ফলদীপিকা – ১৩

ত্রযোদশোঽধ্যাযঃ

আযুর্ভাব

জাতে কুমারে সতি পূর্বমার্যৈ
রাযুর্বিচিন্ত্যং হি ততঃ ফলানি |
বিচারণীযা গুণিনি স্থিতেতদ্
গুণাঃ সমস্থাঃ খলু লক্ষণজ্ঞৈঃ || ১||
কেচিদ্যথাধানবিলগ্নমন্যে শীর্ষোদযং ভূপতনং হি কেচিত্ |
হোরাবিদশ্চিতনকাযযোন্যোর্বিযোগকালং কথযন্তি লগ্নম্ || ২||
আদ্বাদশাব্দান্নরযোনিজন্মনা-
মাযুষ্কলা নিশ্চযিতুং ন শক্যতে
মাত্রা চ পিত্রা কৃতপাপকর্মণ
বালগ্রহৈর্নশমুপৈতি বালকঃ || ৩||
আদ্যে চতুষ্কে জননীকৃতাঘৈ-
র্মধ্যে চ পিত্রার্জিতপাপসঙ্ধৈঃ |
বালস্তদন্ত্যাসু চতুঃশরত্সু
স্বকীযদোষৈঃ সমুপৈতি নাশম্ || ৪||
তদ্দোষশান্ত্যৈ প্রতিজন্মতার-
মাদ্বদশাব্দং জপহোমপূর্বম্ |
আযুষ্করং কর্ম বিধায তাতা
বালং চিকিত্সাদিভিরেব তক্ষেত্ || ৫||
আষ্টৌ বালারিষ্টমাদৌ নরাণং
যোগারিষ্টং প্রাহুরাবীংশতি স্যাত্ |
অল্পং চাদ্বাত্রিংশতং মধ্যমাযু-
শ্চাসপ্তত্যাঃ পূর্ণমাযুঃ শতান্তম্ || ৬||
নৃণাং বর্ষশতং হ্যাযুস্তাস্মীংস্ত্রেধা বিভজ্যতে |
অল্পং মধ্যং দীর্ঘমাযুরিত্যেতত্সর্বসম্মতম্ || ৭||
মৃত্যুঃ স্যাদ্দিনমৃত্যুরুগ্বিষঘটীকালেঽথ তিষ্যেঽম্বুভে
তাতাম্বাসুতমাতুলান্পদবশাত্ত্বাষ্ট্রে চ হন্যাত্তথা |
মূলর্ক্ষে পিতৃমাতৃবংশবিলযং তস্যান্ত্যপাদে শ্রিযাং
সার্পে ব্যস্তমিদং ফলং ন শুভসম্বন্ধং বিলগ্নং যদি || ৮||
পাপাপ্তেক্ষিতরাশিসন্ধিজননে সদ্যো বিনাশং ধ্রুবং
গণ্ডান্তে পিতৃমতৃহা শিশুমৃতির্জীবেদ্যদি ক্ষ্মাপতিঃ |
জাতঃ সন্ধিচতুষ্টযেঽপ্যশুভসংযুক্তেক্ষিতে স্যান্মৃতি-
র্মৃর্ত্যোভার্গগতে চ সা সাতি বিধৌ কেন্দ্রোঽষ্টমে বা মৃতিঃ || ৯||
চান্দ্রং রূপং লোকশূরো বরজ্ঞঃ
কুড্যে চিত্রং ভাগ্যলোকে শুকানাম্ |
মেনে রাজ্যং মৃত্যুভাগাঃ প্রদিষ্টা
মেষাদিনাং বর্ণসম্খ্যৈহীমাংশোঃ || ১০||
দানং ধেনো রুদ্র রৌদ্রী মুখেন
ভাগ্যা ভানুর্গোত্র জাযা নখেন |
পুত্রী নিত্যং মৃত্যুভাগাঃ ক্রমেণ
মেষাদীনাং তেষু জাতা গতাযুঃ || ১১||
রন্ধ্রে কেন্দ্রেষু পাপৈরুদযনিধনগৈর্বথ লগ্নাস্তযোর্ব
লগ্নেঽব্জেবোগ্রমধ্যে ব্যযমৃতিরিপুগে দুর্বলে শীতভনৌ |
ক্ষীণেন্দৌ সাশুভে বা তনুমদগুরুধীভাজি রন্ধ্রাস্তগোগ্রৈ-
মৃত্যুঃ স্যাদশু কেন্দ্রে ন যদি শুভখগাঃ সদ্যুতির্বীক্ষণং বা || ১২||
জন্মেশোঽথ বিলগ্নপো যদিভবেদ্দুস্থোঽবলো বত্সরৈ-
স্তদ্রাশিপ্রমিতৈশ্চ মারযতি তন্মাসৈদৃর্গাণাধিপঃ |
অংশেশো দিবসৈস্তথা যদি মৃতির্দ্বিত্র্যাদিযোগান্বহূ-
নালোচ্য প্রবদেত্সুতাষ্টমগতৈঃ পাপৈররিষ্টং শিশোঃ || ১৩||
লগ্নেন্দ্বোস্তদধীসযোরপি মিথো লগ্নেশরন্ধ্রেশযো-
র্দ্রেক্কাণাস্বনবাংশকাদপি মিথস্তদ্দ্বাদশাংশাত্ক্রমাত্ |
আযুর্দীর্ঘসমাল্পতাং চরনগব্দ্যাংগৈশ্চরেঽথ স্থিরে
ব্রূযাদ্দ্বন্দ্বচরস্থিরৈরুভযভৈঃ স্থাস্নুদ্বিদেহাটনৈঃ || ১৪||
লগ্নাধীশশুভাঃ ক্রমাদ্বহুসমাল্পাযুংষি কেন্দ্রাদিগাঃ
রন্ধ্রেশোগ্রখগাস্তথা যদি গতা ব্যস্তং বিদধ্যুঃ ফলং |
জন্মেশাষ্টমনাথযোরুদযপচ্ছিদ্রেশযোর্মৈত্রতো
ভাস্বল্লগ্নপযাশ্চিরাযুরহিতেঽল্পাযুঃ সমে মধ্যমঃ || ১৫||
লগ্নাধিপো লগ্ননবংশনাযকো
জন্মেশ্বরো জন্মনবাংশনাযকঃ |
স্বস্বাষ্টমেশাদ্যদি চেদ্বলান্বিতা
দীর্ঘযুষঃ স্যুবিপরীতমন্যথ || ১৬||
লগ্নেশ্বরাদতিবলী নিধনেস্বরোঽসৌ
কেন্দ্রস্থিতো নিধনরিঃ ফগতিশ্চ পাপৈঃ |
তস্যাযুরল্পমথবা যদি মধ্যমাযু-
রুত্সাহসংকটবশাত্পরমাযুরেতি || ১৭||
নরোঽল্পাযুযোর্গে প্রথমভগণে নশ্যতি শনে-
র্দ্বিতীযে মধ্যাযুর্যদি ভবতি দীর্ঘযুষি সতি |
তৃতিযে নির্যাণং স্ফুটজশনিগুর্বর্কহিমগূন্
দশাং ভুক্তি কষ্টমপি বদতি নিশ্চিত্য সুমতিঃ || ১৮||
সপাপো লগ্নেশো রবিহতরুচির্নীচরিপুগো
যদা দুঃস্থানেষু স্থিতিমুপগতো গোচরবশাত্ |
তনৌ বা তদ্যোগো যদি নিধনমাহুস্তনুভৃতাং
নবাংশাদ্দ্রেক্কাণাচ্ছিশিরকরলগ্নাদপি বদেত্ || ১৯||
শশী তদারূঢগৃহাধিপশ্চ
লগ্নাধিনাথশ্চ যদা ত্রযোঽমী |
গুণাধিকাঃ সদ্গ্রহদৃষ্টযুক্ত
গুণধিকং তং কথযন্তি কালম্ || ২০||
লগ্নাধিপোঽতিবলবানশুভৈরদৃষ্টঃ
কেন্দ্রস্থিতঃ শুভখগৈরবলোক্যমানঃ |
মৃত্যুং বিহায বিদধাতি স দীর্ঘমাযুঃ
সার্দ্ধং গুণৈর্বহুভিরূর্জিতরাজলক্ষ্ম্যা || ২১||
সর্বতিশায্যতিবলঃ স্ফুরদংশুজালো
লগ্নে স্থিতঃ প্রশমযেত্ সুররাজমন্ত্রী
একো বহূনি দুরিতানি সুদুস্তরাণি
ভক্ত্যা প্রযুক্ত্যা ইব চক্রধরে প্রণমঃ || ২২||
মূর্তেস্ত্রিকোণাগমকণ্টকেষু রবীন্দুজীবর্ক্ষনবাংশসংস্থঃ |
সুকর্মকৃন্নত্যমশেষদোষান্মুষ্ণাতি বদ্ধিষ্ণরনুষ্ণরশ্মিঃ || ২৩||
কেন্দ্রত্রিকোণনিধনেষু ন যস্য পাপা
লগ্নাধিপঃ সুরগুরুশ্চ চতুষ্টযস্থৌ |
ভুক্ত্বা সুখানি বিবিধানি সুপুণ্যকর্মা
জীবেচ্চ বত্সরশতং স বিমুক্তরোগঃ || ২৪||
শ্চীপত্যুদীরিতদশাভিরথাষ্টবর্গত্-
যত্কালচক্রদশযোডুদশাপ্রকারাত্ |
সম্যক্স্ফুটাভিহতযা ক্রিযযাপ্তবাক্যা-
দাযুর্বুধো বদতু ভূরিপরীক্ষযা চ || ২৫||