বৃহজ্জাতকম্ – ১৭

সপ্তদশোঽধ্যাযঃ

চন্দ্ররাশিশীল

বৃত্তাতাম্রদৃগ্ উষ্ণ শাক লঘু ভুক্ ক্ষিপ্র প্রসাদোঽটনঃ কামী দুর্বল জানুরস্থিরধনঃ শূরোঽঙ্গনা বল্লভঃ |
সেবাজ্ঞঃ কনখী ব্রণাঙ্কিত শিরা মানী সহোত্থাগ্রজঃ শক্ত্যা পাণি তলে অঙ্কিতোঽতিচপলস্তোযে অতিভীরুঃ ক্রিযে || ১||
কান্তঃ খেল গতিঃ পৃথু ঊরু বদনঃ পৃষ্ঠাস্য পার্শ্বাঙ্কিতস্ত্যাগী ক্লেশ সহঃ প্রভুঃ ককুদবান্ কন্যা প্রজঃ শ্লেষ্মলঃ
পূর্বৈর্বন্ধু ধনাত্মজৈর্বিরহিতঃ সৌভাগ্যযুক্তঃ ক্ষমী দীপ্তাগ্নিঃ প্রমদা প্রিযঃ স্থির সুহৃন্ মধ্যান্ত্য সৌখ্যো গবি || ২||
স্ত্রী লোলঃ সুরতোপচার কুশলস্তাম্রেক্ষণঃ শাস্ত্রবিদ্ দূতঃ কুঞ্চিত মূর্ধজঃ পটু মতির্হাস্যেঙ্গিতদ্যূতবিত্ |
চার্বঙ্গঃ প্রিয বাক্ প্রভ ক্ষণরুচির্গীত প্রিযো নৃত্যবিত্ ক্লীবৈর্যাতি রতিং সমুন্নত নসশ্চন্দ্রে তৃতীযঋক্ষগে || ৩||
আবক্রদ্রুতগঃ সমুন্নত কটিঃ স্ত্রী নির্জ্জিতঃ সত্ সুহৃদ্ দৈবজ্ঞঃ প্রচুরালয ক্ষযধনৈঃ সংযুজ্যতে চন্দ্রবত্ |
হ্রস্বঃ পীন গলঃ সমেতি চ বংশ সাম্না সুহৃদ্ বত্সলস্তোযোদ্যানরতঃ স্ব বেশ্ম সহিতে জাতঃ শশাঙ্কে নরঃ || ৪||
তীক্ষ্ণঃ স্থূল হনুর্বিশাল বদনঃ পিঙ্গেক্ষণোঽল্পাত্মজঃ স্ত্রী দ্বেষী প্রিয মাংস কানন নগঃ কুপ্যত্যকার্যে চিরম্ |
ক্ষুত্ তৃণোদরদন্ত মানসরুজা সম্পীডিতস্ত্যাগবান্ বিক্রান্তঃ স্থিরধীঃ সুগর্বিত মনা মাতুর্বিধেযোঽর্ক ভে || ৫||
ব্রীডা মন্থর চারু বীক্ষণ গতিঃ স্রস্তাংস বাহুঃ সুখী শ্লক্ষ্ণঃ সত্যরতঃ কলাসু নিপুণঃ শাস্ত্রার্থবিদ্ ধার্মিকঃ |
মেধাবী সুরত প্রিযঃ পর গৃহৈর্বিত্তৈশ্চ সংযুজ্যতে কন্যাযাং পরদেশগঃ প্রিয বচাঃ কন্যা প্রজোঽল্পাত্মজঃ || ৬||
দেব ব্রাহ্মণ সাধু পূজনরতঃ প্রাজ্ঞঃ শুচিঃ স্ত্রী জিতঃ প্রাংশুশ্চ উন্নত নাসিকঃ কৃশ চলদ্ গাত্রোঽটনোঽর্থান্বিতঃ
হীনাঙ্গঃ ক্রয বিক্রযেষু কুশলো দেবদ্বি নামা সরুক্ বন্ধূনাম্ উপকার কৃদ্ বিরুষিতস্ত্যক্তস্তু তৈঃ সপ্তমে || ৭||
পৃথুল নযন বক্ষা বৃত্ত জঙ্ঘোরু জানুর্জনক গুরু বিযুক্তঃ শৈশবে ব্যাধিতশ্চ |
নর পতি কুল পূজ্যঃ পিঙ্গলঃ ক্রূর চেষ্টো ঝষ কুলিশ খগাঙ্কশ্ছন্ন পাপোঽলিজাতঃ || ৮||
ব্যাদির্ঘাস্য শিরো ধরঃ পিতৃ ধনস্ত্যাগী কবির্বীর্যবান্ বক্তা স্থূলরদ শ্রবোঽধর নসঃ কর্মোদ্যতঃ শিল্পবিত্ |
কুব্জাংশঃ কুনখী সমাংসল ভুজঃ প্রাগল্ভবান্ ধর্মবিদ্ বন্ধু দ্বিট্ ন বলাত্ সমৈতি চ বংশ সাম্নৈক সাধ্যোঽশ্বজঃ || ৯||
নিত্যং লালযতি স্বদার তনযান্ ধর্মধ্বজোঽধঃ কৃশঃ স্বক্ষঃ ক্ষাম কটির্গৃহীত বচনঃ সৌভাগ্যযুক্তোঽলসঃ |
শীতালুর্মনুজোঽটনশ্চ মকরে সত্বাধিকঃ কাব্য কৃল্ লুব্ধোঽগম্য জরাঙ্গনাসু নিরতঃ সন্ত্যক্ত লজ্জোঽঘৃণঃ || ১০||
করভ গলঃ শিরালুঃ খর লোমশদীর্ঘ তনুঃ পৃথু চরণোরু পৃষ্ঠ জঘনাস্য কটির্জরঠঃ |
পর বনিতার্থ পাপ নিরতঃ ক্ষয বৃদ্ধি যুতঃ প্রিয কুসুমানুলেপন সুহৃদ্ ঘটজোঽধ্ব সহঃ || ১১||
জল পরধন ভোক্তাদার বাসোঽনুরক্তঃ সমরুচির শরীরস্তুঙ্গ নাসো বৃহত্কঃ |
অভিভবতি স পত্নান্ স্ত্রী জিতশ্চারু দ্঱্ষ্টির্দ্যুতি নিধি ধন ভোগী পণ্ডিতশ্চান্ত্যরাশৌ || ১২||
বলবতি রাশৌ তদধিপতৌ চ স্ব বলযুতঃ স্যাদ্ যদি তুহিনাংশুঃ |
কথিত কলানাম্ অবিকলদাতা শশিবদ্ অতোঽন্যেত্যনুপরিচিন্ত্যাঃ || ১৩||