ফলদীপিকা – ১৯

একোনবিংশোঽধ্যাযঃ

দশাফল

ভক্ত্যা যেন নবগ্রহা বহুবিধৈরারাধিতাস্তে চিরং
সন্তুষ্তাঃ ফলবোধহেতুমদিশন্সানুগ্রহং নির্ণযম্ |
খ্যাতাং তেন পরাশরেণ কথিতাং সংগৃহ্য হোরাগমাত্
সারং ভূরিপরীক্ষযাতিফলিতাং বক্ষ্যে মহাখ্যাং দশাম্ || ১||
অগ্ন্যাদিতারপত্যো রবিচন্দ্রভৌম-
সর্পমরেণ্যশনিচন্দ্রজকেতুশুক্রাঃ |
তেনে নটঃ সনিজযা চটুধান্যসৌম্য-
স্থনে নখা নিগদিতাঃ শরদস্তু তেষাং || ২||
তৃক্ষস্য গম্যা ঘটিকা দশাব্দ-
নিঘ্না নতাপ্তা স্বদশাব্দসংখ্যা |
রূপৈর্নগৈঃ সংগুণযেন্নতেন
হৃতাস্তু মাসা দিবসাঃ ক্রমেণ || ৩||
রবিস্ফুটং তজ্জননে যদাসীত্
তথা বিধশ্চেত্প্রতিবর্ষমর্কঃ |
আবৃত্তযুঃ সন্তি দশাব্দকানাং
ভাগক্রমাত্তদৃবসাঃ প্রকল্প্যাঃ || ৪||
দশাফল
ভানুঃ করোতি কলহং ক্ষিতিপালকোপ-
মাকস্মিকং স্বজনরোগপরিভ্রমং চ |
অন্যোন্যবৈরমতিদুঃসহচিত্তকোপং
গুপ্ত্যর্থধান্যসুতদারকৃশানুপীডাম্ || ৫||
ক্রৌর্যধ্বিভূপৈঃ কলহৈর্ধনাপ্তিং
বনাদ্রিসংচারমতিপ্রসিদ্ধিম্ |
করোতি সুস্থো বিজযং দিনেশ-
স্তৈক্ষ্ণ্যং সদোদ্যোগরতিং সুখং চ || ৬||
মনঃপ্রসাদং প্রকরোতি চন্দ্রঃ
সর্বার্থসিদ্ধিং সুখভোজনং চ |
স্ত্রীপুত্রভূষাম্বররত্নসিদ্ধীং
গোক্ষেত্রেলাভং দ্বিজপূজনং চ || ৭||
বলেন সর্বং শশিনস্তু বাচ্যং
পূর্বে দশাহে ফলমত্র মধ্যম্ |
মধ্যে দশহে পরিপূর্ণবীর্যং
তৃতীযেভাগেঽল্পফলং ক্রমেণ || ৮||
ভৌমস্য স্বদশাফলানি হুতভুগ্ভূপাহবাদ্যৈর্ধনং
ভৈষজ্যানৃতবঞ্চনৈশ্চ বিবিধৈঃ ক্রৌর্যৈর্ধনস্যাগমঃ |
পিত্তাসৃগ্জ্বরবাধিতশ্চ সততং নীচাঙ্গনাসেবনং
বিদ্বেষঃ সুতদারবন্ধুগুরুভিঃ কষ্টোঽন্যভাগ্যে রতঃ || ৯||
সৌম্যঃ করোতি সুহৃদাগমমাত্মসৌখ্যং
বিদ্বত্প্রশংসিতযশশ্চ গুরুপ্রসাদম্ |
প্রাগল্ভ্যমুক্তিবিষযেঽপি পরোপকারং
জাযাত্মজাদিসুহৃদাং কুশলং মহত্ত্বম্ || ১০||
ধর্মক্রিযাপ্তিমমরেন্দ্রগুরুর্বিধত্তে
সংতানসিদ্ধিমবনীপতিপূজনং চ |
শ্লাঘ্যত্বমুন্নতজনেষু গজাশ্বযান-
প্রাপ্তিং বধূসুতসুহৃদ্যুতিমিষ্টসিদ্ধিম্ || ১১||
ক্রীডাসুখোপকরণানি সুবাহনাপ্তিং
গোরত্মভূষণনিধিপ্রমদাপ্রমোদম্ |
জ্ঞনক্রিযাং সলিলযানমুপৈতি শৌক্রযাং
কল্যাণকর্মবহুমানমিলাধিনাথাত্ || ১২||
পাকেঽর্কজস্যনিজদারসুতাতিরোগান্-
বাতোত্তরান্কৃষিবিনাশমসত্প্রলাপম্ |
কুস্ত্রীরতিং পরিজনৈর্বিযুতিং প্রবাস
মাকস্মিকং স্বজনভূমিসুখার্থনাশম্ || ১৩||
কুর্যার্দহিঃ ক্ষিতিপচোরবিষাগ্নোশস্ত্র-
ভীর্তিং সুতার্তিসতিবিভ্রমবন্ধুনাশম্ |
নীচাবমাননমতিক্রমতোঽপবাদং
স্থানচ্যুতিং পদহাতিং কৃতকার্যহানিম্ || ১৪||
বিধুংতুদে শুভান্বিতে প্রশস্তভাবসংযুতে
দশা শুভপ্রদা তদা মহীপতুল্যভূতিদা |
অভীষ্টকার্যসিদ্ধযো গৃহে সুখস্থিতির্ভবে-
দচঞ্চলার্থসংচযাঃ ক্ষিতৌ প্রসিদ্ধকীর্তযঃ || ১৫||
পথোনমীনালিগতস্য রাহো-
র্দশাবিপাকে মহিতং চ সৌখ্যম্ |
দেশাধিপ্ত্যং নরবাহনাপ্তি-
র্দশাবসানে সকলস্য নাশঃ || ১৬||
কেতোর্দশাযামরিচোরভূপৈঃ
পীডা চ শস্ত্রক্ষতমুষ্ণরোগঃ |
মিথ্যাপবাদঃ কুলদূষিতত্বং
বহ্নের্ভযং প্রোষণমাত্মদেশাত্ || ১৭||
অথ তরণিদশাযাং ক্রৌর্যভূপালযুদ্ধৈ-
র্ধনমনলচতুষ্পাত্পীডনং নেত্রতাপঃ |
উদরদশনরোগঃ পুত্রদারার্তিরুচ্চৈ-
র্গুরুজনবিরহঃ স্যাদ্ভৃত্যনাশোঽর্থহানিঃ || ১৮||
শিশিরকরদশাযাং মন্ত্রদেবদ্বিজোর্বী-
পতিজনিতবিভূতিঃ স্ত্রীধনক্ষেত্রসিদ্ধিঃ |
কুসুমবসনভূষাগন্ধনানারসাপ্তি-
ভর্বতি খলবিরোধঃ স্বক্ষযো বাতরোগঃ || ১৯||
ক্ষিতিতনযদশাযাং ক্ষেত্রবৈরক্ষিতিশ-
প্রতিজনিতবিভূতিঃ স্যাত্পশুক্ষেত্রলাভঃ |
সহজতনযবৈরং দুর্জনস্ত্রীষুসক্তি-
দর্হনরুধিরপিত্তব্যাধিরর্থোপহানিঃ || ২০||
অসুরবরদশাযাং দুঃস্বভাবোঽথবা স্যা-
দতিগহনগদার্তিঃ সূনুনার্যোর্বিনাশঃ |
বিষভযমরিপীডাবীক্ষণোদ্ধর্বাঙ্গীরোগঃ
সুহৃদি কৃষবিরোধো ভূপতের্দ্বেষলাভঃ || ২১||
অমরগুরুদশাযামম্বরাদ্যর্থসিদ্ধিঃ
পরিজনপরিবারপ্রৌঢিরত্যর্থমানঃ |
সুতধনসুহৃদাপ্তিঃ সাধুবাদাপ্তপূজা
ভবতি গুরুবিযোগঃ কর্ণরোগঃ কফার্তিঃ || ২২||
রবিতনযদশাযাং রাষ্টপীডাপ্রহার-
প্রতিজনিতবিভূতিঃ প্রেষ্যবৃদ্ধাঙ্গনাপ্তিঃ |
পশুমহিষবৃষাপ্তিঃ পুত্রদারপ্রপীডা
পবনকফগুদার্তিঃ পাদহস্তাঙ্গতাপঃ || ২৩||
শশিতনযদশাযাং শশ্বদাচার্যসিদ্ধি-
র্দ্বিজজনিতধনাপ্তিঃ ক্ষেত্রেগোবাজিলাভঃ |
মনবরসুরপূজা বিত্তসংধাতসিদ্ধিঃ
প্রভবতি মরুদুষ্ণশ্লেষ্মরোগপ্রপীডা || ২৪||
শিখিজনিতদশাযাং শোকমোহোঽঙ্গনাভিঃ
প্রভুজনপরিপীডা বিত্তনাশোঽপরাধঃ |
প্রভবতি তনুভাজাং স্বীযদেশা-
দৃশনচরণরোগঃ শ্লেষ্মন্তাপনং চ || ২৫||
ভৃগুতনযদশাযামঙ্গনারত্নবস্ত্র-
দ্যতিমিধিধনভূষাবাজিশয্যাসনাপ্তিঃ |
ক্রযকৃষিজলযানপ্রাপ্তবিত্তাগমো বা
ভবতি গুরুবিযোগো বান্ধবাতির্মনোরুক্ || ২৬||