বৃহজ্জাতকম্ – ১৬

ষোডশোঽধ্যাযঃ

নক্ষত্রফল

প্রিয ভূষণঃ সুরূপঃ সুভগো দক্ষোঽশ্বিনীষু মতিমাংশ্চ |
কৃত নিশ্চয সত্যারুগ্ দক্ষঃ সুখিতশ্চ ভরণীষু || ১||
বহু ভুক্ পরদাররতস্তেজস্বী কৃত্তিকাসু বিখ্যাতঃ |
রোহিণ্যাং সত্য শুচিঃ প্রিযংবদঃ স্থির মতিঃ সুরূপশ্চ || ২||
চপলশ্চতুরো ভীরুঃ পটুরুত্সাহী ধনী মৃগে ভোগী |
শঠ গর্বিতঃ কৃতঘ্নো হিংস্রঃ পাপশ্চরৌদ্রঋক্ষে || ৩||
দান্তঃ সুখী সুশীলো দুর্মেধারোগ ভাক্ পিপাসুশ্চ |
অল্পেন চ সংতুষ্টঃ পুনর্বসৌ জাযতে মনুজঃ || ৪||
শান্তাত্মা সুভগঃ পণ্ডিতো ধনী ধর্ম সংসৃতঃ পুষ্যে |
শঠঃ সর্ব ভক্ষ পাপঃ কৃতঘ্নধূর্তশ্চ ভৌজঙ্গে || ৫||
বহু ভৃত্যধনো ভোগী সুর পিতৃ ভক্তো মহোদ্যমঃ পিত্র্যে |
প্রিয বাগ্ দাতাদ্যুতিমান্ অটনো নৃপ সেবকো ভাগ্যে || ৬||
সুভগো বিদ্যাপ্তধনো ভোগী সুখভাক্ দ্বিতীয ফাল্গুন্যাম্ |
উত্সাহী ধৃষ্টঃ পানপো ঘৃণী তস্করো হস্তে || ৭||
চিত্রাম্বর মাল্যধরঃ সুলোচনাঙ্গশ্চ ভবতি চিত্রাযাম্ |
দান্তো বণিক্ কৃপালুঃ প্রিয বাগ্ ধর্মাশ্রিতঃ স্বাতৌ || ৮||
ঈর্ষ্যুর্লুব্ধো দ্যুতিমান্ বচন পটুঃ কলহ কৃদ্ বিশাখাসু |
আঢ্যো বিদেশ বাসী ক্ষুধালুরটনোঽনুরাধাসু || ৯||
জ্যেষ্ঠাসু ন বহু মিত্রঃ সংতুষ্টো ধর্ম কৃত্ প্রচুর কোপঃ |
মূলে মানী ধনবান্ সুখী ন হিংস্রঃ স্থিরো ভোগী || ১০||
ইষ্টানন্দ কলত্রো মানী দৃঢ সৌহ্঱্দশ্চ জলদৈবে |
বৈশ্বে বিনীতধার্মিক বহু মিত্র কৃতজ্ঞ সুভগশ্চ || ১১||
শ্রীমাঞ্ ছ্রবণে শ্রুতবান্ উদারদারো ধনান্বিতঃ খ্যাতঃ |
দাতাঢ্যঃ শূরো গীত প্রিযো ধনিষ্ঠাসু ধন লুব্ধঃ || ১২||
স্ফুট বাগ্ ব্যসনী রিপুহা সাহসিকঃ শতভিষজি দুর্গ্রাহ্যঃ |
ভাদ্রপদাসু দ্বি গনঃ স্ত্রী জিতধনী পটুরদাতা চ || ১৩||
বক্তা সুখী প্রজাবান্ জিত শত্রুর্ধার্মিকো দ্বিতীযাসু |
সম্পূর্ণাঙ্গঃ সুভগঃ শূরঃ শুচিরর্থবান্ পৌষ্ণে || ১৪||