ফলদীপিকা – ১৫

পঞ্চদশোঽধ্যাযঃ

ভাবচিন্তা

ভাবাহ্ সর্বে শুভপতিযুতা বীক্ষিতা বা শুভেশৈ-
স্তত্তদ্ভাবাঃ সকলফলদাঃ পাপদৃগ্যোগহীনাঃ |
পাপাঃ সর্বে ভবনপতযশ্চেদিহাহুস্তথৈব
খেটৈঃ সর্বৈঃ শুভফলমিডং নীচমূঢারিহীনৈঃ || ১||
তত্তদ্ভাবাত্ ত্রিকোণে স্বসুখমদনভে চাস্পদে সৌম্যযুক্তে
পাপানাং দৃষ্টিহীনে ভবনপসহিতে পাপখেটৈরযুক্তে
ভাবানাং পুষ্টিমাহুঃ সকলশুভকরীমন্যথা চেত্প্রণাশং |
মিশ্রং মিশ্রৈর্গ্রহেন্দ্রৈঃ সকলমপি তথা মুর্তিভাবাদিকানাম্ || ২||
নাশস্থানগতো দেবাকরকরৈর্লুপ্তস্তু যুদ্ভাবপো
নীচারাতিগৃহং গতো যদি ভবেত্সৌম্যৈরযুক্তেক্ষিতঃ |
তদ্ভাবস্য বিনাশনং বিতনুতে তাদৃগ্বধোঽন্যোঽস্তি চেত্
তদ্ভাবোঽপি ফলপ্রদো ন হি শুভশ্চেন্নাশমুগ্রগ্রহঃ || ৩||
লগ্নাদিভাবাদ্রিপুরন্ধ্ররিঃফে পাপগ্রহাস্তদ্ভবনাদিনাশম্ |
সৌম্যাস্তু নাত্যন্তফলপ্রদাঃ স্যুর্ভবাদিকানাং ফলমেবমাহুঃ || ৪||
যদ্ভাবনাথো রিপুরন্ধ্ররিঃফে দুঃস্থানপো যদ্ভবনস্থিতো বা |
তদ্ভাবনাশং কথযন্তি তজ্জ্ঞাঃ শুভেক্ষিতস্তদ্ভবনস্য সৌখ্যম্ || ৫||
ভাবাধীশে চ ভাবে সতি বলরহিতে চ গ্রহে কারকাখ্যে
পাপান্তহ্স্থে চ পাপৈররিভিরপি সনেক্ষিতে নান্যখেটৈঃ |
পাপৈস্তদ্বন্ধুমৃত্যুব্যযভবনগতৈস্তত্ত্রিকোণস্থিতৈর্বা
বাচ্যা তদ্ভাবহানিঃ স্ফুটমিহ ভবতি দ্বিত্রিসংবাদভাবাত্ || ৬||
তত্তদ্ভাবপরাভবেশ্বরখরদ্রেষ্কাণপা দুর্বলা
ভাবার্যষ্টমকামগা নিজদশাযাং ভাবনাশপ্রদাঃ |
পাপা ভাবগৃহাত্ ত্রিশত্রুভবগাঃ কেন্দ্রত্রিকোণে শুভাঃ
বীর্যঢ্যাঃ খলু ভাবনাথসুহৃদো ভাবস্য সিদ্ধিপ্রদাঃ || ৭||
রাশ্তোজন্মবিলগ্নযোর্ধৃতিপতির্ভৃত্যুস্থতদ্বীক্ষকৌ
মন্দঃ ক্রূরদৃগাণপো গুলিকপস্তৈর্যুক্তরাশ্যংশপা
রাহুশ্চৈষ সুদুর্বলঃ স জননেভাবানভীষ্টস্থিতঃ
পাপালোকিতসংযুতো নিজদশাযাং ভাবনাশাবহাঃ || ৮||
ভাবস্যোদযপাশ্রিতস্য কুশলং যদ্ভাবপেনোদয-
স্বামী তিষ্ঠতি সংযুতোঽপি কলযেত্তদ্ভাবজাতং ফলম্ |
দুঃস্থানে বিপরীতমেতদুদিতং ভাবেশ্বরে দুর্বলে
দোষোঽতীব ভবেদ্বলেন সহিতে দোষাল্পতা জল্পিতা || ৯||
যদ্ভাবেষ্বশুভোঽপি বোদযপতিস্তদ্ভাববৃদ্ধিং দিশে-
দ্দুঃস্থানাধিপতিঃ স চেদ্যদি তনোঃ প্রাবল্যমন্যস্য ন |
অত্রোদাহরণং কুজে সুতগতে সিংহে বুষে বা স্থিতে
পুত্রাপ্তিং শুভবীক্ষিতে ভুটিতি তত্প্রাপ্তিং বদন্ত্যুত্তমাঃ || ১০||
দ্বিস্থানাধিপতিত্বমস্তি যদি চেন্মুখ্যং ত্রিকোণর্ক্ষজং
তস্যার্দ্ধং স্বগৃহেঽথ পূর্বমুভযোর্যত্তদৃষাদৌ বদেত্ |
পশ্চদ্ভাবমিহাপরার্দ্ধসমযে যুগ্মে গৃহে যুগ্মজং
ত্বোজস্থে সতি চৌজভাবজফলং শংসন্তি কেচিজ্জনাঃ || ১১||
যদ্ভাবেশস্যাধিশত্রুগ্রহো বা
যো বা খেটো বিন্দুশূন্যর্ক্ষযুক্তঃ
তত্তত্পাকে মূর্তিভাবাদিকানাং
নাশং ক্রূযাদৃঐববিত্প্রাশ্রিকায || ১২||
স্বোচ্চে সুহৃত্ক্ষেত্রগতো গ্রহেন্দ্রঃ
ষড্ভির্বলৈর্মুখ্যবলান্বিতোঽপি |
সন্ধৌ স্থিতঃ সন্নফলপ্রদঃ স্যত্
এবং বিচিন্ত্যাত্র বদেদ্বিপাকে || ১৩||
ভাবেষু ভাবস্ফুটতুল্ভাগস্ত-
দ্ভাবজং পূর্ণফলং বিধত্তে |
সন্ধৌ ফলং নাস্তি তদন্তরালে
চিন্ত্যোঽনুপাতঃ খলু খেচরাণম্ || ১৪||
সূর্যাদাত্মপিতৃপ্রভাবনিবিজাং শক্তিং শ্রিযং চিন্তযেত্
চেতোবুদ্ধিনৃপপ্রসাদজননীসংপত্করশ্চন্দ্রমাঃ |
সত্বং রোগগুণানুজাবনিরিপুজ্ঞাতীন্ধরাসূনুনা
বিদ্যাবন্ধুবিবেকমাতুলসুহৃদ্বাক্কর্মকৃদ্বোধনঃ || ১৫||
প্রজ্ঞাবিত্তশরীরপুষ্টিতনযজ্ঞানানি বাগীশ্বরাত্
পত্নীবাহনভূষণানি মদনব্যাপারসৌখ্যং ভৃগোঃ |
আযুর্জীবন্মৃত্যুকারণবিপদ্ভৃত্যাংশ্চ মন্দাদ্বদেত্
সর্পেণৈব পিতামহংতু শিখিনা মাতামহং চিন্তযেত্ || ১৬||
দ্যুমণিরমন্ত্রী ভূসুতঃ সৌমসৌম্যৌ
গুরুরিনতনযারৌ ভার্গবো ভানুপুত্রঃ |
দিনকরদ্বিজেজৌ জীবভানুজ্ঞমন্দাঃ
সুরগুরুরিনসূনুঃ কারকাঃ স্যুবিলগ্নাত্ || ১৭||
সুহৃদরিপরকীযস্বর্ক্ষতুঙ্গস্থিতানাং
ফলমনুপরিচিন্ত্যং লগ্নদেহাদিভাবৈঃ |
সমুপচযবিপত্তী সৌম্যপাপেষু সত্যঃ
কথযতি বিপরীতং রিঃফষষ্টমেষু || ১৮||
পাপগ্রহাঃ ষষ্ঠমৃতিব্যযস্থা-
স্তদ্ভাববৃদ্ধিং কলযন্তি দোষৈঃ |
শুভাস্তু তদ্ভাবলযং হি
তস্মাচ্ছত্রবাদি ভাবোত্ফলপ্রণাশঃ || ১৯||
ভাবস্য যস্যৈব ফলং বিচিন্ত্যং
ভাবং চ তং লগ্নমিতি প্রকল্প্য |
তস্মাদ্বদেদ্দ্বাদশভাবজানি
ফলানি তদ্রূপধনাদিকানি || ২০||
এবং হি তত্কারকতো বিচিন্ত্যং
পিতুশ্চ মাতুশ্চ সহোদরস্য |
তন্মাতুলস্যাপি সুতস্য পত্যু-
র্ভৃত্যস্য সূর্যাদিখগস্থিতর্ক্ষাত্ || ২১||
সূর্যাস্থিতর্ক্ষাজ্জনকস্বরূপং
বৃদ্ধিং দ্বিতীযেন তু তত্প্রকাশম্ |
তদ্ভ্রাতরং তস্য গুণং তৃতীযাত্
তন্মাতরং চাপি সুখং চতুর্থাত্ || ২২||
বুধিং প্রসাদং সুতভাচ্চ ষষ্ঠা-
ত্পীডা পিতুর্দোষর্মারং চ রোগম্ |
কামং মদং তস্য তু সপ্তমেন
দুঃখং মৃতিং মৃত্যুগৃহাত্তদযুঃ || ২৩||
পুণ্যং শুভং তত্পিতরং শুভেন
ব্যাপারমস্যৈব হি কর্মভাবাত্ |
লাভং হ্যুপান্ত্যাত্ ক্ষযমন্ত্য-
ভাবাচ্চন্দ্রাদিকানাং ফলমেবমাহুঃ || ২৪||
তত্তদ্ভাবাত্কারকাদেবমূহ্যং
তত্তন্মাতৃভ্রাতৃপিত্রাত্মজাদ্যম্ |
তস্মিন্ ভাবে কারকে ভাবনাথে
বীর্যোপেতে তস্য ভাবস্য সৌখম্ || ২৫||
ধর্মে সূর্যঃ শীতগুর্বন্ধুভাবে
শৌর্যে ভৌমঃ পঞ্চমে দেবমন্ত্রী
কামে শুক্রশ্চাষ্টমে ভানুপুত্রঃ
কুর্যাত্তস্য ক্লেশমিত্যাহুরন্যে || ২৬||
লগ্নেশ্বরো যদ্ভবনেশযুক্তো
যদ্ভাবগস্তস্য ফলং দদাতি |
ভাবে তদীশে বলভাজি তেন
ভাবেন সৌখ্যং ব্যসনং বলোনে || ২৭||
যদ্ভাবপ্রভুণা যুতো বলবতা মুখ্যাঙ্গগো লগ্নপ-
স্তদ্ভাবানুভবং বিতনুতে যদ্ভাবগস্তস্য চ |
সংযুক্তো বলহীনভাবপতিনা নিন্দ্যাঙ্গভাজাং ফলং
কুর্যাত্তদ্বিপরীতমেবমুদিতং সর্বেষু ভাবেষ্বপি || ২৮||
দুঃস্থানপস্তদিতরস্বগৃহস্থিতশ্চেত্
স্বক্ষেত্রভাবফলমেব করোতি নান্যতি
মন্দো মৃগে সুতগৃহে যদি পুত্রসিদ্ধিঃ
ষষ্ঠাধিপতকৃতদোষফলং চ নাত্র || ২৯||
রাশৌ স্থিতির্মিথো যোগো দৃষ্তিঃ কেন্দ্রেষু সংস্থিতঃ |
ত্রিকোণে বা স্থিতিঃ পঞ্চপ্রকারো বন্ধ ঈরিতঃ || ৩০||