ফলদীপিকা – ১৭

সপ্তদশোঽধ্যাযঃ

নির্যাণপ্রকরণ

তত্তদ্ভাবাদষ্টমেশস্থিতাংশে তত্ত্রিকোণগে |
ব্যযেশস্থিতভংশে বা মন্দে তদ্ভাবনাশনম্ || ১||
রন্ধ্রেশে গুলিকো মন্দঃ খরদ্রেক্কাণপাঽপি বা |
যত্র তিষ্ঠতি তদ্ভংশত্রিকোণে রবিজে মৃতঃ || ২||
উদ্যদ্দৃগাণনাথস্য তথা রন্ধ্রাধিপস্য চ |
রন্ধ্রদ্রেক্কাণপস্যাপি ভাংশকোণে গুরৌ মৃতিঃ || ৩||
স্বস্ফুটদ্বাদশাংশে বা রন্ধ্রেশস্থনবাংশকে |
লগ্নেশস্থনবাংশে বা তত্ত্রিকোণেঽপি বা মৃতিঃ || ৪||
রন্ধ্রভোর্বা ভানোর্বা ভানোর্বাভাংশকোণং গতে বিধৌ |
মৃতিং বদেত্সর্বমেতল্লগ্নাচ্চদ্রাচ্চ চিন্তযেত্ || ৫||
লগ্নেশহীনযমকণ্টকভাংশকোণং
প্রাপ্তেঽথবা শনিবিহীনহিমাংশুভাংশম্ |
যাতে গুরৌ স্বমরণন্ত্বথ রাহুহীন-
ভূসূনুভাংশকগুরৌ সহজপ্রণাশঃ || ৬||
ভানোঃ কণ্টকবর্জিতস্য ভবনাংষে বা ত্রিকোণে গুরৌ
তাতো নশ্যতি কণ্টকোনগুলিকর্ক্ষংশত্রিকোণে শনৌ |
অর্কোনেন্দুগৃহংশকোণগগুরৌ চন্দ্রোনমন্দাত্মজ-
ক্ষেত্রেংঽশেঽপ্যথবা ত্রিকোণগৃহগে মন্দে জনন্যা মৃতি || ৭||
বদেত্প্রত্যরিনক্ষত্রনাথাচ্চ যমকণ্টকম্ |
ত্যক্ত্বা তদ্ভবনে কোণে গুরৌ পুত্রবিনাশনম্ || ৮||
লগ্নার্কমান্দিস্ফুটযোগরাশেরধীশ্বরো যদ্ভবনোপগস্তু |
তদ্রাশিসংস্থে পুরুহূতবন্দ্যে তত্কোণগে বা মৃতিমেতি জাতঃ || ৯||
মান্দিস্ফুটে ভানুসুটং বিশোধ্য
রাশ্যংশকোণে রবিজে মৃতঃ স্যাত্ |
ধূমাদিপ~চগ্রহযোগরাশি-
দ্রেক্কাণযাতেঽর্কমুতে চ মৃত্যুঃ || ১০||
বিলগ্নমন্দিস্ফুটযোগভাংশং
নির্যণমাসং প্রবদন্তি তজ্জ্ঞাঃ |
নির্যণচন্দ্রো গুলিকেন্দুযোগো
লগ্নং বিলগ্নার্কিসুতেন্দুযোগঃ || ১১||
মান্দিস্ফুটোদিতনবাংশগতেঽমরড্যে
তদ্দ্বাদশাংশসহিতে দিননাথসূনৌ |
দ্রেক্কাণকোণভবনে দিনপে চ মৃত্যু-
র্লগ্নেন্দুমান্দিযুতভেশগতোদযে স্যাত্ || ১২||
গুলিকং রবিসূনুং চ গুণিত্বা নবসংখ্যযা |
উভযোরৈক্যরাশ্যংশগৃহগে রবিজে মৃতিঃ || ১৩||
স্ফুটে বিলগ্ননাথস্য বিশোধ্য যমকণ্টকম্ |
তদ্রাশিনবভাগস্থে জীবে মৃত্যুর্ন সংশযঃ || ১৪||
ষষ্ঠাবসানরন্ধ্রেশস্ফুটৈক্যভবনং গতে |
তত্ত্রিকোণোপগে বাঽপি মন্দে মৃত্যুভযং নৃণাম্ || ১৫||
উদ্যদ্দৃগাণপতিরাশিগতে সুরেড্যে
তস্য ত্রিকোণমপি গচ্ছতি বা বিনাশম্ |
রন্ধ্রত্রিভাগপতিমন্দিরগেঽথ মন্দে
প্রাপ্তে ত্রিকোণমথবাস্য বদন্তি মৃত্যুম্ || ১৬||
বিলগ্নজন্মাষ্টমরাশিনাথযোঃ
খরত্রিভাগেশ্বরযোস্তযোরপি |
শশাঙ্কমান্দ্যোরপি দুর্বলাংশক-
ত্রিকোণগে সূর্যসুতে মৃতির্ভবেত্ || ১৭||
লগ্নাধিপস্থিতনবাংশকরাশিতুল্যং
রন্ধ্রাধিপস্য গৃহমাপতিতে ঘটেশে |
তস্মিন্বদেন্মরণযোগমনেকশাস্ত্র-
সংক্ষুণ্ণখিন্নমতিভিঃ পরিকীর্তিতং তত্ || ১৮||
শশাঙ্কসংযুক্তদৃগাণপূর্বতঃ
খরত্রিভাগেশগৃহং গতেঽপি বা |
ত্রিকোণগে বা মরণং শরীরিণাং
শশিন্যথ স্যাত্তনুরন্ধ্ররিঃফগে || ১৯||
নিধনেশ্বরগতরাশৌ ভানাবিন্দৌ তু ভানুগতরাশৌ |
নিধনাধিপসংযুক্তে নক্ষত্রে নির্দিশেন্মরণম্ || ২০||
যো রাশির্গুর্লিকোপেতঃ তত্ত্রিকোণগতে শনৌ |
মরণং নিশিজাতানাং দিবিজানাং তদস্তকে || ২১||
গুরুরাহুস্ফুটৈক্যস্য রাশিং যাতো গুরুর্যদা |
তদা তু নিধনং বিদ্যাত্তত্ত্রিকোণগতোঽথবা || ২২||
অষ্টমস্য ত্রিভাগাংশপতিস্থিতগৃহং শনৌ |
তদীহনবভাগর্ক্ষং গতে বা মরণং ভবেত্ || ২৩||
জন্মকালে শনৌ যস্য জন্মাষ্টমপতেরপি |
রাশেরংশকরাশের্বা ত্রিকোণস্থে শনৌ মৃতঃ || ২৪||
নিশীন্দুরাশৌ চেজ্জন্ম মান্দিভেঽংশে মৃতিঃ |
দিবার্কভে চেত্তদ্দ্যূনত্রিকোণে বা শনৌ মৃতিঃ || ২৫||
রন্ধ্রেশ্বরাদ্যাবতি ভে মান্দিস্তাবতি ভে ততঃ |
শনিশ্চেন্মরণং ব্রূযাদিতি সদ্গুরুভাষিতম্ || ২৬||
জন্মকালীনমৃগুজাত্কামশত্রু ব্যযে রবৌ |
মরণং নিশ্চিতং ব্রুযাদিতি সদ্গুরুভাষিতম্ || ২৭||
তিষ্ঠন্ত্যষ্টমরিঃফষষ্ঠপতযো রন্ধ্রত্রিভাগেশ্বরো
মান্দির্যদ্ভবনেষু তেষ্বপি গৃহেষ্বার্কীডযসূর্যেন্দবঃ |
সর্বে চারবশাত্প্রযান্তি হি যদা মৃত্যুস্তদা স্যান্নৃণাং
তেষামংশবশাদ্বদন্তু নিধনং তত্তত্ত্রিকোণেঽপি বা || ২৮||