ফলদীপিকা – ২২

দ্বাবিংশোঽধ্যাযঃ

কালচক্র দশা

দস্রাদিতঃ পাদবশেন মেষান্ন্-
মীনাম্শকান্তং ক্রমশোঽপসব্যম্ |
কীটাদ্ধযান্তং গণযেচ্চ সব্য-
মার্গেণ পাদক্রমশোঽজতারাত্ || ১||
এবং ভূযাচ্চাপসব্যং চ সব্যং
ভানি ত্রীণি ত্রীণি বিদ্যাত্ক্রমেণ |
তদ্রাশীশপ্রোক্তবর্ষৈর্দশাস্য
দেবং প্রাহুঃ কালচক্রে মহান্তঃ || ২||
মনুঃ পরঃ সনির্ধনির্নৃপস্তপো বনে ক্রমাত্ |
দিবাকরদিবত্সরাঃ শুভাশুভাপ্তিহেতবঃ || ৩||
দসঃঅপহারাদিককালচক্রে
বাক্যানি দস্রাদিপদাদিজানি |
দক্ষ্যামি বর্ণৈর্নবভির্ভমানৈ
রাশীশবর্ষৈঃ পরমাযুরত্র || ৪||
পৌরং গাবো মিত সন্দিগ্ধং
নক্ষত্রেন্দুঃ স তু ভূশূলম্ |
রূপেত্রক্ষন্নিধযোরঙ্গে
বাণী চস্থং দধি নক্ষত্রম্ || ৫||
দাসত্বেশো গৌরীপুত্রং
ক্ষন্নিধিকারো গোভূশেষম্ |
সৌদধিনক্ষত্রেহাসন্তো
ভৌমগুরুঃ পুত্রাক্ষোনাধিঃ || ৬||
বাক্যান্যেতান্যশ্বিযাম্যর্ক্ষযোর্যা-
ন্যশ্বিন্যাদ্যন্যগ্নিভস্যাপসব্যে |
সব্যেঽজেন্দ্বোর্বক্ষ্যমাণেষু বাক্যে-
ষ্বিন্দোর্বক্যান্যেব রৌদ্রস্য ভূযঃ || ৭||
ধেনুঃ ক্ষেত্রে পুরগো শংভু-
স্তাসাং জত্রু ক্ষন্নিধি দাসী |
চর্মাভোগী রাযধিনাক্ষ-
স্ত্রীপৌরাঙ্গী শিবতীর্থাব্জে || ৮||
ত্রক্ষনিধির্দা সূচিশংভো
সৌরযধী নক্ষত্রং পারম্ |
গোশিবতীর্থে দাত্রিক্ষ্ন্নো
ধীহসিতাংশুভোর্গী রম্যা || ৯||
নক্ষত্রপাদৈষ্যঘটী সমুত্থা
পূর্বা দশা তত্পতিবর্ষজাতা |
পূর্বোক্তপাদক্রমশোঽত্র বিদ্যাত্-
কেষাংচিদেবং মতমাহুরার্যা || ১০||
দস্রাদিপাদপ্রভৃতীনি ভানাং
বাক্যানি যান্যক্ষরপংক্তিজানি |
তেষাং ক্রমেণৈব দশা প্রকল্প্যা
বাক্যক্রমং সাধ্বিতি কেচিদাহুঃ || ১১||
বাক্যক্রমে কর্ক্যলিমীনসন্ধৌ
মণ্ডূকগত্যশ্বরপ্লুতিশ্চ |
সিংহাবলোকস্ত্রিবিধা তদানীং
দশান্তরং দুঃখফলপ্রদং স্যাত্ || ১২||
তদ্বাক্যবর্ণক্রমশোপহার-
বর্ষাহতে তত্পরমাযুরাপ্তে |
তদা দশাযামপহারবর্ষ-
সংখ্যাশ্চ মাসান্দিবসান্বদেযুঃ || ১৩||
বাক্যেষু যাবচ্ছরদাং প্রমাণং
বদন্তি তাবত্পরমাযুরত্র |
মেষাদনীকং মদনং গজেন
তুন্দঃ পুনশ্চৈবমুদীরিতং তত্ || ১৪||
উত্পন্ন আধান আউর ক্ষেম মহাদশা
মহাদশাসু যত্ফলং প্রকীর্তিতং মযা পুরা |
তদেব যোজযেদ্ বুধো দশাসু চৈবমাদিষু || ১৫||
জন্মর্ক্ষাত্পরতস্তু পঞ্চমভবাঽথোত্পন্নসংজ্ঞা দশা
স্যাদাধানদশাঽপ্যতোঽষ্টমভবাত্ ক্ষেমান্মহাখ্যা দশা |
আসামেব দশাবসানসমযে মৃত্যুপ্রদা স্যান্নৃণাং
স্বল্পানল্পসমাযুষাং ত্রিবধপঞ্চর্ক্ষেশদাযান্তিমে || ১৬||
নিসর্গদশা
একং দ্বে নব বিংশতির্ধৃতিকৃতিঃ পঞ্চাশদেষাং ক্রমাত্
চন্দ্রারেন্দুজশুক্রজীবদিনকৃদ্দৈবাকরীণাং সমাঃ |
স্বৈ স্বৈঃ পুষ্টফলা নিসর্গজনিতৈঃ পক্তির্দশাযা ক্রমা-
দন্তে লগ্নদশা হুভেতি যবনা নেচ্ছন্তি কেচিত্তথা || ১৭||
অংশদশা
লিপ্তীকৃত্য ভজেদ্র্গ্রহং খখজিনৈস্তচ্ছিষ্টমাযুষ্কলা
আশাখাশ্বিহৃতাব্দমদিবসাঃ সত্যোদিতেঽম্শাযুষী |
বক্রিণ্যুচ্চগতে ত্রিসঙ্গুণমিদং স্বাংশত্রিভাগোত্তমে
দ্বিঘ্নং নীচগতেঽর্ধমপ্যথ দলং মৌঢ্যে সিতার্কী বিনা || ১৮||
সর্বার্দ্ধত্রিকৃতেষুষণ্মিতলবহ্লাসোঽসতামুত্ক্রমা-
দ্রিঃফাত্সত্সু দলং তদা হরতি বল্যেকো বহুষ্বেকভে |
ত্র্যংশোনং রিপুভে বিনা ক্ষিতিসুতং সত্যোপদেশে দশা
লগ্নস্যাংশসমা বলিন্যুদযভেঽস্যাত্রাপি তুল্যাপি চ || ১৯||
তস্যোপদেশো বরমত্র কিন্তু
কুর্বন্ত্যযোগ্যং বহুবর্গণভিঃ |
আচার্যকং ত্বত্র বহুঘ্নতাযাম্
একো তু যদ্ভুরি তদেব কার্যম্ || ২০||
পিণ্ডাযুর্দশা
ধেযং শূর শকে শ্রিযং স্ময পরে নিদ্রাঃ সমা ভাস্করাত্
পিণ্ডাখ্যযুষি পূর্বচ্চ হরণং সর্ব বিদধ্যাদিহ |
লগ্নে পাপিনি ভং বিনোদযলবৈর্নিঘ্নং নতাঙ্গৈর্হৃতং
ত্যাজ্যং সৌম্যনিরীক্ষিতেঽর্ধমৃণমত্রাযুষ্যভিজ্ঞা বিদুঃ || ২১||
লগ্নদশামংশসমাং বলবত্যংশে বদন্তি পৈণ্ডাখ্যে |
বলযুক্তং যদি লগ্নং রাশিসমৈবাত্র নাংশোত্বা || ২২||
হরণং নীচেঽর্দ্ধমৃণং স্যাত্পূর্ণং প্রোক্তবর্ষমুচ্চগৃহে |
পৈণ্ডাদৌ ব্দ্যন্তরগে প্রাজ্ঞৈস্ত্রৈরাশিকং চিন্ত্যম্ || ২৩||
পৈণ্ডাখ্যমাযুর্ব্রুর্বতে প্রধানং
মণিত্থচাণক্যমযাদযশ্চ |
এতন্ন সাধ্বিত্যবদদ্ভদন্তো
বরাহসূর্যস্য তথৈব বাক্যম্ || ২৪||
সূর্যাদিকানাং স্বমতেন জীব-
শর্ম স্বরাংশং পরমাযুষোঽত্র |
অস্যাপি সর্ব হরণং বিধেযং
পূর্বোক্তিবল্লগ্নদশামপীহ || ২৫||
নৄণাং দ্বাদশবত্সরা দশহতা হ্যাযুঃপ্রমাণং পরৈ-
রাখ্যাতং পরমং শনেস্ত্রিভগণং যাবত্পরৈরীরিতম্ |
কৈশ্চিচ্চন্দ্রসহস্রদর্শনমিহ প্রোক্তং কলৌ কিন্তু যত্
বেদোক্তং শরদঃ শতং হি পরমাযুর্দাযমাচক্ষ্মহে || ২৬||
লগ্নাদিত্যেন্দুকানামধিকবলবতঃ স্যাদ্দশাদৌ ততোঽন্যা
তত্কেন্দ্রাদিস্থিতানামিহ বহুষু পুনর্বীর্যতো বীর্যসাম্যে |
বহ্বাযুর্বর্ষদাতুঃ প্রথমমিনবশাচ্চোদিতস্যাব্দসাম্যে
বীর্যং কিন্ত্বত্র সন্ধিগ্রহবিবরহতং ভাবসন্ধ্যন্তরাপ্তম্ || ২৭||
অংশোদ্ভবং লগ্নবলাত্প্রসাধ্য-
মাযুশ্চ পিণ্ডোদ্ভবমর্কবীর্যাত্ |
নৈসর্গিকং চন্দ্রবলাত্প্রসাধ্যং
ব্রূমস্রযাণামপি বীর্যসাম্যে || ২৮||
তেষাং ত্রযাণামিহ সংযুতিস্তু
ত্রিভির্হৃতা সৈব দশা প্রকল্প্যা |
বীর্যে দ্বযোরৈক্যদলং তযোঃ স্যাত্
চেজ্জীবশর্মাযুরমী বলোনাঃ || ২৯||
কালচক্রদশা জ্ঞেযা চন্দ্রাংশেশে বলান্বিতে |
সদা নক্ষত্রমার্গেণ দশা বলবতী স্মৃতা || ৩০||
সমাঃ ষষ্টিদ্বিঘ্না মনুজকরিণাং পঞ্চ চ নিশা
হযানাং দ্বত্রিংশত্খরকরভযোঃ পঞ্চককৃতিঃ |
বিরূপা সাপ্যাযুর্বৃষমহিষযোদ্বদিশ শুনাং
স্মৃতং ছাগাদীনাং দশকসহিতাঃ ষট্ চ পরমম্ || ৩১||
যে ধর্মকর্মনিরতা বিজিতেন্দ্রিযা যে
যে পথ্যভোজনজুষো দ্বিজদেবভক্তাঃ |
লোকে নরা দধতি যে কুলশীললিলাং
তেষামিদং কথিতমাযুরুদারধীভিঃ || ৩২||