ফলদীপিকা – ১২

দ্বাদশোঽধ্যাযঃ

পুত্রভাব ফল

সুস্থা বিলগ্নশশিনোঃ সুতভেশজীবাঃ
সুস্থাননাথশুভদৃষ্টিযুতে সুতর্ক্ষে |
লগ্নাত্মপৌ যদিযুতৌ চ মিথঃ সুদৃষ্টৌ
ক্ষেত্রে পরস্পরগতৌ যদি পুত্রসিদ্ধিঃ || ১||
লগ্নামরেড্যশশিনাং সুতভেষু পাপৈ-
র্যুক্তেক্ষিতেষ্বথ শুভৈরযুতেক্ষিতেষু |
পাপোভযেষু সুতভেষু সুতেশ্চরেষু
দুঃস্থানগেষু ন ভবন্তি সুতাঃ কর্থচিত্ || ২||
পাপে স্বর্ক্ষগতে সুতে তনযভাক্ তস্মিন্ সপাপে পুনঃ
পুত্রাঃ স্যুর্বহুলাঃ শুভস্বভবনে সোগ্রে সুতে পুত্রহ |
সংজ্ঞাং চাল্পসুতর্ক্ষমিত্যলিবৃষস্ত্রীসিংহহভানাং বিদুঃ
তদ্রাশৌ সুতভাবগেঽল্পসুতবান্ কালান্তরেঽসাবিতি || ৩||
সূর্যে চাল্পসুতর্ক্ষগে নিধনগে মন্দে কুজে লগ্নগে
লগ্নাষ্টব্যয্গৈঃ শনীড্যরুধিরৈশ্চাল্পাত্মজর্ক্ষে সুতে |
চন্দ্র লাভগতে গুরুস্থিতসুতস্থানে সপাপে ভবে-
ল্লগ্নেঽনেকখগানন্বিতে তনযভাক্কালান্তরে যত্নতঃ || ৪||
সূর্যে নান্যুতে সুতর্ক্ষসহিতে চন্দ্রস্য গেহে স্থিতে
ভৌমে বা ভৃগুজেঽপি বা সতি সুতপ্রাপ্তি দ্বিতীযস্ত্রিযাম্ |
মন্দে বা বহুপুত্রবাঞ্চ্ছশিনি বা সৌম্যেঽপি বাল্পাত্মজো
দেবেড্যে বহুদারিকা শশিগৃহে তদ্বত্সুতাধিপেষ্ঠিতে || ৫||
সুখাস্তদশমস্থিতৈরশুভকাব্যশীতাংশুভির্-
ব্যযাষ্টতনযোদযেষ্বশুভগেষু বংশক্ষযঃ |
মদে কবিবিদৌ মতৌ গুরুরসদ্ভিরংবুস্থিতৈঃ
সুতে শশিনি নৈধনব্যযতনুস্থপাপৈরপি || ৬||
পাপে লগ্নে লগ্নপে পুত্রসংস্থে
ধীশে বীর্যে বেশ্মনীন্দাবপুত্রঃ |
ওজর্ক্ষেশে পুত্রগে সূর্যদৃষ্টে
চন্দ্রে পুত্রক্লেশভাক্ স্যাদসূনুঃ || ৭||
মান্দং সুতর্ক্ষে যদি বাঽথবৌধং
মান্দ্যর্কপুত্রান্বিতবীক্ষিতং চেত্ |
দত্তাত্মজঃ স্যাদুদযাস্তনাথ-
সংবন্ধহীনো বিবলঃ সুতেশঃ || ৮||
নীচারিপূঢোপগতে সুতেশে
রিঃফারিরন্ধ্রাধিপসংযুতে বা |
সুতস্য নাশঃ কথিতোঽত্র তজ্জ্ঞৈঃ
শুভৈরদৃষ্টে সুতভে সুতেশে || ৯||
সুতনাথজীবকুজভাস্করেষু বৈ
পুরুষংশকেষু চ গতেষু কুত্রচিত্ |
মুনযো বদন্তি বহুপুত্রতং তদা
সুতনাথবীর্যবশতঃ সুপুত্রতাম্ || ১০||
পুংরাশ্যংশেঽধীস্বরে পুংগ্রহেন্দ্রৈ-
র্যুক্তে দৃষ্টে পুংগ্রহে পুংপ্রসুতিঃ |
স্ত্রীরাশ্যাংশে স্ত্রীগ্রহৈর্যুক্তদৃষ্টে
স্ত্রীণাং জন্ম স্যাত্সুতর্ক্ষে সুতেশে || ১১||
বলযুক্তৌ স্বগৃহাংশেষ্বর্কসিতাবুপচযর্ক্ষগৌ পুংসাম্ |
স্ত্রীণাং বা কুজচন্দ্রৌ যদা তদা সংভবতি গর্ভঃ || ১২||
অশত্রুনিচারিনবাংশকৈঃ সুতে
সুতেশযুক্তৈরপি তৈস্তথাবিধৈঃ |
সুতর্ক্ষগৈর্বা গুরুভাদিনাংশকাত্সুতে
ফলৈঃ পুত্রমিতির্বিচিন্ত্যতে || ১৩||
জীবেন্দুক্ষিতিজস্ফুটৈক্যভবনে যুগ্মে চ যুগ্মাংশকে
স্ত্রীণাং ক্ষেত্রেবলং বদন্তি সুতদং মিশ্রে প্রযাসাত্ফলম্
ভাস্বচ্ছুক্রগুরুস্ফুটৈক্যভব নেপ্যোজাংশকেঽপ্যোজভে
পুংসাং বীজবলং সুতপ্রদমিমং মিশ্রে তু মিশ্রং বদেত্ || ১৪||
পঞ্চাঘ্নাচ্ছশিনঃ ফুটাদিশুহতং ভানুস্ফুটং শোধযে-
ন্নীত্বা তত্র তিথিং সিতে শুভতিথৌ পুত্রোঽস্ত্যযত্নাদপি |
কৃষ্ণে নাস্তি সুতস্তিথের্বলবশাদ্ব্রূযাদ্দ্বংযোঃ পক্ষযোঃ
দর্শে চ্ছিদ্রতিথৌ চ বিষ্টিকরণে ন স্যাত্ স্থিরাখ্যে সুতঃ || ১৫||
বিষ্টিঃ স্থিরং বা করণং যদি স্যাত্
কৃষ্ণং জযেত্ পৌরুষসূক্তমন্ত্রৈঃ |
পষ্ঠ্যাং গুহার্ধনমত্র কার্যং
যজেচ্চতুর্থ্যাং কিল নাগরাজং || ১৬||
রামাযণস্য শ্রবণং নবম্যং
যদ্যষ্টমী চেচ্ছ্রবণব্রতং চ |
চতুর্দশী চেদ্যাদি রুদ্রপূজা
স্যাদ্দ্বাদশী চেত্সমৃতমন্নদানম্ || ১৭||
তৃপ্তি পিতৄণামিহ পঞ্চদশ্যাং
কৃষ্ংএ দশম্যাঃ পরতোঽতিযত্নাত্ |
পক্ষত্রিভাগেষ্বপি নাগরাজং
স্কন্দং চ সেবেত হরী ক্রমেণ || ১৮||
পুত্রেশো রিপুনীচগোঽস্তমযগো রিঃফাষ্টমারিস্থিত
স্তদ্বত্পুত্রগৃহস্থিতোঽপি যদি বা দুঃস্থানপস্তদ্বশাত্ |
পুত্রাভাবনিদানমেব কথযেত্ তত্খেচরাক্রান্তভ-
প্রোক্তৈর্দৈবতভূরুহৈরপি মৃগৈঃ সন্তানহেতু বদেত্ || ১৯||
দ্রোহাচ্ছংভুসুপর্ণযোর্নহি সুতঃ শাপাত্পিতৄংআংরবে
রিন্দোর্মতৃসুবাসিনীভগবতীকোপান্মনোদোষতঃ |
স্বগ্রামস্থিতদ্বতাগুহরিপুজ্ঞাত্যুত্থদোষাত্কুজে
শাপাদ্বালকৃতাদ্বিলালবধতঃ শ্চীবিষ্ণুকোপাদূবুধে || ২০||
পারংপর্যসুরপ্রিযদ্বিজগুরুদ্রোহাত্ফলাঢ্যদ্রু ম-
চ্ছেদাদ্দেবগুরৌ তথা সতি ভৃগৌ পুষ্পদ্রুমচ্ছেদনাত্ |
সাধ্বীগোকুলজাতদোষবশতো যক্ষ্যাদিকামেন সা
মন্দেঽশ্বত্থবধাদ্রুষা পিতৃপতেঃ প্রেতৈঃ পিশাচাদিভিঃ || ২১||
স্বর্ভানৌ সুতগে সুতেশসহিতে সর্পস্য শাপাত্তথা
কেতৌ ব্রাহ্মণশাপতশ্চ গুলিকে প্রেতোথশাপং বদেত্ |
শুক্রেন্দূ গুলিকান্বিতৌ যদি বধূগোহত্তিমাহুঃ সুতে
জীবো বাথ শিখী সমান্দিরিহ চেদ্ভূদেবত্যা.সুতঃ || ২২||
এবং হি জন্মসমযে বহুপূর্বজন্ম-
কর্মার্জিতং দুরিতমস্য বদন্তি তজ্জ্ঞাঃ |
তত্তদ্গ্রহোক্তজপদানশুভক্রিযা-
ভিস্তদ্দোষশান্তিমিহ শংসতু পুত্রসিধ্দ্যৈ || ২৩||
সেতুস্নানং কীর্তনং সত্কথাযাঃ
পূজাং শংভোঃ শ্রীপতেঃ সদ্ব্রতানি |
দানং শ্চাদ্ধং কর্জনাগপ্রতিষ্টাং
কুর্যদেতৈঃ প্রাপ্নুযাত্সন্তর্তি সঃ || ২৪||
লগ্নাস্তপুত্রপতিজীবদশাপহারে
পুত্রেক্ষকস্য সুতগস্য চ পুত্রসিদ্ধিঃ
পুত্রেশরাশিমথবা যমকণ্টকর্ক্ষং
জীবেগতে তনযসিদ্ধিরথাংশভে বা || ২৫||
লগ্নাধীশঃ পুত্রনাথেন যোগং
স্বোচ্চে স্বর্ক্ষেচারগত্যা সমেতি |
পুত্রপ্রাপ্তিঃ স্যাত্তদা লগ্ননাথঃ
পুত্রর্ক্ষং বা যাতি ধীশাপ্তভং বা || ২৬||
বিলগ্নকামাত্মজনাযকানাং যোগাত্সমানীয দশাং মহাখ্যাম্ |
সুতস্থতদ্বীক্ষকতত্পতীনাং দশাপহারেষু সুতোদ্ভবঃ স্যাত্ || ২৭||
সুতপতিগুর্বোরথবা তদ্যুক্তরাশ্যংশকাধিপানাং বা |
বলসহিতস্য দশাযামপহারে বা সুতপ্রাপ্তিঃ || ২৮||
জীবে তু জীবাত্মজনাথভশক-
ত্রিকোণগে পুত্রজনির্ভবেন্নৃণাম্ |
অথান্যশাস্ত্রেণ চ জন্মকালতো
নিরূপযেত্সন্ততিলক্ষণং বুধঃ || ২৯||
জন্মনক্ষত্রনাথস্য প্রত্যযর্ক্ষর্ধিপস্য চ
স্ফুটযোগং গতে জীবে ত্রিকোণে বা সুতোদ্ভবঃ || ৩০||
নিষেকলগ্নাদ্দিনপস্তৃতীযে
রাশৌ যদা চারবশাদুপৈতি |
আধানলগ্নাদথবা ত্রিকোণে রবৌ যদা জন্ম বদেন্নরাণাম্ || ৩১||
আধানল্গ্নাত্সুতভেশজন্ম
ভাগ্যেঽপি বা পুণ্যবশাচ্চ বাচ্যং |
আধনলগ্নে শুভদৃষ্টিযোগে
দীর্ঘযুরৈশ্বর্যযুতো নরঃ স্যাত্ || ৩২||
তত্কালেন্দুদ্বাদশাংশে মেষাত্তাবতি ভেঽপি বা |
তস্মাত্তাবতি ভে বাপি জন্মচন্দ্রং বদেদ্বুধঃ || ৩৩||
প্রশ্নাত্মজস্বীকরণোপনীতিকন্যাপ্রদানাভিনবার্তবেষু |
আধানকালেঽপি চ জন্মতুল্যং ফলং বদেঞ্জন্মবিলগ্নতশ্চ || ৩৪||