্ বিতুঙ্গ ভাগে |
গবি বস্ত্র সুগন্ধ পণ্য জীবী বনিতাদ্ বিট্ কুশলশ্চ গো যবাদ্যে || ১||
বিদ্যা জ্যোতিষ বিত্তবান্ মিথুনগে ভানৌ কুলীরে স্থিতে তীক্ষ্ণোঽস্বঃ পর কার্য কৃচ্ছ্রম পথ ক্লেশৈশ্চ সংযুজ্যতে |
সিংহস্থে বন শৈল গো কুলরতির্বীর্যান্বিতোঽজ্ঞঃ পুমান্ কন্যাস্থে লিপি লেখ্য কাব্য গণিত জ্ঞানান্বিতঃ স্ত্রী বপুঃ || ২||
জাতস্তৌলিনি সৌণ্ডিকোঽধ্বনি রতো হৈরণ্যকো নীচ কৃত্ ক্রূরঃ সাহসিকো বিশার্জিতধনঃ শস্ত্রান্তগোঽলি স্থিতে |
সত্ পূজ্যো ধনবান্ ধনুর্ধর গতে তীক্ষ্ণো ভিষক্ কারুকো নীচোঽজ্ঞঃ কুবণিঙ্ মৃগে অল্পধনবাংল্ লব্ধোঽন্য ভাগ্যৈর্রতঃ || ৩||
নীচো ঘটে তনয ভাগ্য পরিচ্চ্যুতোঽস্ব স্তোযোত্থ পণ্য বিভবো বনিতাদ্ ঋতোঽন্ত্যে |
নক্ষত্র মানব তনু প্রতিমে বিভাগে লক্ষ্মাদিশেত্ তুহিনরশ্মি দিনেশযুক্তে || ৪||
নর পতি সত্ কৃতোঽটনশ্চমূপ বণিক্ সধনঃ ক্ষত তনুশ্চৌর ভূরি বিষযাংশ্চ কুজঃ স্ব গৃহে |
যুবতি জিতান্ সুহৃত্সু বিষমান্ পরদাররতান্ কুহক সুবেষ ভীরু পৌর্ষান্ সিত ভে জনযেত্ || ৫||
বৌধে অসহস্তনযবান্ বিসুহৃত্ কৃতজ্ঞো গান্ধর্বযুদ্ধ কুশলঃ কৃপণোঽভযোঽর্থী |
চান্দ্রে অর্থবান্ সলিলযান সমর্জিত স্বঃ প্রাজ্ঞশ্চ ভূমি তনযে বিকলঃ খলশ্চ || ৬||
নিঃস্বঃ ক্লেশ সহো বনান্তর চরঃ সিংহে অল্পদারাত্মজো জৈবে নৈকরিপুর্নরেন্দ্র সচিবঃ খ্যাতোঽভযাল্পাত্মজঃ |
দুঃখার্তো বিধনোঽটনোঽনৃতরতস্তীক্ষ্ণশ্চ কুম্ভ স্থিতে ভৌমে ভূরি ধনাত্মজো মৃগ গতে ভূপোঽথ বা তত্ সমঃ || ৭||
দ্যূতঋণ পানরত নাস্তিক চৌর নিঃস্বাঃ কুস্ত্রীক কূটকৃদ্ অসত্যরতাঃ কুজঋক্ষে |
আচার্য ভূরি সুতদারধনার্জনেষ্টাঃ শৌক্রে বদান্যগুরু ভক্তি রতাশ্চ সৌম্যে || ৮||
বিকত্থনঃ শাস্ত্র কলা বিদগ্ধঃ প্রিযংবদঃ সৌখ্যরতস্তৃতীযে |
জলার্জিত স্বঃ স্ব জনস্য শত্রুঃ শশাঙ্কজে শীত করঋক্ষযুক্তে || ৯||
স্ত্রী দ্বেষ্যো বিধন সুখাত্মজোঽটনোঽজ্ঞঃ স্ত্রী লোলঃ স্ব পরিভবোঽর্করাশিগে জ্ঞে |
ত্যাগী জ্ঞঃ প্রচুর গুণঃ সুখী ক্ষমাবান্ যুক্তি জ্ঞো বিগত ভযশ্চ ষষ্ঠরাশৌ || ১০||
পর কর্ম কৃদ্ অস্ব শিল্প বুদ্ধী ঋণবান্ বিষ্টি করো বুধে অর্কজঋক্ষে |
নৃপ সত্কৃত পণ্ডিতাপ্ত বাক্যো নবমে অন্ত্যে জিত সেবকান্ত্য শিল্পঃ || ১১||
সেনা নির্বহু বিত্তদার তনযো দাতা সুভৃত্যঃ ক্ষমী তেজো দার গুণান্বিতঃ সুর গুরৌ খ্যাতঃ পুমান্ কৌজ ভে |
কল্পাঙ্গঃ সধনার্থ মিত্র তনযস্ত্যাগী প্রিযঃ শৌক্র ভে বৌধে ভূরি পরিচ্ছদাত্মজ সুহৃত্ সাচিব্যযুক্তঃ সুখী || ১২||
চান্দ্রে রত্ন সুত স্বদার বিভব প্রজ্ঞা সুখৈরন্বিতঃ সিংহে স্যাদ্ বল নাযকঃ সুর গুরৌ প্রোক্তং চ যচ্চন্র ভে |
স্বঋক্ষে মাণ্ডলিকো নরেন্দ্র সচিবঃ সেনাপতির্বাধনী কুম্ভে কর্কটবত্ ফলানি মকরে নীচোঽল্প বিত্তোঽসুখী || ১৩||
পরযুবতি রতস্তদর্থ বাদৈর্হৃত বিভবঃ কুল পাংসনঃ কুজঋক্ষে |
স্ব বল মতি ধনো নরেন্দ্র পূজ্যঃ স্ব জন বিভুঃ প্রথিতোঽভযঃ সিতে স্বে || ১৪||
নৃপ কৃত্য করোঽর্থবান্ কলাবিন্ মিথুনে ষষ্ঠ গতে অতিনীচ কর্মা
রবিজঋক্ষ গতে অমরারি পূজ্যে সুভগঃ স্ত্রী বিজিতো রতঃ কুনার্য্যাম্ || ১৫||
দ্বি ভার্যোঽর্থী ভীরুঃ প্রবল মদ শোকশ্চ শশি ভে হরৌ যোষাপ্তার্থঃ প্রবরযুবতির্মন্দ তনযঃ |
গুণৈঃ পূজ্যঃ স স্বস্তুরগ সহিতে দানব গুরৌ ঝষে বিদ্বান্ আঢ্যো নৃপ জনিত পূজোঽতিসুভগঃ || ১৬||
মূর্খোঽটনঃ কপটবান্ বিসুহৃদ্ যমে অজে কীটে তু বন্ধ বধ ভাক্ চপলোঽঘৃণশ্চ |
নিহ্রীর্সুখার্থ তনযঃ স্খলিতশ্চ লেখ্যে রক্ষা পতির্ভবতি মুখ্য পতিশ্চ বৌধে || ১৭||
বর্জ্য স্ত্রীষ্টো ন বহু বিভবো ভূরি ভার্যো বৃষস্থে খ্যাতঃ স্বোচ্চে গণ পুর বল গ্রাম পূজ্যোঽর্থবাংশ্চ |
কর্কিণ্যস্বো বিকলদশনো মাতৃ হীনোঽসুতোঽজ্ঞঃ সিংহে অনার্যো বিসুখ তনযো বিষ্টি কৃত্ সূর্য পুত্রে || ১৮||
স্বন্তঃ প্রত্যযিতো নরেন্দ্র ভবনে সত্ পুত্র জাযাধনো জীব ক্ষেত্র গতে অর্কজে পুর বল গ্রামাগ্র নেতাথ বা |
অন্য স্ত্রী ধন সংবৃতঃ পুর বল গ্রামাগ্রণীর্মন্দদৃক্ স্ব ক্ষেত্রে মলিনঃ স্থিরার্থ বিভবো ভোক্তা চ জাতঃ পুমান্ || ১৯||
শিশির কর সমাগমেক্ষণানাং সদৃশ ফলং প্রবদন্তি লগ্ন জাতম্ |
ফলম্ অধিকম্ ইদং যদ্ অত্র ভাবাদ্ ভবন ভ নাথ গুণৈর্বিচিন্তনীযম্ || ২০||