ফলদীপিকা – ১৬

ষোডশোঽধ্যাযঃ

দ্বাদশ ভাবফল

লগ্ননবংশপতুল্যতনুঃ স্যাদ্বীর্যযুত্তগ্রহতুল্যতনুর্বা
চন্দ্রসমেতনবাংশপবর্ণঃ কাদিবিলগ্নবিভক্তভগাত্রঃ || ১||
লগ্নেশে কেন্দ্রকোণে স্ফুটকরনিকরে স্বোচ্চভে বা স্বভে বা
কেন্দ্রাদন্যত্রসংস্থে নিধনভবনপে সৌম্যযুক্তে বিলগ্নে |
দীর্ঘযুষ্মান্ধনাঢ্যো মহিতগুণযুতো ভূমিপালপ্রশস্তো
লক্ষ্মীবান্ সুন্দরাঙ্গো দৃঢতনুরভযো ধার্মিকঃ সত্কুটুম্বী || ২
সত্সংবন্ধযুতে কলেবরপতৌ সদ্গ্রামবাসোঽথবা
সত্সঙ্গঃ প্রবলগ্রহেণ সহিতে বিখ্যাতভূপাশ্রযঃ |
স্বোচ্চস্থে নৃপতিঃ স্বযং স্বগৃহগে তজ্জন্মভূমৌ স্থিতিঃ
সঞ্চারশ্চরভে স্থিতিঃ স্থিরগৃহে দ্বদ্বং দ্বিরূপং ফলম্ || ৩||
বিখ্যাতঃ কিরণোজ্বলে তনুপতৌ সুস্থে সুখী বর্ধনো
দুঃস্থে দুঃখ্যসদৃক্ষনীচভবনে বাসো নিকৃষ্টস্থলে |
স্বস্থো জীবতি শক্তিমত্যুদযভে বর্দ্ধিষ্ণরূর্জস্বলো
নিঃশক্তৌ নিহতো বিপদ্ভিরসকৃত্খিন্নো ভবেদাতুরঃ || ৪||
অর্থস্বামিনি মুখ্যভাবজুষি সত্স্বর্থে কুটুম্বশ্রিযা
সর্বোত্কৃষ্টগুণো ধনী চ সুমুখী স্যাদ্দূরদর্শী নরঃ |
সম্বন্ধে সবিতুর্দ্বিতীযপতিনা লোপকারক্ষমাণ্
বিদ্যামর্থমবাপ্নুযাদথ শনেঃ ক্ষুদ্রাল্পবিদ্যারতঃ || ৫||
জৈবে বৈদিকধর্মশাস্ত্রনিপুণো বৌধেঽর্থশস্ত্রে পদুঃ
শৃ~গরোক্তি পটুর্ভৃগোর্হিমরুচেঃ কিঞ্চিত্কলাবিধ্ভবেত্ |
কৌজে ক্রূরকলা পটুশ্চ পিশুনো রাহৌ স্থিতে লোহলঃ
কেতৌ ভ্রশ্যদলীকবাগ্ধনগতিঃ পাপৈশ্চ মূঢোঽধনঃ || ৬||
বন্ধো যদি স্যাত্তনুশৌর্যনাথগো-
রন্যোন্যরাশিস্থতযোর্বলাঢ্যযোঃ |
ধৈর্যং চ শৌর্যং সহজানুকূলতাং
প্রাপ্নোত্যযং সাহসকার্যকর্তৃতাম্ || ৭||
শৌর্যপে বলিনি সদ্গ্রহযুক্তে কারকেঽপি শুভভাবমুপেতে |
ভ্রাতৃ বৃদ্ধিরথ বীর্যবিহীনে দুঃস্থনে ভবতি সোদরনাশঃ || ৮||
অযুগ্মরাশৌ যদি কারকেশৌ
গুর্বর্কভূসূনুনিরীক্ষিতৌ চেত্ |
ওজো গৃহঃ স্যাদদি বিক্রমাখ্যঃ
পুংভ্রাতরস্ত্বংশবশাড্ভবেযুঃ || ৯||
দুঃস্থানে সুখপে শশিন্যপি সতাং যোগেক্ষণৈর্বজিতে
পাপান্তঃস্থিতিমত্যসদ্গ্রহযুতে দৃষ্টে জনন্যা মৃতিঃ
এতৌ দ্বাবপি বীর্যগৌ শুভযুতৌ দৃষ্টৌ শুভৈর্বন্ধুগৈ-
র্মাতুঃ সৌখ্যকরৌ বিধোশ্চ সুখগৈঃ সৌম্যৈর্বদেত্তত্সুখম্ || ১০||
লগ্নেশে সুখগেঽথবা সুখপতৌ লগ্নে তযোরীক্ষণী
যোগে বা শশিনস্তথা যদি করোত্যন্ত্যাং স্বমাতুঃ ক্রিযাম্ |
অন্যোন্যং যদি শত্রুনীচভবনে ষষ্ঠাষ্ঠমে বা তযো
র্মাতুর্নোপকরোতি নাশসগযে বন্ধস্তযোর্বা ন চেত্ || ১১||
মাত্রৃভাবোক্তবদ্বাচ্যং পিতৃভ্রাতৃসুতাদিষু |
ভাবকরকভাবেশলগ্নলগ্নেশ্বরৈর্বদেত্ || ১২||
সুস্থৌ সুখেশভৃগুজৌ তনুবন্ধুযুক্তা
বান্দোলিকাং জনপতেশ্বরতাং বিধত্তঃ |
স্বর্ণদ্যনর্ধ্যমণিভূষণপট্টশয্যা-
কামোপভোগকরণানি চ গোগজাশ্বান্ || ১৩||
দুঃস্থে সুখেশে কুজসূর্যক্তে
সুখেঽপি বা জন্মগৃহং প্রদগ্ধম্ |
জীর্ণং তমোমন্দযুতেঽরিযুক্তে
পরৈর্হৃতং গোক্ষিতিবাহনাদ্যম্ || ১৪||
সৌম্যর্ক্ষংশে সৌম্যযুক্তে পঞ্চমে বা তদীশ্বরে |
বৈশেষিকাংশে সদ্ভাবে ধীমান্নিষ্কপটী ভবেত্ || ১৫||
স্থিতিঃ পাপানাং বা দ্বিষতি বলযুক্তারিপতিনা
যুতো বা দৃষ্টো বা যদি রিপুগৃহে বা তনুপতিঃ |
অরীশঃ কেন্দ্রে বাঽপ্যশুভখগসংবীক্ষিতযুতো
রিপূণাং পীডাং দ্রাগ্ভৃশমপরিহার্যং বিতনুতে || ১৬||
ষষ্ঠেশ্বরাদতিবলিন্যুদযাধিনাথে
সৌম্যগ্রহাংশসহিতে শুভদৃষ্টযুক্তে |
সৌখ্যেশ্বরেঽপি সবলে যদি কেন্দ্রকোণে-
ষ্বারোগ্যমাগ্যসহিতো দৃঢগাত্রযুক্তঃ || ১৭||
শত্রুনাথে তু দুঃস্থানে নীচমূঢারিসংযুতে
টস্মাদ্বলাধ্যেলগ্নেশে শত্রুনাশং রবৌ শুভে || ১৮||
যদ্ভাবেশযুতো বৈরিনাথো যদ্ভাবসংশ্চিতঃ |
ষষ্টস্থিতো যদ্ভাবেশস্তে ভাবাঃশত্রুতাং যযুঃ || ১৯||
সত্সংবন্ধযুতে সপ্তর্ক্ষে তদীশে বলান্বিতে |
পতিপুত্রবতী ষঢ্বী ভার্যা সর্ক্গুণৈর্বৃতা || ২০||
কেন্দ্রাদন্যত্র রধ্রেশে লগ্নেশাদ্দুর্বলে সতি |
নাধির্ন বিঘ্নো ন ক্লেশো নৃণামাযুশ্চিরং ভবেত্ || ২১||
ধর্মে কুজে বা সূর্য বা দুঃস্থে তন্নাযকে সতি |
পাপমধ্যগতে বাঽপি পিতুর্মরণমাদিশেত্ || ২২||
দিবা সূর্যে নিশা মন্দে সুস্থে শুভনিরীক্ষিতে |
ধর্মেশে বলসংযুক্তে চিরং জীবতি তত্পিতা || ২৩||
মন্দারযোঃ শীতরুচৌ চ সূর্যে ত্রিকোণগে তজ্জননীপিতৃভ্যাম্ |
ত্যত্কো ভবেচ্ছক্রপুরোহিতেন দৃষ্টে তনূজোঽস্তি সুখী চিরাযুঃ || ২৪||
শনির্ভগ্যাধিপঃ স্যাচ্চেচ্চরস্থো ন শুভেক্ষিতঃ |
সূর্যে দুঃস্থানগেঽপ্যন্যপিতরং হ্যুপজীবতি || ২৫||
ধর্মে তদীশে বা মন্দযুক্তে দৃষ্টেঽপি বা চরে |
জাতো দত্তো ভবেন্নূনং ব্যযেশে বলশালিনি || ২৬||
নভসি শুভখগে বা তত্পতৌ কেন্দ্রকোণে
বলিনি নিজগৃহোচ্চে কর্মগে লগ্নপি বা |
মহিতপৃথুযশাঃ স্যাদ্ধর্মকর্মপ্রদৃত্তঃ
নৃপতিসদৃশভাগ্যং দীর্ঘমাযুশ্চ তস্য || ২৭||
উর্জস্বী জনবল্লভে দশমগে সূর্যে কুজে বা মহত্
কার্যং সাধযতি প্রতাপবহুলং খেশশ্চ সুস্থো যদি |
সব্দ্যাপারব্তীং ক্রিযং বিতনুতে সৌম্যেষু সচ্ছলাধিতাং
কর্মস্থেষ্বহিমন্দকেতুষু ভবেদ্দুষর্মকারী নরঃ || ২৮||
লাভেশে যদ্ভাবনাথযুক্তে যদ্ভাবগেঽপি বা |
ভাবং তদনুরূপস্য বস্তুনো লাভগৈরপি || ২৯||
ব্যযস্থিতো যদ্ভাবেশো ব্যযেশো যত্র তিষ্ঠতি |
তস্য ভাবস্যানুরূপবস্তুনো নাশমাদিশেত্ || ৩০||
ভাবেশস্থিতভংশকোণমপি বা ভাবং তু বা লগ্নপো
লগ্নেশস্থিতভাংশকোণমুদযং বাঽযাতি ভাবাধিপঃ |
সংযোগেঽপি বিলোকনেঽপি চ তযোস্তদ্ভাবসিদ্ধিং তদা
ব্রূযাত্কারকযোগতস্তনুপতের্লগ্নাচ্চ চন্দ্রাদপি || ৩১||
যদ্ভাবেশাস্থতর্ক্ষাংশত্রিকোণস্থে গুরুর্যদা |
গোচরে তস্য ভাবস্য ফলপ্রাপ্তিং বিনির্দিশেত্ || ৩২||
লগ্নারিনাথযোগে তু লগ্নেশাদ্দুর্বলে রিপৌ |
তদা তদ্বশগঃ শত্রুবীপরিতমতোঽন্যথা || ৩৩||
যদ্ভাবপস্য তনুপস্য ভবত্যরিত্বা-
ত্তত্কালশত্রু বশতোঽরিমৃতিস্থিতো বা |
স্পর্ধাং তদা বদতু নেত চ গোচরস্থ-
স্তদ্বত্সুহৃত্বমপি সংযুতিমৈত্রতশ্চ || ৩৪||
লগ্নেশযদ্ভাবপযোস্তু যোগো
যদা তদা তত্ফলসিদ্ধিকালঃ |
ভাবেশবীর্যে শুভমন্যথান্য-
ল্লগ্নাচ্চ চন্দ্রাদপি চিন্তনীযম্ || ৩৫||