ফলদীপিকা – ২৩

ত্রযোবিংশোঽধ্যাযঃ

প্রষ্টকবর্গ

গোচরগ্রহবশান্মনুজানাং যচ্ছুভাশুভফলাম্যুপলব্ধ্যৈ |
অষ্টবর্গ ইতি যো মহদুক্তস্তত্প্রসাধনমিহাভিদধেঽহম্ || ১||
আলিখ্য সম্যগ্ভুবি রাশিচক্রং গ্রহস্থিতিং তজ্জননপ্রবৃত্তম্ |
তত্তদ্গ্রহর্ক্ষাত্ক্রমশোঽষ্তবর্গং প্রোক্তং করোত্যক্ষবিধানমত্র || ২||
পুত্রীবংসাহিধনিকেঽর্ককুজার্কজেভ্যো
মুক্তাব্বকে সুরগুরোর্ভৃগুজাত্তথাশ্রীঃ |
জ্ঞাদ্গোমতীধনপরা রবিরিষ্টদোব্জাত্-
গীতোন্নযেপ্যুদযভাল্লঘুতান্নপাত্রে || ৩||
গীতাসৌ জনকে রবেঃ কলিতসান্নিষ্কে তুষারদ্যুতেঃ
ভৌমাছ্রীগুণিতে ধনস্য যুগবন্মাসাব্দনিত্যে বুধাত্ |
নীবাত্কৌরবসজ্জনস্য ভৃগুজাদ্গূঢাত্মসিদ্ধাজ্ঞযা
মন্দাদ্বাণচযে তনীর্গতিনযে চন্দ্রঃ শুভো গোচরে || ৪||
তীক্ষ্ণাংশোর্গণিতানকে শিশিরগোর্লাক্ষায ভূমেঃ সুতাত্
পুত্রীবাসজনায চন্দ্রতনযাদ্গোমেতকে গীষ্পতেঃ |
তন্নাকারি সিতাত্তদা কুরুশনেঃ কোবাসদাধেনুকো
লগ্নাত্স্বাত্কলিতং নযেত্ ক্ষিতিসুতঃ ক্ষেমপ্রদো গোচরে || ৫||
সৌম্যাদ্যোগশতং ধনৈঃ কুরুরবের্মোষাধিকশ্রীর্গুরোঃ
তেজো যত্র যমারযোঃ পুরবসন্দিগ্ধেনযে ভার্গবাত্ |
পুত্রো গর্ভমহান্ধকে পরভৃতাং দানায লগ্নাত্সুধা-
মূর্তেঃ প্রাবৃষি জানকী শশিসুতস্ত্বত্র স্থিতশ্চেচ্ছুভঃ || ৬||
মার্তান্ডাত্করলাভসজ্জধনিকে চন্দ্রাদ্রুমেসালিকে
ভৌমাত্কিং প্রভুসূদনায কুরবঃ শিক্ষাধনাঢ্যে বুধাত্ |
পুত্রী গর্ভসদানকে সুরগুরোঃ স্বল্লক্ষ্মিচন্দ্রে শনেঃ
শ্রীমন্তো ধনিকাঃ সিতাত্করিবিশেষে সিদ্ধিনিত্যং তনোঃ || ৭||
জাত্যাং শ্রীস্তু রবের্বিধোঃ পুরগবামন্দোল্লিপুত্রে তনোঃ
পৌরে লাভমদালিকে কুরুলবং মোহে ধনেঢ্যে ভৃগোঃ |
লোভস্তাল্লিপরে কুজাদ্রবিসুতান্গর্ভং মহাব্ধৌ নযে
জ্ঞালক্ষ্মীচুল্লকে গুরোর্মদধতাঢ্যোঽসৌ ভৃগুঃ সৌখ্যদঃ || ৮||
রবের্যাত্রাবীথীজনয শশিনো লক্ষয শনেঃ
গুণেস্তুত্যো ভৌমাদ্গণিতনিকরোঽসৌ শুভকরঃ |
শতাকারে জীবাত্তদধনপরে জ্ঞাদুদযভাত্
কলাভূতানম্যে ভৃগুজ চযখে সূর্যতনযঃ || ৯||
ইতি নিগদিতমিষ্টং নেষ্টমন্যদ্বিশেষা-
দলিকফলবিপাকং জন্মিনাং তত্র দদ্যুঃ |
উপচযগৃহমিত্রস্বোচ্চগৈঃ পুষ্টমিষ্টং
ত্বপচযগৃহনীচারাতিগৈর্নেষ্টসম্পত্ || ১০||
কৃবাষ্টবর্গ দ্যুসদাং ক্রিযাদি-
ষ্বক্ষৈর্বিংহীনে মৃতিরেকবিন্দোঃ |
নাশো ব্যযো ভীতিভযার্থনারী-
শ্রীরাজ্যসিদ্ধিঃ ক্রমশঃ ফলানি || ১১||
তত্তদ্গ্রহাধিষ্ঠিতসর্বরাশীং-
স্তত্সংজ্ঞিতং লগ্নমিতি প্রকল্প্য |
তেভ্যঃ ফলান্যষ্টবিধান্যভূবং-
স্তত্তদ্গৃহাদ্ভা ববশাদ্বদন্তু || ১২||
তত্তদ্গ্রহর্ক্ষাশকতুল্যভাংশ
স্থিতা গ্রহাশ্চারবশাদিদানীম্ |
তথৈব তদ্ভাবসমুত্থিতানি
ফলানি কুর্বন্তি শুভাশুভানি || ১৩||
কৃতেঽষ্তবর্গে সতি কারকর্ক্ষাত্-
যদ্ভাবমুক্তাঙ্কমুপৈতি খেটঃ |
তদ্ভাবপুষ্টিং সশুভোঽশুভো বা
করোত্যনুক্তে বিপরীতমেব || ১৪||
একত্র ভাবে বহবো যদানী-
মুক্তাঙ্কগাশ্চারবশাদ্ব্রজন্তি |
পুষ্ণন্তি তদ্ভাবফলানি সম্যক্
তত্কারকাত্তত্তনৃপূর্বভাবে || ১৫||
বিন্দৌ স্থিতে তত্ফলসিদ্ধিকাল
বিনির্ণযায প্রহিতেঽষ্টবর্গে |
ভান্যষ্টধা তত্র বিভজ্য কক্ষা
ক্রমেণ তেষাং ফলমাহুরন্যে || ১৬||
প্রস্তারাষ্টকবর্গঃ
আলিখ্য চক্রং নব পূর্বরেখা
যাম্যোত্তরস্থা দশ চ ত্রিরেখাঃ |
প্রস্তারকং ষণ্ণবতিপ্রকোষ্ঠং
পঙ্ক্ত্যষ্টকং চাষ্টকবর্গজং স্যাত্ || ১৭||
হোরাশশীবোধনশুক্রসূর্য-
ভৌমামরেন্দ্রাচিংতভানুপুত্রাঃ |
যাম্যাদিপঙ্ক্ত্যষ্টকরাশিনাথাঃ
ক্রমেণ তত্বিন্দুফলপ্রদাঃ স্যুঃ || ১৮||
রাশ্য্ষ্টভাগপ্রথমাংশকালে
শনির্দ্বিতীযে ত্য্ গুরুঃ ফলায |
কক্ষাক্রমেণৈবমিহান্ত্যভাগ-
কালে বিলগ্নং ফলদং প্রদিষ্টম্ || ১৯||
সর্বগ্রহাণাং প্রহিতেঽষ্টবর্গে
তত্কালরাশিস্থিতবিন্দুযোগে |
অষ্টাক্ষসংখ্যাধিকবিন্দবশ্বেত্
শুভং তদুনে ব্যসনং ক্রমেণ || ২০||
যাবন্তস্তুহিনরুচেঃ শুভাঙ্কসংস্থা
যাবন্তঃ শুভভবনে হিমদ্যুতের্বা |
ইত্থং তদ্বিদিতমিহাধিকে চ তেভ্যঃ
স্বস্ত্যূনে বিপদিতি সূচিতং পরেষাম্ || ২১||
কর্তুঃ স্বজন্মসমযাবসথগ্রহাণাং
কৃত্বাষ্টবর্গকথিতাক্ষবিধানমত্র |
বহ্বক্ষযোগবশতঃ শুভরাশিমাস-
ভাবগ্রহস্থিতিষু কর্মশুভং বিদধ্যাত্ || ২২||
পাপোঽপি স্বগৃহস্থশ্চেদ্ভাববৃদ্ধিং করোত্যলম্|
নীচারাতিগৃহস্থশ্চেত্কুর্যাদ্ভাবক্ষযং ধ্রুবম্ || ২৩||
স্বোচ্চস্থোঽপি শুভো ভাবহানিং দুঃস্থানপো যদি |
সুস্থানপশ্চেত্ স্বোচ্চস্থঃ পাপী ভাবানুকূল্যকৃত্ || ২৪||