বৃহজ্জাতকম্ – ১৫

পঞ্চদশোঽধ্যাযঃ

প্রব্রজ্যাযোগ

একস্থৈশ্চতুরাদিভির্বলযুতৈর্জাতাঃ পৃথগ্ বীর্যগৈঃ শাক্যা জীবিক ভিক্ষু বৃদ্ধ চরকা নির্গ্রন্থ বন্যাশনাঃ |
মাহেয জ্ঞ গুরু ক্ষপা কর সিত প্রাভাকরীনৈঃ ক্রমাত্ প্রব্রজ্যা বলিভিঃ সমা পরজিতৈস্তত্ স্বামিভিঃ প্রচ্যুতিঃ || ১||
রবি কুপ্ত করৈরদীক্ষিতা বলিভিস্তদ্গত ভক্তযো নরাঃ |
অভিযাচিত মাত্রদীক্ষিতা নিহতৈরন্য নিরীক্ষিতৈরপি || ২||
জন্মেশোঽন্যৈর্যদ্যদৃষ্টোঽর্ক পুত্রং পশ্যত্যার্কির্জন্মপং বা বলোনম্ |
দীক্ষাং প্রাপ্নোত্যার্কি দৃক্ কাণ সংস্থে ভৌমার্ক্যংশে সৌরদৃষ্টে চ চন্দ্রে || ৩||
সুর গুরু শশি হোরা স্বার্কে দৃষ্টাসু ধর্মে গুরুরথ নৃপতীনাং যোগজস্তীর্থ কৃত্ স্যাত্ |
নবম ভবন সংস্থে মন্দগে অন্যৈর্দৃষ্টে ভবতি নরপযোগে দীক্ষিতঃ পার্থিবেন্দ্রঃ || ৪||