ফলদীপিকা – ১৮

অষ্টাদশোঽধ্যাযঃ

দ্বিগ্রহযোগ

তিগ্মাংশুর্জনযত্যুষেশসহিতো যন্ত্রাশ্মকারং নরং
ভৌমেনাঘরতং বুধেন নিপুণং ধীকীর্তিসৌখ্যান্বিতম্ |
ক্রূরং বাক্পতিনান্যকার্যনিরতং শুক্রেণ রঙ্গাযুধৈর্-
লব্ধস্বং রবিজেন ধানুকুশলং ভাণ্ডুপ্রকারেষু বা || ১||
কূট্স্ত্র্যাসবকুংভপণ্যমশিবং মাতুঃ সবক্রঃ শশী
সজ্ঞঃ প্রশ্চিতবাক্যমর্থনিপুণং সৌভাগ্যকীর্ত্যন্বিতম্ |
বিক্রন্তং কুলমুখ্যমস্থিরমতিং চিত্তেশ্বরং সাঙ্গিরা
বস্ত্রাণাং সসিতঃ ক্রিযাদিকুশলং সার্কিঃ পুনর্ভূসুতম্ || ২||
মূলাদিস্নেহকূটৈবহরতি বণিগ্বাহুযোদ্ধা সসৌম্যে
পুর্যধ্যক্ষঃ সজীবে ভবতি নরপতিঃ প্রাপ্তবিত্তো দ্বিজো বা |
গোপো মল্লোঽথ দক্ষঃ পরযুবতিরতো দ্যূতকৃত্সাসুরেজ্যে
দুঃখার্তোঽসত্যসন্ধঃ সসবিতৃতনযে ভূমিজে নিন্দিতশ্চ || ৩||
সৌম্যে রঙ্গচরো বৃহস্পতিযুতে গীতপ্রিযো নৃত্যবিদ্
বাগ্মী ভূগণপঃ সিতেন মৃদুনা মাযাপটুর্লম্পটঃ |
সদ্বিদ্যো ধনদারবান্ বহুগুণঃ শুক্রেণ উক্তে গুরৌ
জ্ঞেযঃ শ্মশ্চুকরোঽসিতেন ঘটকৃজ্জাতোঽন্নকারোঽপি || ৪||
অসিতসিতসমাগমেঽল্পচক্ষু-
র্যুবতিসমাশ্চযসম্প্রবৃদ্ধবিত্তঃ |
ভবতি চ লিখিপুস্তকচিত্রবেত্তা
কথিতফলৈঃ পরতো বিকল্পনীযাঃ || ৫||
ভূপো বিদ্বান্ ভূপতির্ভূপতুল্য-
শ্চন্দ্রে মেষে মোষকো নির্ধনশ্চ |
নিস্স্বঃ স্তেনো লোকমান্যো মহীশঃ
স্বাঢ্যঃ প্রেষ্যশ্চাপি দৃষ্টে কুজাদ্যৈঃ || ৬||
যুগ্মস্থেঽযোজীবিভূপজ্ঞধৃষ্টা-
শ্চন্দ্রে দৃষ্টে তন্তুবাযোঽধনী চ |
স্বর্ক্ষে যোধপ্রাজ্ঞসূরিক্ষিতীশা
লোহাজীবো নেত্ররোগী ক্রমেণ || ৭||
রাজা জ্যোতির্বিদ্ধনাঢ্যো নরেন্দ্রঃ
সিংহে চন্দ্রে নাপিতঃ পার্থিবেন্দ্রঃ |
দক্ষো ভূপঃ সৈন্যপঃ কন্যকাযাং
নিষ্ণাতঃ স্যাদ্ভূমিনাথশ্চ ভূপঃ || ৮||
শঠো নৃপস্তৌলিনি রুক্মকার
শ্চন্দ্রে বণিক্ স্যাত্পিষুনঃ খলশ্চ |
কীটে নৃপো যুগ্মপিতা মহীশঃ
স্যাদ্বস্ত্রজীবী বিকৃতাঙ্গবিত্তঃ || ৯||
ধূর্তো হযাঙ্গে স্বজনং জনেশং
নরৌঘমাশ্রিত্য শঠঃ সদম্ভঃ |
ভূপো নরেশঃ ক্ষিতিপো বিপশ্চি-
দ্ধনী দরিদ্রো মকরে হিমাংশৌ || ১০||
কুংভেঽন্যদারনিরতঃ ক্ষিতিপো নরেন্দ্রো
বেশ্যাপতির্নৃবপরো হিমগৌ নৃমান্যঃ |
অন্ত্যেঽঘকৃত্পটুমতির্নৃপতিশ্চ বিদ্বান্
দোষৈকদৃগ্দুরতিকৃচ্চ কুজাদিদৃষ্তে || ১১||
চন্দ্রমা কে বিভিন্ন নবাংশোং মেং হোনে কা আউর উস পর
বিবিধ গ্রহোং কী দৃষ্টি কা ফল
আরক্ষকো বধরুচিঃ কুশলশ্চ যুদ্ধে
ভূপোঽর্থবান্কলহকৃত্ক্ষিতিজাংশসংস্থে |
মূর্খোঽন্পদারনিরতঃ সুক্বিঃ সিতাংশে
সত্কাব্যকৃত্সুখপরোঽন্যকলত্রগশ্চ || ১২||
বৌধে হি রঙ্গচরচোরকবিন্দ্রমন্ত্রি-
গেযজ্ঞাশিল্পনিপুণঃ শহিনি স্থিতেঽংশে |
স্বাংশেঽল্পগাত্রধনলুব্ধতপস্বিমুখ্যঃ
স্ত্রীপ্রেশ্যকৃত্যনিরতশ্চ নিরীক্ষ্যমাণে || ১৩||
সক্রোধো নরপতিসংমতো নিধীশঃ
সিংহাংশে প্রভুরসুতোঽতির্হিংস্রকর্মা |
জীবাংশে প্রথিতবলো রণোপদেষ্টা
হাস্যজ্ঞঃ সচিববিকামবৃদ্ধশীলঃ || ১৪||
অল্পাপত্যো দুঃখিতঃ সত্যপি স্বে
মানাসত্কঃ কর্মণি স্বেঽনুরক্তঃ |
দুষ্টস্ত্রীষ্টঃ কোপনশ্চার্কিভাগে
চন্দ্রে ভানৌ তদ্বদিন্দ্বাদিদৃষ্টে || ১৫||
সূর্যাদিতোঽত্রাংশফলং প্রদিষ্টং
জ্ঞেযং নবাংশস্য ফলং তদেব |
রাশীক্ষণে যত্ফলমুক্তমিন্দো-
স্তদ্দ্বাদশাংশস্য ফলং হি বাচ্যম্ || ১৬||
বর্গোত্তমস্বপরগেষু শুভং যদুক্তং
তত্পুষ্টমধ্যলঘুতাঽশুভমুত্ক্রমেণ |
বীর্যান্বিতোংঽংশকপর্তিনরুণদ্ধি পূর্বং
রাশীক্ষণস্য ফলমংশফলং দদাতি || ১৭||