ফলদীপিকা – ২১

একবিংশোঽধ্যাযঃ

প্রত্যন্তর্দশাফল

অপহারবিভাগলক্ষণং তত্পংক্তিং ক্রমশঃ স্ফুটং প্রবচিম্ |
যদুদীরিতমত্র তত্সমস্তং কথযেত্স্বদশান্তরান্তরাদৌ || ১||
পাকেশাব্দহতা দশেশ্বরসমা নেত্রাঙ্কভক্তাঃ সমাঃ
শিষ্ট রূপহতা নরাঙ্কবিহৃতা মাসা নগৈর্বাসরাঃ |
ছিদ্রাদিষ্বপি চৈবমেব কলযেত্পাকক্রমাচ্চেদ্দশা-
নাথাদ্যা পুনরন্তরান্তরদশাস্তত্পাকনাথক্রমাঃ || ২||
সূর্য
মহীশ্বরাদুপলভতেঽধিকং যশো
বনাচলস্থলবসতিং ধনাগমম্ |
জ্বরোষ্ণরুগ্জনকবিযোগজং ভযং
নিজাং দশাং প্রবিশতি নীক্ষণদীধিতৌ || ৩||
রিপুক্ষযো ব্যসনশমো ধনাগমঃ
কৃষিক্রিযা গৃহকরণং সুহৃদ্যুতিঃ
ক্ষযানলপ্রতিহতিরকর্দাযকং
শশী যদা হরতি জলোদ্ভবা রুজঃ || ৪ ||
রুজাগমঃ পদবিরহোঽরিপীডনং
বর্ণোদ্ভবঃ স্বকুলজনৈর্বরোধিতা
মহীভৃতো ভবতি ভযং ধনচ্যুতি
যর্দা কুজো হরতি তদ্ঽর্কর্বত্সরম্ || ৫ ||
রিপূদযো ধনহৃতিরাপদুদ্গমো
বিষাদ্ভযং বিষযবিমূঢতা পুনঃ
শিরোদৃশোরধিকরুগেব দেহিনাম্
অহৌ ভবেধিমকরাযুরন্তরো || ৬||
রিপুক্ষযো বিবিধধনাপ্তিরন্বহং
সুরার্চনং দ্বিজগুরুবন্ধুপূজনম্ |
শ্রবঃশ্রমো ভবতি চ যক্ষ্মরোগিতা
সুরাচিংতে প্রবিশতি গোপশতি গোপতের্দশাম্ || ৭||
ধনাহতিঃ সুতবিরহঃ স্ত্রিযা রুজো
গুরুব্যযঃ সপদি পরিচ্ছদচ্যুতিঃ |
মলিষ্ঠতা ভবতি কফপ্রপীদনং
শনৈশ্চরে সবিতৃদশান্তরং গতে || ৮||
বিচন্চিকা পিটকসকুষ্ঠকামিলা
বিশর্ধনং জঠরকটিপ্রপীডনম্ |
মহীক্ষযঃ ত্রিগদভযং ভবেত্তদা
বিধোঃ সুতে চরতি রবেরথাব্দকম্ || ৯||
সুহৃব্দ্যযুঃ স্বজনকুটুম্ববিগ্রহো
রিপোর্ভযং ধনহরণং পদচ্যুতিঃ |
গুরোর্গদশ্চরণশিরোরুগুচ্চকৈঃ
শিখী যদা বিশতি দশাং বিবস্বতঃ || ১০||
শিরোরুজা জঠরগুদাতিংপীডনং
কৃষিক্রিযা গৃহধনধন্যবিচ্যুতিঃ |
সুতস্ত্রিযোরসুখমতীব দেহিনাং
ভৃগোঃ সুতে চরতি রবেরথাব্দকম্ || ১১||
চন্দ্র- বিচার
স্ত্রীপ্রজাপ্তিরমলাংশুকাগমো
ভূসুরোত্তমসমাগমো ভবেত্ |
মাতুরিষ্টফলমঙ্গনাসুখং
স্বাং দশাং বিশতি শীতদীধিতৌ || ১২||
পিত্তবহ্নিরুধিরোদ্ভবা রুজঃ
ক্লেশদুঃখরিপুচোরপীডনম্ |
বিত্তমানবিহতির্ভবেত্কুজে
শীতদীধিতিদশান্তরং গতে || ১৩||
তীব্রদোষরিপুবৃদ্ধিবন্ধুরুঙ্ মারুতাশনিভযাতিরুদ্ভবেত্ |
অন্নপানজনিতজ্বরোদযাশ্চন্দ্রবত্সরবিহারকে হ্যহৌ || ১৪||
দানধর্মনিরতিঃ সুখোদযো বস্ত্রভূষণসুহৃত্সমাগমঃ |
রাজসত্কৃতিরতীব জাযতে কৈরবপ্রিযবযোহরে গুরঊ || ১৫||
নৈকরোগবিহতিঃ সুহৃত্সুত-
স্ত্রীরুজা ব্যসনসংভবো মহান্ |
প্রাণহানিরথবা ভবেচ্ছনৌ
মারবন্ধুবযসো গতেঽন্তরম্ || ১৬||
সর্বদা ধনগজাশ্বগোকুল-
প্রাপ্তিরাভরণসৌখ্যসম্পদঃ |
চিত্তবোধ ইতি জাযতে বিধো-
রাযুষি প্রবেশতি প্রবোধনে || ১৭
চিত্তহানিরপি সপদশ্চ্যুতি-
র্বন্ধুহানিরপি তোযজং ভযম্ |
দাসভৃত্যহতিরস্তি দেহিনাং
কেতুকে হরতি চান্দ্রমব্দকম্ || ১৮||
তোযযানবসুভূষণাঙ্গনাবিক্রযক্রযকৃষিক্রিযাদযঃ |
পুত্রমিত্রপশুধান্যসংযুতিশ্চন্দ্রদাযহরণোন্মুখে ভৃগৌ || ১৯||
রাজমাননমতীব শূরতা রোগশান্তিররিপক্ষবিচ্যুতিঃ |
পিত্তবাতরুগিনে গতে তদা স্যাচ্ছশাঙ্কপরিবত্সরান্তরম্ || ২০||
মংগল কী মহাদশা মেং বিবিধ অন্তর্দশোং কা ফল
পিত্তোষ্ণরুগ্ব্রণভযং সহজৈবিযোগঃ
ক্ষেত্রপ্রবাদজনিতার্থবিভূতিসিদ্ধিঃ |
জ্ঞাত্যগ্নিশত্রুনৃপচোরজনৈবিরোধো
ধাত্রীসুতো হরতি চেচ্ছরদং স্বকীযাম্ || ২১||
শস্ত্রাগ্নিচোররিপুভূপভযং বিষাতিঃ
শুক্ষ্যক্ষিশীর্ষজগদো গুরুবন্ধুহানিঃ |
প্রাণব্যযোঽথ যদিবা বিপুলাপদো বা
বক্রাযুরন্তরগতে ভুজগাধিনাথে || ২২||
দ্বিজবিবুধসমর্চা তির্থপুণ্যানুসেবা
সততমতিথিপূজা পুত্রমিত্রাদিবৃদ্ধিঃ |
শ্রবণরুগতিমাত্রং শ্লেষ্মরোগোদ্ভবো বা
ভবতিকুজদশান্তঃ সংগতে বাগধীশে || ২৩||
উপর্যুপরিবিনাশঃ স্বাত্মজস্ত্রীগুরূণা-
মগণিতবিপদন্তর্দুঃখমর্থোপহানিঃ |
বসুহরণমরিভ্যো ভীতিরুষ্ণানিলাগ্নি-
র্ভবতি কুজদশাযামর্কজে সম্প্রযাতে || ২৪||
অরিভযমুরুচোরোপদ্রবোঽথার্থহানিঃ
পশুগজতুরগাণাং বিপ্লবোঽমিত্রযোগঃ |
নৃপকৃতপরিপীডা শূদ্রবৈরোদ্ভবো বা
বিশতি শশিতনূজে বিষ্বধাত্রীসুতাযুঃ || ২৫||
অশনিভযমকস্মাদগ্নিশস্ত্রপ্রপীডা
বিগমনমথ দেহাদ্বিত্তনাশোঽথবা স্যাত্ |
অপগমনমসুভ্যো যোষিতো বা বিনাশঃ
প্রবিশতি যদি কেতুঃ ক্রূরনেত্রাযুরন্তম্ || ২৬||
যুধি জনিতবিমানং বিপ্রবাসঃ স্বদেশা-
দ্বসুহৃতিরপি চোরৈর্বমনেত্রোপরোধঃ |
পরিজনপরিহানির্জাযতে মানবানা-
মপহরতি যদাযুর্ভৌমিজং ভার্গবেন্দ্রঃ || ২৭||
নৃপকৃতপরিপূজা যদ্ধলব্ধপ্রভাবঃ
পরিজনধনধান্যশ্রীমদন্তঃপুরং চ |
অতিবিলসিতকৃত্তঃ সাহসাদাপ্তলক্ষ্মী-
স্তিমিরভিদি কুজাযুর্দাযসংহারিণীতি || ২৮||
বিবিধধনসুতাপ্তিবিপ্রযোগোঽরিবর্গৈ-
র্বসনশযনভূষারত্নসম্পত্প্রসূতিঃ |
ভবতি গুরুজনাতির্গুল্মপিত্তপ্রপীডা
ধরণিতনযবর্ষং শীতগৌ সম্প্রযাতে || ২৯||
রাহু কী মহাদশা মেং বিবিধ অন্তর্দশোং কা ফল
বিষাম্বুরুগ্দুষ্টভুজঙ্গদর্শনং
পরাবলাসংযুতিরিষ্টবিচ্যুতিঃ |
অরিষ্টবাগ্দুষ্টজনব্যথা
ভবেদ্বিধুংতুদেনাপহৃতে স্ববত্সরে || ৩০||
সুখোপনীতিঃ সুরবিপ্রপূজনং
বিরোগতা বামদৃশাং সমাগমঃ |
সুপুণ্যশাস্ত্রর্থবিচারসম্ভবঃ
সুরারিদাযান্তগে বৃহস্পতৌ || ৩১||
সমীরপিত্তপ্রগদক্ষতিস্তনৌ
তনূজযোষিত্সহজৈশ্চ বিগ্রহঃ |
স্বভৃত্যনাশশ্চ পদচ্যুতির্ভবেত্-
দিতিপ্রজাযুঃ প্রবিস্শত্যথার্কজে || ৩২||
সুতস্বসিদ্ধিঃ সুহৃদাং সমাগমো
মনোবিনিন্দ্যত্বমতীব জাযতে |
পটুক্রিযাভূষণকৌশলাদযো
ভুজঙ্গসংবত্সরহারিণীন্দুজে || ৩৩||
জ্বরাগ্নিশস্ত্রারিভযং শিরোরুজা
শরীরকম্পঃ স্বসুহৃদ্গুরুব্যথা |
বিষব্রণাতিঃ কলহঃ সুহৃজ্জনৈ-
রহীন্দ্রদাযান্তরগে শিখাধরে || ৩৪||
কলত্রলব্ধিঃ শযনোপচারতা
তুরঙ্গমাতঙ্গমহীসমাগমঃ |
কফানিলাপ্তিঃ স্বজনৈবিরোধিতা
ভবেদ্ভুজঙ্গাযুরপাহৃতৌ ভৃগোঃ || ৩৫||
অরিব্যথা স্যাদতিপীডনং
দৃশোবিংষাগ্নিশস্ত্রাহতিরাপদুদ্গমঃ |
বধূসুতাতির্নৃপতের্মহদ্ভযং
ভুজঙ্গবর্ষে তিমিরারিণা হৃতে || ৩৬||
বধূবিনাশঃ কলহো মনোরুজা
কৃষিক্রযাবিত্তপশুপ্রজাক্ষযঃ |
সুহৃদ্বিপত্তিঃ সলিলাদ্ভযং ভবে-
দ্বিধৌ দশাভক্তরি দেববিদ্বিধঃ || ৩৭||
নৃপাগ্নিচোরাস্ত্রভযং শরীরিণাং
শরীরনাশো যদি বা মহারুজঃ |
পদভ্রমো হৃন্নযনপ্রপীডনং
যদাত্র সর্পযুষি সংচরেত্কুজঃ || ৩৮||
বৃহস্পতি কী মহাদশা মেং বিবিধ অন্তর্দশোং কা ফল
সৌভাগ্যকান্তিতবহুমানগুণোদযঃ
স্যাত্সত্পুত্রসিদ্ধিরবনীপতিপূজনং চ |
আচার্যসাধুজনসংযুতিরিষ্টসিদ্ধিঃ
সবত্সরং হরতি দেবগুরৌ স্বকীযম্ || ৩৯||
বেশ্যাঙ্গনামদকৃদাসবদোষসঙ্গ
উত্কর্ষসৌখ্যসকুটুম্বপশুপ্রপীডা |
অর্থব্যযোরুভযমক্ষিজরুক্সুতাতি
জৈবীং দশাং বিশতি দৈনকরে নরাণাম্ || ৪০||
স্ত্রীদ্যূতমদ্যজমহাব্যসনং ত্রিদোষৈঃ
কেচিদ্বদন্ত্যপি চ কেবলমঙ্গলাপ্তিঃ |
দেবদ্বিজার্চনসুতার্থসুখপ্রযোগৈ-
র্গীবর্ণপূজিতদশাং হরতীন্দুসূতৌ || ৪১||
শস্ত্রব্রণং ভবতি ভৃত্যজনৈবিরোধ-
শ্চিত্তব্যথা তনযযোষিদুপদ্রবশ্চ |
প্রণচ্যুতির্গুরুসুহৃজ্জনবিপ্রযোগঃ
সৌরেড্যমাযুরপহৃত্য দদাতি কেতুঃ || ৪২||
নানাবিধার্থপশুধান্যপরিচ্ছদস্ত্রী-
পুত্রান্নপানশযনাম্বরভূষণাপ্তিঃ |
দেবদ্বিজার্চনমুপাসনতত্পরত্ব-
মাযুর্যদা হরতি জৈবমথাসুরেড্যঃ || ৪৩||
শত্রোর্জযঃ ক্ষিতিপমাননকীর্তিলাভঃ
স্যাচ্চণ্ডতা নরতুরঙ্গমবাহনাপ্তিঃ |
শ্রেণ্যগ্রহারপুররাষ্ট্রসমস্তসংপদ
দুচ্চৈরুচথ্যসহজাযুরপাহৃতেঽর্কে || ৪৪||
যোষিদ্বহুত্বমরিনাশনমর্থলাভঃ
কৃষ্যর্থবস্তুপরমোন্নতকীর্তিলাভঃ |
দবদ্বিজার্চনপরত্বমতীব পুংসাং
সংজাযতে গুরুদশাহৃতি শর্বরীশে || ৪৫||
বন্ধূপতোষণমরিব্রজতোঽর্থলাভঃ
সুক্ষেত্রসত্কৃতিরিহ প্রথিতপ্রভাবঃ
ইর্ষদ্গুরূপহতিরীক্ষণসুক্ষতির্বা
ক্ষিত্যাত্মজে হরতি বত্সরমার্যজাতম্ || ৪৬||
বন্ধূপতপ্তিরুরুমানসরুগ্গদার্তি-
শ্চোরাদ্ভযং গুরুগদো জঠরোদ্ভবো বা |
রাজেন্দ্রপীডনমরিব্যসনং স্বনাশঃ
সম্পদ্যতে হরতি সূরিদশাং সুরারৌ || ৪৭||
শনি কো মহাদশা মেং বিবিধ অন্তর্দশোং কা ফল
কৃষিবৃদ্ধভৃত্যমহিষাভ্যুদযঃ
পবনামযো বৃষলজাতিধনম্ |
স্থবিরাঙ্গনাপ্তিরলসত্বমঘো
নিজবত্সরান্তরগতে রবিজে || ৪৮||
সুভগত্বমস্তি সুখিত বনিতা
নৃপলালনং বিজযমিত্রযুতিঃ
ত্রিগদোদ্ভবঃ সহজপুত্ররুজা
শনিদাযহারিণি শশাঙ্কসুতে || ৪৯||
মরুদগ্নিপীডনমরিব্যসনং
সুতদারবিগ্রমতিঃ সততম্ |
অশুভাবলোকনমহেশ্চ ভযং
মৃদুবত্সরং হরতি কেতুপতৌ || ৫০||
সুহৃদঙ্গনাতনযসৌখ্যযুতঃ
কৃষিতোযযানজনিতার্থচযঃ |
শুভকীর্তিরুদ্ভবতি দেহভৃতাং
যমদাযহারিণি ভৃগোস্তনযে || ৫১||
মরণং তু বা রিপুভযং সততং
গুরুবর্গরুগ্জঠরনেত্ররুজা |
ধনধান্যবিচ্যুতিরিহ প্রভবেত্-
রবিজাযুরাবিশতি তীব্রকরে || ৫২||
বনিতাহতির্মরণমেব নৃণাং
সুহৃদাং বিপত্তিরথ রোগভযম্ |
জলবাতজং ভযমতীব ভবেত্-
রবিজাযুরাবিশতি রাত্রিকরে || ৫৩||
স্বপদচ্যুতিঃ স্বজনবিগ্রহরুক্-
জ্বরবাহ্নশস্ত্রবিশভিরথ বা |
অরিবৃদ্ধিরান্তররুগক্ষিভযং
রবিজাযুরাবিশতি ভুমিসুতে || ৫৪||
অপ্মার্গযানমসুভিবিরহস্তু
অথ বা প্রমেহগুরুগুল্মভযম্ |
জ্বররুক্ক্ষতিঃ সততমেব নৃণা-
মসিতান্তরং বিশতি ভোগিপতৌ || ৫৫||
অমরার্চনদ্বিজগণাভিরুচি-
র্গৃহপুত্রদারবিহতিস্তু ভবেত্ |
ধনধান্যবৃদ্ধিরধিকা হি নৃণাং
গতবত্যথার্কিবযসীন্দ্রগুরৌ || ৫৬||
বুধ কী মহাদশা মেং বিবিধ অন্তর্দশোং কা ফল
ধর্মার্গনিরতির্বিবপশ্চিতাং
সঙ্গমো বিমলধীর্ঘনং দ্বিজাত্ |
বিদ্যযা বহুযশঃ সুখং সদা
চন্দ্রজে হরতি বত্সরং স্বকম্ || ৫৭||
দুঃখশোককলহাকুলাত্মতা
গাত্রকম্পনমমিত্রসংযুতিঃ |
ক্ষেত্রযান্বিপ্যুতির্যদা ভবেত্-
সোমমসূনুশরদং গতঃ শিখী || ৫৮||
দেববিপ্রগুরুপূজনক্রিযা দানধর্মপরতাসমাগমঃ |
বস্ত্রভূষণসুহৃদ্যুতির্ভবেদ্বোধনাযুষি সমাগতে সিতে || ৫৯||
হেমবিদ্রুমতুরঙ্গবারণপ্রাবৃতং ভবনমন্নপানযুক্ |
ভূপতেরপি চ পূজনং ভবেদ্ভানুমালিনি বুধাব্দকং গতে || ৬০||
মস্তকব্যসনমক্ষিপীডনং কুষ্ঠদদ্রুবহুকণ্ঠপীডনম্ |
প্রাণসংশযযুতির্নৃণাং ভবেজ্জ্ঞাযুষং ব্রজতি শীতদীঘিতৌ || ৬১||
অগ্নিভীতিরপি নেত্রজা রুজা চোরজং ভযমতীব দুঃখিতা |
স্থানহানিরথ বাতরোগিতা জ্ঞাযুষং হরতি মেদিনীসুতে || ৬২||
মানহানিরথবাশ্রযচ্যুতিঃ স্বক্ষযোঽগ্নিবিষতোযজং ভযম্ |
মস্তকাক্ষিজঠরপ্রপীডনং শীতরশ্মিজদশাং গতেঽসুরে || ৬৩||
ব্যাধিশত্রুভযবিচ্যুতির্ভবে-
দ্ব্রহ্মসিদ্ধিরবনীশসত্কৃতিঃ |
ধর্মসিদ্ধিতপসাং সমুদ্গ্রমো
দেবমন্ত্রিণি বিদো দশাং গতে || ৬৪||
অর্থধর্মপরিলুপ্তিরুচ্চকৈঃ
সর্বকার্যবিফলত্বমঙ্গিনাম্ |
শ্লেষ্মবাতজনিতা রুগুদ্ভবে-
দ্বোধনাযুষি সমাগতেঽসিতে || ৬৫||
কেতু কী মহাদশা মেং বিবিধ অন্তর্দশোং কা ফল
রিপুজনকলহং সুহৃদ্বিরোধং
ত্বশুভচঃ শ্রবণং জ্বরাঙ্গদাহম্ |
গমনপরধাম্নি বিত্তনাশং
শিখিনি লভেত্ দশাং গতে স্বকীযাম্ || ৬৬||
দ্বিজবরকলহঃ স্ত্রিযা বিরোধঃ
স্বকুলজনৈরপি কন্যকাপ্রসূতিঃ |
পরিভবজননং পরোপতাপো
ভবতি সিতে শিখিবত্সরান্তরালে || ৬৭||
গুরুজনমরণং জ্বর্তারঃ
স্বজনবিরোধবিদেশযানলভঃ |
নৃপকৃতকলহঃ কফানিলাতি-
র্বিশতি রবৌ শিখিবত্সরান্তরালম্ || ৬৮||
সুলভবহুধনং তথৈব হানিঃ
সুতবিরহো বহুদুঃখভাক্প্রসূতিঃ |
পরিজনযুবতিপ্রজাপ্রলাভঃ
শশিনি যদা শিখিদাযমভ্যুপেতে || ৬৯||
স্বকুলজকলহং স্ববন্ধুনাশং
ভযমপি পন্নগজং বদন্তি চোরাত্
হুতবহভযশত্রুপীডনং চ
ব্রজতিকুজে ধ্বজনামখেচরাযুঃ || ৭০||
অরিকৃতকলহং নৃপাগ্নিচৌরৈ-
র্ভযমপি পন্নগজং বদন্তি তজ্জ্ঞাঃ |
খলজনবচনং দুরিষ্টচেষ্টা
সমসি গতেঽত্র শিখীন্দ্রদাযমাহুঃ || ৭১||
সুতবরজননং সুরেন্দ্রপূজা
ধরণিধনাপ্তিরুপাযনার্থসিদ্ধিঃ |
ধনচযজননং মহীশমানো
ভবতি গতেঽত্র গুরৌ শিখীন্দ্রদাযম্ || ৭২||
পরিজনবিহতিং পরোপতাপং
রিপুজনবিগ্রহমঙ্গভঙ্গতাং চ |
ধনপদবির্যুতিং তথাহুরার্যা
গতবতি সূর্যসুতে শিখাধরাযুঃ || ৭৩||
সুতবর্জননং প্রভুপ্রশস্তিঃ
ক্ষিতিধনসিদ্ধিররীশ্বরপ্রপীডা |
পশুকৃষীবিহতির্ভবেত্তু পুংসাং
বিশতি বুধে শিখিবত্সরান্তরালম্ || ৭৪||
শুক্র কী মহাদশা মেং বিবিধ অন্তর্দশোং কা ফল
বসনভূষণবাহচন্দনা-
দ্যনুভবঃ প্রমদাসুখসম্পদঃ |
দ্যুতিযুতিঃ ক্ষিতিপাদ্ধনলব্ধযো
ভৃগুসুতে স্বদশাং প্রবিশত্যপি || ৭৫||
নযনকুক্ষিকপোলগদোদ্ভবঃ
ক্ষিতিভৃতো ভযমস্তি শরীরিণাম্ |
গুরুকুলোদ্ভববান্ধবপীডনং
ভৃগুসুতাযুষি ভানুমতি স্থিতে || ৭৬||
নখশিরোরদনক্ষতিরুচ্চকৈঃ
পবনপিত্তরুগর্থবিনাশনম্ |
গ্রহণিগুল্মকযক্ষ্মকপীডনং
সিতবযোহৃতি তত্র হিমল্বিষি || ৭৭||
রুধিরপিত্তগদাতিসমাশ্রযঃ
কনকতাম্রচযাবনিসংগ্রহঃ |
সুবতিদূষণমুদ্যমবিচ্যুতি-
র্বৃষভবল্লভবত্সরগে কুজে || ৭৮||
নিধিভবঃ সুতলব্ধিরভীষ্তবাক্
স্বজনপূজনমপ্যরিবন্ধনম্ |
দহনচোরবিষোদ্ভবপীডনং
তুলধরেশ্বরবত্সরগেঽসুরে || ৭৯||
বিবিধধর্মসুরেশনমস্ক্রিযা
ভবতি চাত্মজবামদৃগাগমঃ |
বিবিধরাজ্যসুখং চ শরীরিণাং
কবিদশাহৃতি কার্মুকনাযকে || ৮০||
নগরযোধনৃপোদ্ভবপূজনং
প্রবরযোষিদবাপ্তিরথাস্তি বা |
বিবিধবিত্তপরিচ্ছদসংযুতি-
দিতিপূজিতদাযগতে শনৌ || ৮১||
তনযসৌখ্যমাগমসম্পদাং
নিচযলব্ধিরতিপ্রভুতা যশঃ |
পবনপিত্তকফাতিররিচ্যুতির্-
দনুজমন্ত্রিদশাহৃতি চন্দ্রজে || ৮২||
সুতসুখাদিবহিঃ স্থিতিরগ্নিজং
ভযমতীব বিনাশনমঙ্গরুক্ |
অপি চ বারবধূজনসংযুতিঃ
শিখিনি যাত্যলমৌশনসীম্ দশাম্ || ৮৩||
দশাপহারেষু ফলং যদুক্তং
বর্ণাধিকারানুগুণং বদন্তু |
ছিদ্রেষু সূক্ষ্মেষ্বপি তত্ফলাপ্তিঃ
ছাযাঙ্কবার্তশ্রবণানি বা স্যুঃ || ৮৪||