ফলদীপিকা – ২৮

অষ্টাবিংশোঽধ্যাযঃ

উপসংহারাধ্যায

সংজ্ঞাধ্যাযঃ কারকো বর্গসংজ্ঞো
বীর্যাধ্যাযঃ কর্মজিবাঽথ যোগঃ |
যোগো রাজ্ঞাং রাশিশীলো গ্রহাণাং
মেষাদিনাং লগ্নসম্প্রাপ্তশীলঃ || ১||
ভার্যাভাবো জাতক কমিনীনা
সূনুর্বালারিষ্টযোগোঽথ রোগঃ |
ভাবস্তস্মাদ্দ্বাদশাবাপ্তভাবা
নির্যাণং স্যাদ্ দ্বিগ্রহাদ্যাশ্চ তস্মাত্ || ২||
সূর্যাদীনাং যত্ফলং তদৃশাপ্তং
ভাবাদীনামীশ্বরাঙ্কা দশা চ |
সূর্যাদীনামন্তরাখ্যা দশাঽথ
সব্যাসব্যা কালচক্রোঽষ্টবর্গঃ || ৩||
হোরাসারাবাপ্তযদ্যষ্টবর্গো
মান্দ্যধ্যাযো গোচর স্যাত্প্রব্রজ্যঃ |
অধ্যাযানাং বিংশতিঃ সপ্তযুক্তান্
জন্মন্যেতদ্গোলজং সংবদামি || ৪||
শ্রীশালিবাটিজাতেন মযা মন্ত্রেশ্বরেণ বৈ |
দৈবজ্ঞেন দ্বিজাগ্রেণ সতাং জ্যোতির্বিদাং মুদে || ৫||
সুকুন্তলাম্বাং সম্পূজ্য সর্বভীষ্টপ্রদাযিনীম্ |
তত্কটাক্ষবিশেষেণ কৃতা যা ফলদীপিকা || ৬||