বৃহজ্জাতকম্ – ১২

দ্বাদশোঽধ্যাযঃ

নাভসযোগ

নব দিগ্ বসবস্ত্রিকাগ্নি বেদৈর্গুণিতা দ্বি ত্রি চতুর্বিকল্পজাঃ স্যুঃ |
যবনৈস্ত্রি গুণা হি ষট্ শতী সা কথিতা বিস্তরতোঽগ্র তত্ সমাঃ স্যুঃ || ১||
রজ্জুর্মুশলং নলশ্চরাদ্যৈঃ সত্যশ্চাশ্রযজাঞ্জ গাদযোগান্ |
কেন্দ্রৈঃ সদ্ অসদ্ যুতৈর্দলাখ্যৌ স্রক্ সর্পৌ কথিতৌ পরাশরেণ || ২||
যোগা ব্রজন্ত্যাশ্রযজাঃ সমত্বং যবাব্জ বজ্রাণ্ডজ গোলকাদ্যৈঃ |
কেন্দ্রোপগৈঃ প্রোক্ত ফলৌ দলাখ্যাবিত্যাহুরন্যে ন পৃথক্ ফলৌ তৌ || ৩||
আসন্ন কেন্দ্র ভবন দ্বযগৈর্গদাখ্যস্তন্বস্তগেষু শকটং বিহগঃ খ বন্ধ্বোঃ |
শৃঙ্গাটকং নবম পঞ্চম লগ্ন সংস্থৈর্লগ্নান্যগৈর্হলম্ ইতি প্রবদন্তি তজ্ জ্ঞাঃ || ৪||
শকটাণ্ডজ বচ্ছুভাশুবৈর্বজ্রং তদ্বিপরীতগৈর্যবঃ |
কমলং তু বিমিশ্র সংস্থিতৈর্বাপি তদ্যদি কেন্দ্র বাহ্যতঃ || ৫||
পূর্ব শাস্ত্রানুসারেণ মযা বজ্রাদযঃ কৃতাঃ |
চৌতুর্থে ভবনে সূর্যাজ্ জ্ঞ সিতৌ ভবতঃ কথম্ || ৬||
কণ্টকাদি প্রব্঱্ত্তৈস্তু চতুর্গৃহ গতৈর্গ্রহৈঃ |
যূপেষু শক্তি দণ্ডাখ্যা হোরাদ্যৈঃ কণ্টকৈঃ ক্রমাত্ || ৭||
নৌ কূট চ্ছত্র চাপানি তদ্বত্ সপ্তঋক্ষ সংস্থিতৈঃ |
অর্ধ চন্দ্রস্তু নাবাদ্যৈঃ প্রোক্তস্ত্বন্যঋক্ষ সংস্থিতৈঃ || ৮||
একান্তর গতৈরর্থাত্ সমুদ্রঃ ষড্ গৃহাশ্রিতৈঃ |
বিলগ্নাদি স্থিতৈশ্চক্রম্ ইত্যাকৃতিজ সংগ্রহঃ || ৯||
সংখ্যা যোগাঃ স্যুঃ সপ্ত সপ্তঋক্ষ সংস্থিরেকাপাযাদ্ বল্লকী দামিনী চ
পাশঃ কেদারঃ শূলযোগো যুগং চ গোলশ্চান্যান্ পূর্বম্ উক্তান্ বিহায || ১০||
ঈর্ষ্যুর্বিদেশ নিরতোঽধ্বরুচিশ্চরজ্জ্বাং মানী ধনী চ মুশলে বহু কৃত্য সক্তঃ |
ব্যঙ্গঃ স্থিরাঢ্য নিপুণো নলজঃ স্রগ্ উত্থো ভোগান্বিতো ভুজ গজো বহু দুঃখ ভাক্ স্যাত্ || ১১||
আশ্রযোক্তাস্তু বিফলা ভবন্ত্যন্যৈর্বিমিশ্রিতাঃ |
মিশ্রা যৈস্তে ফলং দদ্যুরমিশ্রাঃ স্ব ফল প্রদাঃ || ১২||
যজ্বর্থ ভাক্ সততম্ অর্থরুচির্গদাযাং তদ্বৃত্তি ভুক্ শকটজঃ সরুজঃ কুদারঃ |
দূতোঽটনঃ কলহ কৃদ্ বিহগে প্রদিষ্টঃ শৃঙ্গাটকে চির সুখী কৃষিকৃদ্ ধলাক্ষ্যে || ১৩||
বজ্রে অন্ত্য পূর্ব সুখিনঃ সুভগোঽতিশূরো বীর্যান্বিতোঽপ্যথযবে সুখিতো বযোঽন্তঃ |
বিখ্যাত কীর্ত্যমিত সৌখ্য গুণশ্চ পদ্মে বাপ্যাং তনু স্থির সুখো নিধি কৃন্ ন দাতা || ১৪||
ত্যাগাত্মবান্ ক্রতু বরৈর্যজতে চ যূপে হিংস্রোঽথ গুপ্ত্যধিকৃতঃ শরকৃচ্ছরাখ্যে |
নীচোঽলসঃ সুখধনৈর্বিযুতশ্চ শক্তৌ দণ্ডে প্রিযৈর্বিরহিতঃ পুরুষান্ত্য বৃত্তিঃ || ১৫||
কীর্ত্যা যুতশ্চল সুখঃ কৃপণশ্চ নৌজঃ কূটে অনৃত প্লবন বন্ধনপশ্চ জাতঃ |
ছত্রোদ্ভবঃ স্ব জন সৌখ্য করোঽন্ত্য সৌখ্যঃ শূরশ্চ কার্মুক ভবঃ প্রথমান্ত্য সৌখ্যঃ || ১৬||
অর্ধেন্দুজঃ সুভগ কান্ত বপুঃ প্রধানস্তোযালযে নর পতি প্রতিমস্তু ভোগী |
চক্রে নরেন্দ্র মুকুট দ্যুতি রঞ্জিতাঙ্ঘ্রির্বীণোদ্ভবশ্চ নিপুণঃ প্রিয গীত নৃত্যঃ || ১৭||
দাতান্য কার্য নিরতঃ পশুপশ্চ দাম্নি পাশে ধনার্জন বিশীল স ভৃত্য বন্ধুঃ |
কেদারজঃ কৃষি করঃ সুবহূপযোষ্যঃ শূরঃ ক্ষতো ধনরুচির্বিধনশ্চ শূলে || ১৮||
ধন বিরহিতঃ পাখণ্ডী বা যুগে ত্বথ গোলকে বিধন মলিনো জ্ঞানোপেতঃ কুশিল্প্যলসোঽটনঃ |
ইতি নিগদিতা যোগাঃ সার্দ্ধং ফলৈরিহ নাভসা নিযত ফলদাশ্চিন্ত্যা হ্যেতে সমস্তদশাস্বপি || ১৯||