বৃহজ্জাতকম্ – ১৩

ত্রযোদশোঽধ্যাযঃ

চন্দ্রযোগ

অধম সম বরিষ্ঠান্যর্ক কেন্দ্রাদি সংস্থে শশিনি বিনয বিত্ত জ্ঞানধী নৈপুণানি |
অহনি নিশি চ চন্দ্রে স্বে অধিমিত্রাংশকে বা সুর গুরু সিতদৃষ্টে বিত্তবান্ স্যাত্ সুখী চ || ১||
সৌম্যৈঃ স্মরারি নিধনেষ্বধিযোগেন্দোস্তস্মিংশ্চমূপ সচিব ক্ষিতি পাল জন্ম |
সম্পন্ন সৌখ্য বিভবা হত শত্রবশ্চ দীর্ঘাযুষো বিগতরোগ ভযাশ্চ জাতাঃ || ২||
হিত্বার্কং সুনফানফাদুরুধুরাঃ স্বান্ত্যোভযস্থৈর্গ্রহৈঃ শীতাংশোঃ কথিতোঽন্যথা তু বহুভিঃ কেমদ্রুমোঽন্যৈস্ত্বসৌ |
কেন্দ্রে শীতকরেঽথ বা গ্রহযুতে কেমদ্রুমো নেষ্যতে কেচিত্ কেন্দ্র নবাংশকেষু চ বদন্ত্যুক্তিঃ প্রসিদ্ধা ন তে || ৩||
ত্রিংশত্ সরূপাঃ সুনফানফাখ্যাঃ ষষ্টিত্রযং দৌরুধুরে প্রভেদাঃ |
ইচ্ছা বিকল্পৈঃ ক্রমশোঽভিনীয নীতে নিব্঱্ত্তিঃ পুনরন্য নীতিঃ || ৪||
স্বযম্ অধিগত বিত্তঃ পার্থিবস্তত্ সমো বা ভবতি হি সুনফাযাং ধী ধন খ্যাতিমাংশ্চ |
প্রভুর গদ শরীরঃ শীলবান্ খ্যাত কীর্তির্বিষয সুখ সুবেষো নির্ব্঱্তশ্চানফাযাম্ || ৫||
উত্পন্ন ভোগ সুখ ভুগ্ ধন বাহনাঢ্যস্ত্যাগান্বিতো দুরুধুরা প্রভবঃ সুভৃত্যঃ |
কেমদ্রুমে মলিনদুঃখিত নীচ নিঃস্বাঃ প্রেষ্যাঃ খলাশ্চ নৃপতেরপি বংশ জাতাঃ || ৬||
উত্সাহ শৌর্যধন সাহস বান্ মহীজঃ সৌম্যঃ পটুঃ সুবচনো নিপুণঃ কলাসু |
জীবোঽর্থধর্ম সুখ ভাঙ্ নৃপ পূজিতশ্চ কামী ভৃগুর্বহু ধনো বিষযোপভোক্তা || ৭||
পর বিভব পরিচ্ছদোপভোক্তারবি তনযো বহু কার্যকৃদ্ গণেশঃ |
অশুভ কৃদ্ উডুপোঽহ্নি দৃশ্য মূর্তির্গলিত তনুশ্চ শুভোঽন্যথান্যদ্ ঊহ্যম্ || ৮||
লগ্নাদ্ অতীব বসুমান্ বসুমাঞ্ ছশাঙ্কাত্ সৌম্য গ্রহৈরুপচযোপগতৈঃ সমস্তৈঃ |
দ্বাভ্যাং সমোঽল্প বসুমাংশ্চ তদূনতাযাম্ অন্যেষ্বসত্স্বপি ফলেষ্বিদম্ উত্কটেন || ৯||