বৃহজ্জাতকম্ – ১৪

চতুর্দশোঽধ্যাযঃ

দ্বিগ্রহযোগ

তিগ্মাংশুর্জনযত্যুষেশ সহিতো যন্ত্রাশ্ম কারং নরং ভৌমেনাঘরতং বুধেন নিপুণং ধী কীর্তি সৌখ্যান্বিতম্ |
ক্রূরং বাক্ পতিনান্য কার্য নিরতং শুক্রেণরঙ্গাযুধৈর্লব্ধস্বং রবিজেনধাতু কুশলং ভাণ্ড প্রকারেষু বা || ১||
কূট স্ত্র্যাসব কুম্ভ পণ্যম্ অশিবং মাতুঃ স বক্রঃ শশী স জ্ঞঃ প্রশ্রিত বাক্যম্ অর্থ নিপুণং সৌভাগ্য কীর্ত্যান্বিতম্ |
বিক্রান্তং কুল মুখ্যম্ অস্থির মতিং বিত্তেশ্বরং সাঙ্গিরা বস্ত্রাণাং স সিতঃ ক্রিযাদি কুশলং সার্কিঃ পুনর্ভূ সুতম্ || ২||
মূলাদি স্নেহ কূটৈর্ব্যবহরতি বণিগ্ বাহু যোদ্ধা স সৌম্যে পুর্যধ্যক্ষঃ স জীবে ভবতি নর পতিঃ প্রাপ্ত বিত্তো দ্বিজো বা |
গোপো মল্লোঽথদক্ষঃ পরযুবতি রতো দ্যূত কৃত্ সাসুরেজ্যে দুঃখার্তোঽসত্য সংধঃ স সবিতৃ তনযে ভূমিজে নিন্দিতশ্চ || ৩||
সৌম্যে রঙ্গ চরো বৃহস্পতি যুতে গীত প্রিযো নৃত্যবিদ্ বাগ্মী ভূ গণপঃ সিতেন মৃদুনা মাযা পটুর্লঙ্ঘকঃ |
সদ্ বিদ্যো ধনদারবান্ বহু গুণঃ শুক্রেণযুক্তে গুরৌ জ্ঞেযঃ শ্মশ্রু করোঽসিতেন ঘটকৃজ্ জাতোঽন্নকারোঽপি বা || ৪||
অসিত সিত সমাগমে অল্প চক্ষুর্যুবতি সমাশ্রয সম্প্রবৃদ্ধ বিত্তঃ |
ভবতি চ লিপি পুস্তক চিত্র বেত্তা কথিত ফলৈঃ পরতো বিকল্পনীযাঃ || ৫||